حصريا : اسعار اللكزس واللاندكروزر 2012 ( وكالة عبدالغني)

[السد]

اليكم قائمة الاسعار
اسعار اللكزس 2012


1- لكزس رقم 4

ستاندر رنجات 18
بدون رادار - بدون تشغيل عن بعد - بدون تيك على السكان والجير - تسع سماعات - شنطة خلفية مني ويل - بدون شفت لتغيير الجير العادي المني ويل على السكان
السعر 348 خصم 4000
السعر 344 الف ريال قطري

2- لكزس رقم 3

ستاندر نفس مواصفات رقم 4 فقط رنجات 20
351 خصم 4000
السعر 348 الف ريال قطري

3- لكزس رقم 2

فل اوبشن عكس المواصفات لرقم 4
رنجات 18 بالاضافة الى 19 سماعة
السعر 400 الف خصم 4000
السعر 396 الف ريال قطري

4- لكزس رقم 1
فل اوبشن عكس المواصفات لرقم 4
رنجات 20 بالاضافة الى 19 سماعة
السعر 403 الف خصم 4000
السعر 399 الف ريال قطري


_______________________________



اسعار اللاندكروزر

1- جي ستاندرد السعر 178 الف ريال قطري جير اتوماتيك
240 حصان

2- جي اكس gx
270 حصان
209 جير عادي
215 جير اتوماتيك

3- جي اكس آر gxr
304 حصان
238 الف ريال قطري

4- في اكس آر vxr
5.7 -- 362 حصان
مخمل 304 الف ريال قطري
جلد
315 الف ريال قطري

وبالتوفيق

[بنت سعادة السفير]

نرجع ونقول خلوها تصدي خلوها تخيس :anger1::anger1::anger1:

[Charisma]

شوف سعر السعودي والاماراتي عقب الخصم ..

والله ياوكالة التويوتا مالكم عذر بلا ين بلا صرف عمله وخرابيط هذي اعذارهم

[elders]

الله يوفقهم ويرزقهم من فضله

[أبو يووسف]

مشكور أخوي على التقرير المميز
والأسعار غالية

[qatara]

طيب التجاره اليست حره ومنافسه لدينا

اليس هناك تاجر اخر يحضر لنا سيارات تيوتا او اي نوع من السيارات
ما دام التجاره حره وليست حكرا على احد

؟

[الموضوعي]

غالي جداً ان شاء الله ينزل سعره

[فريج النجادة]

غالي جداً ان شاء الله ينزل سعره


خلوها تصدي

حتى تنزل الاسعار

[أبو عبدالعزيز]

كل شيء طار سعره أضعاف مضاعفة إلا السيارات!!
أتذكر قبل 10 سنين أو 15 سنة البعض كان يتندر بأن الـ vx الواقف قدام هذا البيت أغلى منه!! ويتساءل حينها: لماذا البعض يركز على سيارته بينما هو وأهله عايش في بيت شعبي صغير ثمنه لا يزيد على ثمن السيارة!! وسبحان مقلب الأحوال!!

[بازار]

من الامارات وصل من كم يوم لين باب البيت ٣٨٢ الف و ٢٧٥ ريال بالضبط

مع فايدة المعرض

[بازار]

كل شيء طار سعره أضعاف مضاعفة إلا السيارات!!
أتذكر قبل 10 سنين أو 15 سنة البعض كان يتندر بأن الـ vx الواقف قدام هذا البيت أغلى منه!! ويتساءل حينها: لماذا البعض يركز على سيارته بينما هو وأهله عايش في بيت شعبي صغير ثمنه لا يزيد على ثمن السيارة!! وسبحان مقلب الأحوال!!

اي والله ذكرتني بموقف صار لي من سنواااااات

كان معاي صديق اجنبي كافر امريكي ( ادعوله بالهداية )

المهم مرينا صوب فريج من فرجان الدوحة الا لمبرغيني داخل البيت المكسر من كل صوب

الامريكي استخف علي والله .. وشدت معاه الا ترجعني للبيت

رجعته ودق الجرس ووطلع له راعي السيارة

وقاله الامريكي : هذه سيارتك ؟
رد اخونا : اي نعم
قاله الامريكي : سؤال وياليت تجاوبني عليه بصراحة
رد القطري : اي تفضل
قاله الامريكي : كاش او اقساط ؟
رد القطري وهو يظحك : طبعا اقساط ههههههههه

ولازاد الامريكي كلمه معاه ورجع ركب السيارة وخلينا الاخ راعي السيارة ورانا

الين اليوم يذكرني بالموقف

[رآعي موآجيب]

اللي بيسويه الكروزر بيسويه اليوكن والتاهو

والفرق فوق الــ 100 الف انا اولى بها

وركبنا افخم السيارات وركبنا السيارات العاديه جدا ولا زاد فينا اصبع ولا طلع على ظهر احد سنامين

عليكم بالأمور المعقوله وتذكروا ان هالمواتر في الأخير حديد تعتق وتقدم

وين راح الـ في أكس أر سنة 1997 ابو خط عريض !!

كان مثل الكايين اليوم

وآخرته محد يعطيه فيس في الشارع

اشتروا المواتر الزينه اللي تجمل وتأدي الغرض بدون مبالغه

انا اقول هالكلام وانا ادري ان محد بيسمع الشور

لكن يعلم الله اني قلت اللي انا بنفسي سويته

[SULTAN1]

راعي المواجيب ،كلامك صحيح وبارك الله فيك ومتعك بحلالك

[بو الجوري]

والله نصب و اسعار خياليه :(
الله يرحم يوم خذت الجي اكس٢٠٠٢ اول ماشتغلت
كاااااش ب ١٢٠ الف :) فتحه و مكيفين وتوماتيك بعد هههههه


الصراحه التاهو الجديد عجيب واريح فالسواقه من الفكسار
وسعره اعتقد ١٨٠ فووول ابشن شاشه وديفيدي وكل شي وجلد بعد

[رآعي موآجيب]

راعي المواجيب ،كلامك صحيح وبارك الله فيك ومتعك بحلالك


جزاك الله خير ياسلطان وبارك فيك ومتعك بحلالك

بيض الله وجهك على هالكلام الزين :nice:

[ابوالكلام]

اللي بيسويه الكروزر بيسويه اليوكن والتاهو

والفرق فوق الــ 100 الف انا اولى بها

وركبنا افخم السيارات وركبنا السيارات العاديه جدا ولا زاد فينا اصبع ولا طلع على ظهر احد سنامين

عليكم بالأمور المعقوله وتذكروا ان هالمواتر في الأخير حديد تعتق وتقدم

وين راح الـ في أكس أر سنة 1997 ابو خط عريض !!

كان مثل الكايين اليوم

وآخرته محد يعطيه فيس في الشارع

اشتروا المواتر الزينه اللي تجمل وتأدي الغرض بدون مبالغه

انا اقول هالكلام وانا ادري ان محد بيسمع الشور

لكن يعلم الله اني قلت اللي انا بنفسي سويته


جزاك الله خير انا معاك

[السد]

للرفع

[الزجاجي]

عندك اسعار الكامري ؟

[فتى الجود]

السلام عليكم

تسلم اخوى السد

على مجهودك

[ابوعلي]

اللي بيسويه الكروزر بيسويه اليوكن والتاهو

والفرق فوق الــ 100 الف انا اولى بها

وركبنا افخم السيارات وركبنا السيارات العاديه جدا ولا زاد فينا اصبع ولا طلع على ظهر احد سنامين

عليكم بالأمور المعقوله وتذكروا ان هالمواتر في الأخير حديد تعتق وتقدم

وين راح الـ في أكس أر سنة 1997 ابو خط عريض !!

كان مثل الكايين اليوم

وآخرته محد يعطيه فيس في الشارع

اشتروا المواتر الزينه اللي تجمل وتأدي الغرض بدون مبالغه

انا اقول هالكلام وانا ادري ان محد بيسمع الشور

لكن يعلم الله اني قلت اللي انا بنفسي سويته


لو الناس يطبقون هالكلام كان ما شفنا هالاسعار


بيض الله وجهك اخوي على الكلام الطيب والحمدلله مقتنع بنفس قناعتك

[نجدي قطري]

والله ودّي بلكزس، بس أخاف من التبذير.
السعر مبالغ فيه.

[ماجد]

ارقام فلكية بصراحة

خلوهـــــــــــــــــا تصـــــــــــــــــدي

[q6ryah]

غالي شعبالهم فلوسنا لاقيتها بالشارع
اخوي راعي المواجيب أنا معاك كنت بشتري تاهو لكن مشكلة الامريكي مايعمر مثل الياباني والتيوتا
عالاقل الكروزر ليبعد معاك عشر سنين اخر حلاوة ولين جيت تبيعه بيجيب مبلغ زين

[حمد بن سعد]

لكزس 400 الف


اشتريلي مرسدس 350 اس 2012 اكشخ كفايه انه الماني مهب ياباني

[قطــ86ــر]

لكزس 400 الف


اشتريلي مرسدس 350 اس 2012 اكشخ كفايه انه الماني مهب ياباني

و ارخص بــ100 ألف ريال تقريبا


اس 350 - 315,000 ريال
اس 350 كت اي ام جي - 335,000 ريال

:)

[رآعي موآجيب]

جزاك الله خير انا معاك


جزاك الله بمثله :nice:



لو الناس يطبقون هالكلام كان ما شفنا هالاسعار


بيض الله وجهك اخوي على الكلام الطيب والحمدلله مقتنع بنفس قناعتك


و وجهك يا ابو علي ، خذيت امريكي من 7 شهور مواصفات توب بقيمة جي ستاندر !!
والمواصفات اكثر من مواصفات الجي اكس ار !

ومنيب متحسف و لله الحمد ولا احد قال افااااا ليش مب راكب كروزر :omen2:



غالي شعبالهم فلوسنا لاقيتها بالشارع
اخوي راعي المواجيب أنا معاك كنت بشتري تاهو لكن مشكلة الامريكي مايعمر مثل الياباني والتيوتا
عالاقل الكروزر ليبعد معاك عشر سنين اخر حلاوة ولين جيت تبيعه بيجيب مبلغ زين


شوف وانا اخوك ، إذا انت مب راعي مطامر اخذه وتوكل بالله

تراني راعي رحلات وبر وسفر ، لكن ماعندي سوالف المطامر

صدقني انه ابرك واقوى من الكروزر وانا راعي كروزرات من سنين

وبالنسبه للسعر ابغيك تركز معي شوي فديت خشمك

تراني مارديت إلا علشان اوضح هالنقطه مع احترامي للجميع

شوف طال عمرك

يقولون السوق يفرض نفسه ، والتويوتا ماكل الجو وسعره فيه

هالكلام اكل عليه الدهر وشرب

الحين كل السيارات تمسك اسعارها إلا بعض الأنواع الغير مرغوب بها في السوق القطري ، وبعد تنباع غاليه وتتصدر

هذي مقارنه وحسبه بسيطه

في اكس أر موديل 2007 و يوكن دينالي 2007

الفي اكس ار كان سعره 200000 الف / والدينالي كان سعره 180000

وبعد مرور 5 سنوات

الفي اكس ار موديل 2007 اللي حالته زينه يسوى في السوق حوالي 120 الف

يعني نزل من سعره حول 80 الف

طيب نشوف اليوكن

اليوكن دينالي موديل 2007 حالته زينه يسوى في السوق 100 الف

يعني نزل من سعره 80 الف نفس الفي اكس ار :)
أدخل هنا وتأكد من كلامي (http://www.qatarsale.com/mycar_a.aspx?carid=66403)

شفت طال عمرك :nice:

كلام الثمانينات والتسعينيات انساااااه


الأمريكي فرض نفسه مع باقي المواتر وقام يمسك سعره

وفي المقابل

هو ارخص وهو خدمته ازين وهو سواقته احلى وهو اوسع وهو اقوى وهو اريف وهو اقل صرفية بترول وهو اللي قطع غياره الأستهلاكيه تعمر

و الله مافيه مقارنه ابد إلا بالثلاجه اللي مب راضين يركبونه على الأمريكي :(

في الآخير الناس اذواق وقناعات

وإلا الود ودي ما اركب إلا بنميرا :tease:

[سهم عتيج]

غالي شعبالهم فلوسنا لاقيتها بالشارع
اخوي راعي المواجيب أنا معاك كنت بشتري تاهو لكن مشكلة الامريكي مايعمر مثل الياباني والتيوتا
عالاقل الكروزر ليبعد معاك عشر سنين اخر حلاوة ولين جيت تبيعه بيجيب مبلغ زين

بالعكس التاهو اقوى وقطع غياره ارخص واحسن بوايدوحق الخطوط والسفر من تجربة اختي

شريت تاهو سنة 2007 وسافرت فيه وايد وتوني السنة مغير له البطارية والتواير

وسويت له سيرفس كامل بعد 5 سنوات ب 2800 ريال شامل تغيير البطارية والتواير كلفني الواحد 675 ريال ب 2700 للاربع

اعتقد المقارنة ظالمة للاسف لا في السعر ولا في المتانة
وعلى فكرة التاهو لسنتين متتاليتين تفوز بافضل سيارة للدفع الرباعي

وشوفي اغلب الوفيات اللي تنتج عن حوادث في قطر. اغلبها بسبب اللاند كروزر اللي السيفتي لك عليه من المصنع والدليل انه تم سحب كميات كبيرة من التويوتا في انحاء العالم باستثناء قطر بسبب الامان

وحتى وكالة التيوتا في قطر تسوي حركات عشان تاثر على الشباب بان مافي حجوزاتةعشان تعطي انطباع بان السيارة عليها طلب غير طبيعي وكلنا نتذكر قبل سنتين يوم سوت نفس الحركة وللاسف قامت واتفقت مع المعارض بانها تبيع الحجوزات عليها عشان ترفع سعر السيارة

وشبابنا الله يهداهم ورى الكروزر وراه حتى لو وصل سعره مليون *

[بو خليفه 123]

الله يرحم اللمتد ال 97
خذه الوالد اول مانزل ب 147 الف
و ثاني يوم دعمت فيه بعرس واحد هههه


بصراحه كلام الاخوان مقنع جداً
وش الي يحدني على الكروزر او اللكزس اذا هناك سيارات منافسه و تقدم خدمات افضل من ناحية الضمان والسيرفس كونتراكت


بس حطوا بعين الاعتبار نقطه واحده و اعطيكم مثال حي :

اللكزس ال 2012 ولد عمتي شاريها من اسبوعين ب 400 الف جاه واحد دفع له 450 الف قال له بشتريه منك

قبله ب 3 شهور واحد من ربعنا شاري الاودي 2012 يوم عرضها للبيع جابت له سعر اقل حتى استحي اقوله رغم انه عنده عقد سيرفس كونتراكت و خدمات مجانيه اكثر من اللكزس و شكلها احلى بواجد

*

[شجاع]

خلوها تصدي

[سهم عتيج]

الله يرحم اللمتد ال 97
خذه الوالد اول مانزل ب 147 الف
و ثاني يوم دعمت فيه بعرس واحد هههه


بصراحه كلام الاخوان مقنع جداً
وش الي يحدني على الكروزر او اللكزس اذا هناك سيارات منافسه و تقدم خدمات افضل من ناحية الضمان والسيرفس كونتراكت


بس حطوا بعين الاعتبار نقطه واحده و اعطيكم مثال حي :

اللكزس ال 2012 ولد عمتي شاريها من اسبوعين ب 400 الف جاه واحد دفع له 450 الف قال له بشتريه منك

قبله ب 3 شهور واحد من ربعنا شاري الاودي 2012 يوم عرضها للبيع جابت له سعر اقل حتى استحي اقوله رغم انه عنده عقد سيرفس كونتراكت و خدمات مجانيه اكثر من اللكزس و شكلها احلى بواجد

*

اسمح لي اخوي بو خليفة اقول لك ان هالنغمة اللي تلعب عليها وكالة التيوتا بشكل غير مباشر

شخصيا اذا باحط 400 الف في سيارة وحاط في بالي اني بابيعها عقب اسبوعين،، افضل لي اني أستأجر سيارة فخمة لين اشبع منها وبيطلع لي احسن بوايد من اني اشتريها

اذا ماصار عندنا استراتيجية ان السيارة لازم اتم 5 سنوات من تاريخ الشراء فالافضل الاتجاه للاستئجار افضل في هذه الحالة

لانه في العرف المحاسبي فالسيارة يتم استهلاكها على مدى 5 سنوات

وشخصيا هذي استراتيجيتي اللي ماشي عليها من زمان والحمدلله احس ان السيارة هي اللي تخدمني مش انه اخدمها

[السد]

نتمنى من الاخوة المشرفين
نقل الموضوع الى قسم السيارات

[بو خليفه 123]

اسمح لي اخوي بو خليفة اقول لك ان هالنغمة اللي تلعب عليها وكالة التيوتا بشكل غير مباشر

شخصيا اذا باحط 400 الف في سيارة وحاط في بالي اني بابيعها عقب اسبوعين،، افضل لي اني أستأجر سيارة فخمة لين اشبع منها وبيطلع لي احسن بوايد من اني اشتريها

اذا ماصار عندنا استراتيجية ان السيارة لازم اتم 5 سنوات من تاريخ الشراء فالافضل الاتجاه للاستئجار افضل في هذه الحالة

لانه في العرف المحاسبي فالسيارة يتم استهلاكها على مدى 5 سنوات

وشخصيا هذي استراتيجيتي اللي ماشي عليها من زمان والحمدلله احس ان السيارة هي اللي تخدمني مش انه اخدمها



فكرة الايجار حلوه

لكن اذا بتجي تطبقها اخوي سهم تراها مكلفه من اقتناء "فيراري"

الايجار للسيارات الفخمه شهرياً لا يقل عن 30 ألف و أنا اكلمك بحم تجربه يوم رحت دوره لـ دبي لمدة شهر .. لكن النقطه الايجابيه هي انك تدفع بترول و تغسل السياره فقط و يوم طلع لي مؤشر تشييك السياره كلمتهم و ارسلوا لي سياره بديله .


لكن في ارض الواقع في بلادك و مكان أنت عايش فيه لا بد انك تقتني سياره رغم مصاريفها و تشييكها و تأمينها بتطلع ارخص من الايجار .. و السياره بأسمك في نهاية المطاف .

[السد]

للرفع

[طلعة الروح]

لاحظت انه ماعندهم ( تست درايف) بالوكالة
ويوم سألتهم قالوا بيطبقون الموضوع عقب فترة

[almaf1a]

اوعزاه يالنيسان ابو 400 حصان رهيب مقارنة باسعار اللكزس

[khalid.qtr]

مشكور أخوي

[ناعس الاهداب]

مايضحكني الا شي واحد
الكل مب عاجبه والكل يشتري
لاتشترون والاسعار بتنزل
قاعدين تدفعون لهم وتقولون غالي

[boalia]

حماية المستهلك علي وعليك فقط
مش على شركة عبدالغني تويوتا
من انتم

[مخطط قطري]

موضوعك غلط يالسد من ساسه لين راسه مادري من وين جبت هلالاسعار ؟
بعدين قطر مافيها الا نوع 1 بس مافيه لكزس رقم 5 او 4

[Falcon7]

طيب هل في امكانيه احد يعمل مقارنة اسعار بين دول الخليج
حتى نعرف ما هو الفرق

[طلعة الروح]

اليكم قائمة الاسعار
اسعار اللكزس 2012


3- لكزس رقم 2

فل اوبشن عكس المواصفات لرقم 4
رنجات 18 بالاضافة الى 19 سماعة
السعر 400 الف خصم 4000
السعر 396 الف ريال قطري

4- لكزس رقم 1
فل اوبشن عكس المواصفات لرقم 4
رنجات 20 بالاضافة الى 19 سماعة
السعر 403 الف خصم 4000
السعر 399 الف ريال قطري




ياليت يدخل علينا خبير اقتصادي ويشرح لنا ليش سعر اللكزس فوريل ب 400 الف

[بوجاسم566]

ياليت يدخل علينا خبير اقتصادي ويشرح لنا ليش سعر اللكزس فوريل ب 400 الف

لانة ياباني و شيـك في المخبة :secret::secret::secret::secret::secret:

[JCJJJ]

[
CENTER]السلام عليكم ورحمة الله وبركاته :شوف سعر الكزس 2013 في امريكا بسعر81الف دولار يعني بالريال:296الف ريال:rolleyes2:

اليكم هذا الرابط ولكم الحكم:omg:http://www.lexus.com/configurator/#/colors/?zip=45219&group=LX[/CENTER]

[مهره]

اعرف ناس من الامارات راحو يشوفون الأسعار عندنا وبصراحة انصدموا قالو الأسعار مبالغ فيها جداً توقعنا في الامارات أغلي طلع العكس

[العابــرQAT]

[
center]السلام عليكم ورحمة الله وبركاته :شوف سعر الكزس 2013 في امريكا بسعر81الف دولار يعني بالريال:296الف ريال:rolleyes2:

اليكم هذا الرابط ولكم الحكم:omg:http://www.lexus.com/configurator/#/colors/?zip=45219&group=lx[/center]



يالربع سؤال يصير انجيب vxr 2012 من امريكا ولا ممنوع

وكم سعر الجديد عندهم مع الشحن اذا حد عندة خبرة

[الالماس2005]

في قطر بس ..هالاسعار ..انا اقترح اللي يبي سياره وياخذها برخص يروح للامارات ابرك له ويصدرها..

[CH Engineer]

الفكسار 2012 ماله حل
لو ينزلون لي بالسعر باخذ من عندهم

[طلعة الروح]

طبيعي بأمريكا أرخص لانه ماعليها اقبال والناس مب متخرعه على هالمواتر هناك

[M!$s ĀŁ!eN]

الاسعااار ..

[رحال]

خلها تصدي وتطيح بجبدهم

[السد]

خلها تصدي وتطيح بجبدهم

بن عمك اصمخ
وقفوا الحجز الوكالة !!

[KSK Logistic]

اللي بيسويه الكروزر بيسويه اليوكن والتاهو

والفرق فوق الــ 100 الف انا اولى بها

وركبنا افخم السيارات وركبنا السيارات العاديه جدا ولا زاد فينا اصبع ولا طلع على ظهر احد سنامين

عليكم بالأمور المعقوله وتذكروا ان هالمواتر في الأخير حديد تعتق وتقدم

وين راح الـ في أكس أر سنة 1997 ابو خط عريض !!

كان مثل الكايين اليوم

وآخرته محد يعطيه فيس في الشارع

اشتروا المواتر الزينه اللي تجمل وتأدي الغرض بدون مبالغه

انا اقول هالكلام وانا ادري ان محد بيسمع الشور

لكن يعلم الله اني قلت اللي انا بنفسي سويته


واللة انك صاج