البساطه في الحياه (خاص)

[الوجبه]

بسم الله الرحمن الرحيم

http://a3.sphotos.ak.fbcdn.net/hphotos-ak-snc7/424148_126583247467269_100003467838994_103577_1814 812496_n.jpg

بالامس كنت قريب من حدود بعض الدول الافريقيه (المهم) ..

وانا اتجول بين القرى القديمه وقفت عند هذي البنت .. والله يااخوان البنت صغيره جدا

لكن الحياه علمتها الكثير .. ,, ... شفت نفس تاريخ قطر في الستينات والسبعينات ..

نفس الحياه

والنفس

والطيبه

الحياه بسيطه جدا .. وكل هذي القرى مسلمه موحده بالله سبحانه ..

وين ما اتروح تقابلك الابتسامه منهم ..

http://a3.sphotos.ak.fbcdn.net/hphotos-ak-snc7/s320x320/428315_126903750768552_100003467838994_105098_1500 015329_n.jpg

هذا الولد ايضا .. شوف الحياه كيف اتعلم .. الاعتماد على النفس واللياقه والصحه ..الشهامه والكرم ..

لا حقد ولا حسد ..

تشوف القريه من الجو .. كنها منازل قوم عاد او ثمود او غيرها من المنازل الهالكه ..

لكن تدخل للقريه .. تستغرب انها عامره بالخير .. من طعام شفته عندهم

كثير .. من لحوم وفواكه وحليب والالبان ..

سبحان من يوزع الارزاق ..

والله العظيم .. نزلت عندهم وجلست معاهم .. طفل عطيته مبلغ بسيط ..رفض يستلمه ..

..

المال يااخوان مش كل حاجه ولا هي اساس الحياه .. لو عندك مال بسيط او كثير ..

كلها اختبارات لحكمه عند ربك ..

كبير القبيله :

يقول عندنا (كبيرنا) مسئول عنا هنا .. نحل مشاكلنا بنفسنا بدون تدخل اي شخص غريب عنا .. اذا مرض شخص كلنا نتكاتف في علاجه .. الزواج كلنا نحضر ونفرح لزواجه ..

قلت له ما تخافون من المدنيه ودخولها عليكم .. قال لو نبغي المدنيه كان تركنا قرانا من زمان ..

لكن من طلع من داره قل مقداره .. وهذي دارنا مستحيل نخرج منها ..

تركت القريه وانا اتمنى تستمر بنفس الحياه ولا يدخل عليهم احد باسم (التطور) او (المدنيه)

او غيرها من المسميات .. تركتها وانا اتذكر الحياه في قطر الخمسينات والستينات كم

سمعت .

[روح الاطلس]

قمة السعادة في قمة البساطة :)

[عقد اللآلي]

كم نفتقد مثل هذه الحياة البسيطة والصحيحة في مجتمعاتنا الآن ، وهذا مؤسف كثيرا . جزاك الله خيرا أخي على موضوعك .

[ريم الشمال]

حركة المياه الراكده ... الله يجزيك خيرا
الباب على الباب والجار ما يرضى على حرمة جاره تنداس ولا يرضى يتكلم في أمر يخص جاره الا بالخير
باب الجار مفتوح لا تصدق أن الجيران يطلون او يكشفون حرمة الجيره والوقت الحالي تطاول البنيان ودرايش الجيران تكشف بيتك هذا اذا ما عيونهم كل في بيت جارهم
القلوب النظيفه الجارة تحتاج جارتها تطلبها بدون تكلف لانها اختها
الله يسقي ذيك الايام لحقنا على تواليها بس شعرنا بها ونتمنى أن تتواجد هذه الايام

ريم الشمال

[alfahad1]

مشاءالله عليك اخوي

اتمنى ان اكون معك في هذه الرحله

[barod]

الوجبه طلعت شايب مثلنا دام لحقت على الستينات .. والله انك صادق يازين ذيك الايام راحت ولا عادها براجعه النفوس تغيرت

[غزلان]

((الحياه البسيطه انتهت بزمن جدي وجدتي لم نعيشها حل محلها حياة التكلفه والتكلف في كل امور الحياه حتى اصبحت كالجبل نرى البساطه لكن لانستطيع الوصل اليها عقدناها وتحملنا مجبرين ثمن هالشي))

[Dawn]

من افضل المواضيع التي قرأتها اليوم في المنتدى

شيخ القبيله يقول :" من طلع من داره قل مقداره .. وهذي دارنا مستحيل نخرج منها .. "

هالكلام يدل على انسان أصيل ،، ما يراكض ورا الفلوس ،، وربي رازقه هو واهله لهذا السبب ..

مثل اجدادنا اللي عاصروا فترات صعبه في الصحراء والفقر .. كان ممكن يروحون لبلدان حالها افضل مثل فارس او العراق او الشام مثلا ... ولكن ايمانهم بالله خلاهم يتمسكون بارضهم يبحثون عن رزقهم فيها رغم صعوبة وقسوة الحياة ...

وتمر السنين من المعاناة والمعيشه الصعبه ...

وبعدها ..

يرزقهم الله سبحانه وتعالى ويعطيهم على قد نيتهم الطيبه .... ويظهر الذهب الاسود .... اللي يقلب كل الموازين

بعد ان كان الخليجيين شعب لا يتطلع اليه احد من الدول المجاوره المرتاحه ماديا ، بسبب ضيق الحال ، اصبحوا مركز اهتمام الجميع ... بعد الغنى والرزق الذي من به الله سبحانه عليهم ..

ونتج عن ذلك وجود المتطفلين من الـ ( الدول المتطورة ) والذين " تكرموا " علينا ووفدوا الى بلدنا من اجل المساهمة في " تطوير " قطر ،،، فبدأنا نرى سلبيات في هذا التطور وأصبحنا في صراع بين المدنيه والحداثه والتمسك بقبليتنا وعاداتنا المستمده من ديننا الاسلامي

حياتنا البسيطه اصبحت معقده .. ومتناقضه في كثير من الاحيان ...

في نظري لا يوجد أكثرحضارة ورقي من النظام القبلي والذي كان متبع قبل ايام التأثر بمفهوم الديمقراطيه ،، نظام القبيله كان قائم على الشورى ... وكان يهتم بكل فرد ويعتبره مهما لانه جزء لا يتجزأ من الجماعة ... نظام سنفتقده في يوم من الايام ... وسنترحم عليه ..

[sweet qatar]

الله يسعدهم ويديم عليهم الرضا والقناعة..

نمط الحياة هذا تلقاه في قطر بس خارج حدود مدينة الدوحة وضواحيها..

يعطيك العافيه اخوي..

[مستجدة]

قمة السعادة في قمة البساطة :)

:nice:

[khaldoon]

جزاك الله كل خير اخوي العزيز الوجبة على هذا الموضوع المميز

وين هالغيبه يا اخوي ما تبين من فترة طويلة جدا

[جرح الزمان]

كانت بسيطه ... وحلوه

للأسف عقدناها بأيدينا

جزاك الله خير أخوي الوجبة

[ahmaaaddd]

الله يرحم أيام زمان أذكر في ايام تنقطع الكهرب والجو حاااااااااااار نطلع على السطح واذا جارنا شفنا نزل وترك هله واعياله مايبي يكشف أحد من هلي .وابوي كان يسوي نفس الشي وحنا الياهال نستانس على التجمع الليلي وفي الآخر يصير سطح عليه الرجاجيل وسطح ثاني حق الحريم .
ماأسعد هذيك الأيام

[love1972]

من صفات الرسول صلى الله على اله وصحبه وسلم

وصفات ال البيت والصحابه والتابعين

البساطه والتواضع وحسن الخلق والقناعه

"" اللهم اجعلني في عيني صغيراً وفي أعين الناس كبيرا ""

[OTOsan]

البساطه البساطه ..
ياعيني عالبساطة ..الخ الخ ..


يعطيك العافيه يالوجبه ،،