ماهو الارتفاع المناسب لوحبيت احط داكت اسبيليت او مركزي

[سهم عتيج]

سؤال لاهل الخبرة وعشان مانطيل عليكم

فلتي حسب المخططات ارتفاعها 4 امتار للدور الاول وكذلك للثاني

الاستشاري اقترح ارفع الدور الاول الى 4،35 عشان التكييف المركزي علما باني لو حطيت مركزي او داكت سبليت بياخذ حوالي 70 سم وبيكون صافي الارتفاع مع الديكورات والجبس حوالي 3 متر

نحتاج نصايحكم في هذا الخصوص وبالمرة عشان الكل يستفيد في حالة التفكير بوضع مكيف مركزي وايش الارتفاع المناسب وهل الارتفاع الكبير زين في الشكل او لا

وهل اكتفي بالاربع امتار والا ارفع اشوي علما بان اي ارتفاع راح يكلفني زيادة

اتمنى اسمع منكم النصيحة في ذلك


ومشكورين مقدما

[حسن]

شوف ياخوي بالنسبه للارتفاع انا اشوفه زين وكافي للنوعين بس هل انت تحب الارتفاع ولا لا
بالنسبه لي بيتي سنترال وارتفاعه ماتعدي 270 اتصدق انا ماحب السقف العالى
بس الاتفاع عندك زين بس شوف قول وش بتكب سيلت داكت ولا سنترال لاني باعطيك نصايح استشاري
مايحطها للك

[سهم عتيج]

شوف ياخوي بالنسبه للارتفاع انا اشوفه زين وكافي للنوعين بس هل انت تحب الارتفاع ولا لا
بالنسبه لي بيتي سنترال وارتفاعه ماتعدي 270 اتصدق انا ماحب السقف العالى
بس الاتفاع عندك زين بس شوف قول وش بتكب سيلت داكت ولا سنترال لاني باعطيك نصايح استشاري
مايحطها للك

يعطيك العافية اخونا حسن على الرد

انا باحط النوعين بالاضافة الة مكيفات عادية لبفية الغرف ..الدور الارضي ان شالله داكت والاول سنترال للماستر وداكت للصالة واسبليت يونت للغرف
الاخرى

يعني اتوكل على الله واخلي لارتفاع 4 امتار عشان بعد ما ارفع السلم 3 ادريات

[ZURICH]

الدكت سبيلت يحتاج 50 سم فقط ،، والجبس من 30 الى 50 سم على حسب شكل ديكور الجبس

الارتفاع يعطي البيت فخامة وراحة من الداخل وأيضاً من الخارج

أفضل ارتفاع عندي من 4،50 سم وفوق .. بدون الخرسانة 30 سم

بالتوفيق أخوي

[Chambray]

يعطيك العافية اخونا حسن على الرد

انا باحط النوعين بالاضافة الة مكيفات عادية لبفية الغرف ..الدور الارضي ان شالله داكت والاول سنترال للماستر وداكت للصالة واسبليت يونت للغرف
الاخرى

يعني اتوكل على الله واخلي لارتفاع 4 امتار عشان بعد ما ارفع السلم 3 ادريات

اخوي سهم عتيج
انت شكلك ملخبط بين الانواع

ترا عادي انا كنت نفسك :)

الدور الارضي داكت سبليت .. هالدكت عبارة عن وحدات داخليه تغذي مناطق انت تبغيها من خلال ممرات هوائية ( نفس الفنادق )
الدور الاول انت قلت سنترال للماستر .. والسنترال مايتركب لغرفه وحده
السنترال يتركب كل شئ فوق السطح من مكاين دفع هواء او سحب هواء او كمريسرات كل شئ فوق السطح ويدخل لك في البيت دكتين
الدكت الاول للهواء البارد
والدكت الثاني لسحب الهواء (الراجع ) ومستحيل تقدر تركب مركزي او سنترال لغرفه وحده

يا اتركب كل البيت سنترال وتلزم الشركة بتركيب مكيفين الاول للطابق الارضي والثاني للطابق الاول

او انك تركب دكت سبليت للماستر والطابق الارضي والباقي سبليت يونت العادي

انا الطابق الارضي دكت سبليت
والصاله في الطابق الاول بعد دكت سبليت

وباقي البيت سبليت عادي



بخصوص الارتفاع


4.2 مناسب جداً
لان الدكت والجبس وهالامور يبيلك مب اقل من 70 سم
والدفان والتبليط يبيلك بعد 10 - 20 سم يعني شوف كم بيتبقى لك :)


وموفق خير ان شاء الله

[سهم عتيج]

الدكت سبيلت يحتاج 50 سم فقط ،، والجبس من 30 الى 50 سم على حسب شكل ديكور الجبس

الارتفاع يعطي البيت فخامة وراحة من الداخل وأيضاً من الخارج

أفضل ارتفاع عندي من 4،50 سم وفوق .. بدون الخرسانة 30 سم

بالتوفيق أخوي

جزاك الله خير على النصيحة

بالفعل امس اتفقت مع المقاول انه يرفع الدور الارضي الى 4.5 متر والدور الاول الى 4.2 متر

والله كريم

[سهم عتيج]

اخوي سهم عتيج
انت شكلك ملخبط بين الانواع

ترا عادي انا كنت نفسك :)

الدور الارضي داكت سبليت .. هالدكت عبارة عن وحدات داخليه تغذي مناطق انت تبغيها من خلال ممرات هوائية ( نفس الفنادق )
الدور الاول انت قلت سنترال للماستر .. والسنترال مايتركب لغرفه وحده
السنترال يتركب كل شئ فوق السطح من مكاين دفع هواء او سحب هواء او كمريسرات كل شئ فوق السطح ويدخل لك في البيت دكتين
الدكت الاول للهواء البارد
والدكت الثاني لسحب الهواء (الراجع ) ومستحيل تقدر تركب مركزي او سنترال لغرفه وحده

يا اتركب كل البيت سنترال وتلزم الشركة بتركيب مكيفين الاول للطابق الارضي والثاني للطابق الاول

او انك تركب دكت سبليت للماستر والطابق الارضي والباقي سبليت يونت العادي

انا الطابق الارضي دكت سبليت
والصاله في الطابق الاول بعد دكت سبليت

وباقي البيت سبليت عادي

بخصوص الارتفاع

4.2 مناسب جداً
لان الدكت والجبس وهالامور يبيلك مب اقل من 70 سم
والدفان والتبليط يبيلك بعد 10 - 20 سم يعني شوف كم بيتبقى لك :)

وموفق خير ان شاء الله

يعطيك العافية اخوي اورينت على النصايح

الماستر عندي تقريبا تعادل ثلث الطابق الاول وهي عبارة عن غرفتين مع غرفة تغيير وحمام كرمك الله يعادلون غرفة

هو قال بيسوي لي فتحة في السقف حق المركزي دايركت على حمام الماستر وحتى قال لي السيرفس والصيانة مايحتاي يدخلون العمال الغرفة. كل شي بيصير فوق السطح. وهالشي اللي شجعني اني اوقع معاهم

اما الداكت فبيكون مثله مثل الوحدات العادية الا كما تفضلت بتكون فيه فتحادت لمرور الهواء

وباقي الغرف فبتكون وحدات عادية ان شاءالله

على الاقل لو اخترب السنترال عندنا غرف احتياط :)

[RAHA]

بالنسبه للدكت
يختلف ارتفاعاته او السمك المطلوب على حسب نوع الدكت او مواصفات المكيف و على حسب العزل أيضا
ومنه يجي دكت ضيق سليم و واسع و طبعا هذا كله على المواصفات المكيف

أسلم حاجه تربط المقاول و تعرفه على مهندس التركيبات للمكيفات
و حاسب يكون الترتيب مع الشخص المختص إلي يركب الدكت كان فورمان او مهندس
و حاسب لا تأخذ بكلام مهندس المبيعات و لكن خله يرتب لك موعد مع المشرف على التركيب
و خذ منه البيانات المطلوبه و من هنا تحدد متطلباتك من ارتفاعات او تغيير في المخطط
و في اثناء العمل تأكد من استلام مقاول التكييف أماكن الدكت و الفريمات الخشب و مكانه من المقاول قبل صب الخرسانه
و طبعا بختلف التسليم على حسب تأسيس الدكت كان سقفي أو الحائط

[حسن]

يعطيك العافية اخوي اورينت على النصايح

الماستر عندي تقريبا تعادل ثلث الطابق الاول وهي عبارة عن غرفتين مع غرفة تغيير وحمام كرمك الله يعادلون غرفة

هو قال بيسوي لي فتحة في السقف حق المركزي دايركت على حمام الماستر وحتى قال لي السيرفس والصيانة مايحتاي يدخلون العمال الغرفة. كل شي بيصير فوق السطح. وهالشي اللي شجعني اني اوقع معاهم

اما الداكت فبيكون مثله مثل الوحدات العادية الا كما تفضلت بتكون فيه فتحادت لمرور الهواء

وباقي الغرف فبتكون وحدات عادية ان شاءالله

على الاقل لو اخترب السنترال عندنا غرف احتياط :)
ياسهم لاتستعجل الله يهداك الناس تفكر السنترال بسيط
هوصحيح سهل لاكن فيه بلاوي خذمني نصيحه لاتستعجل يبيلك قعده طيع شوري
كم واحد لما شرحتله هون عنه خاف اترك هل المحلات
كلهم يقصون علينا ويعطونك الشمس والقمر بيد
انت وش نوع الدكت هل هو الجي اي ولا البرينسايتد الفوم
وعندك الفوليوم دنبر والقريلات لازم يكون فيها فوليوم
وموقع القريل الصبلاي والراجع مهب يحطه فوق راسك يبخ عليه
وهل بيحطلك الاي في ار ولا لا وهل القريل ساقط ولا على جنب
سواء مركزي ولا داكت سبلت وكميه الهواء وميزانيه
ولازم تتعير عن طريق جهاز يقيس كميه الهواء والبروده
الكثير غايبه عنه هذه الشغله والمورد شاري دماغه على مايقولون
ولايبي يعور راسه والراي لك

[سهم عتيج]

بالنسبه للدكت
يختلف ارتفاعاته او السمك المطلوب على حسب نوع الدكت او مواصفات المكيف و على حسب العزل أيضا
ومنه يجي دكت ضيق سليم و واسع و طبعا هذا كله على المواصفات المكيف

أسلم حاجه تربط المقاول و تعرفه على مهندس التركيبات للمكيفات
و حاسب يكون الترتيب مع الشخص المختص إلي يركب الدكت كان فورمان او مهندس
و حاسب لا تأخذ بكلام مهندس المبيعات و لكن خله يرتب لك موعد مع المشرف على التركيب
و خذ منه البيانات المطلوبه و من هنا تحدد متطلباتك من ارتفاعات او تغيير في المخطط
و في اثناء العمل تأكد من استلام مقاول التكييف أماكن الدكت و الفريمات الخشب و مكانه من المقاول قبل صب الخرسانه
و طبعا بختلف التسليم على حسب تأسيس الدكت كان سقفي أو الحائط


تسلم والله على هالملاحظات الهامة وان شالله باخذ بكلامك خاصة فيما يتعلق بالعلاقة بين المقاول ومهندس التركيب

[سهم عتيج]

ياسهم لاتستعجل الله يهداك الناس تفكر السنترال بسيط
هوصحيح سهل لاكن فيه بلاوي خذمني نصيحه لاتستعجل يبيلك قعده طيع شوري
كم واحد لما شرحتله هون عنه خاف اترك هل المحلات
كلهم يقصون علينا ويعطونك الشمس والقمر بيد
انت وش نوع الدكت هل هو الجي اي ولا البرينسايتد الفوم
وعندك الفوليوم دنبر والقريلات لازم يكون فيها فوليوم
وموقع القريل الصبلاي والراجع مهب يحطه فوق راسك يبخ عليه
وهل بيحطلك الاي في ار ولا لا وهل القريل ساقط ولا على جنب
سواء مركزي ولا داكت سبلت وكميه الهواء وميزانيه
ولازم تتعير عن طريق جهاز يقيس كميه الهواء والبروده
الكثير غايبه عنه هذه الشغله والمورد شاري دماغه على مايقولون
ولايبي يعور راسه والراي لك

:eek5::eek5::eek5:

كلامك يخرع وبصراحة مافهمت منه شي خاصة فيما يتعلق بالانواع

الحين انه وقعت معاه فايش النصيحة اللي المفروض اعملها خاصة في المركزي

يعني اشلون اعرف ان النوع هو المطلوب عشان ما اتوهق بعدين

[حسن]

:eek5::eek5::eek5:

كلامك يخرع وبصراحة مافهمت منه شي خاصة فيما يتعلق بالانواع

الحين انه وقعت معاه فايش النصيحة اللي المفروض اعملها خاصة في المركزي

يعني اشلون اعرف ان النوع هو المطلوب عشان ما اتوهق بعدين

هذا المشكله يا سهم اسئلني المركزي خلاني اعرف غصب واحنا بس كله نوقع ولحنا عارفين السالفه
اذا تبي اناحاضر بس ارسلي رقم تلفونك وبرز اورقه وقلم

[مضارب دوسري]

انا اتفق مع الاستشاري
اذا انت ناوي تركب دكت سبيلت او مركزي

على فكره الارتفاع خصوصا فالدور الارضي يكون له رونق خاص

اذا بغيت رايي اشوف تخلي الدور الارضي
4 ونص متر
والدور الاول
4.20 متر

يعني يخصم 15 سم من الدور الاول ويحطهم فالارضي

وبالتوفيق والله ييسر لك البنيان

[مضارب دوسري]

جزاك الله خير على النصيحة

بالفعل امس اتفقت مع المقاول انه يرفع الدور الارضي الى 4.5 متر والدور الاول الى 4.2 متر

والله كريم

سبحان الله
توني اشوف هالمشاركه
بالتوفيق

[سهم عتيج]

هذا المشكله يا سهم اسئلني المركزي خلاني اعرف غصب واحنا بس كله نوقع ولحنا عارفين السالفه
اذا تبي اناحاضر بس ارسلي رقم تلفونك وبرز اورقه وقلم

مشكور اخوي حسن وماتقصر ان شاء الله

باقعد مع الاستشاري وباقوم بالاستفسار منه عن النقاط اللي حطيتها خاصة فيما يتعلق بشفط الهواء ومقياس الهواء وان شاء الله باقوم بتحديث هالموضوع اذا استجد جديد

وما نستغني عن توجيهاتك ان شاء الله

على فكرة المكيفات اللي تعاقدت على تركيبها هي ماركة دايكن وقد اخذت راي بعض من قاموا بوضع هذا النظام في منادزلهم فمدحوا لي الماركة ومرتاحين منه وق افادني احد الاشخاص بضرورة اخذ مكان الهواءةالبارد والمرتجع في الحسبان

[سهم عتيج]

سبحان الله
توني اشوف هالمشاركه
بالتوفيق

ههههه

اشوه اني عملت بالنصيحة مقدما وان شاء الله تمشي الامور كما نتمنى

[khaldoon]

اخي العزيز سهم عتيج....الحين انتبهت لموضوعك ما شفته من قبل


خلك قريب لاني راح اكتب اشياء كثير تهمك الحين ان شاء الله

[khaldoon]

اول شيء انت تسأل عن ارتفاع السقف...ما قلت لنا ايش نوع السنترال اللي راح تركبه بالبيت ...قلت دكت يعني راح يكون عندك air handling unit

شوف يا اخوي

عندك نوعين:

النوع الاول fan coil unit او FCU و هالنوع اشوفه الافضل و الاحسن و الاوفر و اقل تكلفة و اللي انت مب راح تركبه للاسف الشديد مثل ما يبين من كلامك فوق

هذا بيكون مواسير و ما يحتاج دكتات و انت تبي تركب دكتات يعني النوع الثاني AHU

المهم هذا النوع FCU يا اخوي عبارة عن مروحة بدخل عليها ماء بارد بيجي من الشيليرعن طريق مواسير ماء و ليس دكتات

و هالنظام مثل السبليت يونيت: وحدة توزيع + كمبرسر و لو اخترب FCU بتخترب بغرفه واحده مب كل الفيلا بعكس النوع الثاني


عيبه انه ما في نظام تغذية الهواء يعني التهوية فلازم تركبله supply or exhuast fans

افضل لانه الهواء الداخل بيكون بارد اصلا وما راح تحتاج مساحات اكبر و لا ترفع السقف و لا شي

النوع الثاني هو air handling unit او AHU و هالنوع عبارة عن ماء بارد بيجي من شبكة مواسير من الشيلير

و الدكتات بدون مروحة اللي هي AHU و المروحة بعيدة و هي بتدفع الهواء بالدكتات و بتم التحكم بمقادر الهواء الداخل بالدكتات عن طريق valves ولو اخترب AHU بخترب التكييف بكل الفيلا

عيبه انه بنقل الامراض خصوصا الفايروس مثل الانفلونزا ...هو بالفلتر بيتخلص من البكتريا بس مب الفايروس و لا يستخدم بالمستشفيات و هالشي بيصير لانه بيرجع الهواء البارد علشان يرجع يبرده و الهواء بيكون ملوث حتى مع الفلتر

و النظام مكلف اكثر و يشتغل بالشيلير او بالفريون


بكل بساطه اسأل اللي راح يركبلك ليش يبي النوع الثاني مب الاول و خبرنا لو حبيت


ما تنسى انا مب مهندس ميكانيك بس بحاول اساعدك ان شاء الله

[سهم عتيج]

الاخ خلدون

اقدر لك كل هالمعلومات اللي ان شاء الله الجميع يستفيد منها انشاءالله
اكيد النوع الثاني هو اللي راح اركبه وماعمري اصلا سمعت عن النوع الاول الا من ردك الحين
بس سؤال هل النوع الاول يتركب في الفلل او في العمارات واي الشركات اللي تركب النوع الاول لان جميع الشركات اللي رحت لها ما اذكرت لي عن النوع الاول وليش مافي دعاية عن هذا النوع اصلا عشان الناس تعرف عنه وهل الصيانة لهذا النوع متوفرة بكثرة مثل النوع الثاني؟
واذا الشركة عندها النوع الاول هل استطيع تغيير العقد من النوع الثاني الى الاول وهل الخرائط الخاصة بالتكييف تحتاج الى تعديل في هذه الحالة؟

يعطيك العافية مرة اخرى على مداخلتك التي اتمنى ان نستفيد منها جميعا

[khaldoon]

الاخ خلدون

اقدر لك كل هالمعلومات اللي ان شاء الله الجميع يستفيد منها انشاءالله
اكيد النوع الثاني هو اللي راح اركبه وماعمري اصلا سمعت عن النوع الاول الا من ردك الحين
بس سؤال هل النوع الاول يتركب في الفلل او في العمارات واي الشركات اللي تركب النوع الاول لان جميع الشركات اللي رحت لها ما اذكرت لي عن النوع الاول وليش مافي دعاية عن هذا النوع اصلا عشان الناس تعرف عنه وهل الصيانة لهذا النوع متوفرة بكثرة مثل النوع الثاني؟
واذا الشركة عندها النوع الاول هل استطيع تغيير العقد من النوع الثاني الى الاول وهل الخرائط الخاصة بالتكييف تحتاج الى تعديل في هذه الحالة؟

يعطيك العافية مرة اخرى على مداخلتك التي اتمنى ان نستفيد منها جميعا

حياك الله اخوي العزيز سهم عتيج

حتى ما اقولك كلام غير صحيح استفسرت من صديق لي وهو مهندس ميكانيك و كان في تعديل بسيط جدا على الكلام اللي ذكرته لك فوق بأنه حتى FCU ممكن يحتاج دكتات مثل النظام الثاني بس بحالات ضيقه جدا و ممكن ما يحتاج ....يعني لو ركبت اكثر من FCU بالصالات الكبيره مثلا فما راح تحتاج دكتات يعني الكلام هذا لسه متوافق مع ردي فوق

انتبه انه الدكتات في AHU SYSTEM بتكون اكبر بكثير جدا من الدكتات في FCU SYSTEM لو انت ركبت FCU وحدة بالصاله (لانك بهالحالة راح تحتاج دكتات بس بتظل صغيره مقارنة بدكتات AHU)

في FCU SYSTEM بيكون عندك شيلر خارج الفيلا بيخرج منه مواسير و ليس دكتات مثل ما قلت لك فوق فيها ماء بارد بروح ل FCU الموجوده بكل غرفة في البيت و كل غرفة في البيت ممكن تركب لها FCU وبيكون لها ثرموستات و متوصله مع الشيلر و بيكون حجم كل FCU و قدرته و ال capacity الخاصة فيه معتمده على حجم الغرفة ...يعني بتكون ال FCU كبيرة لو الصاله كبيره جدا و ما بتكون بنفس حجم FCU للغرف الصغيره و مثل ما قلت لك فوق لو خربت ال FCU بغرفه ما بتعطل التكييف بكل البيت لانه كل غرفه منفصله عن الاخرى من حيث ال FCU بينما كل البيت بيكون موصول على AHU واحد ولو تعطل مشكله

انتبه للي راح اقوله الحين....الصاله مثلا بيكون فيها FCU واحده كبيره و بتوزع على اماكن ثانية عن طريق الدكتات او انك تركب اثنين FCU و ليس واحد يعني تحط واحد يمين و واحد يسار و بهذه الحالة ما تحتاج دكتات في FCU SYSTEM


ممكن AHU يستخدم بالابراج مثلا
اما FCU فممكن يخدم عندك بالفيلا لانه جيد ومناسب اكثر للمساحات الصغيره وما يحتاج دكتات كبيرة

بالمناسبة انت تقدر تزيد عرض الدكت قد ما تبي علشان ما تزيد عمقه و تزيد في تنزيل السقف المعلق او ترفع السقف الخرساني و تزيد الكلفه من غير داعي خاصة انه ما عندك خدمات اصلا فوق السقف ومب هالزحمة و لا تتعارض مع اي شيء ثاني فليش تقلق بخصوص كم بتحتاج ارتفاعات


النظامين بيحتاجوا ماء بارد من الشيلر الموجود خارج الفيلا لان صوته عالي و مزعج

FCU عبارة عن مروحة بكل غرفة مثل ما هو باين من اسمه
FAN COIL UNIT بيدخل عليها ماء بارد بيجي من الشيليرعن طريق مواسير ماء و ليس دكتات.....الدكتات للتوزيع بعدين من ال FCU لباقي المساحات و ممكن جدا انك ما تحتاجها

AHU عبارة عن ماء بارد بيجي من شبكة مواسير من الشيلير و المروحة بتكون بعيدة و ليس بكل غرفة و لذلك بتحتاج دكتات

لربما انه يركبلك النوع الاول و هو FCU فانت اسأل المقاول اي سيستم راح يركبلك و ليش اختاره و ايش ميزاته و ايش عيوبه علشان تتعرف اكثر على وجهة نظره و لو بغيت تتأكد قولي و انا بسألك في الموضوع لو حبيت

[نور الحور]

موفق أخوي سهم عتيج ..واسمح لي أسأل أخوي خلدون بالنسبة للنظام اللي يتكلم عنه ، هل جميع شركات لسنترال توفر هالنظامين ولا شركات محددة؟
والسؤال الثاني هو شكل هالمكيف ..
لأن شكل السنترال الدكتات معروف ..
فهل النوع الثاني شكله جمالي وما يأثر على شكل الأسقف ؟
والأسعار مع هالنوع شلون ؟


ملاحظة : أخوي سهم عتيج .. بالنسبة لي سمعت إن الدايكن صيني وسعره مقارنة بجودته مرتفع ..ليتك تتأكد أحسن من هالمعلومات قبل التعاقد ..وبالتوفيق

[khaldoon]

موفق أخوي سهم عتيج ..واسمح لي أسأل أخوي خلدون بالنسبة للنظام اللي يتكلم عنه ، هل جميع شركات لسنترال توفر هالنظامين ولا شركات محددة؟

المفروض انه الجميع و ربما حسب اهتمامات الشركه و نشاطاتها و الشي اللي تحب تبيعه او اكثر ربحية لها فالمفروض انه ما يكون عندهم مشكله بأي نوع ....يعني انت لما تروحي على هذه الشركات اسأليهم اي سيستم بيركبون لج و ناقشيهم باللي تبيه و اسأليهم ليش اخترتوا هذا و تركتوا هذا و ايش اللي يمنع انك تركبي اللي تبيه

والسؤال الثاني هو شكل هالمكيف ..
لأن شكل السنترال الدكتات معروف ..
فهل النوع الثاني شكله جمالي وما يأثر على شكل الأسقف ؟

نفس الشكل و النتيجة بالحالتين من حيث الشكل بس ال fan coil unit تقدري تتجنبي الدكتات قدر الامكان و ربما تضطري تحطي دكتات ولو ببعض الاماكن حسب تصميم البيت
والأسعار مع هالنوع شلون ؟

ما عندي فكرة عن الاسعار...انا اسف

ملاحظة : أخوي سهم عتيج .. بالنسبة لي سمعت إن الدايكن صيني وسعره مقارنة بجودته مرتفع ..ليتك تتأكد أحسن من هالمعلومات قبل التعاقد ..وبالتوفيق

:nice:

[نور الحور]

:nice:




جزاك الله خير أخوي خلدون ..نورتنا الله ينور عليك :nice:

بس ليش ما نسمع عن هالنوع كثير ..؟؟ هل به عيوب حسب معرفتك ؟
ومشكور مقدماً :shy:

[khaldoon]

جزاك الله خير أخوي خلدون ..نورتنا الله ينور عليك :nice:

بس ليش ما نسمع عن هالنوع كثير ..؟؟ هل به عيوب حسب معرفتك ؟
ومشكور مقدماً :shy:

جميعا ان شاء الله

انا قلت قبل انه عيبه انه ما في نظام تغذية الهواء يعني التهوية فلازم تركبيله supply or exhuast fans


النوع الثاني هو air handling unit او AHU عيبه انه بنقل الامراض خصوصا الفايروس مثل الانفلونزا ...هو بالفلتر بيتخلص من البكتريا بس مب الفايروس و لا يستخدم بالمستشفيات و هالشي بيصير لانه بيرجع الهواء البارد علشان يرجع يبرده و الهواء بيكون ملوث حتى مع الفلتر ..يعني لو في احد بالبيت عنده انفلونزا ممكن يعدي كل اللي بالبيت بسبب التكييف

ممكن هو يكون بركب لكم النوع الاول بس ما ذكر لكم الاسم و ممكن ما يبي يركبه لانه الثاني مكلف اكثر يعني مربح اكثر له

[PGR]

اخوي ارتفاع البيت تحدده على حسب مساحة المكان والغرض منه ,,, لو عندك المساحه كبيره الارتفاع العالي يكون مناسب له يعني لازم تتناسب المساحه مع الارتفاع

بالنسبه للدكت 4 امتار كافيه وزياده ,,, لانك تحسب الدكت بياخذ 30 سم والجبس مثلا 20 سم هذي 50 والارضيات بتاخذ 20 سم هذي 70 بيبقى لك 3.3 متر واللي هو اكثر من كافي ويعطي ارتفاع كبير

ارجو اني اكون افتدك وبالتوفيق

[مضارب دوسري]

اخوي ارتفاع البيت تحدده على حسب مساحة المكان والغرض منه ,,, لو عندك المساحه كبيره الارتفاع العالي يكون مناسب له يعني لازم تتناسب المساحه مع الارتفاع

بالنسبه للدكت 4 امتار كافيه وزياده ,,, لانك تحسب الدكت بياخذ 30 سم والجبس مثلا 20 سم هذي 50 والارضيات بتاخذ 20 سم هذي 70 بيبقى لك 3.3 متر واللي هو اكثر من كافي ويعطي ارتفاع كبير

ارجو اني اكون افتدك وبالتوفيق

3.3
غير كافي
عندي نسيبي كان متوقع ان 3.3 كافيه وبعد التشطيب شاف ان البيت منظره مب حلو

يمكن ينفع في حاله ان الصالات ماتكون مفتوحه
بس اذا الصالات مفتوحه على بعض 3.3 كمنظر مب حلو حسب اراء اللي اعرفهم
والموضوع اذواق

خصوصا اذا الشخص يحب يخلي الصالات ليفيلات
يعني صاله مرتفعه وصاله عاديه

[باحث علم]

ارفع قدر ماتقدر
والله سويته 4.2 وتندمت
لو على كيفي وصلت 5

[سهم عتيج]

ملاحظة : أخوي سهم عتيج .. بالنسبة لي سمعت إن الدايكن صيني وسعره مقارنة بجودته مرتفع ..ليتك تتأكد أحسن من هالمعلومات قبل التعاقد ..وبالتوفيق


يعطيك العافية على النصيحة

سالت قبل لا اتعاقد معاهم وبصراحة شفت ان اسعارهم مقارنة مع الشركات الاخرى تعتبر معقولة جدا بل ان السعر الذي حصلت عليه هو نصف السعر تقريبا الذي حصلت عليه من جنرال والمصنوع في تايلند

واقل من ميتسوبيشي اليكتريك بستين الف وهذه المكيفات ليست يابانية الصنع

يعني في النهاية العميل يسال عن الخدمة مابعد البيع واكثر من شخص مدح لي هذا النوع من التكييف

الله يعين ان شاءالله ومشكورة على النصيحة بس في نهاية هي توافيق ، شخصيا الان قمت بتركيب مكيفين شباك شريتهم في نفس الوقت ومتركبين في نفس الاتجاه من البيت في غرف متجاورة ، واحد بارد جدا والاخر تبريده اقل :weeping:

[سهم عتيج]

جميعا ان شاء الله

انا قلت قبل انه عيبه انه ما في نظام تغذية الهواء يعني التهوية فلازم تركبيله supply or exhuast fans

النوع الثاني هو air handling unit او ahu عيبه انه بنقل الامراض خصوصا الفايروس مثل الانفلونزا ...هو بالفلتر بيتخلص من البكتريا بس مب الفايروس و لا يستخدم بالمستشفيات و هالشي بيصير لانه بيرجع الهواء البارد علشان يرجع يبرده و الهواء بيكون ملوث حتى مع الفلتر ..يعني لو في احد بالبيت عنده انفلونزا ممكن يعدي كل اللي بالبيت بسبب التكييف

ممكن هو يكون بركب لكم النوع الاول بس ما ذكر لكم الاسم و ممكن ما يبي يركبه لانه الثاني مكلف اكثر يعني مربح اكثر له

يعطيك العافية اخوي خلدون مرة ثانية على الاستفاضة في الشرح
يمكن من الاشياء التي اخذتها في بالي ان السنترال او المركزي راح يتركب فقط للغرفة الرئيسية وتوابعها فقط ، والداكت راح يكون منفصل لكل صالة ان شاءالله ، يعني ان شاءالله الفلتر راح يكون مخصص لكل مكيف مستغل

وكذلك اخذت في اعتباري ان هناك غرفا راح اركب فيها اسبيليت يونيت عشان اذا اخترب السنترال او الداكت فان شاءالله البديل موجود

يعني محاولة اجتهاد مني في ذلك

نتمنى ان نستمتع بارائك اكثر لانني شخصيا تعلمت الكثير في هذا الوقت القليل واتمنى من جميع الاشخاص المقبلون على البناء انهم يستفيدون من مثل هالاطروحات المجانية والتي نسأل الله ان تكون في موازين حسناتكم

[سهم عتيج]

اخوي ارتفاع البيت تحدده على حسب مساحة المكان والغرض منه ,,, لو عندك المساحه كبيره الارتفاع العالي يكون مناسب له يعني لازم تتناسب المساحه مع الارتفاع

بالنسبه للدكت 4 امتار كافيه وزياده ,,, لانك تحسب الدكت بياخذ 30 سم والجبس مثلا 20 سم هذي 50 والارضيات بتاخذ 20 سم هذي 70 بيبقى لك 3.3 متر واللي هو اكثر من كافي ويعطي ارتفاع كبير

ارجو اني اكون افتدك وبالتوفيق

مشكور على النصيحة اخوي ، نعم عندي مساحات مفتوحة في الدور الارضي ، وفيه صالة مرتفعة واخرى منخفضة ، لذلك يمكن يكون رفع السقف اسلم في هذه الحالة تجنبا لاي مفاجآت لاسمح الله

[سهم عتيج]

3.3
غير كافي
عندي نسيبي كان متوقع ان 3.3 كافيه وبعد التشطيب شاف ان البيت منظره مب حلو

يمكن ينفع في حاله ان الصالات ماتكون مفتوحه
بس اذا الصالات مفتوحه على بعض 3.3 كمنظر مب حلو حسب اراء اللي اعرفهم
والموضوع اذواق

خصوصا اذا الشخص يحب يخلي الصالات ليفيلات
يعني صاله مرتفعه وصاله عاديه


بالضبط اخوي مضارب وهذا اللي ذكرته في ردي السابق
ويمكن الارتفاعات تعطي راحة للنظر اكثر بس على حساب زيادة الدريات:shy:

[سهم عتيج]

ارفع قدر ماتقدر
والله سويته 4.2 وتندمت
لو على كيفي وصلت 5

تسلم اخوي باحث على النصيحة

في الاخير هي قناعات . فمثل مافيه ناس مايحبون الارتفاعات، ثانيين يحبون الارتفاعات

الاهم صاحب البيت يكون مرتاح ومقتنع من قراره

[khaldoon]

يعطيك العافية اخوي خلدون مرة ثانية على الاستفاضة في الشرح
يمكن من الاشياء التي اخذتها في بالي ان السنترال او المركزي راح يتركب فقط للغرفة الرئيسية وتوابعها فقط ، والداكت راح يكون منفصل لكل صالة ان شاءالله ، يعني ان شاءالله الفلتر راح يكون مخصص لكل مكيف مستغل

وكذلك اخذت في اعتباري ان هناك غرفا راح اركب فيها اسبيليت يونيت عشان اذا اخترب السنترال او الداكت فان شاءالله البديل موجود

يعني محاولة اجتهاد مني في ذلك

نتمنى ان نستمتع بارائك اكثر لانني شخصيا تعلمت الكثير في هذا الوقت القليل واتمنى من جميع الاشخاص المقبلون على البناء انهم يستفيدون من مثل هالاطروحات المجانية والتي نسأل الله ان تكون في موازين حسناتكم

والله يا اخوي مب عارف ايش اقولك شكلك بتركب ahu من كلامك فوق...طيب انت سألت مقاول التكييف عن نوع السنترال اللي راح يركبه و الا لا مثل ما نصحتك من قبل؟

على العموم مب واضح بالضبط هل انت بتركب ahu و الا fcu

بس انا راح اقولك شي ...الفلتر بتركب على ahu و بيكون فلتر واحد بيخدم كل البيت يعني فلتر عمومي وما سمعت انه بتركب لكل مكيف مثل ما انت ناوي ..يعني ما اقولك ما يتركب بس اقولك لا شفت و لا سمعت من قبل و الله اعلم

بس الفلتر بتركب على كل مكيف في fcu system

و انا انصحك تركب fcu system

[سهم عتيج]

والله يا اخوي مب عارف ايش اقولك شكلك بتركب ahu من كلامك فوق...طيب انت سألت مقاول التكييف عن نوع السنترال اللي راح يركبه و الا لا مثل ما نصحتك من قبل؟

على العموم مب واضح بالضبط هل انت بتركب ahu و الا fcu

بس انا راح اقولك شي ...الفلتر بتركب على ahu و بيكون فلتر واحد بيخدم كل البيت يعني فلتر عمومي وما سمعت انه بتركب لكل مكيف مثل ما انت ناوي ..يعني ما اقولك ما يتركب بس اقولك لا شفت و لا سمعت من قبل و الله اعلم

بس الفلتر بتركب على كل مكيف في fcu system

و انا انصحك تركب fcu system

يعطيك العافية اخوي خلدون على النصيحة
وبالفعل استفسرت من الشركة عن النظام اللي بيركبونه فقالوا لي انه fcu للداكت اسبيليت اللي بيتركب في الصالات، وبالنسبة للماستر فبيركبون باكيج مستقل يعني فلتر خاص به

وبعد سالت عن المكيف وقالوا لي انه امريكي ومش صيني


واكد لي المهندس انه هو بنفسه عمل المخططات وبيقعد مع الاستشاري والمقاول لشرح طريقة التركيب

ومشكور على حرصك ومتابعتك للموضوع وان شالله نتوفق في التركيب وماتصير اية مشاكل بعدين

[khaldoon]

يعطيك العافية اخوي خلدون على النصيحة
وبالفعل استفسرت من الشركة عن النظام اللي بيركبونه فقالوا لي انه fcu للداكت اسبيليت اللي بيتركب في الصالات، وبالنسبة للماستر فبيركبون باكيج مستقل يعني فلتر خاص به

وبعد سالت عن المكيف وقالوا لي انه امريكي ومش صيني


واكد لي المهندس انه هو بنفسه عمل المخططات وبيقعد مع الاستشاري والمقاول لشرح طريقة التركيب

ومشكور على حرصك ومتابعتك للموضوع وان شالله نتوفق في التركيب وماتصير اية مشاكل بعدين

ممتاز ...لا شكر على واجب....الله يوفقك يا رب:nice:

[مضارب دوسري]

والله موضوع الدكت سبيلت والسنترال سالفته سالفه

يازين السبيلت يتوزع فالبيت راحه من عوار الراس :p

[مضارب دوسري]

بالضبط اخوي مضارب وهذا اللي ذكرته في ردي السابق
ويمكن الارتفاعات تعطي راحة للنظر اكثر بس على حساب زيادة الدريات:shy:

هههههههه زياده في عدد الدريات
تبي الصج انا كنت فالبدايه قبل لا اقرر ناوي اخلي الدور الارضي 3 متر ونص
يوم خليته 4 متر
وسالت المقاول قالي الفرق 5000 ريال تقريبا