استفسار عن تبديل الارض

[البحار00]

إخواني

عندي ارض في روضه الحمامه هبه من الدوله

وعمي عنده بعد ارض هبه في نفس المنطقه بالأحرى في نفس البلوك


واستفساري أنا ابي ابدل معاه بحيث انه ياخذ ارضي وانا أخذ ارضه

ياترى وين نروح بالضبط ؟؟ وعند من ؟؟؟

ووشنهي الشروط علشان يصير نقل الأسامي وتبديل الاراضي


أسف على الاطاله

[R 7 A L]

اعتقد والله أعلم أن الموضوع بسيط


تروح للتخطيط العمراني الدور الخامس على ما اعتقد فيه ثلاث اشخاص
يالمهندي او المري او الهاجري
هم المسئولين عن هالامور
حاول تروح غير يومين الاثنين والخميس لانها للمراجعين الجدد

وشكراً

[فتى الجود]

السلام عليكم


على خبرى بدلنا ارض في الــ 2009


اولا شي :


تراجعهم في :

التخطيط العمراني - مشاهد الستى سنتر - بجانب اشغال .



ثانياً :


تاخذ معاك سندات الملكية للأرضيين + وبطاقاتكم الشخصية الأصلية .



ثالثاً :


تقدم في الأستقبال وهم بيرفعونها للدور الخامس
عند المهندى
هو المسؤل عن المناطق الشمالية

ملاحظة :

اعتقد عندهم دوام من 5 الى 7 المغرب يومي الاثنين والاربعاء .

ممكن تستفر منهم :

44348888

44348070

44266666



أعتقد


بيطلبون منكم افادة من الاسكان الشعبي اللى مشاهد محطة طالب الخوري بالمنتزة

ان الاراضي ماعليها بنيان .

وبتكتبون تعهدات بعدم تبديل الاراضي مرة ثانية

وبس عقب اسبوع بيقلون لكم راجــعــــــــوا :


وزارة العدل - قسم التوثيق العقاري

لأستلام السندات الجديدة


وان شاء الله مبروكين

[Right]

عادي يصير تبديل الأراضي ... ما قصر أخوي " فنى الجود " كفى و وفى



" روضة الحمامة "



من أهم وأحدث وأروع المناطق الجديدة ولها مستقبل زاهر



شفت مخططها بالكامل ... لذلك لا تفرط فيها أبداً



أنا وأخوي عندنا أراضي فيها ... وإن شاء الله بــ نبني هالسنة فيها



بالتوفيق إن شاء الله يا أخوي " البحار "

[البحار00]

جزاكم الله خير جميع

وانا ان شاء الله بعد ناوي على البنيان السنه متى ما الله كتب بس اخلص أموري

وأتوكل على الله

[حقيقه]

موفق ان شاءالله