عندي مشاكل مع المقااول .. من يقدر يفيدني !!

[Abdulla86]

امسيتوا بالخير بالجميع

يالربع من عندي خبر في هالمجال انا بصراحه عندي مشاكل مع المقاول والمشاكل بسببه هو تاخير البنيان و امور اخرى

انا ابيكم توجهوني الى الجهه المناسبه او شخص ينصحني

هل استشير مكتب محاماه ؟

ولاهنتوا

[ahmed jasim]

أكتب ملخص المشكلة وإرفق الأتفاقية والفواتير وإبعثها الى حماية المستهلك
44945500
44945550
cpd@mdt.gov.qa

[محامية قطر]

في هذه الحالة أخي الكريم
لابد من أستشارة مكتب محاماة ليدلك علي الطريق القانوني
وغالبا مثل هالموضوع يحتاج وبصفة مستعجلة رفع دعوي مدنية مستعجلة ينظرها قاضي الأمور المستعجلة ليتم تعيين خبير هندسي من قبل المحكمة ليعاين البناء ويتم أثبات حالته علي ماهي عليها الأن حتى يتسني لك فيما بعد رفع دعوى موضوعية للمطالبة بما قبضة المقاول فيما يزيد عن الأعمال المنجزة وحساب جميع التعويضات ومنها غرامة التأخير أن وجدت
علما بأن بمجرد الحكم في دعوي أثبات الحالة - تستطيع عزل المقاول وتعيين شركة أخري لأستكمال الأعمال
وأي أستفسار أنا حاضرة
بالتوفيق

[قناص 787]

اخوي كلمني على الخاص ياريت تقولي التفاصيل على الخاص

[مضارب دوسري]

لا يا اخوي لا ترفع قضيه ولا شي
القضيه بينقعونك سنه وزياده وبتقعد تنتطرهم وعوار راس
انا نفسك
باقي من عقد المقاول عندي شهرين والواضح وحسب كلامه يبي 3 شهور زياده لان صارت مشاكل عنده فالشركه بخصوص تسفير المهندس اللي كان مسؤول عن بيتي
المهم باختصار هو ملزوم معاي كل يوم تاخير ب 450 ريال
يعني اصبر زياده وفي الدفعه الاخيره اخصم فلوسي واعطيه الباقي
يعني لاتعور راسك كلم الاستشاري يعطيه رساله بانه متاخر وان في هالحاله بيدفع عن كل يوم تاخير هذا اذا عندك شرط جزائي ويكون عقدك قوي
اما اذا عقدك عباره عن ورقتين واللي مكتوب رؤوس اقلام وماعندك شرط جزائي ولا مده لانجاز المشروع في هذي الحاله الله يكون في عونك

[مضارب دوسري]

كلامي اذا كان عقدك عظم او عظم بلاستر

باختصار اذا ماتبيه سو معاه مخالصه عقب انتهاء المرحله
وخلها سلميه
بس اذا انت دافع اكثر من المنتج
يعني الدفعات اللي دفعتها اكثر من اللي سواه معناها مالك الا مثل ماقالت محاميه قطريه

[Abdulla86]

أكتب ملخص المشكلة وإرفق الأتفاقية والفواتير وإبعثها الى حماية المستهلك
44945500
44945550
cpd@mdt.gov.qa

تسلم الله يزاك كل خير بنحط هالحل في عين الاعتبار

[Abdulla86]

في هذه الحالة أخي الكريم
لابد من أستشارة مكتب محاماة ليدلك علي الطريق القانوني
وغالبا مثل هالموضوع يحتاج وبصفة مستعجلة رفع دعوي مدنية مستعجلة ينظرها قاضي الأمور المستعجلة ليتم تعيين خبير هندسي من قبل المحكمة ليعاين البناء ويتم أثبات حالته علي ماهي عليها الأن حتى يتسني لك فيما بعد رفع دعوى موضوعية للمطالبة بما قبضة المقاول فيما يزيد عن الأعمال المنجزة وحساب جميع التعويضات ومنها غرامة التأخير أن وجدت
علما بأن بمجرد الحكم في دعوي أثبات الحالة - تستطيع عزل المقاول وتعيين شركة أخري لأستكمال الأعمال
وأي أستفسار أنا حاضرة
بالتوفيق

الله يزاك كل خير يالغاليه و الله انا كنت كنت بخطي هالخطوه وبرفع دعوى بس عقب ترردت وقلت بنحلها ودياً لكن للاسف ماكان في نتيجه .. وان شااء الله بحاول اتواصل معاج اختي محاميه

[Abdulla86]

اخوي كلمني على الخاص ياريت تقولي التفاصيل على الخاص

ان شاء الله بتواصل معك على الخاص

[Abdulla86]

لا يا اخوي لا ترفع قضيه ولا شي
القضيه بينقعونك سنه وزياده وبتقعد تنتطرهم وعوار راس
انا نفسك
باقي من عقد المقاول عندي شهرين والواضح وحسب كلامه يبي 3 شهور زياده لان صارت مشاكل عنده فالشركه بخصوص تسفير المهندس اللي كان مسؤول عن بيتي
المهم باختصار هو ملزوم معاي كل يوم تاخير ب 450 ريال
يعني اصبر زياده وفي الدفعه الاخيره اخصم فلوسي واعطيه الباقي
يعني لاتعور راسك كلم الاستشاري يعطيه رساله بانه متاخر وان في هالحاله بيدفع عن كل يوم تاخير هذا اذا عندك شرط جزائي ويكون عقدك قوي
اما اذا عقدك عباره عن ورقتين واللي مكتوب رؤوس اقلام وماعندك شرط جزائي ولا مده لانجاز المشروع في هذي الحاله الله يكون في عونك

والله ياخوك انا خلصت مدة العقد والمشكله في اخطاء في البنيان توني مكتشفها امور بسيطه .. العقد اللي عندي فيه عقد جزائي و فيه بنود

بس المشكله ان هو موقف العمل ويطلب دفعات لاعمال لم تنعمل لحد الان واخر دفعه مستلمها كانت بلاستر 100الف وانا سلمته 200 عشان اخف على و المشكله اعمال البلاستر ماكتملت

[Abdulla86]

كلامي اذا كان عقدك عظم او عظم بلاستر

باختصار اذا ماتبيه سو معاه مخالصه عقب انتهاء المرحله
وخلها سلميه
بس اذا انت دافع اكثر من المنتج
يعني الدفعات اللي دفعتها اكثر من اللي سواه معناها مالك الا مثل ماقالت محاميه قطريه

المشكله هو رافض المخالصه و يطالبني على حسب كلامه بمبالغ لان المنجز اكثر من المدفوع و الواقع يقول العكس وحاليا بكمل شهر والبنيان عندي متوقف عن العمل

[RAHA]

لا تستعجل
أمور المحكمه طويله و ماراح تستفيد إلا التأخير
و المتضرر هو المالك
حاول انك تصلح الأمور
و صدر الإستشاري و اذا ماعندك استشاري
حاول تبحث عن استشاري يخاف الله
لأنك ما راح تميز بين ماهو مستحق او غير مستحق
و قد ما تقدر كمل الشغل حتى لو بإتفاق أخر
و قدر العمل مع الإستشاري وهل سعر عقد المقاوله منصف ام لا
ممكن هو مغلط في حاجه او حساب معين يعني لو هو مغلط لا تنحره
و صدقني ما في احسن من التفاهم
بس اهم حاجه انك تضمن امانة الإستشاري و حلوله

و الله يعينك

[فتى الجود]

السلام عليكم

الأستشاري وينه

هو ممكن يحل بعض النقاط المختلفين عليها

وعن طريقة يتم توجيه المقاول ويحلها بأذن الله

و تسون مخالصة

وعدها يطلع المقاول من عندك وكمل عند واحد ثاني

لاتروح المحاكم


بس استفسار

ايش جنسية المقاول ؟

[حسن]

شوف يخوك خلص معاه بالزين ووصل لحل يرضي الطرفين يااما تقدرون العمل وتحاسبه
ولا يكمل العمل وياك اما بخصوص الاستشاري الصارحه الكثير منهم ذمته تنشري
واما بخصوص المحاكم رددمطولك ياليل والحق ضايع في الطوشه
وكلام الدوسري هو الراي الراجح في نظري
والراي لك

[مضارب دوسري]

والله ياخوك انا خلصت مدة العقد والمشكله في اخطاء في البنيان توني مكتشفها امور بسيطه .. العقد اللي عندي فيه عقد جزائي و فيه بنود

بس المشكله ان هو موقف العمل ويطلب دفعات لاعمال لم تنعمل لحد الان واخر دفعه مستلمها كانت بلاستر 100الف وانا سلمته 200 عشان اخف على و المشكله اعمال البلاستر ماكتملت

والله ياخوي حيرتني معاك

اللي اعرفه ان كل دفعه مكتوب جنبها في العقد بعد الانتهاء من كذا وكذا
يعني كل دفعه مكتوب جنبها ان يستلمها لما يخلص المرحله الفلانيه

في هذي الحاله انت تعطيه الفلوس وهو يكمل المرحله
عندي مثلا
120000 دفعه اوليه للبدء فالعمل
120000 بعد الانتهاء من القواعد
75000 بعد الانتهاء من صب السقف الدور الارضي
75000 بعد الانتهاء من صب سقف الدور الاول والبنت هاوس
75000
بعد الانتهاء من الملحق الخارجي والسور
80000 بعد الانتهاء من اعمال البلاستر

هذا بخصوص الدفعات
انت شلون ؟

[مضارب دوسري]

المشكله هو رافض المخالصه و يطالبني على حسب كلامه بمبالغ لان المنجز اكثر من المدفوع و الواقع يقول العكس وحاليا بكمل شهر والبنيان عندي متوقف عن العمل

فالمخالصه اكيد بتدفع له زياده
لان يبي مربح
رتب امورك واوصل لحل يرضيكم
وخله يكمل شغله
وفالدفعه الاخيره اللي عقب البلاستر اخصم الشرط الجزائي وعطه الباقي
لازم الدفعه الاخيره تكون مبلغ محترم

[مضارب دوسري]

باي حق تعطيه زياده وتقول بخفف علي
لا يا خوك اتوقع هالنقطه اللي خلاه يطمع فيك
المفروض تعطيه الدفعه بالضبط بدون زياده

[حسن]

باي حق تعطيه زياده وتقول بخفف علي
لا يا خوك اتوقع هالنقطه اللي خلاه يطمع فيك
المفروض تعطيه الدفعه بالضبط بدون زياده

لاتلومه ياضارب ياما ناس تبهدلو مع ذا المقاولين حتى انا تبهدلت مع السنترال
والنصاب اللي وردهم بس ماقدرت اشتكي عليه ضحيت 100 الف ورب العلمين
بيحاسبه
لاتلومني الله يجازي اللى كان السبب اوالله لو مهب قطر فاونديشن ونزع الملكيه لخذت
حقي وطلعت عينه لكن وشنقول
في ذمتكم