الهوامير والاغنياء ،،،،،، ليش ربعهم صاروا أجانب

[البدع]

هناك تعليق منتشر بين الناس

وهو ان الكبارية والهوامير ربعهم صاروا أجانب

صاروا يطلعون مع أجانب اكثر

وصاروا يستثمرون مع الأجانب أيضاً

وهم من جنسيات محددة لا اريد ذكرها

ليس كلهم ولكن اغلبهم

وهذا الشي كان مختلف عن الماضي حيث فئات معينة هي الي كانت ربع الكبارية ،،،

صاروا مثل عين عذاري

ماهو رايكم بالسبب

*

[.خالد]

وضح اكثر ، هل تقصد تخلوا عن ربعهم القدام وقاموا يمشون مع اجانب ؟

[ابو مشعل]

وضح اكثر اخوي
مانبي الغاز !

[موضي قطر]

بالفعل هذا اللي حاصل .. مايسافرون الا معاهم .. ومايحلى لهم الشوبينغ الا معاهم

وصورهم وياهم تزين الصحف الأجنبية بس :rolleyes2:

شفت صور ودي اطعم فيها موضوعوك .. بس خفت بعد التطعيم <<< يصيدني كساح :(

[البدع]

اعتذر للاخوة اذا كان مبهم

موضي قطر,

هذا الكلام صار على لسان الكل هذي الايام

ربعهم من صوب البحر الابيض المتوسط او من اوروبا

والسؤال هو سبب هذي الظاهرة ؟

يعني ليش ؟

هل لان لسانهم حلو وربعنا لسانهم مسامير نوعا ما ؟

[المليونير الفقير]

لانهم نفس الطينه ونفس التوجه ونفس الافكار

طبعا البعض

[البدع]

لانهم نفس الطينه ونفس التوجه ونفس الافكار

طبعا البعض

الان بالفعل كلامك صحيح صاروا نفس التوجه ...

في الماضي لم يكونوا نفس التوجه

المشكلة ثقافتهم ماثرة على صناع القرار في الفترة الاخيرة

صارت المحرمات نوع من الامور السهلة

[غزلان]

يمكن يطبقون المثل كل واحد ينام على الجنب الى يريحه ,,قلت يمكن :)

[الأصيلة]

الإحساس بالإنهزام الداخلي عند هؤلاء..
بحيث يشوفون فيهم التحضر والتمدن فيؤمنون بأفكارهم ومشاريعهم ويثقون فيهم
إلى أبعد الحدود...
والبرستيج يتطلب ذلك..
إذا البنات على المستوى العادي صاروا يرافقون الأجانب ويتباهون بهذه الصداقة ...
يطلعون معاهم ويتمشون ويتعازمون ...الخ...

[JN000N]

لان مال البخيل ياخذه العيار :p
وتبع البحر المتوسط همه نفسه بالدرجه الاولى

[موضي قطر]

اعتذر للاخوة اذا كان مبهم

موضي قطر,

هذا الكلام صار على لسان الكل هذي الايام

ربعهم من صوب البحر الابيض المتوسط او من اوروبا

والسؤال هو سبب هذي الظاهرة ؟

يعني ليش ؟

هل لان لسانهم حلو وربعنا لسانهم مسامير نوعا ما ؟


احنا لسانا لسان صدق وحق .. وطبعاً ما نزكي انفسنا .. والمتوسطيين كلمة حقهم مصلحتهم فهي مبرر لكل شي :secret:


المشكله ان بعض الأجانب عندهم قضايا في اوروبا وتنشر في وسائل الاعلام المختلفه منها الاخلاقي ومنها المتعلق بالذمم المالية <<< يجوز ان هالهوامير مايدرون عنها خبرك ماعندهم وقت يتابعون :secret:<<< ابي امي ابي ابوي :(

[ام السعف]

ضحكني كلام تاجر لما قال
ان الجنسية الفلانية تبوق حالها حال اي جنسية بس ما اتخسرك

فالتاجر اشيبي لما يفتح له محل ؟

يبي يربح ، طيب اشلون يربح ؟
عن طريق ناس يتكلمون ويزينون له الكلام والفعل
بينما ناس ثانين فالحين في البوق والخساير وبس ،،

ترى من زمان القطري الثري بشكل عام مدير اعماله مب قطري
او من جنسية عربية وخاصة من صوب الدول الشمالية في الشرق الأوسط
" يعني ما تبي تقول لبنان والاردن وسوريا وفلسطين " :shy:

لكن في الفترة الأخيرة مع زيادة المجمعات والمشاريع
صاروا هم الأكثر رواجا وطلب من غيرهم :telephone:

[بوحارب]

الهامور هالأيام وصل 50 للكيلو

[أخت الكل]

ههههههههههههههههههههههههههههههه

ايه انا بعد لاحظت اتوقع لانهم يعيشون الهوامير فوق السحب بكلامهم ومدحهم ويحسسونهم انهم التوب على الكل مما يرضي غرورة يعني بالاخير وافق شن طبقه .
وهالجنسيات الصراحة ذكية ونفسهم دنية (البعض) لانها فهمت من وين تدخل لهم مع العلم حنا عارفين بس عندنا كرامة ولا نرضى بالدون فخلهم عايشين جوهم لحد ما يفوقون بالضربة القاضية.

[حفيدعمر]

لانهم نفس الطينه ونفس التوجه ونفس الافكار

طبعا البعض

:victory::victory::victory:

[دلة الرسلان]

( بالنسبة للي مصادقيين أجانب ) سهولة التعامل معهم يعني تقول الكلمة وما تخاف تعبر

على اكثر من معنى ، والأهم مثل ها الأصدقاء ما يطلعون خباياهم وعلومهم عند المجتمع

القطري . والبعض يجدها وسيلة لأجادة اللهجة الأنجليزية او الأمريكية وخاصة مع الأطفال .

ولكن ما يؤخذ على مثل هذه الصداقات أن هؤلاء المواطنيين يكونون مرآة المجتمع والمثال

الحي الذي يبني عليه هولاء الأجانب تصورهم عن الدين الأسلامي والعادات والتقاليد القطرية .

[مرتبش]

زادت البيزات
وتغيرت الاوضاع .. في الماضي ماكانوا الاجانب مهتمين في هواميرنا..بس يوم شافوا الهوامير تتحول لحيتان قاموا يمدحون في الهوامير وكل يوم تحقيق صحفي في التايم وفوربس وغيرها عن المشاريع الضخمة للمونديال والوسيل وووو ..والشغل عندهم تعبان بسبة الازمة وبسبة الغلا اللي ذابحهم ..قالوا خلنا نروح اجازة(عمل) في الدوحة الكل يضرب لنا تعظيم سلام واحترام وتقدير ووظائف يحلم فيها القطريين ..ومع كثرة توفرهم في السوق صارت بينهم وبين الهوامير وغير الهوامير مشاريع واهتمامات وصداقات

وبس

[الدوحي7]

لان مال البخيل ياخذه العيار :p
وتبع البحر المتوسط همه نفسه بالدرجه الاولى

كلام سليم ،،

[كازانوفا]

اكيد مشو معاهم لاهداف في انفسهم
وبالفعل سبحان الله دايما اسأل نفسي هذا السؤال ليش دايما اشوف قطري ومعه اجنبي باختلاق جنسية الاجنبي ليش ما يكونو قطريين مع بعض مثل باقي الجنسيات

الله المستعان

[المستشاأإأر]

الإحساس بالإنهزام الداخلي عند هؤلاء..
بحيث يشوفون فيهم التحضر والتمدن فيؤمنون بأفكارهم ومشاريعهم ويثقون فيهم
إلى أبعد الحدود...
والبرستيج يتطلب ذلك..
إذا البنات على المستوى العادي صاروا يرافقون الأجانب ويتباهون بهذه الصداقة ...
يطلعون معاهم ويتمشون ويتعازمون ...الخ...

أتفق معاك أختي "الأصيلة"
يشوفون فيهم التحضر والتمدن وهم في بلدهم ما محصلين تمر يأكلونه..
وبالفعل لأحظنا أن بعض البنات يمشون معاهم وصداقات قوية..
وما خفى كان أعظم،،،

[الزعفراني]

لأن بعض أهدافهم تلاقت ، يعني تقدر تقول في مصالح متبادلة ، ومنفعه مكتسبه ، صاحب المال بفلوسه ونفوذه ، والأجنبي بمجهوده وشغله ، وهذا مبدأ طيب عند أصحاب البزنس ، لما البدع يحط يده معاي في بزنس ويجيب لي فلوس شاللي يمنع انه يصير واحد من ربعي ؟!

وفي رأي ثاني لكن ما ينقال على صفحات المنتدى لكنه معروف للكل ، وهذا جزء من الراحه والأناسه اللي تغلف مجتمع بعض الهوامير وحياتهم ، واللي يوفرها لهم هالأجانب .

[راشد محمد]

مظاهر كذابه..

[البرجوازي]

العولمة:)

[موضي قطر]

مايضحكني الا اللي مصدقين وجود الأجانب مع بعض العرب انهم يشتغلون بمجهودهم ؟!


اي مجهود .. بعضهم شوفوني يالاعلام الغربي منفتح/ـحه .. وبعضهم العذر انهم يختارون لهم

الأزياء من اشهر دورالأزياء العالمية .. والمصيبة بعد هذا كله الذوق يجيب المرض .. يعني راحت الفليسات .. واللبس شماطيط وهذا كله من عيااااااره بعض المتوسطييين الأصل الأوروبيين الجنسية .. وابشروا ترى المعنيين يدرون وعاجبهم ومستانسين انهم ياخذون بدل الدولار 1000 :anger1:


أم السعف كلش ماقلتي شي <<< ممكن اول حرف للدول المقصودة :shy:

[كبير المتداولين]

تقارب الافكار شي عادي

[nadeemy]

الكبارية والهوامير ربعهم صاروا أجانب
ماهو رايكم بالسبب


سؤال عجيب اخوي البدع من شخص مبدع في مواضيعه
حاولت اجد جواب ماقدرت , قلت في نفسي ليش ما اشقلب السؤال ؟ طبعا بعد اذنك ليصبح كالتالي :
ليش الهوامير ما يكون ربعهم قطريين ؟ يمشون معاهم ويستثمرون معاهم , يستفيدون منهم ويفيدونهم ؟ ووجدت الجواب في ثنايا سؤال اخر :
بعيدا عن الاجانب ومساؤئهم وحسناتهم وامكانياتهم , هل نحن مجتمع متحاب ؟ هل يتمنى كل منا الخير للاخر سواءا كان هامور او عنفوز ؟



وفي رأي ثاني لكن ما ينقال على صفحات المنتدى


:oops::oops:

[Charisma]

انا اعتقد ان السبب بان التاجر او الهامور
يفضلون الاجانب في البزنز .. لان يقدر يمشيه على كيفه وبيدري انه تحت كفالته يعني مايقدر يلعب بذيله

اضف الى ذلك ان هالنوعيه من الاجانب السنتهم احلى من العسل .. يعني ممكن يصور لك مشروع بقاله في خيالك وكانه مشروع مجمع ضخم .. اي تؤبرني ولو ..

[ريتويت]

الله المستعان

[ام السعف]

مايضحكني الا اللي مصدقين وجود الأجانب مع بعض العرب انهم يشتغلون بمجهودهم ؟!


اي مجهود .. بعضهم شوفوني يالاعلام الغربي منفتح/ـحه .. وبعضهم العذر انهم يختارون لهم

الأزياء من اشهر دورالأزياء العالمية .. والمصيبة بعد هذا كله الذوق يجيب المرض .. يعني راحت الفليسات .. واللبس شماطيط وهذا كله من عيااااااره بعض المتوسطييين الأصل الأوروبيين الجنسية .. وابشروا ترى المعنيين يدرون وعاجبهم ومستانسين انهم ياخذون بدل الدولار 1000 :anger1:


أم السعف كلش ماقلتي شي <<< ممكن اول حرف للدول المقصودة :shy:

اول حرف " لبنان "

[كاشف الغطاء]

لان هذي الجنسيات مادية بالدرجة الأولى وهو مايريدونه

[بو خليفه 123]

نوع 1

ربعهم الله يحفظك يحبون التلميع .. والتطبيل .. و يتكلمون عن هذا التاجر في الاماكن العامه و يعملون له دعايه بشكل رهيب تجعله تاجر من لا شيء .. مجرد شعلة سيجار و سفره معه الى الجبل تؤبرني .


نوع 2


بعض التجار يحب يأتمن الغريب ولا القريب .. بحكم ان بعض ربعنا يتحدثون بالمجالس و يعرف الي له و الي عليه .. اما ذاك ان عرف انه تكلم كنسل اقامته و عطاه ابعاد اداري !


نوع 3

بعض الجنسيات الاوروبيه تعمل بجهد لادارة الاموال و جاده في ادارة العمل بحكم عملي معهم بشكل مقرّب . والعيون الزرق ابتسامه منها تمشي معاملتها في اغلب الاماكن .

[ولد قحطان]

نوع 1

ربعهم الله يحفظك يحبون التلميع .. والتطبيل .. و يتكلمون عن هذا التاجر في الاماكن العامه و يعملون له دعايه بشكل رهيب تجعله تاجر من لا شيء .. مجرد شعلة سيجار و سفره معه الى الجبل تؤبرني .


نوع 2


بعض التجار يحب يأتمن الغريب ولا القريب .. بحكم ان بعض ربعنا يتحدثون بالمجالس و يعرف الي له و الي عليه .. اما ذاك ان عرف انه تكلم كنسل اقامته و عطاه ابعاد اداري !


نوع 3

بعض الجنسيات الاوروبيه تعمل بجهد لادارة الاموال و جاده في ادارة العمل بحكم عملي معهم بشكل مقرّب . والعيون الزرق ابتسامه منها تمشي معاملتها في اغلب الاماكن .

صدقت بو خليفة
هذا اللي حاصل

[موضي قطر]

اول حرف " لبنان "


خلي لبنان ودول الشام على جنب ..


الموضه الحين ذوي الأصول المغاربية المقيمين في اوروبا :rolleyes2:

[ANONYMOUS]

تجمعهم مصالح مشتركه

مافيها شي اعتقد

[alfahad1]

الخلاصه :

هامور + اجنبي = مصالح مشتركه هذا يؤدي الى صداقه عميقة ويعتمد على مدى
هذه المصلحه

هامور + مواطن عادي = مافي فايده المواطن يبي دائماً هو راعي الحلال ويخاف من
الشراكه

[الشيخة شيوخة]

لانهم ناس نشيطين لهم في التجاره وهم مايحسدون