حتما سيســـعدكم هـذا الخبـــر كمــا أســـعدني !

[HAYA]

أسعدني جدا الخبر الذي تم تناقله بالأمس ، و أرجو أن يكون صحيحا و ليس إشاعة .
كما وصلني :
" وداعا للمناظر المخلة في قطـــــر ، ، ،
اتصل على الرقم : 44947888 تحويلة ( 5 ) العضيد
للتبليغ عن أي ملابس فاضحة أو سلوكيات خادشة للحياء ، فقد تم تفعيل الخدمة بشكل رائع " .

إن كان الخبر صحيحا فبارك الله فيمن أصدر هذا القرار ، و حرم بدنه على النار ، و رزقه الجنة مع الأبرار و الصحبة الأخيار ......

و إن لم يكن كذلك ... فأرجو أن تكون هذه الإشاعة سببا في صحوة ضمير النائمين و تنبيه الغافلين لحماية بلادنا من سلوكيات الوافدين التي تضر الأخلاق و الدين .

[أخت الكل]

صبحكم الله بالخير

ان شاء الله يكون الخبر صحيح لان بعض الوافدين وللاسف من الجاليات العربية والفلبينية اكثر من الاوروبية نسوا نفسهم، ويبي لهم احد يفوقهم.

[المواطن]

الله يبشرج بالخير اختي

وآمين

[بنت امي]

اتمنى ولكن مادري ليش ماتوقع ( يمكن عشان التطور والانفتاح )

ولكن اذا صحيح فالحمد الله

[al-sadd]

اتصلت على الرقم بيرن رنتين وبعدها بيرد عليك الكمبيوتر
اختر رقم 5
وبتكلم شخص وبلغ عنده
ولاكن عموما هذي خدمة العضيد
وهي موجوده من زمان ان ماخاب ظني

[بلوتنيوم]

الخدمة موجودة
بس اهم شيء يتواجد المبلغ
والاخوان مايقصرون :)

[HAYA]

الأخت الكريمة أخت الكل ...
كل الشكر لك للمبادرة بالرد ... بارك الله فيك .

[بوعلي2]

الله المستعان

[امـ حمد]

تسلمين حبيبتي هيا على الخبر

وإن شاء الله يكون صحيح

[SULTAN1]

خدمة ممتازة ان وجدت ،ولكن على الهئيه العامة للسياحة والقطرية وكذلك سفارات قطر بالخارج اصدار كتيبات للزوار والسياح الأجانب بالمحضورات التي يجب تجنبها مراعات لشعور اهل البلد،ترى ما نراه حرام ومنقود عندهم عادي ،والله من وراء القصد

[شهر سبعة]

من زمان الخبر يعطيهم العافيه

[تركواز]

يعني لما نبلغ عن الانجليزيه اللي لابسه شور فوق الركبه ..

بتجي بتقول هاي حريه شخصيه وبتدخل فيها حقوق الانسان

الموضوع متشعب ،، دام الموضوع مفتوح للاجانب يسون اللي يبون .. مابيردعهم التبليغ عنهم ..

مادري شلون يتم هالموضوع ياليت الي يعرف يشرح لنا

[السحابة]

رفع للمتابعة

[الشيخة شيوخة]

ايه صح اذا شفنا منكر لازم نبلغ عنه
لان لو كان في بيتك خدامه اوسائق اغلطو تسكت عليهم
اكيد مراح تسكت
واذا عندك بنت او ولد اغلطو بتسكت عليهم
اكيد لا
كذلك اى احد سواء قطرى اوغير قطري اذا غلطو لازوم مانسكت عليهم
لان لوسكتنا اكيد الفساد بينتقل الى بيوتنا
واذا تعودت العين على شوفت الغلط الى برا
اكيد بنسكت على الغلط الى داخل بيوتنا
واذا انتشر الفساد ينزل الله عقابه على البلد
و من هذا العقاب التزعزع الامنى داخل البلاد

[بصمة قطرية]

خدمة ممتازة ان وجدت ،ولكن على الهئيه العامة للسياحة والقطرية وكذلك سفارات قطر بالخارج اصدار كتيبات للزوار والسياح الأجانب بالمحضورات التي يجب تجنبها مراعات لشعور اهل البلد،ترى ما نراه حرام ومنقود عندهم عادي ،والله من وراء القصد

:victory: بالضبط ..
هاي اللي المفروض يصير ..
لازم يعرفون عادات وتقاليد البلد و يحترمونها ..
صدقوين في فئة كبيرة منهم لو عرفوا لتقاليد راح يحترمونها
شوفوا السعودية شلون اجبرتهم و خلتهم يلبسون العباية ..

[غزلان]

خبر يفرح

ومب غريبه على مسؤولينا اصدار مثل هالقرار لأنهم من عيال البلد وفيهم خير

[روح الاطلس]

كيف بعرف هالمنظر مخل بالاداب او لا عند العضيد!!

مثلا انا لو بشوف بنت لابسه لقنز بقول عنه مخل بالاداب لو بلغت وقلت هالكلام بيسوون شي؟!! :)

لازم فيه معايير وتحديد لكلمة مخل بالاداب لاني اتوقع مب على كل تبليغ بيجون يركضون لي !

[ريماس الغلا]

الخدمه موجوده من زمااااااااااااان

بس احنا نحب نحن وايد بدون ما نشتكي

[ريماس الغلا]

كيف بعرف هالمنظر مخل بالاداب او لا عند العضيد!!

مثلا انا لو بشوف بنت لابسه لقنز بقول عنه مخل بالاداب لو بلغت وقلت هالكلام بيسوون شي؟!! :)

لازم فيه معايير وتحديد لكلمة مخل بالاداب لاني اتوقع مب على كل تبليغ بيجون يركضون لي !



اي وحده مطلعه قذلتها وفاتحه عبايتها ولابسه لبس مب زين وتغري الشباب :


اشتكي عليها .........


تقدرين ؟؟؟

[السحابة]

يعني بنمشي في الاسواق ونحصل واحدة في المول مفسخه أقولها أنتظري أبلغ عنك لايضحكون علينا المفروض تكون في أحد من الامن الوقائي ويكون بملابس مدنية او الملابس الرسمية وأهما اللي يقمو بالمهمة بيحصلو مخالفات مثل النمل

اتذكر وانا داشه السنتر اللي عند جسر الجيدة مكتوب علي الباب ممنوع الدخول بملابس غير لائقه أو محتشمه وكل اللي المتواجدين حدث ولاحرج ياريت يطبق قانون السعودية*

[HAYA]

شكرا لحسن الرد أخي الكريم المواطن .

[HAYA]

الأخت الكريمة / بنت أمي
فعلا .. لا نتوقع أن يكون هذا الخبر صحيحا ، لذا علينا قطع الشك باليقين بالاتصال بالعضيد و الاستفسار لديهم .
مع الشكر ....

[HAYA]

الأخ الكريم / al-sadd
شكرا لتجربة الاتصال .. و يا حبذا لو استفسرت لديهم و أفدتنا ....
الخدمة هذه موجودة من زمان كما تفضلت أخي الكريم و لكنها لم تكن مفعلة ، أما الآن فقد تم تفعيلها كما ورد في الخبر .

[لاجل QT]

فرضا صدنا الهدف

وعقب اتصلنا الا طار الهدف

ولا بنقعد ندور وراهم في المجمع..يحطون ناس في مكان ثابت افضل في المجمعات

[لاجل QT]

وهل هالشي يشمل فئة(( الشيميل))لان اليوم شفت منظر مقزز في شرق 2 شيميل..في عمر 20 سنة تقريبا لابسين فستان قصير فوق الركبة وبواريك وكعب 6 انش وميك اب قطرين حكم للاسف واشكالهم تخوف ..

ارحمونا من هالمناظر المقززة

[ريماس الغلا]

اليوم في سيلين قطريات بسياراتهم والكذله شنها عنزة



استغفر الله



حنا نبي عضيد وعضيده في بيوتنا

[الصغيره]

لو الاجانب يلقون شرح عن دينا وعاداتنا وتقاليدنا كان ماصار اللي نشوفه لكن هم يظنون انه عادي الناس ساكته وتمشي

على الكورنيش اجنبيه تمشي الصبح الصراحه الواحد يستحي وش يقول


لكن بعد نبي نبلغ عن ال شواذ اللي صاروا يشترون الملابس النسائيه ويحطون المكياج ويمشون عادي كنهم مش مسوين شي

نبي نتصل ونشكي على المراكز التجميليه الطبيه اللي تسوي للشواذ ليزر وتجملهم الصراحه نخاف يصيبنا شي من الامراض


الله يستر على خلقه

[رُفق المجنّا]

لو أن الواحد منا يمتعظ حتى ولو بعلامات مرسومة ع الوجه صدقوني راح تتغير أمور كثيرة

بيدري المتمادي إن هذا أمر غير مرغوب فيه

وبتضافر الجهود تقل مثل هذه الأمور بشكل كبير

[زهرة بنفسجية]

يعني الحين شلون بتم الشكوى؟!!!!!!
لو شفت مخالفه سلوكيه او ملابس غير لااائقة اقولهم انتظروا ليييييين يوصل العضيد!!!!!!!!!
يعني غرييبه
المفروض على باب كل مجمع واقفين موظفين يراقبون التزام الناس باللوحة الصغييرة اللي على باب المجمع
و اللي اكااد اجزم انه ماحد يقراها
لانها صغيرة و غير واضحة
بينما الاعلانات للبنات و ربما تكون مخله بالاداب تكون كبر الباااااب كله
المفروض يكونون صارمين في هالمساأله لانه الوضع لايسكت عنه
و بازدياد للاسف
و مذلك توزيع كتيبات على الوافدين تطلعهم على مبادئنا و عاداتنا و الحشمة المطلوبة منهم
يعني و الله العظيم اكثر من مرة شفت واحد ووحدة يتمشون و هن استغفر الله ...
عسى ماشر
وين عايشين بفرنسا!

[عميد الريان]

هذي الخدمه موجوده من زمان بس ايش الفايده منها لان اذا امسكوهم يكتبون عليهم تعهد ويخلونهم
نبي شي أقوى يعني مخالفه كبيره واذا تكرر الموضوع تسفير

[ms-qtr]

من زمان والعضيد ما شاء الله عليهم بالمرصاد للتصرفات الي تخدش الحياء
كل الي على المواطن انه يبلغ وبييون
ناس اعرفهم جافوا مرة لابسة تنوره وايد قصيرة فبلغوا وفعلا العضيد ياوا وتفاهموا مع المرة

[BosaiF_774]

مفروض اي شخص يجي من الخارج يعطونه كتيب فيه التعليمات ..
ممن اللى عششان يعرف شنو حقه وشنو الي مفروض مايسويه في دوله اسلاميه ..
والاجانب معروف عندهم الاتزام يعني لو يدري ان هالشي ممنوع مابيسويه ..
ولو مـآتزموا لازم فيه هيئه خآصه تتولى الوضع ..
خزنت الرقم وعسى بس مـآشوف هالاشكال ..

[halawalah]

خدمة ممتازة ان وجدت ،ولكن على الهئيه العامة للسياحة والقطرية وكذلك سفارات قطر بالخارج اصدار كتيبات للزوار والسياح الأجانب بالمحضورات التي يجب تجنبها مراعات لشعور اهل البلد،ترى ما نراه حرام ومنقود عندهم عادي ،والله من وراء القصد


+
1

ضروري

[بوسلمان 2010]

انتمنا يكون فعال ويردع المخالفين

[HAYA]

الأخ الكريم بلوتنيوم :
إن كانت خدمة العضيد موجودة و مفعلة كما تفضلت ، فلم لا يتواجد أفرادها في الأماكن العامة لتسهيل عملية التواصل مع المبلغين عن المخالفات الأخلاقية و السلوكية ؟؟؟؟؟

[HAYA]

شكرا للتعقيب أخي الكريم بوعلي2

[HAYA]

الأخت الكريمة أم حمد
أشكر لك تعقيبك ، و مثلك أرجو صحة هذا الخبر .

[HAYA]

أتفق معك تماما أخي الكريم sultan1
بارك الله فيك .

[درر قطر]

والله الأماكن العامة يبيلها شوية ضبط سلوكي