بغيت رايكم في العلي للاستشارات الهندسية

[بوسـعد]

لو سمحتوا اناا انشالله ناوي اخليه يشرف على بناء بيت العمر وابغي رايكم فيه

[روح الاطلس]

كم عطاك عرض السعر؟

[SULTAN1]

بوسعد ،توكل على الله من أحسن مكاتب الاستشارات كاشراف ،يمكن سعرة اعلى بس متابعين للعمل وحسب المواصفات المتفق مع المقاول

[الحـ قطر ــب]

الاقصى للاستشارات الهندسية

لو الفيلا مساحتها 500 متر بياخذ عليك 1200

ولو اكبر يمكن اتوصل معاك لين 1500

بس متابعين ويحكرون للمقاول

اما بالنسبة للعلي في ناس تمدحة بس عمري ماجربتة

[الحـ قطر ــب]

شعاع بعد عنهم اشرافهم وتصميمهم نفس ويهم

[القلم الصريح]

انا الاستشاري عندي هو العلي للاستشارات الهندسية
المهندس سيد
والاستشاري فلبيني مضبوط
توكل على الله

[المقاول]

اختر المقاول قبل الاستشاري.
الاستشاري ان كان شديد تأكد انة يبي هدية من المقاول
بس يحصل عليها ..كل شي يمشي .. وممكن يسوي تمثيل
قدامك بأتفاق مع المقاول .. دور على مقاول تثق في اخلاقة
والاستشاري دور على الارخص ومش بيتك .. ولازم يكون
عندك صديق مخلص فاهم في البناء تستشيرة في كل شي .
الله يبارك لك .

[دوحة حمد]

اخوي احنا نتعامل مع شركة التنمية للاستشارات الهندسية صج سعره غالي بس يدقق على كل شي على كل كبيره وصغيره احنا مطمنين منه .

[بوسـعد]

يعطيكم العافيه سويت العقد مع العلي للأستشارات

[Bozizoo]

شعاع بعد عنهم اشرافهم وتصميمهم نفس ويهم

اكد كلامك اخوي مكتب شعاع كلمة تعبان اشوي عليهم
والله دخلت بيت واحد من الشاب و كان شعاع المشرف
ماصدقت الي صاير عمدان مايله و كمرات (بيم) على جنب
طابوق مب سيده بلاستر مب سيده
مدري على شنو كانوا يشرفون
لان راعي البيت كان كله مسافر

[باحث علم]

نصيحة مجرب لا تتعامل وياهم

[khaldoon]

اختر المقاول قبل الاستشاري.
الاستشاري ان كان شديد تأكد انة يبي هدية من المقاول
بس يحصل عليها ..كل شي يمشي .. وممكن يسوي تمثيل
قدامك بأتفاق مع المقاول .. دور على مقاول تثق في اخلاقة
والاستشاري دور على الارخص ومش بيتك .. ولازم يكون
عندك صديق مخلص فاهم في البناء تستشيرة في كل شي .
الله يبارك لك .

اخي العزيز لا تعمم علشان ما تحط بذمتك و تظلم كل استشاري و الظلم ظلمات يوم القيامة

و انت معرفك المقاول يعني اعطيت انطباع انه كل مقاول مستعد يرشي و يمشي اموره و هالشي ما اعتقد انك تقبله لا لنفسك و لا لكل مقاول مثلك

على العموم لما تدور على استشاري رخيص او حتى الارخص مثل ما تنصح فوق فما تتوقع منه يعطيك شغل نظيف...اعطيه حقه علشان يعطيك حقك و لا يمثل عليك