تطووووع؟

[شهر سبعة]

السلام عليكم خواتي واخواني

هذا اول مشاركه لي بالمنتدى وحبيت اسمع ارائكم وخبراتكم عن التطوع

انا ماعندي لاشغله ولا مشغله قلت اتطوع منها اخذ اجر ومنها اغير روتين حياتي

انا الحمدلله متخرجه من الثانويه وبنسبه عاليه لكن الله ماكتب لي اني اكمل جامعه بس درست فيها كم كورس وطلعت وان شاءالله راح اكمل دراستي بس مش احين

فا المهم حبيت اخذ رايكم عن التطوع , وخبراتكم وهل هي اتفيدني عقب ؟ ولا بس جي تعب ع الفاضي لان ماعندي خلفيه ااااابد

طبعا انا سألت اللي حولي وكل واحد قال رايه :secret::eek5:بس انتوا بعد رايكم يهمني
وشكررررررررا
اختكم
شهر سبعة

[شموخ دائم]

,

,

مرحبا

الله يعطيك العافيه

احييك على سعيك للاستفاده من الوقت المتاح

انا اعتقد الانسان من الواجب يطور من نفسه اول شي

على سبيل المثال اذا ضعيف باللغه ياخذ دورات حتى يسد هذا الضعف
واذا ممتازه في اللغه الانجليزيه ندرس لغه ثانيه
منها يشغل وقته ومنها يستفيد ويتميز واخذ دورات في الكمبيوتر
واخذ دورات في المهارات المكتبيه او اخذ دبلوم في تخصص معين يفيدك
في شغلك مستقبلا وحياتك بشكل عام وينمي مداركك
ويزيدك خبرات

بالتوفيق لك

,

,

اخوك


شموخ دائم

[barod]

مثل ما قال اخوي شموخ لو تاخذين كم دوره لغه انجليزيه او دورات بالكمبيوتر صدقيني بفيدج في كل مجال راح تدخلينه بالمستقبل واكيد التطوع بيعطيج خبره لكن ما عندي فكره عنه والله يوفقج

[ميلاف]

تقصدين تطوع في الجمعيات الخيريه او تطوع يعني مطوعه

[مسك روز]

اي والله انا بعد نفسج عندي وقت فراغ

وحابه اخذ فكره عن التطوع ..

بس انا جامعيه وتخصصي مايوظفني الا في مجال التدريس :rolleyes2:

ان شاءالله نلقى حد يفيدنا

[SOONALL]

انا رائي
بما ان معاك فرصه ممكن تزودين بالسي في مثال
لما تقدمين على وظيفه من الافضل يكون عندك اكثر من شهاده مثل برنامج الكمبيوتر icdl والشهاده حلوه واجد وبعد ممكن تشاركين في المركزالتطوعي ألي عند دوار العبيدلي بس نصيحتي مب بالتطوع بالمركز بس ممكن ترحين هناك وتسجلين عندهم في حالة وجود دورات رياضيه او اليوم الوطني او العاب تقيمها الدوله ان يتصلون فيك وانك على استعداد للتطوع في الدورات الرياضيه خلال اسبوع او اسبوعين ومنها بتأخذين شهادة تطوع وجائزه من الدوره ممكن تدفعين رسوم التسجيل في المركز حوالى 20 ريال وممكن تروحين الهلال الاحمر وتسجلين ببرنامج الاسيعافات الاوليه وتسألينهم انك تبين شهاده من المركز وكذا يكون عندك سي في قوي ومعاك شهدات وكل هذي الشهادات ترفع من وضيفتك ومعاشك بالمستقبل ولا تنسين الجامعه

[الجوكر90]

السلام عليكم
شوفي التطوع راح يفيدج
اذا انتي قدمتي ع وظيفه ووحده نفسج ونفس المؤهل بس بدون تطوع راح ياخذونج انتي
لان راح يقولون انج تحبين الشغل ونشيطه وماعندج مانع تطوعين لو الشغل احتاج منج هالشي

وراج تتعرفين ع ناس جداد
وراح تستفيدين خبرات
يعني وايد اشيا وخطوه حلوه
والى الامام
وبالتوفيق ان شاء الله

[شهر سبعة]

شموخ دائم
barod
مسك روز
soonall
الجوكر90

مشكورين ع المرور ماتقصرون و الله يوفقكم

ميلاف :s

[آنــه]

عن تجربه ترى انا من صغر متطوعة
في الهلال الأحمر القطري من يوم كان عمري
٦ او ٧ سنوات وكنت أشارك في الحفلات و حملات الإغاثة
شفت واجد وبعد من خلال المدرسة وبعد ما أنهيت الجامعة
توظفت ع طول وبعد ما توظفت ورديت أتطوع مع مركز قطر التطوعي
والتجمعات الشبابية مثل شبكة الطلبة القطريين واستفدت حتى
على النطاق الشخصي وتغير مسار التفكير والشخصية بعد
اتمنى أني أفدتج من خلال تجربتي

جربي النشاطات الشبابيه لان فيها او فرات وتستفيدين منها الدورات و تختلط ين بعقول ذات أفكار خصبه وتفكير عقلاني مميز ويفيد اكثر من ما يستفيد

جربي تختارين المكان الصح

[شهر سبعة]

آنــه

تسلمين ماتقصرين ويعطيج العافيه

[بوهلال]

بعد انا ابغي اتطوع متقاعد وماعندي شغله جالس في البيت

[eXpert*]

التطوع عملّ إنسانيّ ساميّ .

أنصح في جمعية قطر للعمل التطوعي ،، وطالما أنك فتاة أنصحك في مشروع سند التطوعي .

[الكاسب]

التطوع...مسموح به إلا في شهر سبعة!!!

[مخطط قطري]

يا اختي شهر 7 واخوي ابو هلال في مركز قطر التطوعي وبيفيدكم بشكل كبير وبصورة اوضح من المنتدى عليكم تتصلون عليهم وتاخذون فكرة عن مجالات التطوع وتاخذون دورات وعقب تمارسونها فعليا في اي مكان وانشالله تاخذون جائزة قطر للعمل التطوعي

[شهر سبعة]

بو هلال ان شاءالله فادوك اخوانا وخواتنا

اكسبرت يعطيك العافيه اخوي

الكاسب:s

مخطط قطري يعطيك اااااااااااالف عافيه

thanx all

[ألماسة]

أنصحج تدخلين دورات انجلش وكمبيوتر وتطوير الذات

ودورات ممكن تفيدج مستقبلا في المجال الوظيفي

أما من ناحية التطوع .... انصحج تروحين مركز موزة بنت محمد

او دار الانماء الاجتماعي.... او الهلال الأحمر.... او جامعه قطر ... او فيه بعض الجهات الحكومية والمؤسسات تستقبل متطوعين

بس نصيحه من أخت مجربه.... ماانصحج بمركز قطر التطوعي ^_^

وبالتوفيق عزيزتي

[£عبدالعزيز£]

تطوع عن تطوع يفرق

يعني مثلا انك تتطوع بعمل خيري او انساني مع احتساب الاجر عند الله سبحانه وتعالى

يختلف اختلاف كبير عن انه يكون اسمك متطوع في مكان مافيه الا الاختلاط اللي ماله داعي

..

والمشاركة في الدورات اللي منها فايدة ملموسة تفرق بكثير عن المشاركة في دورات

مدتها يومين يلقيها واحد جايب له بروجكتر ولا تسمن ولا تغني من جوع

..

والمشاركة في الانشطة المفيدة يفرق بكثير عن المشاركة في اجتماع بين مجموعة شباب

كل همهم انهم يبون يجتمعون عشان يقولون انهم اجتمعوا وكل اللي يدور بينهم كلام فاضي

..

فيعني اللي ابي اوصله لا يغرج التطبيل اللي تسمعينه عن التطوع والدورات ووووالخ في بعض الاماكن

الا لما تتاكدين منها

لانها صارت موضة الحين .. اي واحد ماعنده شغل يجيب بروجكتر ويسوي محاظرة على اللي لاحظته وسمعته

والنتيجة اختلاط ماله اي معنى وكلام فاضي

[ألماسة]

تطوع عن تطوع يفرق

يعني مثلا انك تتطوع بعمل خيري او انساني مع احتساب الاجر عند الله سبحانه وتعالى

يختلف اختلاف كبير عن انه يكون اسمك متطوع في مكان مافيه الا الاختلاط اللي ماله داعي

..

والمشاركة في الدورات اللي منها فايدة ملموسة تفرق بكثير عن المشاركة في دورات

مدتها يومين يلقيها واحد جايب له بروجكتر ولا تسمن ولا تغني من جوع

..

والمشاركة في الانشطة المفيدة يفرق بكثير عن المشاركة في اجتماع بين مجموعة شباب

كل همهم انهم يبون يجتمعون عشان يقولون انهم اجتمعوا وكل اللي يدور بينهم كلام فاضي

..

فيعني اللي ابي اوصله لا يغرج التطبيل اللي تسمعينه عن التطوع والدورات ووووالخ في بعض الاماكن

الا لما تتاكدين منها

لانها صارت موضة الحين .. اي واحد ماعنده شغل يجيب بروجكتر ويسوي محاظرة على اللي لاحظته وسمعته

والنتيجة اختلاط ماله اي معنى وكلام فاضي





بالضبــــط 100%

هــذا اللي أبي اوصله لج :)

[شهر سبعة]

الماسه

عبدالعزيز

تسلمووووون ع ردودكم الله يعطيكم العافيه كلامكم جميل