شهالغلا في شركات البناء ابي ابني فيلتي ؟؟؟

[jojo]

السلام عليكم

اخواني الاعضاء

انا تعبت وانا ادور شركه لبناء فلتي والشركات كلها متفاوته

يعني اغلبهم قالولي بنبنيلك عظم بلاستر ب بمليون وثلاثميه الف

وفيه قالولي بمليون وبميتين الف وفيه بمليون وميه

يعني هذا عظم غير التشطيب يعني شلون بنشطب وبنأثث

توقعت الشركات بيعطوني على الاقل 700 الف وبشطب بالباقي

يعني بنك التنميه بيعطوني مليون وميتين وومكن ازيد فوقهم 200 او 300 الف

للاثاث لاكن ماتوقعت هالغلا كله

مساحة البناء عندي الف متر صح كبيره بس انا اعرف ناس بنوا بيتهم كامل

مع الاثاث بمليون وخمسميه الف


فياليت ادلوني على شركات لبناء الفلل على الاقل اسعارهم جيده

تحياتي لكم

[بو خليفه 123]

اخوي بكم احسبولك المتر ؟

كلم العضو khaldoon بيفيدك اكثر من الناحية التقنيه

يمكن بيتك مسوي فيه حديد واجد .. خرسانات كثيره و اسقف عاليه ؟

بيتي تقريباً مساحته قريبه من مساحتك من ضمنها الملاحق و غرفة الناطور والمجلس الخارجي و طلع علي عظم بلاستر مليون ريال

[jojo]

ياخي بسألك ياخي انا ماعندي مشاكل ااخذ قرض اكثر من مليونين

والقصد 10 الاف ريال

بس هل بنك التنميه يعطوني هالمبلغ ولا فيه بنك معين يعطيني

ياليت احصل رد بالنسبه لهالموضوع

[هدوء العاصفة]

الحل الوحيد صغر مساحة البيت .. الف متر ليش هذي مساحة فلتين وليست فلة .. الف متر البيت بيكلف مليونين تقريبا ..

[بو الجوري]

أخوي مساحة بيتك كبيره أولا و شي طبيعي السعر بيكون مرتفع :..

و ربعك اللي بنوا و أثثوا بمليون وخمسميه هل نفس مساحتك !
و هالكلام من كـم سنـه :..

!!!!

أنا مساحة البنيان عندي تقريبا 650 ومكلفي البيت ( تشطيب من إختياري )
مليون و نص لحد الآن :..

[حسن]

الله يكون في عونك الصراحه انت وغيرك انا بيتي مساحته الف وتقريا 30 كلفني العظم حدود 750 الف
اما اتشطيبات خذت اظعاف يمكن طلع حدون 28000000 مع الحجرسعودي كامل البيت والملاحق والاسوار داخل وبرع والشبابيك كلها يوفي بي سي ولفت من شركه المفتاح فوجي ثلاث محطات
والحمامات والسراميك والبورسلان كله من كافود
والكيفات سنترال

[فتى الجود]

السلام عليكم

انا اشوف ان السعر شبة منطقى

ممكن الاستشارى يفيدك هل الاسعار مع السوق ولا ؟

وبعدين اختى السعر يفرق تشطيب عن تشطيب واثاث عن اثاث

ممكن ادلك على شركة تبني عظم مع بلاستر

بــ 900 الى 1150 للمتر المربع من غير السور

شوف هالرابط ممكن يساعدك

http://qatarshares.com/vb/showthread.php?t=327085