تحذير من البيئه بخصوص الحنه السودة والملونة >>!!!

[لاجئ عاطفي]

هذا الاعلان نشر اليوم بجريدة الراية وفيه تحذير من الحنة السودة والملونه حبيت انشره لكم عشان تاخذون الحذر وهذا اعلان من جهة حكومية يعني اذا الحنه السودة مالها اضرار ماكانوا حذروا الناس منها فايريت الكل يحاسب ..
اللهم قد بلغت اللهم فشهد ..

http://im28.gulfup.com/2012-03-04/1330835294831.png

[لمعة الالماس]

جزاك الله خير

[راشد محمد]

يعطيك العافية على نقل الخبر

[أبو عبدالعزيز]

أستغرب من اقتصار التحذير أو التنبيه على الصالونات النسائية!! بينما هي مستعملة في الصالونات الرجالية أيضا!!

[حصه20007]

والله في صاالونات بالخشششششششششششششششششش

[ضوى]

حتى الحنا السودا وصلت للرجال؟؟؟

ماخلوا شي للحريم

عموما هالتحذير من سنين وبنين نقوله للبيئة وتوها اكتشفت الضرر الحاصل بعد ورود شكاوي كثيرة من التضرر الحاصل من استخدام هذه الحنا

[سـهـم دايـخ]

التحذير اليوم.. وتنفيذ المضمون بتاريخ 1/6/2012م :eek5: .. كله لعيون التجار عشان يصرفون اللي بالمخازن .. :victory:

لجل عين تكرم مدينة

[doha2012]

جزاك الله خير


رغم التحذير ماهتموا الاناث وللحين يستخدمونه للحنا ولصبغ الحواجب


اشفيه الميسو :secret:

[qatari 111]

في محل فاللاند مارك يبيع حنا سودا وملونه بس يقول طبيعيه شكلي ببلغ عليه

جزاك الله الف خير على نقل الخبر

[تحداني]

كلت قلبي بنت أخوي الا تبي هالحنه
والله ما خليت صالون الا رحت له .. وكله يقولون لي ما عندنا
قبل العيد رحت مدرسه من مدارس البنات الثانويه شفت وحده حاطه .. قلت لها من وين ؟؟
قال جارتنا سودانيه اتحط للناس في البيت وتترزق وعليه

يوم رحت لها عشان اخذ من عندها
قالت والله ما احط فيها اي مواد صناعيه .. ولا اي مواد كيميائيه
قلت لها عيل ليش امنعوه .. اتقول لان في ناس ما ايخافون الله يبيعونه على الصالونات وهو ضار .. وبالفعل لما تنحط عليه اشيا تصير ضاره



هم بعض البنات يحطونه على اساس ان يشبه التاتو جذي سمعت من اليهال



جملكم الله برضاه

[Travel Q6r]

اعرف وحده صادتها حساسيه والتهاب بالجلد عقب ماشلت الحنا
الحمدله انا ماجربتها ولابجربها

[روح الاطلس]

انا جربتها قبل شهر وحده سودانيه سوتها لي والله يشهد سألتها قبل لا تحطها لي هل هي حنه مخلوطه بمواد قالت لي لا مش حنه بالاساس هذي عباره عن مواد ملونه كلها مواد كيميائيه مع ذلك خليتها تسوي لي .. كنت احس يدي نار مولعه لين جفت وتقشرت وهي بعدها تحرقني بعد ماغسلتها وراحت الحنه بعد اسبوع اكتشفت ان في يدي حروق :( بس الحمدلله حروق بسيطه ..لكن توبه اجربها مرة ثانيه

[شهر سبعة]

هو ضار بس جسم عن جسم يختلف
يعني بعضهم يتحسسون منه
يعني مثل هالصوره استخدمت الحنا السودا
http://cdn-wac.emaratalyoum.com/polopoly_fs/1.110275.1271578935!/image/3574544987.jpg

[بصمة قطرية]

خطرة وايد وايد و للأسف للحين البنات يحطونها ..
على كثر ما نشوف من بلاوي ما يهتمون و يجربونها
و عقب يقولون حرقت يدنا ..!!
و الحين اذا اي وحدة بتتحني حنه سوده
توقع على ورقة اخلاء مسؤولية اللي بتحنيها
من اي اضرار ..
يعني بالعربي ما وراها الا المضرة ..

الحنة العادية حرقت يدي و سببت لي حروق من الدرجة الثانية
و تميت شهور اتعالج ..
شلون السوده ..؟؟
شلون يجازفون و يحطونها ..!!!
الحنة السودانية الأصلية ما فيها صبغات ومواد كيماوية
لكن اللي نشوفها هالأيام كلها كيماويات
حتى الحنه العادية ..