تحذير:: ستاف لبناني مخادعين في محل فوشون

[جولنار]

أكتب الموضوع وكلي قهر بعد النكبه والفشيلة والإحراج

الي حصل في عزيمتي الي طلبتها من ((فوشون)) بمبلغ وقدره

وبعد الكلام العسل الي سمعته من الستاف الجديد اللبناني

وبالأخص المسؤول عن البوفيهات اسمه ::عبد الصمد

لأنه قديما كانو هنود المسؤولين عن طلبات البوفيه الخارجي من محل فوشون

تخيلوا بعد مادفعت المبلغ كامل جابو البوفيه ناقص

وأكثر من هاي انا حاجزة لعدد كبير وهم جابو الأكل لعدد أقل

سلة خبز نوع واحد مدور فيه كم حبه ماتكفي العدد الي انا حاجزته

والسويت جابو منيو غييييير الي هو أرخص منيو عندهم وانا حاجزة الأغلا!!


واكثر من هاي صار هاللبناني مايرد علي بعد النكبه

وكل حد يقول مب مسؤليتي

بعد ايش بعد مادفعت وراحت علي


انا منصدمة من التغيير الي صار في المحل فوشون

لأني اتعامل معاهم من زمان وكانو رووعة

لكن الحين الي حصل لي ولما سألت صديقاتي

صار لهم نفس الموقف بس وحده انتبهت قبل ليجون ضيوفها

وهاوشتهم وقالت لهم ليش السويت اقل والأكل اقل تخيلو

تقول قاموا جابو ضعف الأكل على طول بعد مااتصلت للمسؤول الكبير


صراحة حبيت اشهر فيهم بعد الي سووه

وهالأستغلال الغير طبيعي لسكوتنا وطيبتنا

[airbus]

والله ادا انا متلك لا اقعدلهم ليل نهار في المحل لن اخد حقي

وانتبهي لا يقولولك تعالي بكرا او بعدين لانه هده الحركة معروفه فيهم لانه ادا جيتي اليوم الي بعده يقولولك اي كلام وبعدها يقولوك تعالي الاسبوع الجاي وهكدا حتى تملي

يعني السالفة تبي قعده قوية وقوليلهم بكلم الشرطة وكدا وكدا


ربي يوفقك ان شاء الله

[مالك أمل]

عليكِ بالإتصال بهؤلاء :

حماية المستهلك أو صاحب المحل المباشر وليس المدير

[كازانوفا]

عليكِ بالإتصال بهؤلاء :

حماية المستهلك أو صاحب المحل المباشر وليس المدير


2 في 1
هؤلاء

[OREO]

محد راح يسترد حقج الا بعلج او ابوج او اخوج ،،

فلذا طرشي واحد منهم للمحل لاجل ياخذ حقج و يسترد فلوسج من هذا اللبناني اللي كذب عليج ،، من رايي يدفنه في وقتها في نص المحل لان هذه تعتبر نوع من انواع السرقه ،،

لا تنتظرين الفزعه من حماية المستهلك و لا غيره ،، دولتنا استوت سايبه للاشكال هذه للاسف و هذه حقيقه محد ينكرها الا الجاهل ،،

[السد]

صفي الموتر عند محلهم
واطلبي الشرطة

[Qatar Knight]

ومازالت عمليات النصب من المحلات الكبرى المشهوره مستمره والشعب مازال يشتكي وحماية المستهلك مالنا خص هههههه

[بنت المطر]

اختي طلعي الاهمال والغش من عينهم


روحي المحل وخذي تعويض واحسبي الفرقية وخذي حقج @@


الله يوفقج يارب

[جولنار]

شكرا للجميع

وصح كل اللي قلتوووه

الله يعين

[بو خليفه 123]

أختي الخطأ يقع على الطرفين

على المحل و عليك .. للأسف


كان المفروض يوم تدفعين تاخذين الايصال و تفاصيل الطلبيه تكون مذكوره بالايصال و تقدرين تقارنينها بعد وصول الطلبات للمنزل , و اذا هناك شيء ناقص تقدرين تكلمين جومانه اللي هي مديرة المحل و تعوضك . خلك من عبد الصمد هذا مجرد مندوب لا يغني ولا يسمن ..

و من بعد هذه الخطوه اذا جومانه ما اتخذت الاجراء المناسب بأمكانك اللجوء الى حماية المستهلك مع ارفاق الايصال لتعزيز الشكوى .


كتابتك هناك مجرد تنفيس عن غضبك و ليس الا ..

[لـبـيـه]

دايما لحد يدفع المبلغ كامل الى عقب ما تخلص المهمه كامله

عشان تكون عندك ورقه رابحه تلعب بها

[للصبر اخر]

انا هالمطعم بالذات ماتقبلته
ويبين عليه نصب بنصب
الله المستعان

[ابوالكلام]

البلد صايرة غابة حقك ماتاخذه احس ان الناس اخرتها بيطلعون في الشارع من القهر

[sweet qatar]

فوشون...؟؟!!

جزاج الله خير الي نبهتينا.. لاني وايد تعاملت معاهم ودوم يبيضون الوجه..

الله يعوض عليج اختي..

[بوخالد911]

الله يعيينا

يا ويلهم لو طحت بهالموقف