عاجـــل || أين أجد مرمى لكرة القدم . . .

[هجمة مرتدة]

أخوي الصغير بيعزم ربعه في البيت ويبي مرمى لكرة القدم يكون كبير شوي لأن الساحة وسيعة . .

وين أحصل له مرمى للإيجار فقط لمدة يوم واحد ؟

[هجمة مرتدة]

ملحوظة: الأولاد تتراوح أعمارهم من 10 سنوات حتى 13 سنة . . .

[للصبر اخر]

ايجاار ماعرف
بس في واحد يفصصل بالمنتدى اعتقد اسمه بو غزلاان

[حسن]

شوفي الركن الرياضي يمكن عندهم

[هجمة مرتدة]

اذا متوفر للبيع في الركن الرياضي بروح بشتري . .

وتفصيل للأسف ما يمدي . . :(

[لمعة الالماس]

في محل go sport فيلاجيو

[هجمة مرتدة]

شكراً لكم . .

[بو خليفه 123]

خذت احجام متوسطه من رياضة المجره خلف سوق الجبر حق العنه

كانك تامر عليهم ماعندي الا حلالك

تفدى ثرى عيالكم

[هجمة مرتدة]

عزيز وغالي يابو خليفة جعل ياربي إيدينك تحرم عنها النار . .

أحد الرفاق الطيبين مثلك وشرواك عرض نفس العرض وقبلت استعيره لمدة يوم واحد . .

جزاك الله خير وجعل والديك الجنة قل آمين . .

[بو خليفه 123]

اللهم آمين و اياك اخوي و جميع المسلمين

أنا حاضر و بالشوفه أي وقت

[بو الجوري]

زين ليش الخساير:shy:

طبجه يمين و طبجه يسار و إنتهى الموضوع :nice:

إلا يوم واحد :.. :telephone:




:nice:
ماعندي فكـره و أعتقد الإخوان فادوك و إن شاء الله غيرهم بعد بيفيدونك :..

و الله يحفظلك العيال و ربعهـم :)

[بو خليفه 123]

هههه بو الجوري

راحت ايام العز

حتى كنا نلعب بـ قوطي البيبسي ماكان فيه كوره