طلب المشورة العاجلة ولا تهونون ((من عنده خبرة عن السفر لدبي بالسيارة))

[بالول]

رايح دبي مع الاهل بالسيارة وصراحة ماعندي خبرة عن الطريق بالبر وكم المسافة للوصول

هناك ((كم كيلو)) والمراكز شلون ؟ زحمة والا لا؟ واماكن الاستراحات بالطريق ؟؟

واي شي اخر تنصحون فيه

عاجل عاجل

وجزاكم الله الف خير

[العديد]

المسافة تقريبا من 700 الي 800 كيلو
المراكز اللي راح تمر عليها " 4 مراكز "مركز بوسمرة ومركز السعودية ( سلوى ) مركز سعودي ثالث ومركز الامارات ( الغويفات )
زحمة المراكز تكون في الويك اند
تحمل وانت تسوق على الطريق لاتغفل وحاسب من التجاوز اذا مش متاكد ان في موتر مخالفك
عب بترول خزانين من محطة بترول الصناعية اذا موترك تويوتا ياسلام على صرفية البترول وكل مايفضي حزان عب في اقرب محطة
افضل الاستراحات محطات البترول اللي في الامارات روعة بمعنى الكلمة
ماوصيك ياخوي حاسب من تجاوز الشاحنات وخلك مفتح بطريق لاتتجاوز الا وانت متاكد 100% ان مافي موتر مخالفك واذا تبي تتاكد لاطلع موتر وايد من خلف الشاحنة عشان تتاكد من المواتر المخالفة
خذلك بارد للطريق وخفايف
لاتنسى مخفي كامل ترى الجو حااار
تروح وترد بسلامة ورحلة سعيدة:nice:

[23سلطان]

تاكد من حالة الاطارات والسفايف (البريك)

عشان لايصيدك مثل ماصادني وتتوهق في بلاد ماتعرف فيها لا كراج ولا محل قطع غيار

ود الموتر تشيك وكالة

وخل عنك الكراجات (الخمة)

وطريق السلامة

[مستثمر رشيد]

ماشاء الله سبقتني للسؤال يابالول

انا نفس الشي افكر بالسفر لدبي بالسيارة وميح بهذا الجانب استفدت كثير من رد الاخوان
سلطان والعديد .........
بس مسافة 800 كيلو كانها كثيرة شوي يعني مع المراكز يمكن تاخذ 9 ساعات (شكلها ماتسوى) !!!
ياريت بعد الاخوان الثانين يفيدونا بعد اذن صاحب الموضوع

[المزن الرياني]

الله يعيييينك على الطريق من حدود الغويفات الين أبوظبي...
المسافه حول 360 كيلو مافيها ولاشي بس الشارع والزرع الي بالجزيره...
بتتملل لدرجه ماتتخيلها والله يعييينك.. نصيحتي لك بعد ماتطلع من حدود الغويفات بتحصل محطه بترول عب سياارتك وتوكل على الله..
تروح وترد بالسلامه

[مستثمر رشيد]

ماشاء الله سبقتني للسؤال يابالول

انا نفس الشي افكر بالسفر لدبي بالسيارة وميح بهذا الجانب استفدت كثير من رد الاخوان
سلطان والعديد .........
بس مسافة 800 كيلو كانها كثيرة شوي يعني مع المراكز يمكن تاخذ 9 ساعات (شكلها ماتسوى) !!!
ياريت بعد الاخوان الثانين يفيدونا بعد اذن صاحب الموضوع

[Chambray]

اخوي انا مرة رحت الامارات كنت امشي في حدود 140 - 160 وصلت دبي في خلال 5 ساعات ونصف .

من الدوحة إلى مركز الغويفات تقريباً ( ساعة وشوي )
من الغويفات إلى أبوظبي ( 4 ساعات )
من أبوظبي إلى دبي ( ساعة وشوي )

يعني المجموع ( 6 ساعات وشوي ) إذا كنت تشمي في حدود 120 - 140 ..

لاتنسى تنفخ توايرك ( نايتروجين ) تراه افضل في الصيف ..


ترى كل الشباب مايحسبون الوقت إلا مابين الغويفات وأبوظبي .. لأنه يزهق هههههه


انت لو جربت خط الدوحة إلى مكة ايش بتقول

احنا مرة رحنا من الدوحة إلى مكة ومن مكة إلى جدة ومن جدة إلى المدينة ومن المدينة إلى القصيم ومن القصيم إلى الرياض ومن الرياض إلى الدوحة ..

وفي ناس تسافر من قطر إلى سوريا ومن سوريا تروح حدود تركيــــا .. وتدخل تركيــا

والله اعرف واحد وصل لين ( النمسا ) بالسيارة
بس كانت رحلة تعب ومشقه .. لأن أول شئ لازم ياخذ اكثر من فيزا للجواز .. ولازم يفكر في كم بنزين راح يحط في موتره .. ولازم يعرف كم من تضاريس راح يمر عليها .. وكم حدود راح يمر عليها ..

سفرة السيارة ممتعه جداً .. لكن اهم شئ تكون حريص على نفسك وعلى الركاب الي معك .. وأهم شئ تكون رايـــق .. ولا تحاول انك تقاوم النوووم .. ترى النووم سلطـــان .. وإذا تعبت خذ لك باركنك ونام لك شوي .. ولا تستحي من حد .. ترى مابها مستحى ..


وفي حفظ الله

[sulai6i]

الله يحفظك اخوي تروح وترجع بالسلامة

تأكد من :
1- ملكية السيارة
2- جوازات السفر ( وتكون غير منتهيه )
3- تواير السيارة + التاير السبير
4- احسن لو تبدّل آيل السيارة قبل ما تروح

حاسب حاسب حاسب من طريق سلوى ( من الدوحة لين بوسمرة )
لأنه فيه تحويلات كثيره .. ويفضل لو ما تزيد سرعتك عن 100 على هالشارع


الله يحفظكم في حلكم وترحالكم

[البانوش]

دائما اسافر في الليل واتجنب ايام الويكند علشان زحمة المراكز
وسرعة تكون مابين 100---140 على حسب الطريق
التزم بهذة النقاط
العجلات تكون جديدة
تجيك السيارة قبل السفر
ملاحظة
حاسب يوجد افراد يستغلون اسم قطر ويدعون انهم قطرين
حظرو الى الامارات وصابتهم ظروف وهم بحاجة الى المساعدة
عندما ياتيك احدهم رجال او نساء اطلب منهم الهوية لتاكد فهم يرفضون
ثم يتركونك دائما مترددين على هذة الاماكن ستي سنتر محطات التعبئة
سوق نايف
اتمنا لك سفرا سعيدا

[doha_vip]

الله يعينك على الخط اللي بين الغويفات :( وابو ظبي ..ولا تنسى تفول بترول في اول محطه اول ماتدخل الامارات ..لان الخط فاضي ومافي الا محطتين على ماعتقد واذا كان عندك كروزر الله يعينك على البترول تفويله التانكيين تقريبا 180 في الامارات:court: ..وتروح وترجع بالسلامه

[قناص قطر]

السلام عليكم

الشباب فيهم الخير وكلامهم عين العقل

حاسب على الخط
حاسب الله يحفظك ان اشاء الله
وبخصوص محطت البترول اللي على الخط كأنها مطار فيها كل شيء مجمع ومسجد ومطاعن واستراحات و كل شيء

[Qa6ar]

اهتم بحاله سيارتك والطريق سهل ويفضل انك ماتروح بويكند

لا الروحه ولا الجيه يعني اذا بتروح ماتروح الاربعاء والخميس ويفضل اذا بتجي ماتجي بيوم

جمعه وتنتبه من التحويلات من الدوحه لبوسمره وتنتبه من الخط سلوى الى البطحاء

لان فيه تحويله خشنه... ولفه بعدها اخشن منها واذا بتمشي بنهار وقف عند فوكس وخليه

يغبر بموترك من الهوا(الرمال المتحركه)علشان مايروح الموتر عليك من الرمل

والله يكون بعونك على معامله المراكز السعوديه

وبعدين بتاخذ تأمين من السعوديه بسلوى تستفيد منه اذا رديت ببطحاء يعني مره وحده تكفى

80 ريال تقريبا للتأمين والامارات بعد يوجد هناك تأمين اجباري بعد ونتمنى اتورح واترد

بالسلامه

[بالول]

الاخوة الافاضل

شكرا جزيلا على المشاركة والمعلومات القيمة عن الطريق ومسار الرحلة .....

صراحة كنت متخوف لاني اول مرة اسافر للامارات بالبر ولكن الان اصبحت لدي فكرة عن الرحلة

وانا ان شاء الله معزم اتحرك على الخميس بعد الفجر بس مادري اذا رايح تكون المراكز زحمة والا لا في هاليوم ؟؟؟؟

بس عندي استفسار اخر

من منكم يعرف محل الصياد في وين مكانه في ابوظبي لاني اعرف ان له فرع قرب ستي سنتر دبي ولكن ما ادري اذا له فرع في ابوظبي والا لا ...؟؟؟؟

لاني احتمال اسكن في ابوظبي

استحملوني يا اخوان تراني ثقلتها عليكم بكثر اسألتي

بس شاسوي (((غشيم))

والسموحة

[أبو راكان]

المسافه من الدوحه لمركز بوسمره 90 كلم
بعدها بيجيك مركز سلوى السعودي
بعد ماتخلص بتمشي تقريبا 400 متر بعدها بتجيك لوحه على يسارك تشير لدولة الامارات
بعدها تقبض الخط 130 كلم لين مركزا البطحا السعودي بتطلع منه على مركز الغويفات الأماراتي وبعده بتمشي 380 كلم خط سيييييييده لين المفرق وبعدها تحدد طريقك أذا تبي بوظبي تتبع اللوحه 40 كلم ونت داخل العاصمه
واذا تبي دبي تكمل من المفرق مسافة 130 كلم
وبعدين ماعليك من اللي يقولك الله يعينك على المراكز السعوديه ترى والله معاملتهم ولا أحسن منها والأمور سهالات
وبالنسبه للتأمين السعودي 70 ريال لمدة أسبوع
وفي الأمارات 100 ريال
ولاتنسى دعاء السفر
الله يحفظك في حلك وترحالك

[المهاجر]

الشباب ما قصروا كفو وفوا
الله يجزيهم خير
وما ناقص الا شي واحد خذ معاك قلص ( حبل) تلقاه في محلات الزينة يمكن تحتاجة اذا تعطلت سيارتك في الطريق لا قدر الله
موفق وتروح وترجع بالسلامه

[مستثمر خطير]

الشباب كفو ووفو ... تروح وترجع بالسلامة ..

[آخر حبه]

تروح وترد بالسلامه يارب

اهم شي شيك على التواير

وعب بترول من محطه بو نخله خزانين فل

والطريق طبعا بعد ماتتعدى مركز سلوى

حاسب ومن تتعدى مركز الاغويفات بالعكس الطريق

حلو 3 اسيود بس حاسب بين الشجر بعض الاحيان الشاحنات تقطع الطريق

ومسافه 750 كيلو امرها هين انت لو رايح مصر بسياره اش بتسوى

والاستراحات فيه في السعوديه قبل حدود محطه بترول وانصحك تسكن في

بين الشارجه ودبـي في شـقـق البستان لان تحت فيه مجمع واللعاب حق اليهال واكثر

هل قطر يسكنون في هالمكان ومايبي له وصف خلك على طول من تدخل دبي

بتمر على جسر الستى اطلع من فووق لين تلقى لافته الشارجه ومن توصل

الدوار لف ايمين بتلقى الشقق على يدك اليسار لف مع الاشاااره

[مهاوي]

لاتروووووووووووووووووووووووووووووووووووووح بالسياره وربي تطلع عينك انت والي معك

انا طلعت عيني والله ولزمت عليهم ناخذ فندق
واخذنا فندق اسمه دانات حلو مرره

الله يسرها عليكم ويكفيكم شر الطريق

[بالول]

مشكورين شباب

ماقصرتوا والله

كفيتو ووفيتوا على هالوصف والنصايح الطيبة

ناقص طلب واحد (((((صغيرون كلش كلش ))))) واوعدكم اني ماني رايح اسأل غيره ....

((( متجر الصياد ))) وين مكانه بابوظبي؟؟؟؟؟

وسلامتكم:con2: :con2:

[doha_vip]

]واهم شي اخوي شي واحد لاتنساه




(دعاء السفر)


وتوكل على الله

[Chambray]

مشكورين شباب

ماقصرتوا والله

كفيتو ووفيتوا على هالوصف والنصايح الطيبة

ناقص طلب واحد (((((صغيرون كلش كلش ))))) واوعدكم اني ماني رايح اسأل غيره ....

((( متجر الصياد ))) وين مكانه بابوظبي؟؟؟؟؟

وسلامتكم:con2: :con2:

انا الدل الي في دبي .. أعتقد بجانب مجمع الغرير .. وفي فرع له داخل مجمع الغرير إذا ماخاب ضني وهو يبيع اسلحة .. لكن ايش لك بعوار الراس ترى لو حكرولك مركز السعودية جايب سلاح حتى لو صجمه راح يبهدلونك

تحياتي

[لمت داون111]

انا الدل الي في دبي .. أعتقد بجانب مجمع الغرير .. وفي فرع له داخل مجمع الغرير إذا ماخاب ضني وهو يبيع اسلحة .. لكن ايش لك بعوار الراس ترى لو حكرولك مركز السعودية جايب سلاح حتى لو صجمه راح يبهدلونك

تحياتي
انشهد انهم بيبهدلونه والله

ياريال مره جبنا سلاح قنص مع تصريح ومسوين لنا سالفه

مامشونا الا يوم خلينا مقدم سعودي يتصل فيهم ( خال واحد من الربع ):strong

الله يهديهم بس من يشوفون شله شباب لعوزوهم بحجه القوانين :court: عاد كلش بلفيت مايصير قانوني الا مع الشباب :funny:

الله يوفقك في حلك وترحالك اخوي بالول وتروحون وتردون بالسلامه

ونصيحه ياخوي خش الف ريال في اي مكان ( حتي لو تلزقها بالقحفيه:D ) والله اكلمك جد لانه لو ضاع بوكك وانت مع اهلك بتتبهدل عدل والله وصارت في ناس يقربون لنا:court:

سوري علي الاطاله وبالسلامه يالغالي :)

[بالول]

الاخوة الدبلوماسي ولمت دوان

مشكورين وماقصرتوا

صراحة كان في بالي اجيب ام صجم معاي بس بلامكم هذي خوفتوني

لهدرجة هم مشددين في المراكز؟؟؟؟؟؟؟؟؟؟

[Chambray]

الاخوة الدبلوماسي ولمت دوان

مشكورين وماقصرتوا

صراحة كان في بالي اجيب ام صجم معاي بس بلامكم هذي خوفتوني

لهدرجة هم مشددين في المراكز؟؟؟؟؟؟؟؟؟؟

بتروح دبي علشان ام صجم ؟؟؟ الله يهديك

روح الرياض ولا الشرقية عندهم شئ محترم واسعارهم حلوه !!

[بالول]

الاخ الدبلوماسي

روحتي لدبي مع الاهل في الاساس للتمشية والتغضي من اسواقها

اما ام صجم فواحد من الاخوان كان طالب مني اني اشوف له اسعارهم

واجيب له ان كان سعرها معقول ..................

لكن اول مرة ادري انها تنباع بالسعودية ....

وفي اي مكان بالشرقية تنباع ؟؟؟

[Chambray]

والله مادري عن الشرقية لكنها بالتأكيد تباع هناك ..
لكن في الرياض فأنا متأكد 100% وتجدها في سوق الديرة ..

تحياتي لك

[الأختصاصي]

تروح وترجع بالسلامه بس لاتنسى اذ كان معاك خادمه لازم تسويلها فيزة مرور من السفاره السعوديه .... وبعدين الشارع من قطر لحد الامارات مليان اشارات وهي راح ترشدك وين الاتجاه وخاصه لما تدخل على مشارف بوظبي بتلاحظ مليون اشاره ارشاديه بترشدك وين طريق دبي وانصحك انك تحجز السكن من قطر علشان ماتقعد تدور سكن وخاصه ان الاجارات مرتفعه في دبي
بالسلامه يالغالي

[©®(Spy_King)®©]

كفيتو ووفينو

[رومانسي]

من الصناعيه لين ابوسمرء 90 كيلو تقريبن في 3 محطات بترول سلوى وابو نخله والرمزاني من ابو سمراء لين مركز السعوديه سلوى 11 كيلو من سلوى الي مركز حدود السعوديه البطحاء 110 كيلو فيه 3 محطات جنب بعض تغريبا قبل لا توصل البطحاء بشوي من البطحاء الى الغويفات 4 كيلو ومن الغويفات لين المفرق الله يعينك الخط طويل يملل يمكن 4 ساعات
لا تنسى توقف عند مكتب التامين وانت داخل السعوديه في مركزسلوى ولا ما يطلعونك من المركز الا اذا امنت ولا تنسى تامن الموتر في الامارات اول ما تتخلص من الجمارك وتطلع برع هنقر التفتيش صف على اليسار وانزل من الموتر وامش 12 خطوه وامن موترك وشكرا