ماهي الاوراق المطلوبه

[يونيك ^ قطر]

السلام عليكم ورحمة الله وبركاته

حبيت أنكم اتفيدوني عن اول خطوه اسويها لاستخراج اوراق البناء

تحياتي للجميع ...

[حسن]

اذا كان قصد استخراج رخصه بناء
المكتب الهندسي اللى بتسوين عنده الخرايط هو عليه انه يطلع للك رخصه بعد تقديم الخرايط
كامله
اولا انتي تفقين مع مكتب وهو بياخذ منك صوره من سند الملكيه مع صوره من البطاقه الشخصيه
وهو بيفتح للك الملف ولاتعبين حالك

[فتى الجود]

السلام عليكم

شوف هالرابط يمكن يفيدك بشي


http://qatarshares.com/vb/showthread.php?t=327085

مراحل البناء والتشطيب مرتبة على حسب دفعات بنك التنميه .

[يونيك ^ قطر]

اشكرك اخوي حسن على التجاوب السريع بس هل الإجراءات تطول وهل بعد ما يخلص المكتب الاجراءات هل المفروض هو من يقوم ببناء البيت .... وهل عليها رسوم ؟

[حسن]

انتي الاول سويتي الخرايط ولا لا

[يونيك ^ قطر]

اخوي فتى الجود اشكرك على المرور
بعدين الرابط أنا شفته من قبل بس للاسف هو او انت تتكلم عن بعد انتهاء البناء يعني التشطيبات الاخيره والدفعات لبنك التنمية وانا سؤالي ماله خص بالدفعات أنا لحد الحين في الحمد يعني بس سويت تصميم البيت فقط وانا اسال عن المراحل الثانية كيف استخراج رخصة بناء وكم المده اللي تاخذها لاستخراخ هذي الاوراق ......

[يونيك ^ قطر]

لحد الحين بس تصميم البيت

[حسن]

مثل ماقلت المكتب اللى بيسويلك الخريطه هو عليه يطلع الرخصه للك واعتقد رسومها ماتتعدي 1200 ريال
والرسوم انتي تتحملينها

[حسن]

هو بيطلب منك صوره مصدقه من السجل العقاري لسند الملكيه وصوره من البطاقه
اقصد المكتب الي بيسويلك الخرايط
وبعدين تشوفين للك شركه تبني البيت وانصحك مع تسليم مفتاح مهب عظم

[يونيك ^ قطر]

حلو بس هل الاجراءات أطول واكيد بيكون تسليم مفتاح
بس عاد وين المقاول اللي بيبني بذمه وضمير احيانا افكر اشتري
بيت وافك عمري من كل هل اللفه وعوار الراس والله المستعان ...*

[يونيك ^ قطر]

بعدين أنا عندي خريطة جاهزه هل هو بيعدل عليها وبيعتمدها وهل التعديل بعد عليه رسوم لان في اشياء بسيطة ابي اعدلها وتاخذ الشكل النهائي للفيلا ....

[حسن]

حلو بس هل الاجراءات أطول واكيد بيكون تسليم مفتاح
بس عاد وين المقاول اللي بيبني بذمه وضمير احيانا افكر اشتري
بيت وافك عمري من كل هل اللفه وعوار الراس والله المستعان ...*

الاجاراءات من شهر الى شهرين
اما المقاول الله يعينك واذا لقيتي بيت جاهزاحسن للك بس تشوفين شلون البنيان
ديلوكس ولا تجاري

[حسن]

بعدين أنا عندي خريطة جاهزه هل هو بيعدل عليها وبيعتمدها وهل التعديل بعد عليه رسوم لان في اشياء بسيطة ابي اعدلها وتاخذ الشكل النهائي للفيلا ....

تمام اذا عندك خريطه جاهزه بس اتفقي معاه انه يحط اسمه وخلاص
بس هل اصحاب المكاتب يرضون ياخذون القليل الله اعلم هذولا سكاكين :secret:

[يونيك ^ قطر]

اوكيه بس هي جاهزه بس تعديل عليها يعني ما اتوقع بيكون ذاك المبلغ والعلم عند الله

[حسن]

انتي شوفي المكاتب واذا تازمت الامور اخبر واحد باشوفه للك
وبالتوفيق

[يونيك ^ قطر]

تسلم لي اخوي حسن على ردودك وماقصرت على سعت صدرك

تحياتي لك ...... اختك يونيك