أقرب الطرق للدكتور عمر الأنصاري

[وذنـان]

يا جماعة أرجوكم أبي أقرب الطرق للدكتور عمر الأنصاري عميد شؤون الطلاب بجامعة قطر لأن بسبب ظروفي فاتني موعد الحذف والإضافة وانا تخرج هالفصل ، ولو ماسجلت المادة بانتظر عااااااااااااااام كااااااااااااامل مع العلم أن المادة بها مايقارب 15 مقعد ...
أفيدوووووووووووووني أرجوكم
وذنان

[بصمة قطرية]

الله يسهل أمورك ..:(
ان شاء الله يفيدونك الأعضـاء ,,

[روح الاطلس]

معقوله داخله المنتدى تسألين كيف توصلين له؟؟

هذا عميد شؤون الطلاب ( خطين تحت شؤون الطلاب) مو سعادة وزير الخارجية!!

اذا بابه مو مفتوح لشؤون الطلاب عيل وين يروحون!! روحي له مكتبه وكلميه واشرحي ظروفج

واذا ماقدرتي دشي مكتب رئيسة الجامعه وين المشكلة! ولا ترجعين البيت الا وانتي مخلصة امورج

[وذنـان]

وين مكتبه بالضبط ؟
وانا كان قصدي في حد يعرفه ؟ لان يقولون مايساعد

[غزلان]

وين مكتبه بالضبط ؟
وانا كان قصدي في حد يعرفه ؟ لان يقولون مايساعد


مكتبه في مبنى القبول والتسجيل

[QATAR-2006]

اخوي اذا رفضو تسجل فالماده خذها برع في فترة الصيف .. الله يوفقك

[استغفرالله]

الله يعينك ...ما يساعد ولا تقدر تقابله

تقابل اوباما اسهل من مقابلته

[حسن]

الحين احنا ماعرفنا انت ولد ولا بنت وبعدين من الاستفسار ماتدري عن الحذف وماتدري وين مكتبه
وماتدري وماتدري بس تدري انه مايساعد والله امرك غريب

[تحداني]

موضوعك فيه تخرج .. و15 ساعه
اشلون ساكتين على روحكم ابهالطريقه .. صح ممكن تمر علينا ظروف
بس لا تترك الامور جذي يا اخوي

لازم اتروح له .. واتقابله .. او اتقابل اي حد يقدم لك حل


ما عندي اي طريقه للتواصل الشخصي معاه للاسف
وما اعتقد مثل هالامور تنحل بالتلفون او الايميل



جملك الله برضاه

[qataria]

جرب روح له بس خبري فيه ما يساعد ولا حتى يحاول يساعد الا لو تغير الحين مادري عنه. نصيحه روح لعميد قسمك و اشرح له الموضوع او حتى روح لمديرة الجامعه وفي نفس الوقت احضر محاضرات هالماده وقولهم انك تحضر المحاضرات و كلم دكتور الماده. المهم لا تياس. والله معاك

[findi]

الله يعينج ويسهل امورج

[CRUMBS]

والله أخبره كان يساعدنا وبابه مفتوح للكل
اذا تغير بعد هذا شي ثاني