:: اشياء محيرتني في بلادي ::

[قطر دزاين]

السلام عليكم

انا بدخل في الموضوع

لماذا المقيمين من جميع الجنسيات لهم الاولويه بكل شي

مقيم جاب ولد عمه او زوجته او اخوه او ولد خاله او صديقه زياره عمل بقدره قادر توظيف ها الشخص وصار مقيم
والقطر من حاملين الشهادات والثانويه بنات او شباب بالسنين لا يجدون وظائف وهم اولى بها من اي شخص

لماذا الجهات المختصه لا تدقق في وضع القطرين العاطلين عن العمل اللي كل يوم يشتكون في وطني الحبيب وولاه الامر يسمعون والمسؤلين ولا حياه لمن تنادي

والله افكر في مصير ولدي اللي اخر سنه ثانويه هل سيحصل على وظيفه او لا وغيري الالف من القطرين يفكرون نفس التفكير

ثانيآ

المقيمين من كل الجنسيات لماذا لا يحترم القطري لو بيده هذا المقيم لضرب القطري على اي سبب وهذا ليس بسر او ابالغ حتى في الشوارع صار الاجنبي يضايق القطر ولو طقيت عليه هرن او قلت له شفيك سبك او حاول الاعتداء عليك

القطر اذا لم تحفظ كرامته في بلاده ويكون هناك خط احمر متى راح تحفظ هذي الكرامه وهل راح يحترم في بلدان اخر


المهم

اتمنى ومن كل قلبي ان يكون الاولويه للقطر فقط

[راشد محمد]

الاجنبي صار من السهل يحصل وظيفة وسكن وتذاكر ووووووووووووو
اما القطري الله المستعان

[بوطويشم]

السلام عليكم

الحين بيطلعون لك بيقولون لك عنصري

خلها على ربك الدولة نست ان العنصر البشري المواطن اهم من كل شي

المقيمين عندهم حرية في التعليم واحنا لا يقولون لك غير معترف وهو عادي !!!!

بس الدولة للأسف مقصره كثير في هالجانب

ولا احد يقول جامعة قطر اذا بعض التخصصات عندهم فائض في الطلبة وخاصة البنات

[الخفي]

باختصار الاجنبي : بيخدم التجار بيسكن في مجمعاتهم

وبيشتري من وكلاتهم ( السيارات )

وبيتسوق من مجمعاتهم

وبيخدم التجار والحكومه

عشان كذا مرغوب واعطيك الدليل

لو كنت تملك دكان في قريه عدد سكانها قليل

الست تود ان يكثر عدد سكانها عشان يشترون من دكانك

هذا ماينطبق على بلدنا مجموعه من التجار المتنفذين عيونهم

على الاجنبي لان وجودهم وكثرتهم يعني تضخم جيوبهم وارصدتهم

[SULTAN1]

اذا البلد محتاجة لتخصصه ومب موجود لدي المواطن ما أشوف فيها شي؟اما ان كان التخصص لدى ابن البلد او من ولد في قطر من المقيمين،فهم اولى بها

[alfahad1]

ما اعتقد هالكلام لان اعرف شباب كثيرين مقيمين عرب خريجين من الجامعات

ومب محصلين وظائف انت تتكلم عن الأجانب اللي عنده خبره برع هذا مرغوب هنا

وبخصوص القطاع الخاص ما يبون قطري لان على بالهم ان القطري غير ملتزم

بخصوص الاحترام والله اذا الواحد مشى باحترام محد بيكلمه

[الخفي]

ما اعتقد هالكلام لان اعرف شباب كثيرين مقيمين عرب خريجين من الجامعات

ومب محصلين وظائف انت تتكلم عن الأجانب اللي عنده خبره برع هذا مرغوب هنا

وبخصوص القطاع الخاص ما يبون قطري لان على بالهم ان القطري غير ملتزم

بخصوص الاحترام والله اذا الواحد مشى باحترام محد بيكلمه

---------------------------------------------------

مو غريبه ان الاجنبي مايحصل وظيفه

الغرابه ان المواطن مايلقى وظيفه في بلده

والاجنبي يزاحمه عليها بل ياخذ مكانه

والشواهد كثيره من اراد ان يتاكد ياخذ فره

في المؤسسات الكبيره خاصه - كروه - بروه

الديار - شبكه الجزيره - قطر فونديشن - شركات

النفط والغاز ليعرف ان الاجنبي له الاولويه

[اليحصبي]

شكثر تكرر هالموضوع
http://www.shooq4.com/vb/images/bb/13.png

[المليونير الفقير]

المشكله ان هناك فوق ال5000مواطن عاطل عن العمل وطبعا الاسباب مجهوله

[أبو يووسف]

أقول بسكم على المقيميمين ترى هم بشر ولهم حقوق علينا
ايش هذه العنصرية المقيتة
بعدين مهب صحيح انه مافي وظايف حق القطرين، أذكر يوم خلصت الثنوية العامة وقدمت لوزارة العمل أكثر من عشر وظايف رشحت لها من قطر للبترول ونادي الفروسية وزارة الأوقاف كيوتل المصرف .....
أرجوا من الإدارة الموقرة حذف هذا الموضوع

[ابوصالح1]

المواطن يبي ولو عنده إعدادي منصب والبعض كفؤ وعندهم شهادات عليا. ؤما أظن قطري عنده شهاده بدون وظيفه اللا واحد حظه منسدح أو يبي وظيفه علي مزاجه. قطر فيها خير والحكومه ماهي مقصره معا المواطن والكل في خير واتمني من. كل ناقد.أن يري النعمة التي هو فيها.

[موضي قطر]

ياسلااام بعض الردود تحسس الواحد انها مب عايشه الا في عالم الأمنيات اللي يتمنونه في

مخيلتهم ؟!

[doha2012]

اللي عايش ذا الازمه محروق قلبه


هناك مواطنون يريدون فقط العمل ولايتشرطون لذلك


هناك عاطلين وهناك وظائف وليست لهم !!!


الله المستعان

[روح الاطلس]

لفت نظري يا اخوي كلمتك " ولدي اخر سنه ثانوية ولا ادري بيحصل وظيفة او لا " !!!! هذا جواب لموضوعك بأكمله

اذا انت القطري تبي ولدك يخلص ثانوية ويتوظف وبعدين تقول الاجنبي ماخذ الوظايف !!

اول شي شجع ولدك للجامعه قول باقي له خمس سنين وبعدها ياترى بيلقى وظيفه او لا

مب ثانوية وعقبه شغل!

الحين الجامعه فتحت ابوابها ماعاد فيه اعذار خلوا عيالكم يكملون بتخصصات تطلبها البلد وساعتها الشركات بتتهافت عليهم وبياخذون سينير ووظايف محترمه وانا من الحين اظمن لك انه بيحصل وظيفة وبراتب قوي :)

[(بوطلال)]

موضوعك ذكرني بواحد من الاعضاء مافي داعي لذكر اسمه حط موضوع عن البطاله ويوم قلتله طرشلي بينات البطال عندك ورقم تلفونك طرشهم لي وخلال 10دقايق حصلت له وظيفه في مدرسه مستقله وتصل فيه مسؤول التوظيف في المدرسه وطلب منه يروح للمدير واختفى الاخ ولا راجع المدرسه ولا حتى اعتذر.

مانبي تأليف على الدوله اي مواطن بيحصل وظيف خلال شهور لكن بدون مايتشرط ولا يكون عليه علامة استفهام .

[موضي قطر]

:shy::shy:


الدنيا ربيع و الجو بديع
قفلي على كل المواضيع
قفل قفل قفل قفل
مفيناش كاني مفيناش ماني
كاني ماني ايه
دا الدنيا ربيع
الدنيا ربيع الدنيا ربيع :looking::p

[روح الاطلس]

موضي مستطربه على يوم الخميس ^_^

[موضي قطر]

موضي مستطربه على يوم الخميس ^_^


اشوف الدنيا بعيون الآخرين وردييييييييييييييييييه :shy:

[Dawn]

يعطيك العافيه يا كاتب الموضوع والله يوفق ولدك ان شا الله بالوظيفه الزينه اللي يتمناها ...

بخصوص الردود سبب التباين في الاراء هو لانه الاغلبيه يبنون رأيهم على تجاربهم الشخصيه ..

لكن الوضع ليس سيء الى حد التشاؤم وليس مبشر الى حد التفاؤل وتناسي مشكله تقطير الوظائف ..

انا اعرف ان بعض المسؤولين بيض الله وجيههم يحاولون وبجهود فرديه استيعاب اكبر عدد من الكفاءات القطريه ،،، وبالمقابل هناك مسؤولين عندهم فكره مسبقه ان القطري ليس ملتزم بالعمل ... رغم انه من مسؤوليات المسؤول ان يطور مستوى الموظفين المواطنين ... لكن للأسف بعضنا يحب الاختيار الاسهل .. والارخص حتى لو كان اقل جوده .... ولا نريد ان نظلم المسؤولين هنا لانهم ايضا ملتزمين بموزانه لا يتعدونها .. وكلنا نعرف ان الموظف القطري السنير وحتى الجنير = راتب عالي يكلف الدوله ..

وبحكم خبرة من هم حولي في الموارد البشريه ، ياما انقطت السيفيات للقطريين وغير القطريين من مواليد قطر ايضا في الزباله الله يعزكم .. وتم تعيين موظفين اجانب بسبب واسطه شخص اجنبي يعمل في هذه الجهة ...

ولكن يبقى الجانب المشرق انه هناك مسؤولين يسعون لتوظيف وتطوير ابناء البلد لكن كما ذكرت هي جهود فرديه نابعه من تربيتهم ... وليست الزاميه من الدوله للأسف ..

[الزلزال]

http://www.qatarshares.com/vb/showthread.php?t=500353

[بوحمد111]

لكل مجتهد نصيب ان كان قطري او غير

واللي يبي الشغل لازم يجتهد ويسعي وان شاء الله الدوله ما تقصر معاه

والاجنبي فترة مؤقته وراجع بلاده وبتبقى قطر لأهلها

[قطر دزاين]

اشكر الجميع على الردود

انا اتكلم عن اي قطري مثلا حمل الابتدائيه والاعداديه يعني ما يتوظف يتم قاعد في البيت
لو سلمنا ان الثانويه حظهم اوفر وهذا ما اتمناه ان شاء الله

الباقين غير الحاصلين على الثانويه يحرم من الوظيفه يعني يقعد في البيت يصرف عليه

انا والله مو حسد لحد ومسلم بان الكل ياتيه رزقه ولكن ما اره يحز في خاطري شباب عليهم عيال للحين ما توظفو والسبب انه غير حامل ثانويه

[بوحارب]

بالنسبة للوظيفة كلها أرزاق وتوافيق. وعلى حسب جهد الشخص

لكن أن المقيم يغلط على القطري أنا نأااااادر ما أحصل نفس هالموضوع

[يحفظك ربي]

أقول بسكم على المقيميمين ترى هم بشر ولهم حقوق علينا
ايش هذه العنصرية المقيتة
بعدين مهب صحيح انه مافي وظايف حق القطرين، أذكر يوم خلصت الثنوية العامة وقدمت لوزارة العمل أكثر من عشر وظايف رشحت لها من قطر للبترول ونادي الفروسية وزارة الأوقاف كيوتل المصرف .....
أرجوا من الإدارة الموقرة حذف هذا الموضوع

صبحك الله بالخير اخوي بو يوسف
اقدر اقول انت احد الأمثلة الي تكلم عنهم بالموضوع :secret: ولا شرايك ؟
تدري عاد لما المواطن يتكلم عن احد المواضيع اللي مضايقته في بلاده وخصوصا لو من الاجاننب اللي ماليين البلد ومزاحمينا في كل شي
ف هذا لاااااا يسمى عنصرية !!!
قطري ومواطن ومن حقي
ما علينا
الحين انت عطيتنا مثال يوم خلصت الثانوية
زين وانا بعد اذكر يوم خلصت الثانوية تميت انطر 3 سنين ولكن والحمدلله لقيت وظيفه حلوة
الزبدة يابن الحلال لو انت لقيت غيرك مايلاقي بسهولة
ف لاتقعد تقول عنصرية ماعنصرية .. شوف وتأكد واعرف اوضاع البلد عقب تكلم
او شكلك .....أممم :rolleyes2:
اي والله عنصرية مقيته !!!
صب وكثر الهيل :nice:

[فيزيائية]

انا لاحظت هالشيء
بس فسرته من وجهة نظري
انهم (المقيمين) لما يبغون الشيء يتعبون من أجله
ويراكضون ومايخلون حد مايوسطونه
ومن كانت له حيلة فليحتال ....
وانا اشوفه ذكاء منهم ..
يعني حد يحصلله الحياة في بلد مثل قطر
ومايذبح عمره عشان يجيب كل هله ومعارفه!!
اما بخصوص ليش مايكون فيه اولويه للقطريين
انا معاك المفروض الجواب يكون عند المسؤلين

[intesar]

أعتقد السبب هو وفي كثير من الأحيان من القطري نفسه..
أسئلة ونبي منكم الصراحة.....

ترضى تشتغل بمحطة بترول تصب بنزين للسيارات..
ترضى تشتغل في بقالة وتحاسب الزباين..
ترضى تشتغل بمطعم قرصون أو نادل..
ترضى تشتغل بأي وظيفة مافيها كرسي وطاولة ترتز وراها..

إذا نعم .. فلك أن تعترض..
وإذا لا.. فلا تمنع الخير أن يعم على غيرك من القطريين..

ودمتم بحفظ الرحمن..

[يحفظك ربي]

أعتقد السبب هو وفي كثير من الأحيان من القطري نفسه..
أسئلة ونبي منكم الصراحة.....

ترضى تشتغل بمحطة بترول تصب بنزين للسيارات..
ترضى تشتغل في بقالة وتحاسب الزباين..
ترضى تشتغل بمطعم قرصون أو نادل..
ترضى تشتغل بأي وظيفة مافيها كرسي وطاولة ترتز وراها..

إذا نعم .. فلك أن تعترض..
وإذا لا.. فلا تمنع الخير أن يعم على غيرك من القطريين..

ودمتم بحفظ الرحمن..

اخت انتصار المقصد واضح
والاعتراض على المناصب الكبيرة او حتى لو مب مناصب ، اي وظايف ثانيه عيال البلد اولى بها ولكن يحطون أجانب بدالهم
شدخل الوظايف اللي ذكرتيها الله يهديك

ودمتي برعايته

[فلتة زمانها]

لا تحاتي اخوي كل واحد بياخذ نصيبه وبعدين حتى لو ماكمل تعليمه عندك الجيش والشرطه وبعض الوزارات توظف اللي عندهم ابتدائي واعدادي في النقليات او كمراسلين اهم شي الولد يشد حيله ويجيب نسبه حلوه وصدقني بيلقى فرص عمل وبعثات وبتفرح فيه ان شاءالله

[دلة الرسلان]

أنا اللي محيرني هل كل الوافدين والمقيمين الموجودين فعليا في البلد موظفيين ؟

أن لم يكونوا موظفيين اليس لهم الأولوية في التوظيف من القادميين الجدد ؟!

[روح الاطلس]

انا لاحظت هالشيء
بس فسرته من وجهة نظري
انهم (المقيمين) لما يبغون الشيء يتعبون من أجله
ويراكضون ومايخلون حد مايوسطونه
ومن كانت له حيلة فليحتال ....
وانا اشوفه ذكاء منهم ..
يعني حد يحصلله الحياة في بلد مثل قطر
ومايذبح عمره عشان يجيب كل هله ومعارفه!!
اما بخصوص ليش مايكون فيه اولويه للقطريين
انا معاك المفروض الجواب يكون عند المسؤلين


وشيء ملاحظ جداً ان الاجنبي يسعى بكل قوته وطاقته انه يلقى وظيفة ما يكل ولا يمل ومايخلي شركات توظيف مايروح لها ولا يخلي موقع بالانترنت مايراسله ولا يخلي جهه مايطبها مع سيرته ولا معرفه من معارفه مايكلمه يعني سعي حثيث

والوظيفة ماتجي الا بالسعي الحثيث.

لما اقرا السيرة الذاتيه لأي مقيم او وافد ماشاء الله خلال عشر سنوات يكون خدم في اكثر من جهه يطلع من عمل يلقى عمل ثاني ينتظره !!

لكن خل نقرا سيرة ذاتيه لقطري؟ نلقاه عشرين سنه بنفس الوظيفة ! ويمكن بنفس الدرجة! لانه قليل سعي ومايدور الاحسن ومايفكر في ان تنويع خبراته العملية تفيده.

استغرب من الاجانب قبل لا يطلع من عمله يكون محصل له عمل ثاني واعرف قطريين سنوات يحاولون يبحثون عن عمل ثاني مايلقون هذا غير اللي عاطلين الى اليوم

والعاطلين النسبة العظمى منهم مش لانه مالقى وظيفة لكن ما سعى واجتهد وراكض تحت لواهيب الشمس في عز القايلة عشان يحط سيرته الذاتيه او يقابل مدراء التوظيف. ويحاول مرة ومرتين وثلاث لين يطردونه السيكورتيه :)

اعرف وحده شهادتها ابتدائيه قطريه وفي بالها تتوظف بمكان معين الكل يضحك عليها لما تقول ابي هالمكان لان ماعندها شهادة! وهالمكان ماياخذ الا خبراء وناس على مستوى عالي من الخبرات وحتى القطري الجامعي لو يموت ماقبلوه الا بواسطة vip

المهم هي اخذت الموضوع تحدي وبالطيب ولا بالغصب كانت تبي تشتغل بهالمكان ماخلت طريقة ماسوتها ولا خلت احد ماكلمته لين وصلت لأكبر راس وتوظفت :) وصارت تكشخ على اللي ضحكوا عليها بوظيفها :)

حبيت اورد هالقصه لانها غيرت مجرى تفكيري ان اللي يبي الشي بيوصله واللي يبي الشهد يتحمل العلقم واللي يجتهد بيلقى ثمرات جهده.

الواحد يسعى ويدعي ربه وبياخذ نصيبه ولا يطالع هذا اجنبي وهذا قطري كل شي بالاجتهاد تناله

[ريماس الغلا]

انزين وبعدين ؟

[chillis]

شكثر تكرر هالموضوع
http://www.shooq4.com/vb/images/bb/13.png

وللحين ماشفت شي لا والي يحيرك انه نفس الكلام ونفس الاسلوب :secret:

[kitmat]

أقول بسكم على المقيميمين ترى هم بشر ولهم حقوق علينا
ايش هذه العنصرية المقيتة
بعدين مهب صحيح انه مافي وظايف حق القطرين، أذكر يوم خلصت الثنوية العامة وقدمت لوزارة العمل أكثر من عشر وظايف رشحت لها من قطر للبترول ونادي الفروسية وزارة الأوقاف كيوتل المصرف .....
أرجوا من الإدارة الموقرة حذف هذا الموضوع

خلصت الثانوية من كم سنه الحين الاجانب هم الي في يدهم التوظيف ومش بوزك اذا حصلت وظيفة الوظايف لهم ولاهلهم

[بنت المطر]

اول شيء الارزاق بيد الله

سواء وظيفة لك ولا لولدك @@ كل شخص الله كاتب له رزقه

الواحد يتوكل على الله ويقوم الفجر يصلي لان الفجر وقت تقسيم الارزاق

+ ليش مستعجل على ولدك يتخرج ثانوي ويتوظف @@ خله يكمل تعليمه يصير سنير بكرة ان شاء الله يصير من كبار الموظفين


الله يوفقنا ويوفقكم ويرزقنا ويرزقكم ويصلح بالنا وبالكم " امين ياااارب

[Dawn]

اشوف ناس متضايقين من تكرار الموضوع وناس يطالبون بحذفه ... غريبه .. الحين شكثر مواضيع الحريم والتعدد والزواج والطلاق اللي تارسه المنتدى وشكثر مواضيع ابناء الغير قطريين ما اشتكيتو منهم .. اشمعنى هالموضوع معترضين عليه؟؟

[OREO]

اشوف ناس متضايقين من تكرار الموضوع وناس يطالبون بحذفه ... غريبه .. الحين شكثر مواضيع الحريم والتعدد والزواج والطلاق اللي تارسه المنتدى وشكثر مواضيع ابناء الغير قطريين ما اشتكيتو منهم .. اشمعنى هالموضوع معترضين عليه؟؟

لاحظي بــأن الاعضاء اللي يطالبون بإغلاق الموضوع و طمس حقيقة التوظيف ،، هم نفسهم اللي يطالبون بالجنسيه القطريه و هم نفسهم اللي يطالبون بمساواة الاجنبي بالقطري ،،

[OREO]

أعتقد السبب هو وفي كثير من الأحيان من القطري نفسه..
أسئلة ونبي منكم الصراحة.....

ترضى تشتغل بمحطة بترول تصب بنزين للسيارات..
ترضى تشتغل في بقالة وتحاسب الزباين..
ترضى تشتغل بمطعم قرصون أو نادل..
ترضى تشتغل بأي وظيفة مافيها كرسي وطاولة ترتز وراها..

إذا نعم .. فلك أن تعترض..
وإذا لا.. فلا تمنع الخير أن يعم على غيرك من القطريين..

ودمتم بحفظ الرحمن..

اذا رضيتي بأن بعلج و ابوج و اخوانج يشتغلون الشغلات هذه في بلده لها اكبر دخل في العالم ،، وقتها راح نرضى عيالنا يشتغلون الشغلات هذه مثل ما تفضلتي ،،

[Al-Kuwari]

اذا رضيتي بأن بعلج و ابوج و اخوانج يشتغلون الشغلات هذه في بلده لها اكبر دخل في العالم ،، وقتها راح نرضى عيالنا يشتغلون الشغلات هذه مثل ما تفضلتي ،،

ارحم الله والديك

قلت اللي فخاطري

عيل كل هالخير وتبينا نشتغل هالشغلات ، بينما الاجانب يسرحون ويمرحون بالوظايف واحنا اولى بها !!

[ام السعف]

يمكن المشكلة في القطري نفسه
ما يفكر في ولد بلاده ويفضل الأجنبي عليه،،

[ام السعف]

أعتقد السبب هو وفي كثير من الأحيان من القطري نفسه..
أسئلة ونبي منكم الصراحة.....

ترضى تشتغل بمحطة بترول تصب بنزين للسيارات..
ترضى تشتغل في بقالة وتحاسب الزباين..
ترضى تشتغل بمطعم قرصون أو نادل..
ترضى تشتغل بأي وظيفة مافيها كرسي وطاولة ترتز وراها..

إذا نعم .. فلك أن تعترض..
وإذا لا.. فلا تمنع الخير أن يعم على غيرك من القطريين..

ودمتم بحفظ الرحمن..

هلا انتصار وحشتينيا ما شفتج من زمان ،،

ما اعتقد الرجال حارق اعصابه علشان الوظايف المذكورة في مشاركتج

الرجال يتكلم عن مكاتب ورواتب خيالية
لج في الجزيرة وقطر فاونديشون خير دليل ،،

[qatara]

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم

[ام السعف]

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم

:secret:

متراااكم وااايد
:shy:

[qatara]

ام السعف ههههههههه

اخبرج امينه بالردود

كلامي صح ولا غلط اذا غلط فانا اسف

والله ماله خص تراكم او خلافه

هل ما قلته حقيقه ام لا ؟

[chillis]

:secret:

متراااكم وااايد
:shy:

قصدج يعاني :(

[qatara]

والله والله العالم يا شليز محد فيه
اغلب هل الامور ويعاني لما يشوف الردود الا انتي ومن ماثلج

بدليل ردودج كلها معاكسه ومشخصنتها
ههههههه

[chillis]

والله يا شليز محد فيه اغلب هل الامور ويعاني لما يشوف الردود الا انتي ومن ماثلج

بدليل ردودج كلها معاكسه
ههههههه

عمري ما عاكست بالعكس دائما اقول البعض لكن انت دائءما تعمم دليل على نقص :)

[qatara]

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم

=======

انضري المكتوب باللون الاحمر
اين التعميم؟

الا انتي الله يعينج دنيا واخره

[فلتة زمانها]

كتارا خف شوي عالحريم

[chillis]

كتارا خف شوي عالحريم

صعب:)

[qatara]

كتارا خف شوي عالحريم




انشاء الله

بس الي قايمه بواجبها محد يقدر ينتقدها
لاكن الي مقصره وتبي تشوف غيرها مقصرات وتشجعهم
هذولي هم المشكله

كل القصد والله التنبيه والنصح لا اكثر

[مملوحة الفال]

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم

ليش التعميم ؟؟؟؟؟؟؟؟

اذا اللي حولك بالحاله هذه لاتعمم على بنات خلق الله انهم نفسهم ؟!!!!!!!

انا وحده موظفة ارد اقابل البيت والعيال لين ينهد حيلي وماتغمض عيني الا بعد الساعه 1 صباحاً انا اطبخ والمغرب ادرس وانا اغسل الملابس وفي الليل اجيبهم من الحبل وبعدها اقابل الأوتي اكوي الملابس والله مرات ما آكل منسدة نفسي خاصة اني مب من النوع اللي ياكل في المكتب الا الشي البسيط واول ماحط راسي رن المنبه وراي صلاة وعيال وريوق يتجهز لهم وتقول مايسوون شي كل الحريم ؟!!!!!
اتحدى احد كان يدش عندي يلاقي غبار على اثاث البيت ولا على الكبتات حتى من فوق عيالي نظاف وكل شي من احسن مايكون ولا شفع لي بشي ؟!!!!!!
لا تعمم على كل الحريم بالكسل ؟!!!!
ولعلمك ماعندي خدامة اكرف بروحي لين طلعت روحي :weeping:

[مملوحة الفال]

انشاء الله

بس الي قايمه بواجبها محد يقدر ينتقدها
لاكن الي مقصره وتبي تشوف غيرها مقصرات وتشجعهم
هذولي هم المشكله

كل القصد والله التنبيه والنصح لا اكثر


وخروا يااعضاء بنفجر :anger1:
الا ينقدون وينقدون ولابه تقدير الا انتقاد على كل شي !!!!!!

اللي لاحظته ان المره السنعه مسكينه وحقها مهضوم واللي عايشه برباده تعجب الزوج واهله ولاحد ينقد عليها الا يدورون الأعذار ويتعذرون على خمالها:anger1:

[Dawn]

هههه نقله نوعيه في الموضوع .. من مشكلة الاجانب وسيطرتهم على التوظيف .. الى المرأه والرجل والطلاق واسبابه والخ .. فيه ناس الحين مستانسين وفرحانين لتحول مجرى الحوار في الموضوع هذا بالذات ..

[منهم وفيهم]

أأيد الطرح وبقوه ..
تعليقي على (المعارضين بوقاحه ) لمثل هالمواضيع..ولا اللي يبي الموضوع ينحذف ..
واللي يقول عنصريه..من حق الجميع ابداء رايه سواء مع او ضد ..بس الأسلوب مطلوب :)
القطريين لي طالبوا بحقوقهم قلتوا عنصريه ..وانتوا لي طالبتوا باللي مالكم حق فيه واعترضنا بعد قلتوا عنصريه وحسد :rolleyes2:
أشد على يد العضو اوريو :victory:

[منهم وفيهم]

اي والله ياليت يرجع موضوع الحوار لمجراه

[كلنا قطر 1981]

زد صدودك تقبل مني الكلام الي بقولك اياه بصدر رحب و فكر فيه بالعقل اخوي انت و باقي

الاعضاء و لو كان في بكلامي غلط وضحه لي

المشكله اخوي ترى في القطري نفسه مب في الاجانب

بس مع الاسف البعض منا قام يقط معظم اخطائنا على الاجانب و نسويهم الشماعه الي نعلق

عليها اخطائنا

الحين الاجنبي في المعاش اقل من القطري في معظم الاحيان

عددهم في البلاد اكثر منا و من الشي الطبيعي انك تشوفهم في الوظايف بشكل اكبر

الحين ندخل في صلب الموضوع

من الي يوقع حق الاجنبي عقد العمل مب القطري؟؟

ان كان الاجانب عديمين الضمير و يخشون السي في مال القطري و يحطون السي في حق

اقاربهم وين ضمير المدير القطري الي ما يدور وظايف عنده حق عيال بلاده ؟؟

كل مدير قبل لا يوافق على اي اجنبي مقدم عنده في ادارته ليش ما يرد حق برج برزان

و يشيك ان كان في عندهم وظايف للقطريين في نفس المجال و لا لاء؟؟

نتكلم و نقط اللوم على الاجانب ليش بعض المؤساسات تحصلينهم مسوين اعلان وظايف في

الجرايد الانجليزيه و بالجرايد العربيه مب موجوده الوظايف و المدير القطري المحترم راقد على

اذنه او متغافل عن هالشي لانه مب هامه و لا تزعلون من الاجانب لو جابوا اعيال عمهم

و وظفوهم لانه كل واحد يتمنى الخير حق المقربون له والله اللوم كل في الاول و الاخير

الي مافيه خير حق عيال بلاده و خايف على كرسيه لا يجي قطري غيره و ياخذ مكانه و منصبه

و كانه الكرسي الي قاعد عليه بيدوم له طول العمر


و اولا و اخير الرزق بيد رب العالمين و محد بياخذ رزق الثاني

ولكن قبل لا نقط اللوم على الاجانب نبي نعرف ولد بلادنا ليش يوقع حق الاجنبي العقد و يترك

ولد بلاده بدون شغل :):)

[intesar]

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم


مادري ليش تغير الموضوع..
بالطبع إذا عرف السبب بطل العجب..
:omg:

[خالـــــد]

القطري لازم ياخذ حقه في بلده

انا ما لي شغل اذا مقيم حصل شغل ولا لا

لكن استغرب ان يكون هناك قطري يبحث عن عمل ولا يجد ؟؟؟؟

بغض النظر عن مؤهلاته يجب ان يكون من السهوله بمكان ايجاد عمل لكل قطري وليس فقط ايجاد عمل لهم بل وتطويرهم ليتناسبو مع الاعمال الموجوده في الدوله

تقبلو تحياتي

[intesar]

اذا رضيتي بأن بعلج و ابوج و اخوانج يشتغلون الشغلات هذه في بلده لها اكبر دخل في العالم ،، وقتها راح نرضى عيالنا يشتغلون الشغلات هذه مثل ما تفضلتي ،،


نعم اذا كنت محتاجة للقمة العيش.. راح أرضى وافتخر وارفع راسي لفوق.. ما فيه شي يخليني أخجل من اللقمة الحلال.. واللي عنده الثانوية بس لا يتشرط.. ويقعد بأي وظيفة.. على فكرة هذي لا تعتبرها قسوة.. لكن اعتبره تفكير وواقع لازم يتغير عندنا.. اتركوا عنكم العنطزة والمظاهر الخداعة.. اللي ما عنده صاير يعيش أحسن من اللي عنده.. وتدورون على أي سبب غير مقنع حتى تخلونه شماعتكم.. الأجانب يوم جوا .. خذوا الوظايف اللي انتوا رافضينه.. أنا ومن هذا المنبر.. أقولها.. لا أمانع من العمل كخادمة.. إذا بيوم احتجت.. بس ما أقعد وأتذمر على وضع من صنع أيدينا..

ودمتم بحفظ الرحمن..

[intesar]

هلا انتصار وحشتينيا ما شفتج من زمان ،،

ما اعتقد الرجال حارق اعصابه علشان الوظايف المذكورة في مشاركتج

الرجال يتكلم عن مكاتب ورواتب خيالية
لج في الجزيرة وقطر فاونديشون خير دليل ،،


أم السعف أهلين حبيبتي.. أنا ما أتكلم عن حاله أنا أتكلم وجهة نظر منتشرة.. اللي هي.. المظاهر الكذابة.. أحيانا تكونين قاسية بردج حتى تخلينهم يصحون من النوم.. ليش دوم نقط اللوم على البلد والمسؤولين.. لازم شباب اليوم ينحطون بكل الوظايف.. حتى نقلل من وجود طفرة الأجانب..خلهم يتدرجون بالوظايف.. ويحسون باللقمة.. هالكلام مو بس لصاحب الموضوع وغيره.. هالكلام لي ولعيالي.. المدللين..روحي السعودية والبحرين والكويت.. أهل البلد يشتغلون بكل شي وبأي شي.. وعندج بقية الدول وصولا لأميركا.. يمكن كلامي خيالي.. لكن ما أشوفه عيب اللي أقصده .. لانقط اللوم على الزمن.. وخلنا ايجابيين.. لعلي على صواب ولعلي على خطأ.. لكن هذا هو رأيي..

ودمتم بحفظ الرحمن..

[qatara]

ليش التعميم ؟؟؟؟؟؟؟؟

اذا اللي حولك بالحاله هذه لاتعمم على بنات خلق الله انهم نفسهم ؟!!!!!!!

انا وحده موظفة ارد اقابل البيت والعيال لين ينهد حيلي وماتغمض عيني الا بعد الساعه 1 صباحاً انا اطبخ والمغرب ادرس وانا اغسل الملابس وفي الليل اجيبهم من الحبل وبعدها اقابل الأوتي اكوي الملابس والله مرات ما آكل منسدة نفسي خاصة اني مب من النوع اللي ياكل في المكتب الا الشي البسيط واول ماحط راسي رن المنبه وراي صلاة وعيال وريوق يتجهز لهم وتقول مايسوون شي كل الحريم ؟!!!!!
اتحدى احد كان يدش عندي يلاقي غبار على اثاث البيت ولا على الكبتات حتى من فوق عيالي نظاف وكل شي من احسن مايكون ولا شفع لي بشي ؟!!!!!!
لا تعمم على كل الحريم بالكسل ؟!!!!
ولعلمك ماعندي خدامة اكرف بروحي لين طلعت روحي :weeping:


مايحتاج تمدحين نفسج فهذه امانتج وانتي مسئوله عنها يوم لا ينفع لا مال ولابينين

الله يعطيج العافيه ويجزيج خير

اما بخصوص من حولي فاخذو من حسناتج باتهامج لهم

اما بخصوص لومي بانني عمتت فانا لم اعمم

====

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم

=======

انضري المكتوب باللون الاحمر
اين التعميم
؟

ادري ان الحق يغيض ومن الغيض البني ادم
بعض الاحيان ما يشوف ولا يثبت
الله يصلح الحال

[غيور]

والله القطري ابشر به لفزعات الغير ولكن مع الاسف العدو الاول لابناء جلدته وخاصة عند مسالة التوظيف والله اشوفهم عندي في العمل اذا دخل عليه القطري كاانه شايف عزرائيل ومع الاجانب تقول رفيق ماشافه منذ عشرة سنين .

واللي يقهرني باان الاجنبي يجيني ويقوللي بان فلان (القطري) يحذرني من باقي القطريين .

تبي تكسب القطري = تعرف على اجانب .

حسبي الله ونعم الوكيل . ياريت تشوفون السيرة الذاتية للقطريين ذا المؤهلات العالية المرمية في ادراج الوزارات والشركات .


وين العدالة ياحكم

[ريماس الغلا]

خاطري ادش موضوع في الحوار العام وما احصل تكتلات







خاطري ادش موضوع بالحوار العام واستفيد منه







خاطري تنكشف اسماء الاعضاء والعضوات جميعا بدل النيك نيم العشوائي

[intesar]

خاطري ادش موضوع في الحوار العام وما احصل تكتلات







خاطري ادش موضوع بالحوار العام واستفيد منه







خاطري تنكشف اسماء الاعضاء والعضوات جميعا بدل النيك نيم العشوائي


طيب والنك اللي حاطته انتي..

[مملوحة الفال]

مايحتاج تمدحين نفسج فهذه امانتج وانتي مسئوله عنها يوم لا ينفع لا مال ولابينين

الله يعطيج العافيه ويجزيج خير

اما بخصوص من حولي فاخذو من حسناتج باتهامج لهم

اما بخصوص لومي بانني عمتت فانا لم اعمم

====

بعض الحريم ببيتها ماتشتغل البيت للنوم فقط حاطه خدام
واعتقد لو مهب الخدم هلكو العيال وابوهم من الجوع والبيت كل شي محذوف بصوب

وتطالب القطري يشتغل يصب بانزين ولا يشتغل ببقاله
بعضكم ببيوتهم الي هم مسئولين عنه مسئوليه كامله مايشتغلون فيه
وتطالبون الرجل القطري بمثل هذه الاشغال خارج البيت !
سبحان الله بعضهم مرضى وربي مرضى مرض نقص وتناقض
مته بيحسون الله العالم

=======

انضري المكتوب باللون الاحمر
اين التعميم
؟

ادري ان الحق يغيض ومن الغيض البني ادم
بعض الاحيان ما يشوف ولا يثبت
الله يصلح الحال




مشكله اذا شايف ردي مدح لنفسي :omen2:
يعني مواضيعك وردودك اللي كلها انتقاد للمره ايش ممكن نتصورها !!!!!!!!!!

والأمانه والمسؤلية رب العالمين ماالقاها على عاتقي بروحي انا اجيب اناا اودي انا اروح المستشفى بالمريض انا اقضي كل اللوازم وغيره وغيره الكثيييييير اتحدى اي وحده تنفي كلامي الحريم صاروا كل شي في الحياه واهم شي ولولا المره مامشت امور حياتكم وحياة عيالكم وبيوتكم !!!!!!!!!!!

[almaf1a]

القطر = قطر

[أخت التفاؤل]

دعوها فإنها منتنه

[دااانة قطر]

المشكله ان هناك فوق ال5000مواطن عاطل عن العمل وطبعا الاسباب مجهوله


عندنا في قسمنا كل 4 او 5 شهور طااايرين على الهند ومصر وفلبين يجيبون عمااله لأن عندنا نقص طيب طلباات التزظيف اللي بالمواارد البشريه شتسووون فيهم؟؟!!

[فـيـراري قطر]

الريال يقصد الاجنبي يعني الانجليزي لان الانجليزي لو عنده دبلوم يسونلك اياه واااااااااااو بيرفكت مالك حل وكل مايقول فكره يحطونها على الرسا بحكم انه خبير اجنبي والله كانو في بلادهم مايسون شي وجونا اهني سولهم راس واكبر دليل (احم احم ) مب لازم لكن واحد جا شهر الدوحه وثاني شهر راكب اكس 6 موديل السنه اتوقع الرياضيين بعرفونه لكن العرب انا اشوفهم متبهدلين وايد وعندي امثله واجده

[مملوحة الفال]

فيه قطريين وقطريات يغبشون من صباح الله خير يدورون وظايف ولا يردون بيوتهم الا الظهر ومافيه مكتب مادخلوه ولا وزاره ولا هيئة ماتعنوا لها ومابه وجه ماطلوا فيه !!!!!!!!!!
تبون خط سيرهم اليومي !!!!
عشان يثبتون للي مايبون يصدقون ان القطريين يسعوون بذمة واخلاص للسعي لوظيفة في اي مكان فيه اماكن خير شر ماترد واذا راجعوهم قالوا مافيه شاغر وقيه اماكن يسوون مقابلات صورية لأن الوظيفة جاهزة للي حبته عين اللي يقدر يعينه فطبيعي ما ظامه الدهر!!!!!!!!!!!!
وفيه اللي يقابولون 100 متقدم والشاغر عندهم 10 وظايف لانهم اكيد يختارون الأفضل!!!!!
وفيه قطريات مستعدين يشتغلون في اي مكان واعرفهم محد قالي عنهم يعني
عايشه الواقع معاهم واشوفهم يصلون الفجر ولا يرقدون يفترون على وزارات ومؤسسات البلاد يبون الوظايف ومحد معبرهم !!!!
للحين فيع احد عنده شك انهم يستعبطون ويتدلعون ويبغون وظايف على مزاجهم او بيرفضون!!!!!!!!!!!!

[halawalah]

لان عنده واسطة.
القطري اذا عنده واسطة قوية بيتوظف في مكان محترم
واذا ماعنده، عاد الله يعينه