الفحص الفني - عجيب امرك عجيب

[المواطن]

الصراحة ما أدري كيف ابدي هالموضوع

قهر - حرقة قلب - ضياع وقت - شفط فلوس

اليوم من صباح الله خير رحت الدوام ضربت البطاقة وأستأذنت علشان اودي سيارتي الفحص الفني.
وصلت وطبعاً الطابور اشكال والوان - معليه مش حالك واصبر وهونها وتهون لين جىء دوري عطيتهم السيارة ورحت سجلت وانتظرت لين خلصت السيارة وراجعت المكتب تأخرت المعامله قصدي نتيجة الفحص وبعد ما قام الموظف وراح لبوفلبن قصدي الفنيين وشاف شسالفه واخذ وعطى رجع وطبع لي التقرير وكانت النتيجة نجاح السيارة من الجانب الفني ورسوبها في المتطلبات القانونية.

المتطلبات القانونية: وجود مخفي على الزجاج الخلفي -2- أنوار السيارة مضاءه

رجعت للموظف - ياخوي سيارتي تمام ما فيها شي راجعوا بعضكم اكيد في خطاء - هذه سيارتي جدامك لا فيها مخفي لا على الزجاج الخلفي او الجانبي وانوار السيارة أتوماتيكي بعد ما اتحرك تطفي بنفسها ما دام في شمس وهذا في معظم السيارات الأمريكية - رد علي روح المرور وخلّص معاهم .

رحت المرور ياجماعة الوضع كيت وكيت ردوا وهم متعودين الظاهر على هالمواضيع اكيد من قبل السياره كان فيها مخفي علشان كذا طلع في التقرير!!!!!!!

سؤالي ليش مسوين فحص فني الزامي سنوي ؟ علشان يقولون كان ياما كان ؟
الأولى يقولون مادام نجحت السيارة العام تعتبر السنة ناجحة.

هل في حل غير سومة الويه لحقك وضياع الوقت ؟

[qatari 111]

اخوي الحمد لله ان امورك مشت .. وكلها يوم بالسنه .. والفحص الفني لمصلحتنا ماسووه عبط

والاخطاء وارده في كل مكان حتى انا وانت نخطئ بعملنا

[Rider]

والله قمنا نغير السيارة كل 3 سنين تهربا من الفحص الفني

[عـ العبيدلي]

عيل ما جفت الاخ الشرطي شسوا فيني يوم الخميس

الله يسلمك الموتر نجح في كل شي بس باقي المتلطبات القانونية

وجااك الاخ الشرطي في بوهامور يقولي روح غسل السياره السياره وصخه !!!
يعني بالمعنى الموتر سقط لانه مغبر ..

الجوو مغبر الدنيا غبااار طبيعي السياره بتكون مغبره وله تبيني كل يوم اغسلها
المشكله قال حق الكل نفس الكلام

الي فالوكره والله انه الشرطي طيب ومتفهم ويساعد ويضحك

والي فبوهامور يقط الزقاره جدامي على الارض ويقول لنا روحوا غسلوا سياراتكم ..

عباله انه فاضيين وماعندنا دوام وله شي ..

ربك المستعان

[فيلسوف زمانه]

يعني تبي اللعوزه والتدقيق