مطلوب طلاب قطريين وقطريات

[KHALID1]

ممن انتهوا من شهادة البكالريوس ولايقل معدلاتهم عن جيد جدا للابتعاث لانهاء الماجستير والدكتوراه.

الرجاء الابتعاث للقطريين والقطريات فقط.

[ريتويت]

انزين والدبلوم؟؟

[khaldoon]

بالتوفيق ان شاء الله

[STAR]

طريقة التواصل لو سمحت ؟!
والتفاصيل ...

[ANONYMOUS]

تبون موظفين او عواطليه ؟

[سهم قطر]

تبع اي جهة
ياليت تحط التفاصيل

[الدوحه1]

ممن انتهوا من شهادة البكالريوس ولايقل معدلاتهم عن جيد جدا للابتعاث لانهاء الماجستير والدكتوراه.

الرجاء الابتعاث للقطريين والقطريات فقط.

ليش الجهه الطالبه ماتنزل اعلان في الجرايد.. او ممكن تطلب قائمه باسماء القطريين الجامعيين الحاصلين على البكالريوس من المجلس الاعلى للتعليم وتختار الاشخاص المناسبين وتراسلهم؟؟؟

اكيد الجهه جامعة قطر او قطر فاونديشن لان الدراسات العليا(الماجستير والدكتوراه) مب مطلوبه الا للعمل في الجامعات.!!!
الافضل ان محد يطرش اوراقه لاي جهه مجهوله!!
مع تحياتي

[ahmaaaddd]

بالتوفيق ان شاء الله

[D0ha]

اسلوب غريب!
اي جهة تتحمل تكاليف الطلاب القطريين للدراسات العليا ....تستطيع تحمل تكاليف اعلان في الجرائد الرسمية....

[سهم قطر]

ياليت الاداره تحذف هالمواضيع المبهمه والغريبه

[KHALID1]

المطلوب قطريين او قطريات حملة البكالريوس في الهندسة بمعدلات لاتقل عن جيد جدا وليس لديهم وظيفة .
وما في داعي للخوف يا جماعة والتواصل عن طريق ارسال رسالة خاصة برقم الهاتف للتواصل والمقابلة.
واللي ما يبغي يرسل اوراقه مش مشكلة بس لازم نقابله اولا وبعدين الدراسة ستكون في بريطانيا والجهة اللي طالبتهم جهة وطنية معروفة وسوف تحصلون على كل المعلومات في المقابلة الشخصية .

[KHALID1]

ليست مبهمة !!!!!!!!!!!!!!!!!!!!!!!!! ولا غريبة !!!!!!!!!!!!!!!!!!!!!!!!!!

[الخزرجي قطر]

بالتوفيق ان شاالله

[استغفرالله]

وهل هذه الجهة قطر فاونديشن

[KHALID1]

الرجاء ارسال رقمك للتواصل .

[إينشتاين]

هل المطلوب تخصصات هندسية فقط ؟

[sweet qatar]

أشكرك اخوي على طرحك للموضوع وان شالله الأخوان يستفيدون منه..

وللمشككين أقول احيانا تحصل لبعض الموظفين فرصة لمساعدة من يستحق المساعدة..

وللاسف مثل هالفرص كانت تروح للاهل والربع ومعارف الموظفين القائمين على مثل هالامور..

من جهة اخرى ايش بتستفيدون من الاعلان اذا كان مثل الاعلان الي نزل في كل الجرايد بشكل يومي .. جزاه الله خير لاجئ حطه في احد المواضيع..

راسلتهم اسالهم بس ابي اعرف الجهة قبل لا اقدم ولا حياة لمن تنادي..!!!

لا تخافون لان اول شي بتكون في مقابلة قبل تقديم الاوراق.. يعني الموضوع ان شالله جدي.. مب صوري

صاحب الموضوع اسال الله يوفقكم.. ويجزيكم الخير كله

والسموحه شطحت شوي في الرد..

[المهندس عبدالعزيز]

المطلوب قطريين او قطريات حملة البكالريوس في الهندسة بمعدلات لاتقل عن جيد جدا وليس لديهم وظيفة .
.

وهل تعتقد بوجود قطريين لديهم البكالريوس في الهندسة بمعدلات لاتقل عن جيد جدا وليس لديهم وظيفة.

[finance]

ليش الجهة مبهمة ؟

[الدوحه1]

وهل تعتقد بوجود قطريين لديهم البكالريوس في الهندسة بمعدلات لاتقل عن جيد جدا وليس لديهم وظيفة.

نعم موجودين وبعضهم حاصل على الدكتوراه !!! مركونين على البند المركزي ( عماله فائضه) ؟؟؟؟

[STAR]

امممم الحين بس خريجي تخصص هندسة بس ؟!!

بس اعلان سويت قطر يقول يبون ثانوية حتى ..!!

[sweet qatar]

بس اعلان سويت قطر يقول يبون ثانوية حتى ..!!




الاعلان ماله علاقة بموضوع الاخ خالد.. ما قريتي ردي كامل..؟؟!!

انا تضايقت من بعض الردود الي شككت في نوايا صاحب الموضوع..

[خليفـة]

مثل هذا الاعلان وغيره من الاعلانات والشروط المطلوبة
يذكرني في لوحه في أحد المحلات قريتها في دولة عربية
مكتوب :
ممنوع الدين الا لمن عمره فوق الـ 70 سنة
بشرط .. احضار ولي أمره معه
:)

يعني بالعربي يطلبون شروط صعبه او شبه مستحيلة

خليفــة

[£عبدالعزيز£]

الله يوفقكم ويوفق الجميع

بس ممكن اعرف شبيصير لو ذكرت اسم الجهة اللي تبي تبعث طلاب ؟

[Right]

أنا أقول يا جماعة الخير تصالحوا :nice:

[قطرية فله]

بالتوفيق للجميع

[STAR]

الاعلان ماله علاقة بموضوع الاخ خالد.. ما قريتي ردي كامل..؟؟!!

انا تضايقت من بعض الردود الي شككت في نوايا صاحب الموضوع..

انزين .. لا تهاوشيني. :(

[sweet qatar]

انزين .. لا تهاوشيني. :(

الله يهداج.. تروعت من شفت ردج..

شككتيني بالي كتبته.. :weeping: