احترام قوانين المرور

[qatarman8008]

السلام عليكم

لاحظت في الفترة الاخيرة ... كثرة التجاوزات المرورية ... من كل فئات المجتمع ... القطريين والاجانب ... السيارات الخاصة والباصات وسيارات كروة ... التجاوز من اليمين خصوصا عند الدوارات والاشارات هو على راس القائمة ... يليها قطع الاشارة الحمراء عند الدوارات اللي ما عليها كاميرا مراقبة ... يليها تعطيل حركة السير في التقاطعات بطرق كثيرة ... مثل دخول المنطقة المخططة باللون الاصفر والطريق غير سالك ... ولن اتحدث عن عدم ربط حزام الامان وتجاوز الحد الاعلى للسرعة القانونية ... الظاهرة هذه في ازدياد ... وتسببت في كثير من الازعاج ... قد تصل الى المشاجرات الكلامية في بعض الاحيان ... لحسن الحظ اني اداوم غالبا في لفان ... وفي بعض الاحيان في الدوحة ... بالنسبة لي اضرب 85 كيلو الى لفان ابرك من اني ادخل زحمة الدوحة في ساعات الذروة ... وكم مرة صار لي موقف ينرفز لدرجة اني اكون على وشك البدء في المشاجرة الكلامية ... حقيقة لا ارى اي مبرر لمثل هذه التصرفات الهمجية ... فمثلا ... لو كان الطريق مزدحم كما يتعلل به الغالب ... فعليك التبكير بالخروج من البيت ... المشكلة انك ترى الناس في قمة الانضباط عندما يكون هناك رجل شرطة متواجد في المنطقة ... ولكن ... من الصعوبة ان يتواجد رجل شرطة عند كل تقاطع وعند كل اشارة وعند كل دوار ... ولهذا فانا اقترح التالي :

العمل على ايجاد متطوعين ثقات ذوا كفاءات عالية ودراية بالقواعد المرورية وتزويدهم بكاميرات حديثة لرصد اي نوع من المخالفات المرورية ... وانشاء لجنة تقصي الحقائق لمراجعة ومتابعة الافادات اولا باول ... والعمل على تحرير المخالفة تبعا

وانا اول المتطوعين ...!!!

[شبح الصمت]

ياخي لا تلوم الناس

في البعض الي عنده ظرف طارئ

في البعض الي متهور

في البعض الي طالع متهاوش مع زوجته

في البعض الي طالع ضايق خلقه ..

يعني من بين 100 سياره بتحصل سيارتين

انا اقول الله يستر عليك ويحفظك ويحفظ اخوانا وربعنا في هالخطوط الطويله ..

وتقبل مروري

[طلعة الروح]

للأسف توجد ثقافة الغابة في شوارعنا
وهاي شي ملاحظ على جميع الفئات / مواطنين ومقيمين
الا من رحم ربي..
هاي أنا افسرها بأن الشخص اللي تعود على القيام بهالتجاوزات
شخص غير محترم وغير حضاري...
السواقة اخلاق وفن واحترام قبل ان تكون استعراض مهارات وهاي اللي ينقصنا هنيه...

[تحداني]

انا عندي قضيتين مع قوانين المرور الاولى تتعلق بالبشر والثانيه تتعلق بلوائح المرور ..

قضيتي مع البشر " هي العصبيه الزايده وساعات احس ان نصف سكان دوله قطر يعانون من انهيار عصبي .. وارتفاع الضغط .. والسكر " والغلابه عليهم مراعاه مشاعر هالفئه



والقضيه الثانيه " فحص النظر ضروري يكررونه كل ست اشهر مره لرجال المرور "
لان مب حاله معاهم .. اربط حزام ويعطوني مخالفه
يعني كم مره اقول وعليه ما كان قصده
كرهت حياتي .. لا اتحدوني اقط ليسني في الشارع :(



جملكم الله برضاه

[بو الجوري]

إختي تحداني :.. مالج إلا تصبغين الحزام فسفوري :)

[شبح الصمت]

إختي تحداني :.. مالج إلا تصبغين الحزام فسفوري :)




زكرتني في واحد من الربع لابس ثوب بني يحلف يقول والله رابط حزام الامان هههههههههههههههههه

يقول صكوني مخالفه يقول مافي الا ينزلون الحزام الفسفوري مثل ما تفضلت

وتحياتي قبل اعطائي مخالفاتي

اسكت كانوا بيصيدون يوم الخميس فوق جسر الخليج الي بعد محطة المسيلة ولكن سبحان الله قلبني دليل فديت قلبي ههههههه

قلت خلني اربط الحزام إلا ذاك الضابط الي عند الرصيف وهاك وخذ وعط مخالفات عدت على خير يا بوالجوري

الحمد لله

:shy:

[بو الجوري]

أنا أكثر شي يقهرني :anger1:
لمـا ألاقي واحد قدامي عالخط السريع يمشي شوي شوي :..
:anger1:
أو يكون فالنص و أحس إنه سكران الموتر ياخذ يسار ويرده :..


و أول ما أمـر عليـه ألآقيـه ماسكت التلفون :anger1: ويتعبث :..

أول شي أسويـه ألف عليه عشان يتأدب :anger1:

إذا حد تعبث فالتلفون و لف عليه واحد < هذا أنا :anger1:

[@north_star@]

فعلا صار اللي يدخل بالزحمة مثل الي داخل جبهة وحرب واكثر حركة تنرفز وترفع الضغط مليون هو التجاوز من اليمين يعني اللي يتجاوز من اليمين هو بروحه مستعجل والناس ما عندها اشغال ويعتبر نفسه احسن من الناس .. واذا ما خليته يطوف يهاوشك وهو محقوق

[الدوحي7]

انا عندي قضيتين مع قوانين المرور الاولى تتعلق بالبشر والثانيه تتعلق بلوائح المرور ..

قضيتي مع البشر " هي العصبيه الزايده وساعات احس ان نصف سكان دوله قطر يعانون من انهيار عصبي .. وارتفاع الضغط .. والسكر " والغلابه عليهم مراعاه مشاعر هالفئه



والقضيه الثانيه " فحص النظر ضروري يكررونه كل ست اشهر مره لرجال المرور "
لان مب حاله معاهم .. اربط حزام ويعطوني مخالفه
يعني كم مره اقول وعليه ما كان قصده
كرهت حياتي .. لا اتحدوني اقط ليسني في الشارع :(



جملكم الله برضاه

خخخخخ والله نفس الشعور اوقات،وبخصوص المخالفات خليهاا حق الاخره الصبر زين اجر عظيم بذن الله،، ،،

[تحداني]

لا ما راح اصبغه فسفوري
ابوي علمني حركه .. قال يبه لو شفتي المرور على طول نزلي الدريشه
عاد ذيج الحزه ماله عذر لو خالفج غير انه بالفعل نظره خفيف



لا والي اتيود التلفون وضحك وسوالف وخلق الله وراها
نصبر ونصبر ونصبر وتاليتها لما تعطينا مجال اطالعنه ابنظره جنه ماكلين حلالها
ولا ذاك الهندي وعليه عليه توه ناجح بعد 16 مره اختبار " آآآآآه يا قلبي "
ولا لو جاك شاب توه ما تعطيه 20 ولا 18 ويحفص على البنات بدون سبب
ويستعرض ودك اتقوله بابا اشبلاك حسباله انه اكبر مني :) واشطر مني في السواقه
ترى اقدر اسبقك .. بس مالي مزاج لك :( .. حركات عمور يقول لي دوسي :)
الله يحفظه فديته

حتى البنات صار عندهم سوالف عن السواقه ما املاحضين



جملكم الله برضاه

[بوحمد111]

الله المستعان

التجاوزات صارت فن عند البعض ويعتقدون بتجاوزاتهم انهم يبالفيت محترفين وما يدرون انهم بالفعلة هذه منحرفين عن القانون والله يهدي الجميع

[تحداني]

خخخخخ والله نفس الشعور اوقات،وبخصوص المخالفات خليهاا حق الاخره الصبر زين اجر عظيم بذن الله،، ،،




هم خلوا شي للآخره
يعني هاذي حاله كل يوم نتهزأ بدون سبب
مب كافي عمي شرطي خانقنا


:(
نلقاها من وين ولا من وين
من الخدامات
ولا من الدوام
ولا من هالأوادم


كم صبر لازم انشيله معانه
خلاص عاد :(



جملك الله برضاه

[تحداني]

الله المستعان

التجاوزات صارت فن عند البعض ويعتقدون بتجاوزاتهم انهم يبالفيت محترفين وما يدرون انهم بالفعلة هذه منحرفين عن القانون والله يهدي الجميع




يمكن مشواره أهم من مشوارك
انت ما عندك شي اصلن بس موجود زياده عدد في الشارع
او يمكن سيارتك كحيانه .. وهو راكب " لكزس فوريل .. ولا نيسان .. ولا بنتلي
ولا هذيج شسمها " بوغاتي "

الناس مقامات يا اخوي مقامات



جملك الله برضاه

[الدوحي7]

هم خلوا شي للآخره
يعني هاذي حاله كل يوم نتهزأ بدون سبب
مب كافي عمي شرطي خانقنا


:(
نلقاها من وين ولا من وين
من الخدامات
ولا من الدوام
ولا من هالأوادم


كم صبر لازم انشيله معانه
خلاص عاد :(



جملك الله برضاه

اكثر من ربع قرن من السواقه تعلمت الصبر وعلمتني الحيااه الصبر ،،وانصحكك بالصبر،،

[تحداني]

اكثر من ربع قرن من السواقه تعلمت الصبر وعلمتني الحيااه الصبر ،،وانصحكك بالصبر،،


هذا آخر حل ؟؟

:(

[كلنا قطر 1981]

والله اتمنى من المرور انه يحترم البشر قبل لا البشر يحترمون قانون المرور :waiting:

قوانين عجيبه و تطبيقها عقيم

شوارع تعبانه و زحمه في كل مكان و افراد الشرطه موجودين للمخالفات اكثر من تنظيم و

تسير حركة المرور

تسوي حادث و تتصل فيهم اذا كنت محلق يطلع شعر و انت جالس تنتظر الدوريه تجي لك

رادارات خاشينها في كل مكان غير الردارات الثابته و ما يحطونها غير في اول الشهر او مع

المناسبات السعيده او ايام الاجازات و نهاية الاسبوع و قوانين تمشي على ناس و ناس

لين وجدنا احترامنا من قبل قانون المرور بكل تاكيد راح نبادر بالمثل :)

[شبح الصمت]

اليوم الصبح في وحده للامانة مادري ما تعرف تسوق والا بالعماله متسببه

الحين المسار مسارين عشان يمشي المسار احبكت الا تمشين بروحك وما تخليني امر !!


صراحه انا اول شيء طقيت لها هرن بس عقب تعوذت من الشيطان وقلت اعوذ بالله منك يالشيطان !!

ثاني مره وانا جاي على الخط السريع وتلف علي قلت يا ليل شكل السالفه اليوم منحاس .. يوم شافتني جااااي قلت له هذه شكله ما يتغشمر خلني اعطيه خط

عطتني خط والا افتريت صووبها كملت طريقي بس ليش ليش ليش

السواقه فن وذوق واحترام لازم يعني مناحس من الصبح

[مرتبش]

الصبر زين
لكن شكثر الواحد يصبر..ماتم حد في الشارع ومايتجاوز

والمرور عندهم نقص واضح باين ولا مسوين شي لمعالجة هالنقص

خاطري اعرف نسبة الشرطة لعدد السكان
سيم سيم لما يقولون قطر اغني دولة ويحطون ارقام ويقارنونها بلكسمبورغ وسنغافورة

خاطري اعرف

[الجوكر90]

لا ما راح اصبغه فسفوري
ابوي علمني حركه .. قال يبه لو شفتي المرور على طول نزلي الدريشه
عاد ذيج الحزه ماله عذر لو خالفج غير انه بالفعل نظره خفيف



لا والي اتيود التلفون وضحك وسوالف وخلق الله وراها
نصبر ونصبر ونصبر وتاليتها لما تعطينا مجال اطالعنه ابنظره جنه ماكلين حلالها
ولا ذاك الهندي وعليه عليه توه ناجح بعد 16 مره اختبار " آآآآآه يا قلبي "
ولا لو جاك شاب توه ما تعطيه 20 ولا 18 ويحفص على البنات بدون سبب
ويستعرض ودك اتقوله بابا اشبلاك حسباله انه اكبر مني :) واشطر مني في السواقه
ترى اقدر اسبقك .. بس مالي مزاج لك :( .. حركات عمور يقول لي دوسي :)
الله يحفظه فديته

حتى البنات صار عندهم سوالف عن السواقه ما املاحضين



جملكم الله برضاه

بابا شوي شوي ع عمرج
مادري من خلوج عضو مؤسس صرتي تشتطين وايد :funny:
ترى جد تردين اكثر من راعي الموضوع:tease:

بخصوص المخالفه الي عليج روحي قسم التظلمات وقدمي اعتراض توني جاي من هناك
واذا ع الحزام محد قالج خذي موتر من داخل اسود يعني خلصت الالوان عشان تاخذين لون العبايه

عندي نصيحه لج صاروخيه
لا تلبسين العبايه واتحدى اذا جاتج مخالفه وحده:secret:

[المواطن]

الله يرحم ايام قبل

يبى مادام ضباط المرور الكبار قاعدين على مكاتبهم الكخشة ومرتزين حق الجرايدواللقاءات وين تبون حال مرور الشوارع ينعدل؟

[تحداني]

بابا شوي شوي ع عمرج
مادري من خلوج عضو مؤسس صرتي تشتطين وايد :funny:
ترى جد تردين اكثر من راعي الموضوع:tease:

بخصوص المخالفه الي عليج روحي قسم التظلمات وقدمي اعتراض توني جاي من هناك
واذا ع الحزام محد قالج خذي موتر من داخل اسود يعني خلصت الالوان عشان تاخذين لون العبايه

عندي نصيحه لج صاروخيه
لا تلبسين العبايه واتحدى اذا جاتج مخالفه وحده:secret:



لا ادقق وايد يا اخوي الله يرضى عليك
واي شي ما يعجبك في ردي اعتبره مب موجود .. خلنا انسولف وانفضفض


موتري من داخل مب اسود
كله جلد بيج .. بس ما ادري وين المشكله


لازم ألبس عبايه الله ينور طريقك



جملك الله برضاه

[حسن]

أنا أكثر شي يقهرني :anger1:
لمـا ألاقي واحد قدامي عالخط السريع يمشي شوي شوي :..
:anger1:
أو يكون فالنص و أحس إنه سكران الموتر ياخذ يسار ويرده :..


و أول ما أمـر عليـه ألآقيـه ماسكت التلفون :anger1: ويتعبث :..

أول شي أسويـه ألف عليه عشان يتأدب :anger1:

إذا حد تعبث فالتلفون و لف عليه واحد < هذا أنا :anger1:
ابو الجوري انا اسوي نفسك احيانا يقهرونك لما مسكر الخط السريع وسايب جميع الحارات
اللى على يمينه فاضيه على طول اللصق في ظهره واذا مافتح اطوفه والف عليه
والمشكله نادر تلقاها من قطري كله من ذا السواويق الاسيويين وخصوصا النيبالي
انا احس ان اداره المرور مقصره في توعيه تللك الفئات واهميه التقيد بمسارت الطرق
اتصدق لو لي يد في الامر لامرت كل رجال المرور يحملون خيازرين واللى مايتقيد بالمسارات تلشطه على وجهه لان هذولا شرطتهم في بلدانهم يستخدمون العصا فهم ماينفع معاهل الا ذي الطريقه بدل دفتر مخالفات الى المسكين الكفيل يتحملها وهذاك يضحك:victory:
اللى المسكين الكفيل القطري هو اللى يتحملها

[أخت التفاؤل]

عندي سؤال بريئ

شلون يكون التجاوز من اليمين في الدوارات ؟؟
صج والله ماعرف

جربت مرة عند الإشارة في بداية رحلة سواقتي
ماكنت أعرف انه تجاوز
توهقت أبي أدش يسار ومافي مجال
والمشكلة اني يوم تجاوزت كانت الإشارة صفرا وتوها بتصير حمرا
إلا انا دشيت عاليسار
واللي وراي ياي مسرع يبي يلحق عالإشارة قبل لا تصير حمرا
كسر خاطري =( وقفت جدامه بكل براءة .. وهو معصب
وأنا مافهمت ليش كان معصب إلا عقب فترة ههههههه
توبة أتجاوز مرة ثانية

[عـ العبيدلي]

http://www.al-sharq.com/articles/more.php?id=278261

ناس ناقصين عقل تقريبا .. فاهمين السواقه غلط ..
وبالنسبة للمخالفات ..

الكل يعاني منها .. بس ترى احيانا الواحد ينسى الحزام وتجيه المخالفه من حيث لا يحتسب
فلا لون الحزام له دخل وله لون الموتر من داخل ..

بس ترى الحزام الفسفوري فكره بعد ..

الله يعينكم

[qatarman8008]

ياجماعة رحتوا بعييييييييد عن الموضوع .... اشرايكم في الفكرة المطروحة .. ؟؟

[qatara]

ياخي الناس ليسو بملائكه كاملين مكملين

اذا بتبحث وراء اخطاء الناس ستجد ما لا يعد ولا يحصى

او يكون الشخص مستعجل وسته وستين حاجز امامه من اشارات ورادارات وشرطه ووو

فالمتعمد يستاهل لاكن ااذا كان الخطاء عفوي والاخوان يدورون اي فرصه

مثل ما ذكر احد الاخوه الافاضل ثوبه بني والحزام بني وبس هات تسجيل مخالفه !

طيب افترض انه نسي الحزام او حتى متعمد هو المتضرر لو قع حادث لا سمح الله
وليس غيره يااخي ما يجرى اي ضرر على الشرطي لو اشر له بلبس الحزام
ولا اعتقد انه سيرفض

بل بلعكس سيترك انطباع لدى صاحب السياره ان الشرطي ناصح
وليس متصيد للفرص وهاذا سيزيد من احترام الشرطه امام صاحب المركبه

ذكر فان الذكرى تنفع المومنين خاصه اذا لم يكن صغير عمر

فالهون ابرك ما يكون

[qatari 111]

الحل الوحيديجبروون الشركات انهم يوفرون ياصات لموظفينهم .. وممنوع عليهم يروحون بسياراتهم الخاصه .. لانهم اكثر منا عدد وهم اللي مسوين الزحمه .
اما موضوع ان يحطون متطوعين للمرور ترى عادي لو شفت واحد مخالف تقدر تبلغ عليه ..

[مابدل العادات]

شي طبيعي تشوف هاي الشي ف يشوارعنا وراح يزداد ويزداد دام انك تجيب ناس أصلا سواقتهم في بلادهم كذا وماعندهم قوانين مروريه هاي غير اللي ولا عمره ساق موتر اصلا وجايك الدوحه يسوق

واتمنى اتمنى من كل قلبي انه هاي الظاهره تخف والله كريم