بنـ الدحيل ـت
08-03-2012, 04:16 PM
صباح معطر بذكر الرحمن ..
ومساء مبخر برضى الرحمن
بصراحه ولاول مره احس بشعور اني لازم اعلمكم
عن مايعتمر بقلبي تجاه زوجة اخوي
لا وليتها وحده
كم وحده فاض بقلبي ,,
ولازم اشرككم معي تشوفون لي حل
شلون اوفيهم حقهم
احبهم .. زوجات اخواني
بنات متربيات ما اقدر اقول عكس كذا
لاني لو قلت عكس كذا بكون مثلهم
لو قلت زوجة اخوي خبيثه اذا بالمطلق اخوي خبيث ليه >>لان الله بمحكم آياته قال ( الخبيثون للخبيثات والطيبون للطيبات
طبعا فيه استثناءات كالكفر
او غيره كزوجة فرعون اللعين ..
او زوجة لوط عليه السلام
وغير يمكن انهم يشوفونها خبيثه
لكن هي نقطه ببحر خبثهم
زوجات اخواني بنات مثلنا
لهم احلام ... وطموح وافكار راسمينها عن الزواج ... عن الحموله عن كل ها الامور
وعشان ما يصير بينا وبينهم أي تصادم
نعاملهم كخوات
نعاملهم كصديقات
مو زوجات اخوان
ليه لان فيه ناس سبحان الله المنكر عادي من بنتها.... بس اللمم كبيره من مرت ولدها
زوجات اخواني
بنات حمايل امهات عيالنا
يكفي ان اكبر ميزه اشوفها فيهم انهم كل وحده منهم تحب زوجها اللي هو اخوي
وهذا اهم شي عندي
تحبه باسلوبها اللي مولازم يعجبني
تحبه بطريقتها اللي يمكن ما اعرفها ولا تعلمتها
تعامله بتربيتها وخبرتها وبيئتها اللي جايه منها
ولاهي مجبره تفصل نفسها كثوب يناسب اللي نبيه احنا
يكفي ان الحلوات زوجات اخواني
اخواني كل واحد يشوف زوجته ملكة جمال
سواء كانت بروك شيلدز بنظره والا ديانا سبنسر
سواء كان بنظرنا هو احلى منها او هي احلى
شلنا من روسنا انها تبي تاخذه منا
ليه لاننا عارفين ان هذي سنة الحياة
طفل متعلق بامه >>>عقب يكبر>>> شاب يخطط منفصل >>>> زوج يمارس حياته
مايعني انا ماصرنا نشوفه يوميا او باستمرار انه ماعاد يحبنا
او سحبته عنا او غيرته علينا
ليه
لان النيه مطيه
والله يقول بحديث قدسي _ أنا عند ظن عبدي بي إن خيرا فخير وإن شرا فشر
ليه التشاؤوم والله يعينا عليها واكيد فعلت فيه واكيد سوت فيه
مو كل وحده منا تبي الراحه مع رجلها طيب مو ظلم انغص على غيري واظلمها
مو كل وحده تبي تكون ملكه عند زوجها ليه احرمها ها الشيء
مو كل وحده تبي تكون حرة ببيتها ومواعيده ليه ازعل اذا الامر يخصها
يا بنات ياالطيبات
الدنيا ماتسوى وربي ننهي حياتنا ,,ونتسبب بقطيعه ومشاكل
ماله داعي التدقيق وفعلت وحطت وتركت
ماله داعي ماكان كذا الا يوم اخذها
تغير من عرفها
صار ماعاد يفعل صار ماعاد يترك
والله ... والله انهم كانوا كذا بس كنتم تشوفونه عزوبي
وماهو تحت المجهر
ومن جت بنت الحلال طلعتوا عقدكم عليها
مو لازم تحبون مرة اخوك
بس مجبورين تحترمونهم
ليه لان هذا دليل احترامك لنفسك اولا ودليل انك مسلمه فعلا تترجمين اسلامك افعال ,,وانك متربيه
حتى لو فيه منها غلط طيب معقوله احنا مانغلط
معقوله مايجي منك أي شي
ملائكه مافيه على الارض وماحد كامل
الان ليش تتقبلون الامور الصعبه من خواتكم لكن زوجة اخوك لا
ليه مو ذي زوجة الغالي ليه من الاصل ما حطيتي ببالك انها اخت
مو لازم اخت ...
انسانه خافي الله فيها واتركيها ...
لو قلبك صافي راح تدعين وتقولين
الله يهديها الله يسخرهم لبعض
ليه بعضكم تستانس لو فيه مشكله بين زوجة اخوها واخوها
ليه تدقق بتنظيفها تحت المجلى وهي دولاب غرفة النوم يجيب المرض
العدل يا امة محمد
خلونا نبين ان ها التراكمات المجتمعيه خرطي
لو كل عائله فيها وحده تخاف الله وتسدد وتقارب
كان انعدلت امور كثيره
يا كريمات
فيه تراكمات بالمجتمع
والكل يقتبس منها
تلاقون من اول مايخطبون يقولون ان شاء الله تطلع سنعه
مع ان لفظ سنعه فضفاض والسناعه تختلف من شخص للثاني
والا من اولها مجهزين الاسلحه
ايه من اولها هجوم على المنزل قال ايش قال عشان تفهم ان ذا بيت ولدنا واخونا ومالها دخل
هه ورى اهل رجلك لو فاجئوك ضقتي وقلتي حتى ماعبروني وكلموا
لو دخلتي ولقيتي شي مو تمام ببيتها تغاضي ليه
لانها زوجة الحبيب مو شغلك نظفت عفست اشترت رمت
ولان ها الامر فعلا مايعنيك
_ من حسن اسلام المرء تركه مالايعنيه _
هي زوجته لباسه اقرب اثنين لبعض
اطلعي منها انتهي
انتي اخته او امه وماهنا مقارنه بس ذي زوجته
حبيبته ام عياله
الان لو تعاركتي انتي واياها منو الخسران
انتي واياها وكمان اخوك
ليه انكد على اخوي ليه اسبب تصدع بعلاقتنا ليه اخلي ابليس يدخل ويدودل ايدينه ورجوله
فيه يمكن يمكن حريم شريات
بس ماهنا دخان من غير نار
لكل فعل ردة فعل مساويه له بالقوة ومعاكسه له بالاتجاه >>>قانون فيزيائي
لكل فعل سبب وفكره لهذا الفعل >>قانون نفسي
مستحيل من الباب للطاقه بتسوي حركات مالها داعي الا اذا فيه شي
وان كان من دخلت وهي كذا يمكن خايفه
يمكن من اللي تسمعه عن الحموله قالت خليني اتغدى فيهم قبل يتعشون علي
لكن لو قابلنا وحده مثلها بحسن نيه
واعطيناها الطيب لله فقط والاجر
_ادفع بالتي هي احسن فإذا الذي بينك وبينه عداوة كأنه ولي حميم
راح يتغير الوضع
حتى لو كانت ام الرجل ما تطيقها مولازم تتخاون على الظلم والنار
انصر اخاك ظالما او مظلوما
صفوا النيه وبلاش الكيل بمكيالين لانها زوجة ا خ او ابن
شوفوا
عارفه ان الموضوع متشعب وعارفه ان فيه اطراف كثيره
لكن حبيت اخص مرت الاخ او زوجة الولد
ليه
لاني فعلا احب زوجات اخواني
كافي علي دخلتهم هي واخوي وهم مبتسمين ومرتاحين
كافي ان بغت شي قال لها روحي لم موهومه وتنصاني قبل تنصى اهلها
كافي علي انها تثق فيني كاخت واشوفهم خواتي اللي ماجابتهم امي
كافي علي ادري انه ان مرض واحد من اخواني حبت على راسه وكمدته
كافي علي تهديه وتعزه وهي ساجده تدعي له بطولة العمر>>> ذي جابت لي غصه بغيت اصيح
كافي عندي انه يحبها ,,ولاني احبه يفترض احترمها واحبها
عادي صار بيننا حوار
تناقشنا
وووو بس لما اقول لنفسي فلانه زعلتني اقول فلانه حاف مو مرت فلان
ان دخل شيطان على وحده منهم ما اساعده من باب _ لاتعينوا الشيطان على أخيكم
لا بالعكس
ادمح وهذا الصح لان انا كمان اكيد اغلط وابي من يدمح لي
اخيرا
ترى الافكار السلبيه اللي تحتويكم ..هي اللي تخلي للشيطان عليكم طريق ,,فتصيرون تشوفون أي شي من زوجة الاخ سلبي واكيد وراه مقصد وسبب ..لأن نيتكم من الاصل مو صافيه
حتى لو هي جميله تقولون يووه مدري شعاجبه فيها شينه هو احلى منها
على ان الواقع كرهكم لها ,,وسوء ظنكم فيها يخليكم تشوفونها _ كوندليزا رايس
بينما بالواقع هي جميله
وكم وحده قابلتها كنت اسمع انها شينه وماهنا زود
ويوم لقيت الواقع غير
عرفت ان الغيره والحقد اللي ماليهم هو اللي مخليهم يشوفونها بها الشكل
وعلى النقيض طبعا
لو كل وحده نيتها بيضاء ,,وماتضمر لبنت الناس الا كل خير كان شافتها جميله
وعين المحب عن كل عيب كليله
الموضوع ومافيه نرجع لعاداتنا الحلوه
عودة لاسلامنا الصح
عودة لترجمة اللي تعلمناه وش الفايده تدرسون من هنا وتطلعون من هنا
وش الفايده تنصحون بعض وانتم خاربه اموركم ويبي لكم تصليح
أخيرا
الانسان إذا حب صعب تجرحينه بحبيبه ..إذا أخوك ,,ولدك يحبها
ظلم وجرح تسبينها وتبينين عيوبه عندها
*** عندي لكم قصة عن النبي عليه الصلاة والسلام وهو قدوتنا
طبعا محد يشك بحبه لأبنته فاطمة رضي الله عنها
ومع كذا جته بيوم تشتكي وتتكلم عن عائشة رضي الله عنها
فقال لها النبي عليه الصلاة والسلام _ يافاطمة لاتؤذيني في عائشة
وربي ها الكلمة تحرك المشاعر ,,تخلي العبرة تخنق الواحد
هذا تعليم لنا ...تأديب
يا كريمه ياذوق انتي واياها
افتحوا مع انفسكم صفحه جديده ..وانتم ساجدين ادعوا وقولوا .._ ربنا
ولاتجعل في قلوبنا غلا للذين آمنوا
لأن زوجة اخوكي تراها من الذين امنوا
ان جاكي هاجس او خاطر من شيطان من شياطين الانس او الجن
تعوذي من الشيطان
دافعي عنها بغيابها لله ..وتقربي لله والا اتركيها لله مو احقريها
لان ترى الكلمات والعبارات لها دور
يازوجة اخوي نعمة من الله انك زوجة اخوي,,,
وعسى الله يخليك لاخوي ولعيالك ولاهلك ولنا
وترى العمر قصير,,والدنيا مليانه هموم
يوم افضي نفسي عشان انتقدك واراقبك
يازوجة اخوي
وربي يسخرهم لبعض
ويجيرهم ويجيرنا واياكم من شياطين الانس والجن
وربكم مايغفل عنه شي سبحانه
دمتم بود
ومساء مبخر برضى الرحمن
بصراحه ولاول مره احس بشعور اني لازم اعلمكم
عن مايعتمر بقلبي تجاه زوجة اخوي
لا وليتها وحده
كم وحده فاض بقلبي ,,
ولازم اشرككم معي تشوفون لي حل
شلون اوفيهم حقهم
احبهم .. زوجات اخواني
بنات متربيات ما اقدر اقول عكس كذا
لاني لو قلت عكس كذا بكون مثلهم
لو قلت زوجة اخوي خبيثه اذا بالمطلق اخوي خبيث ليه >>لان الله بمحكم آياته قال ( الخبيثون للخبيثات والطيبون للطيبات
طبعا فيه استثناءات كالكفر
او غيره كزوجة فرعون اللعين ..
او زوجة لوط عليه السلام
وغير يمكن انهم يشوفونها خبيثه
لكن هي نقطه ببحر خبثهم
زوجات اخواني بنات مثلنا
لهم احلام ... وطموح وافكار راسمينها عن الزواج ... عن الحموله عن كل ها الامور
وعشان ما يصير بينا وبينهم أي تصادم
نعاملهم كخوات
نعاملهم كصديقات
مو زوجات اخوان
ليه لان فيه ناس سبحان الله المنكر عادي من بنتها.... بس اللمم كبيره من مرت ولدها
زوجات اخواني
بنات حمايل امهات عيالنا
يكفي ان اكبر ميزه اشوفها فيهم انهم كل وحده منهم تحب زوجها اللي هو اخوي
وهذا اهم شي عندي
تحبه باسلوبها اللي مولازم يعجبني
تحبه بطريقتها اللي يمكن ما اعرفها ولا تعلمتها
تعامله بتربيتها وخبرتها وبيئتها اللي جايه منها
ولاهي مجبره تفصل نفسها كثوب يناسب اللي نبيه احنا
يكفي ان الحلوات زوجات اخواني
اخواني كل واحد يشوف زوجته ملكة جمال
سواء كانت بروك شيلدز بنظره والا ديانا سبنسر
سواء كان بنظرنا هو احلى منها او هي احلى
شلنا من روسنا انها تبي تاخذه منا
ليه لاننا عارفين ان هذي سنة الحياة
طفل متعلق بامه >>>عقب يكبر>>> شاب يخطط منفصل >>>> زوج يمارس حياته
مايعني انا ماصرنا نشوفه يوميا او باستمرار انه ماعاد يحبنا
او سحبته عنا او غيرته علينا
ليه
لان النيه مطيه
والله يقول بحديث قدسي _ أنا عند ظن عبدي بي إن خيرا فخير وإن شرا فشر
ليه التشاؤوم والله يعينا عليها واكيد فعلت فيه واكيد سوت فيه
مو كل وحده منا تبي الراحه مع رجلها طيب مو ظلم انغص على غيري واظلمها
مو كل وحده تبي تكون ملكه عند زوجها ليه احرمها ها الشيء
مو كل وحده تبي تكون حرة ببيتها ومواعيده ليه ازعل اذا الامر يخصها
يا بنات ياالطيبات
الدنيا ماتسوى وربي ننهي حياتنا ,,ونتسبب بقطيعه ومشاكل
ماله داعي التدقيق وفعلت وحطت وتركت
ماله داعي ماكان كذا الا يوم اخذها
تغير من عرفها
صار ماعاد يفعل صار ماعاد يترك
والله ... والله انهم كانوا كذا بس كنتم تشوفونه عزوبي
وماهو تحت المجهر
ومن جت بنت الحلال طلعتوا عقدكم عليها
مو لازم تحبون مرة اخوك
بس مجبورين تحترمونهم
ليه لان هذا دليل احترامك لنفسك اولا ودليل انك مسلمه فعلا تترجمين اسلامك افعال ,,وانك متربيه
حتى لو فيه منها غلط طيب معقوله احنا مانغلط
معقوله مايجي منك أي شي
ملائكه مافيه على الارض وماحد كامل
الان ليش تتقبلون الامور الصعبه من خواتكم لكن زوجة اخوك لا
ليه مو ذي زوجة الغالي ليه من الاصل ما حطيتي ببالك انها اخت
مو لازم اخت ...
انسانه خافي الله فيها واتركيها ...
لو قلبك صافي راح تدعين وتقولين
الله يهديها الله يسخرهم لبعض
ليه بعضكم تستانس لو فيه مشكله بين زوجة اخوها واخوها
ليه تدقق بتنظيفها تحت المجلى وهي دولاب غرفة النوم يجيب المرض
العدل يا امة محمد
خلونا نبين ان ها التراكمات المجتمعيه خرطي
لو كل عائله فيها وحده تخاف الله وتسدد وتقارب
كان انعدلت امور كثيره
يا كريمات
فيه تراكمات بالمجتمع
والكل يقتبس منها
تلاقون من اول مايخطبون يقولون ان شاء الله تطلع سنعه
مع ان لفظ سنعه فضفاض والسناعه تختلف من شخص للثاني
والا من اولها مجهزين الاسلحه
ايه من اولها هجوم على المنزل قال ايش قال عشان تفهم ان ذا بيت ولدنا واخونا ومالها دخل
هه ورى اهل رجلك لو فاجئوك ضقتي وقلتي حتى ماعبروني وكلموا
لو دخلتي ولقيتي شي مو تمام ببيتها تغاضي ليه
لانها زوجة الحبيب مو شغلك نظفت عفست اشترت رمت
ولان ها الامر فعلا مايعنيك
_ من حسن اسلام المرء تركه مالايعنيه _
هي زوجته لباسه اقرب اثنين لبعض
اطلعي منها انتهي
انتي اخته او امه وماهنا مقارنه بس ذي زوجته
حبيبته ام عياله
الان لو تعاركتي انتي واياها منو الخسران
انتي واياها وكمان اخوك
ليه انكد على اخوي ليه اسبب تصدع بعلاقتنا ليه اخلي ابليس يدخل ويدودل ايدينه ورجوله
فيه يمكن يمكن حريم شريات
بس ماهنا دخان من غير نار
لكل فعل ردة فعل مساويه له بالقوة ومعاكسه له بالاتجاه >>>قانون فيزيائي
لكل فعل سبب وفكره لهذا الفعل >>قانون نفسي
مستحيل من الباب للطاقه بتسوي حركات مالها داعي الا اذا فيه شي
وان كان من دخلت وهي كذا يمكن خايفه
يمكن من اللي تسمعه عن الحموله قالت خليني اتغدى فيهم قبل يتعشون علي
لكن لو قابلنا وحده مثلها بحسن نيه
واعطيناها الطيب لله فقط والاجر
_ادفع بالتي هي احسن فإذا الذي بينك وبينه عداوة كأنه ولي حميم
راح يتغير الوضع
حتى لو كانت ام الرجل ما تطيقها مولازم تتخاون على الظلم والنار
انصر اخاك ظالما او مظلوما
صفوا النيه وبلاش الكيل بمكيالين لانها زوجة ا خ او ابن
شوفوا
عارفه ان الموضوع متشعب وعارفه ان فيه اطراف كثيره
لكن حبيت اخص مرت الاخ او زوجة الولد
ليه
لاني فعلا احب زوجات اخواني
كافي علي دخلتهم هي واخوي وهم مبتسمين ومرتاحين
كافي ان بغت شي قال لها روحي لم موهومه وتنصاني قبل تنصى اهلها
كافي علي انها تثق فيني كاخت واشوفهم خواتي اللي ماجابتهم امي
كافي علي ادري انه ان مرض واحد من اخواني حبت على راسه وكمدته
كافي علي تهديه وتعزه وهي ساجده تدعي له بطولة العمر>>> ذي جابت لي غصه بغيت اصيح
كافي عندي انه يحبها ,,ولاني احبه يفترض احترمها واحبها
عادي صار بيننا حوار
تناقشنا
وووو بس لما اقول لنفسي فلانه زعلتني اقول فلانه حاف مو مرت فلان
ان دخل شيطان على وحده منهم ما اساعده من باب _ لاتعينوا الشيطان على أخيكم
لا بالعكس
ادمح وهذا الصح لان انا كمان اكيد اغلط وابي من يدمح لي
اخيرا
ترى الافكار السلبيه اللي تحتويكم ..هي اللي تخلي للشيطان عليكم طريق ,,فتصيرون تشوفون أي شي من زوجة الاخ سلبي واكيد وراه مقصد وسبب ..لأن نيتكم من الاصل مو صافيه
حتى لو هي جميله تقولون يووه مدري شعاجبه فيها شينه هو احلى منها
على ان الواقع كرهكم لها ,,وسوء ظنكم فيها يخليكم تشوفونها _ كوندليزا رايس
بينما بالواقع هي جميله
وكم وحده قابلتها كنت اسمع انها شينه وماهنا زود
ويوم لقيت الواقع غير
عرفت ان الغيره والحقد اللي ماليهم هو اللي مخليهم يشوفونها بها الشكل
وعلى النقيض طبعا
لو كل وحده نيتها بيضاء ,,وماتضمر لبنت الناس الا كل خير كان شافتها جميله
وعين المحب عن كل عيب كليله
الموضوع ومافيه نرجع لعاداتنا الحلوه
عودة لاسلامنا الصح
عودة لترجمة اللي تعلمناه وش الفايده تدرسون من هنا وتطلعون من هنا
وش الفايده تنصحون بعض وانتم خاربه اموركم ويبي لكم تصليح
أخيرا
الانسان إذا حب صعب تجرحينه بحبيبه ..إذا أخوك ,,ولدك يحبها
ظلم وجرح تسبينها وتبينين عيوبه عندها
*** عندي لكم قصة عن النبي عليه الصلاة والسلام وهو قدوتنا
طبعا محد يشك بحبه لأبنته فاطمة رضي الله عنها
ومع كذا جته بيوم تشتكي وتتكلم عن عائشة رضي الله عنها
فقال لها النبي عليه الصلاة والسلام _ يافاطمة لاتؤذيني في عائشة
وربي ها الكلمة تحرك المشاعر ,,تخلي العبرة تخنق الواحد
هذا تعليم لنا ...تأديب
يا كريمه ياذوق انتي واياها
افتحوا مع انفسكم صفحه جديده ..وانتم ساجدين ادعوا وقولوا .._ ربنا
ولاتجعل في قلوبنا غلا للذين آمنوا
لأن زوجة اخوكي تراها من الذين امنوا
ان جاكي هاجس او خاطر من شيطان من شياطين الانس او الجن
تعوذي من الشيطان
دافعي عنها بغيابها لله ..وتقربي لله والا اتركيها لله مو احقريها
لان ترى الكلمات والعبارات لها دور
يازوجة اخوي نعمة من الله انك زوجة اخوي,,,
وعسى الله يخليك لاخوي ولعيالك ولاهلك ولنا
وترى العمر قصير,,والدنيا مليانه هموم
يوم افضي نفسي عشان انتقدك واراقبك
يازوجة اخوي
وربي يسخرهم لبعض
ويجيرهم ويجيرنا واياكم من شياطين الانس والجن
وربكم مايغفل عنه شي سبحانه
دمتم بود