ماهو الافضل في توزيع الصاله والغرف

[يونيك ^ قطر]

السلام عليكم ورحمة الله وبركاته ...

حبيت اخذ رايكم في طريقة المجلس هل الافضل تكون الصاله والمجلس وغرفة
الطعام مفتوحين على بعض او يكون المجلس والمطعم على النظام القديم مع بعض ويكون بينهم فاصل بعدين هل مساحة المجلس 10.2 في 5 متر مناسبة
وماهي المساحة المفترضة للمجلس مع العلم يكون من ضمنهم ( عزكم الله ) الحمام والمغسل .....

تحياتي ..... *

[مضارب دوسري]

هل تقصد 10.2 في 5 من ضمنهم المطعم والمغاسل؟

[يونيك ^ قطر]

اي نعم هذا قصدي

[مضارب دوسري]

اي نعم هذا قصدي

هلا اخوي
انا عن نفسي بقولك يعتمد
اذا بيت ابوك او اخوك الكبير عنده مجلس كبير فهالحاله بقولك صحيح

الحاله الثانيه
اذا انت تعزم وايد ف بيتك وعزايمك كبيره والمعازيم كثار
ف انا اشوف المجلس مايكون اقل من 5 ف 10 بروحه والمطعم 4 ف 5 والمغاسل مثلا قول 2 ف 5 مع الحمامات اعزكم الله

في حاله عزايمك صغيره او بطابع عائلي
بقولك اقل شي المجلس والمطعم يكونون 5 ف 9
5 ف 6 مجلس و 5 ف 3 مطعم والحمامات بروحهم القياس اللي يعجبك

الافضل ف المطعم يكون بينه وبين المجلس فاصل عشان الخدم وانت تاخذون راحتكم وانتوا تجهزون الطعام ويكون المغاسل من ضمن المطعم وليس المجلس
والله يوفقك وان شاء الله الاعضاء يفيدونك اكثر مني

[يونيك ^ قطر]

تسلم على الرد

وبخصوص العزايم قليله والمساحات نفس ماتفضلت وذكرتها تقريبا بس أنا حطيت في بالي ان المجلس راح
يكون في طول وان مساحته كبيره والقصد ان بيكون استخدام المجلس استخدام قليل

والثانية ....
هل افتح المجلس على الصاله ولا افصلهم عن بعض على النظام القديم ....*

[السد]

تسلم على الرد

وبخصوص العزايم قليله والمساحات نفس ماتفضلت وذكرتها تقريبا بس أنا حطيت في بالي ان المجلس راح
يكون في طول وان مساحته كبيره والقصد ان بيكون استخدام المجلس استخدام قليل

والثانية ....
هل افتح المجلس على الصاله ولا افصلهم عن بعض على النظام القديم ....*

فتح المجلس على الصالة له ايجابية وهو كبر المكان
اما السلبية فهوالتنظيف الدائم
يعني فجاة ياتيك ضيف من غير ترتيب
تفتح له باب المجلس

[العولقي]

نصيحه اذا وجد مجلس خارجي حتى ولو خيمه ! ممكن تفتحهم على بعض والافضل ان تكون هناك غرفه ولو 5 * 5 على باب خارجي للاستقبال ضيوف من اهل البيت !!

واذا لم يوجد مجلس خارجي فمن الخطاء ان تفتح الصاله على المجلس ومساحة 5 * 10 اعتقد انها كافيه وممتازه +

أخوكم : العولقي

[SULTAN1]

من واقع تجربه المجلس الداخلي الافضل يكون مفصول عن المطعم .يعتمد على الزوار اللى يجونك ممكن تختار المساحة،في المستقبل بتسوي خيمة خارجيه اذا حوشك يستحمل ويمكن تفتح باب خارجي

[يونيك ^ قطر]

السد: اشكرك على الرد
وفعلا بيكون صعب التنظيف لان بتكون المساحة كبيرة لان بتدخل الصاله مع المجلس والمطعم .....

تحياتي لك .....

[يونيك ^ قطر]

تسلملي اخوي العولقي على ردك والنصيحة اللي أكيد راح اخذ بها

وللأسف طبعا مافي مجلس خارجي لان مب من كثر الزوار او كثر العزايم وفعلا مثل ماتفضلت المفروض أني ما افتح المجلس على الصاله لانه بتكون صعبة شوي وماراح اتكون فيه خصوصية للزاير ....

تقبل شكري ....

[يونيك ^ قطر]

اخوي سلطان وفعلا هذا اللي اشوفه وبعدين المجلس والمطعم اصلا مفصولين عن بعض بس بمدخل واحد وهو بيكون من المجلس طبعا اما بخصوص الخيمة ما اعتقد بيكون لها
مجال ......

اشكرك على مرورك والمشاركة بالرد .....

[مضارب دوسري]

الله يوفقك اخوي

بس اذا المجلس خارجي



يفضل ان يكون للمطعم مدخل خلفي من صوب البيت
عشان تاخذ راحتك وقت تجهيز الطعام

[يونيك ^ قطر]

الله يوفق الجميع اخوي
المجلس داخلي ومشترك مع المطعم وله باب خارجي والمطعم له باب ثاني من عند المطبخ الداخلي وطبعا له خصوصيه في حال تجهيز الاكل بكل سهوله .....

وحياك الله وتسعدني مشاركتك بالرد *

[مضارب دوسري]

الله يوفق الجميع اخوي
المجلس داخلي ومشترك مع المطعم وله باب خارجي والمطعم له باب ثاني من عند المطبخ الداخلي وطبعا له خصوصيه في حال تجهيز الاكل بكل سهوله .....

وحياك الله وتسعدني مشاركتك بالرد *

منزل مبارك ان شاء الله
:nice:

[يونيك ^ قطر]

الله يبارك فيك