بنك التنميه وقرض السياره

[لـبـيـه]

تتوقعون بيجينه يوم نشوف بنك التنميه يعطينه قرض للسياره

بعد ماشفنا ارتفاع جنوني للسيارات من ربع مليون وطالع بعد ماكانت البيوت

قبل على 550 الف بيت متكامل اصبح الموتر الحين بنفس القيمه ويوم كانت قبل

الفلل ب 550 الف كان القرض تقريبا ب 600 الف على 30 سنه

يا تشوفون لنا حل في ارتفاع الاسعار الجنوني في السيارات او تمنحون قرض

للسيارات على 20 سنه

البعض بيقول اشتر موتر ب 50 الف لاكن خل نكون واقعين ونتكلم بشموليه ونعم ومانخص

واناقش موضوع ارتفاع الاسعار للسيارات لين متى يعني الارتفاع بدون رقيب

[زمان]

المشكلة في المشتري وليست في الوكيل

احنا الي عطيناهم وجه كل مانزل موتر جديد شريناه باي سعر

لا ومستانسين لانهم عطونا خصم 3000 او 5000 ريال

[BIG-VEGA]

صادق يا زمان

من فتره كان الكل ينتقد عبد الغني واسعاره
والحين .. اول مانزل الموديل الجديد العالم طوابير عنده

الكلام في صوب والفعل في صوب

خذ وخل :rolleyes2:

[فريج النجادة]

المشكلة حب الزبو ذابح الشباب والبنات

ولذالك لن تتوقف ارتفاع الاسعار

ولكن متى ما كنا على قلب رجل واحد

ولا شرينا سيارات غالية بعد ذالك غصب عنهم تزل الاسعار

ولكن حب الزبو هو الذي سيمنع الناس من التكاتف

[كبير المتداولين]

نعم اخوي زمان صادق المشكله في المستهلك الي يشتري سياره بغض النظر عن سعرها غيرو من عاداتكم الشرائيه

[لـبـيـه]

بس ياجماعه السياره اصبحت ضروريه مالنا غنى عنها

بغض النظر عن نوع السياره او وكالتها طبعا الكل يبي

ياخذ له السياره الي تعمر وياه وقطع غيارها متوفره وباسعار جيده

وبعد البيع تجيب سعر طيب

اذا القصد الكروزر فاعتقد النيسان بعد وصل فوق الربع مليون والحل طيب

اصبحت تحدي

[تاجر]

المشكلة في المشتري وليست في الوكيل

احنا الي عطيناهم وجه كل مانزل موتر جديد شريناه باي سعر

لا ومستانسين لانهم عطونا خصم 3000 او 5000 ريال

صَدَقت ..

[ضوى]

الصراحة انا مافكر اشتري سيارة جديدة حاليا لا لي ولا للبيت ، وناوية كل فترة ان شاء الله اسوي صيانة كاملة للسيارات اللي عندي بالبيت واضبطهم تمام وامشي حالي بهم لين يصير شي ايجابي بخصوص ارتفاع الاسعار

[مرتبش]

اخاف انه يحصل عندنا بسبب الطلب الكبير على الاقتراض لشراء احدث واكشخ السيارات

[لـبـيـه]

اخاف انه يحصل عندنا بسبب الطلب الكبير على الاقتراض لشراء احدث واكشخ السيارات

الله المستعان وكل شي غالي

[mrloverman]

لا تشتري واصبر على سيارتك
ما ودانا بداهيه غير الزبو الموفشر والحمقى الي يدفعون للتاجر يعني شوفي ما اهتم للفلوس والتاجر
يطلعه ويقول غبي


اعرف تجار ويقولون لي اسعارهم وشلون يرفعون الاسعار بدون سبب بس لان الناس ما عندها مانع وما تعترض

اخرها سالفة طوق الصراويل وصل نوع 400 ريال كان ينباع ب 200 وسألته قال ليش ننزل والناس تدفع
مع ان سعر الشراء نفسه من اليابان ما تغير الا شوي


بالنسبه للمواتر
عني
لو تنقلب الارض فوق تحت مب مشتري سياره من التويوتا عقب هالاسعار
ولو حدتني الظروف بشتري مستعمل

اخ ما قاهرني غير ان الجي اكس الي مافيه شي واصل 200

بس دام في أغبياء يشترون أكيد الوكلاء والتجار من حقهم يطمعون

[مخطط قطري]

عجبتني الفكرة يعني نروح ناخذ قرض من بنك التنمية عشان نشتري سيارة وندفع اقساطها بعد 30سنة خخخخخخ والبيت ما ينفع له بنك تنمية الحين ينفع بنك مركزي ههههه وترى هذا لي صاير صح كلامك

[لمعة الالماس]

الحين كل الوكالات اسعارها مرتفعه

والمطلوب في شوارع الدوحة الفورويل

والواحد ما يقدر يجمع مبلغ عشان يشتري سيارة كاش

لان كل سنة ترتفع الاسعار فغصب عنا ناخذها بالاقساط

ياليت يشوفون لنا حل لان الوضع مب طبيعي !

[الموضوعي]

ارتفاع السيارات مب في قطر بس حتى في دول الخليج

[محمد]

الارتفاع شي طبيعي ..
السوق عرض وطلب .. و دام عندج نوعية عقليات تدفع في التويوتا ربع مليون .. وفي اللكزس الي هي تويوتا مطوره 400 الف .. وين تنتظرين تنزل الاسعار ؟!

والله احس لو يجينا اوروبي ويعرف ان العالم تركض ورا تويوتا بربع مليون و بالحجز بتجيه جلطة .. مب من القهر .. من الضحك !! :nice:

ثاني شي قطر بالذات غير عن بقية دول الخليج .. مافيها سوق متنوع للسيارات الشعب كامل وحتى المقيميين متجهين لشركات معدودة بعكس الكويت والسعودية مثلا ..

اذا الكاديلاك شيخ المواتر الامريكية البعض يصنفه مع الشفر و البيوك .. شتنتظرين ؟

الموضوع موضوع ثقافة ..

[لـبـيـه]

مادري نلوم من

المواطن الي مجبور

او اصحاب الوكالات

بس على فكره ماقول الشرهه على اصحاب الوكالات لا الشرهه على الي ساكتين عنهم

http://2.bp.blogspot.com/_rauUywsmCtw/TNk0sx9nkXI/AAAAAAAABCI/Eu_HBn6Vk3A/s1600/%25D8%25B4%25D8%25AD%25D8%25A7%25D8%25AF%25D9%2583 %25D9%2585.jpg