مدارس مستقلة خاصة عربية أجنبية انجليزية تعال واكتب رايك

[q6ryah]

الموضوع بائن من العنوان كل مادونا نسجل عيالنا فالمدارس احترنا يا ترى نسجلهم فالمستقلة مع عيوبها والفوضى الي صائدة المجلس الاعلى ولا ندفع ونحطهم في المدارس الخاصة الاجنبية ويا ليت لو نظامهم واحد ورسومهم معقولة :secret:
اليوم رحت مدرسة لندن الدولية الروضة لعمر ثلاث سنوات الرسوم سبع وعشرين الف وخمسمئة وقالت كل سنة تزيد لين يوصل الطالب الثانوية تكون رسوم مدرستة ستين الف فالسنة واحسب عدد عيالك deal::deal:يعني مب اقل من مئة او ميتين الف لكل اليهال
رحت الخليج قالت الروضة اربعة وعشرين الف لكن السنة الجاية بيكون في زيادة فالرسوم بنقولكم عليها وقت التسجيل
الصراحة الأسعار مبالغ فيها وهذا تعليم مب تجارة
والصراحة انا وابو العيال محتارين نبي تعليم ممتاز يتيح لعيالنا فرصة التعلم فالجامعات الاجنبية ونبي تاسيس عربي وشرعية ولنفس الوقت نبي رسوم مدرسية معقولة مب خيالية
ارجو منكم كلكم ان تكتبون عن تجاربكم مع التعليم والمدارس وذكر مزايا وعيوب المدارس ونظام الدراسة فيها عشان تكون لنا مرجع*

[mrs.spoon]

اختي صاجه والله، الأسعار صايرة نااااااااااااااار وفي تزايد
مدرسة نيوتن الجديدة فرع اللاجون روضة ب ٢٤ الف، ابتدائي ٣٦ الف ، اعدادي ٤٢ الف وثانويه اعتقد ٤٨ يعني الأسعار نااااااااار، وتعالي احسبي الله يحفظهم العيال، والمدارس المستقلة منها الزين ومنها الشين نفس الخاصه وهذا اللي يدفعنا لاختيار الزين، مااقول الا الله المستعان، وبغيت اغير في مدارسهم بس مافي مكان لكل العيال .

[ام السعف]

اختي صاجه والله، الأسعار صايرة نااااااااااااااار وفي تزايد
مدرسة نيوتن الجديدة فرع اللاجون روضة ب ٢٤ الف، ابتدائي ٣٦ الف ، اعدادي ٤٢ الف وثانويه اعتقد ٤٨ يعني الأسعار نااااااااار، وتعالي احسبي الله يحفظهم العيال، والمدارس المستقلة منها الزين ومنها الشين نفس الخاصه وهذا اللي يدفعنا لاختيار الزين، مااقول الا الله المستعان، وبغيت اغير في مدارسهم بس مافي مكان لكل العيال .

يا هالنيوتن:anger1:

عطونا اوراق ان الأسعار بتبقى مثل ماهي لعيالنا اللي في اللاجون
والمنتقلين من الدائري الرابع ،،
تقريا 33 الف للثانوية ،،

الا اذا الأسعار هذي تطبق على المستجدين ،، حزتها عليكم
بالمجلس الأعلى للتعليم قسم المدارس الخاصة ،،:telephone:

[بصمة قطرية]

أسعار المدارس الخاصه كل مالها وترتفع ..
رســوم خيالية ..
مب كل واحد قـادر يدفــع هالرســوم ..
اللي بيقول عندكم المــدارس المستقلة ..
بقــول له :
للأســف عيــالي ما استفادوا من المـدارس المستقلة ..
لين انجبرت اطلعهم وادور مدرسـة تناسب قدراتهم ,,
و للأســف الشديد مافي الا خاص ..!!!

[q6ryah]

شالسوات يعني
المشكلة ان الخليج الانجليزية مدحوا لي المنهج والإدارة لكن أولوية التسجيل للي عندهم إخوان وبعد قالوا لي يبي لج واسطة
بفلوسي وواسطة حسبي الله ونعم الوكيل
أكاديمية قطر نظام امريكي يقبلون من سن الأربع سنوات
لندن الدولية زينة ولها فروع في بريطانيا لكن الرسوم
نور الخليج زينة لكن بعيدة فالهلال
المستقلة احسن شي برايي عمر والبيان لكن للأسف مش تابعين لمنطقتنا
يللا كل واحد يكتب المعلومات الي عنده

[intesar]

المستقلة على الرغم من عيوبها بس ما أشوفها كبيرة.. العيب في قرارات المجلس الأعلى..

[أبورودي]

لى تجربه مع المدارس الهنديه والصراحه يوم بعد ازداد تمسكا بها
ومحدش يقولى العيال بيهزون راسهم وكلام من هذا
المهم جودة التعليم ثم جودة التعليم ثم جودة التعليم

[شيزكيك]

الصراحه رسوم المدارس الخاصه ضو وكل سنه يزيدون في اسعارهم ومش كل الناس عندهم القدرة على دفع هالرسوم الغاليه واحنا جهه عملنا ما توفر لنا علاوات للمدارس وبعد شروط الكوبونات ما تنطبق علينا

فما لنا الا المستقلات وانا ما اشوفها كلها عيوب مثل ما بعض الناس تعتقد بالعكس معايير قوية ومناهج زينه

هو بعض المدرسين والمدرسات الي مش كفاءة

[ummalaz]

لى تجربه مع المدارس الهنديه والصراحه يوم بعد ازداد تمسكا بها
ومحدش يقولى العيال بيهزون راسهم وكلام من هذا
المهم جودة التعليم ثم جودة التعليم ثم جودة التعليم

نفس التجربه اخي الفاضل مع المدارس الهنديه
ادخلت ابنتي وكنت متردده في البدايه بس كل يوم
بحمد ربي على انني اتخذت هذا القرار المصيري
بس اعتقد اخوانا القطريين غير مسموح لهم بمدارس
الجاليات الا بااذن من المجلس الاعلى حسب كلام
صديقه قطريه

[ام السعف]

نفس التجربه اخي الفاضل مع المدارس الهنديه
ادخلت ابنتي وكنت متردده في البدايه بس كل يوم
بحمد ربي على انني اتخذت هذا القرار المصيري
بس اعتقد اخوانا القطريين غير مسموح لهم بمدارس
الجاليات الا بااذن من المجلس الاعلى حسب كلام
صديقه قطريه

الله حيها ام ملاذ وين كل هالغيبة ؟

اما بخصوص المدارس الهندية ،، ما قدرت على العيال اني اقنعهم بالدخول لها :(

لربما عقدة الهندي اقل مستوى قابعة في عقولهم :weeping:

[أبورودي]

نفس التجربه اخي الفاضل مع المدارس الهنديه
ادخلت ابنتي وكنت متردده في البدايه بس كل يوم
بحمد ربي على انني اتخذت هذا القرار المصيري
بس اعتقد اخوانا القطريين غير مسموح لهم بمدارس
الجاليات الا بااذن من المجلس الاعلى حسب كلام
صديقه قطريه

صراحه انت وزوجك بارك الله لكما فى ابنتكما اتخذتم قرار صائب لعدده اسباب الارتفاع الرهيب فى اسعار المدارس الخاصه ثانيا وبامانه المدارس الهنديه ما شاء الله عليهم قويه
الله يوفق بنتك يارب ونشوفها وزيره

[q6ryah]

اتفق معاكم المدارس الهندية ممتازة لكن مافكرت ادخلها لان مدارس جاليات كلهم هنود فالقطري بيكون غريب بينهم
تتقون ادخلها مدرسة هندية
اليوم وحدة مدحت لي مدرسة قطر الدولية الي فالدفنة حد جربها

[أبورودي]

اتفق معاكم المدارس الهندية ممتازة لكن مافكرت ادخلها لان مدارس جاليات كلهم هنود فالقطري بيكون غريب بينهم
تتقون ادخلها مدرسة هندية
اليوم وحدة مدحت لي مدرسة قطر الدولية الي فالدفنة حد جربها

لايوجد اماكن بها ولاحتى امكانيه اضافه الاسم الى قائمه الانتظار
الاماكن المتاحه فى الثانوي فقط بكل اسف

[بوحارب]

انا عندي تأمين ادرس العيال حتى لو كلفة الكورس 100 الف بس الصراحة مافيه امل ادخل العيال غير المستقلة

على الأقل اضمن اللي بتدرس ولدي او بنتي بنت البلد ويتعلمون مع عيال بلادهم

[دااانة قطر]

لى تجربه مع المدارس الهنديه والصراحه يوم بعد ازداد تمسكا بها
ومحدش يقولى العيال بيهزون راسهم وكلام من هذا
المهم جودة التعليم ثم جودة التعليم ثم جودة التعليم


فعلا جوده التعليم خااصة الانجليزي والحااسب الآلي
وزميله لي بالعمل كاانت تمدح هالشي فيهم حتى يكون اللغه الانجليزيه عند أختها قوي وبعدها نقلتها مدرسة خااصة

لكن هل ممكن عياالنا يرضون؟؟ وهل المدرسة تقبل من الأسااس ؟؟

[دااانة قطر]

انا عندي تأمين ادرس العيال حتى لو كلفة الكورس 100 الف بس الصراحة مافيه امل ادخل العيال غير المستقلة
على الأقل اضمن اللي بتدرس ولدي او بنتي بنت البلد ويتعلمون مع عيال بلادهم

أغلب اللي يشتغلون في شركاات خااصة والبنوك مستنفعين من التأمين
ولكن مثل ماتفضلت اللي مخلينا نرضى بالوضع ان اللي يدرسون عيااالنا منا وفينا
الله المستعاان
والله يهدي المجلس الأعلى وقراراته


استفساار
حد عنده فكره عن مدرسة الفتااه المسلمه؟؟

[أبورودي]

فعلا جوده التعليم خااصة الانجليزي والحااسب الآلي
وزميله لي بالعمل كاانت تمدح هالشي فيهم حتى يكون اللغه الانجليزيه عند أختها قوي وبعدها نقلتها مدرسة خااصة

لكن هل ممكن عياالنا يرضون؟؟ وهل المدرسة تقبل من الأسااس ؟؟

نعم يوجد بعض المدارس الهنديه تقبل
الهنديه الاسلاميه حاليا لاتقبل غير ابناء الجاليه
اما الهنديه الحديثه وهى فى نفس مستوي الهنديه الاسلاميه تقبل من كل الجنسيات (باب التسجيل مفتوح حاليا ولمدة 15 يوم) فقط

[ريماس الغلا]

حطيهم بمدارس مستقله واضمني نجاحهم




وهلم جراااااااااا

[دااانة قطر]

نعم يوجد بعض المدارس الهنديه تقبل
الهنديه الاسلاميه حاليا لاتقبل غير ابناء الجاليه
اما الهنديه الحديثه وهى فى نفس مستوي الهنديه الاسلاميه تقبل من كل الجنسيات (باب التسجيل مفتوح حاليا ولمدة 15 يوم) فقط


http://www.qatarshares.com/vb/showthread.php?t=266828

طلع لي راابط هالموضوع وانا ادور عنوان المدرسه
طيب يعني المدرسه تنفع للي معااهم اللغه الهنديه
وشي طيب انها اسلاااميه
لكن حد عنده فكره عن المنااهج عندهم؟؟

[أبورودي]

http://www.qatarshares.com/vb/showthread.php?t=266828

طلع لي راابط هالموضوع وانا ادور عنوان المدرسه
طيب يعني المدرسه تنفع للي معااهم اللغه الهنديه
وشي طيب انها اسلاااميه
لكن حد عنده فكره عن المنااهج عندهم؟؟
http://www.qatarshares.com/vb/showthread.php?t=309930

[دااانة قطر]

صادق و الله
انا ياريتني اقدر ارجع سنين من حياتي عشان ادرس بالمدرسة الهندية جان اشيا كثيرة بحياتي تغيرت


قريت هالرد وعورني قلبي
وتحسفت اني مادخلت عياالي هالمدرسه
الحين سؤاال يطرح نفسه

يصير انقل عياالي للمدرسه الهنديه ؟؟
شكلي بروح لهم قريب عندي استفساارات وان شااء الله احصل لها اجوبه

[أبورودي]

قريت هالرد وعورني قلبي
وتحسفت اني مادخلت عياالي هالمدرسه
الحين سؤاال يطرح نفسه

يصير انقل عياالي للمدرسه الهنديه ؟؟
شكلي بروح لهم قريب عندي استفساارات وان شااء الله احصل لها اجوبه
اذا كانت دراستهم الحاليه بالانجليزيه يمكنك نقلهم بعد ان يجتازوا بعض الاختبارات (والاختبارات ليست بهدف جمع اموال انما للوقوف على مستوي الطالب الفعلى )

ويصير تنقلي عيالك لمدرسه هنديه وعلى فكره بها قطريين كثير

[دااانة قطر]

اذا كانت دراستهم الحاليه بالانجليزيه يمكنك نقلهم بعد ان يجتازوا بعض الاختبارات (والاختبارات ليست بهدف جمع اموال انما للوقوف على مستوي الطالب الفعلى )

ويصير تنقلي عيالك لمدرسه هنديه وعلى فكره بها قطريين كثير


جزااك الله خير يالطيب
واسمح لي ازعجتك بالاسئله
ولي عوده اذا جد جديد
باارك الله فيك

[أبورودي]

جزااك الله خير يالطيب
واسمح لي ازعجتك بالاسئله
ولي عوده اذا جد جديد
باارك الله فيك

आप का स्वागत करते हैं

[دااانة قطر]

आप का स्वागत करते हैं


احم
غير الأوردو ماافي معلوم :shy:

[أبورودي]

احم
غير الأوردو ماافي معلوم :shy:

आप का स्वागत करते हैं= مرحبا بك فى اي وقت (اهلا وسهلا)

[ummalaz]

الله حيها ام ملاذ وين كل هالغيبة ؟

اما بخصوص المدارس الهندية ،، ما قدرت على العيال اني اقنعهم بالدخول لها :(

لربما عقدة الهندي اقل مستوى قابعة في عقولهم :weeping:

هلا وغلا بااخيتي ام السعف
مشغوليات وظروف الحياه شغلتنا شوي الفتره
الماضيه اخبارك والعيال طمنيني عليهم

[ام السعف]

هلا وغلا بااخيتي ام السعف
مشغوليات وظروف الحياه شغلتنا شوي الفتره
الماضيه اخبارك والعيال طمنيني عليهم

طيبين الله يسلمج من كل شر

[q6ryah]

حد منكم عياله في مدرسة نور الخليج
سمعت انها ممتازة ونظام التعليم فيها ممتاز والإدارة على انها هندية وبعضهم مش مسلمين الا انهم يراعون الاسلام والعادات والتقاليد
وسمعت ان رسومهم معقولة وان الكتب نشتريها قبل بداية العام الدراسي وكذلك الزي المدرسي من المدرسة نفسها ويعطونك لستة الاحتياجات من القرطاسية واللوازم الاخرى
وتبدأ الدراسة والعمل الجاد من اول يوم
يعني وداعا للف فالأسواق للبحث عن مستلزمات المدرسة
وكذلك وداعا للفوضى والكسل الي فاغلب المدارس