استفسار لخبراء النيسان بترول واللاند كروزر

[الداعي]

السلام عليكم ورحمة الله وبركاته

يعطيكم العافيه وربي يبارك لكم في جمعتكم

عندي استفسار الله يسلمكم، انا ناوي اشتري سيارة جديدة وبصراحة احترت بين الكروزر gxr 2012 ثمانية سلندر والنيسان بترول 2012 (الفئة se) ومب عارف شالاحسن من ناحية السيارة وخدمة الوكالة وياليت لو حد يساعدني بالاجابه على هالاسئلة من واقع خبرة:

الكروزر اللي ناوي اخذه مخمل مع شاشة ونظام ملاحة وكيمره اما النيسان فلقيت واحد فيه كل المواصفات من كراسي جلد ونظام ملاحة ودي في دي وتلفزيون..الخ وانا بصراحه شايف النيسان احسن لان مواصفاته اكثر لكن متردد وقلت اسألكم

1- ايش افضل سيارة بين الاثنين من ناحية الاستمرارية؟ يعني ايش الاحسن واللي يعيش معاك اكثر؟

2- ايش احسن وكالة بين الثنتين؟ سمعت ان النيسان ماكانت جيدة العام لكن الحين تحسنت خدمتهم هل هذا صحيح؟

3- هل فعلا ضمان الوكالة مهم؟ لاني لقيت السيارتين معروضتين في المعارض وارد الامارات وبسعر ممتاز واقل من الوكالة لكن النيسان ضمانها سنه لو خذتها من برع الوكالة والكروزر يجيك بدون ضمان.. هل فعلا هذا مهم؟

4- ايش الاحسن من ناحية اسعار التصليح وقطع الغيار وغيره؟ وهل هناك فرق كبير بينهم والا نفس الشي؟

5- سعر البيع بعد كم سنه اذا قررت ابيعه

وجزاكم الله الف خير وجعله في ميزان حسناتكم يالغاليين

[SULTAN1]

أنا من محبين الكروزر والنسيان ،لكن بعد الاستخدام الكروزر يمسك سعره ،والله يوفقكك

[al3grab]

اي معرض عنده وارد الاماراتي كروزر2012

[مستثمر عقاري]

مرحبا اخوي الداعي


النيسان اشوفه افضل من ناحيه الخطوط والسفر

اريح واوسع من الكروزر


وانت استخير والله يوفقك

[قناص 787]

اخوي النيسان الجديد وانت مغمض والله ثم والله اني بعت لكزس

وخذته والحمدلله ماندمت ماعليه كلام سواء خدمة الوكاله والاستخدام

ماشاالله من اروع مايكون الله يوفقك اخوي

[qatari 111]

النيسان اقضل من جميع النواحي

جربت الكزس وجربت النيسان .. النيسان افضل بمراحل
وسعره فيه لانه مرغوووووووب ونادر تحصله فالمعارض .. واسعار الغيار خفضووها واايد احسن من قبل
والخمدة تحسنت بوايد لان غيرو ا المدير حطو واحد انجليزي سنع الموظيفن صح .

والله يوفقك .. واستخير افضل لك

[تمون]

انصحك بالكروزر حتى لو ستاندر اشرف من النيسان حتى فالبيع

[qews]

بجاوبك بما اني مالك لاندكروزر gxr 8 2012

معلومه هامه
الياباني سيارات عمليه سواء نيسان او تويوتا او غيرها بتعذب نفس مع الوكالات وفي الاساس السياره ماتحتاج وكاله كلها تبديل زيت كل 5000 واذا سمعت صوت الصفير يزيد في البريك اي محل يبدلك البريك في ربع ساعه واترك عنك الوكاله ..

1- طبعا من ناحيه الاستمرايه اذا انت انسان عاقل مهب من الشباب الاستعراض والتهور بتعيش معاك السياره وارجح الاندكروزر

2- الوكاله لاسف ماتعاملت معاهم نهايئا لا نيسان ولا تويوتا الهم فحص 1000 كيلو فقط

3- اسئل نفسك ليش بتاخذ الوارد ؟ علشان السعر ؟ مواصفات ؟ انا اشتري من قريب افضل لي وتفرق معاي 10 او 5 شي بسيط. اذا تدور على السعر انا خبرني اعطيك وكاله يطلع لك الاند كروزر 8 ب 218 الف وكاله

4- سعر القطع غيار رمزيه جدا للتويوتا 400 ريال اضن سفايف والزيت ب 170 مع فلتر

5- طبعا بلا منافس الاندكروزر سعر فيه

وفي الاخير انا افضل الاندكروزر عن النيسان لانتشاره .. سعره ولو ان ارتفع في الاونه الاخيره بس سعره فيه هاذا راي
والنيسان في رؤيتي ضخم ولم يعجبني

[الداعي]

جزاكم الله خير على الردود المفيدة

[الداعي]

بجاوبك بما اني مالك لاندكروزر gxr 8 2012

معلومه هامه
الياباني سيارات عمليه سواء نيسان او تويوتا او غيرها بتعذب نفس مع الوكالات وفي الاساس السياره ماتحتاج وكاله كلها تبديل زيت كل 5000 واذا سمعت صوت الصفير يزيد في البريك اي محل يبدلك البريك في ربع ساعه واترك عنك الوكاله ..

1- طبعا من ناحيه الاستمرايه اذا انت انسان عاقل مهب من الشباب الاستعراض والتهور بتعيش معاك السياره وارجح الاندكروزر

2- الوكاله لاسف ماتعاملت معاهم نهايئا لا نيسان ولا تويوتا الهم فحص 1000 كيلو فقط

3- اسئل نفسك ليش بتاخذ الوارد ؟ علشان السعر ؟ مواصفات ؟ انا اشتري من قريب افضل لي وتفرق معاي 10 او 5 شي بسيط. اذا تدور على السعر انا خبرني اعطيك وكاله يطلع لك الاند كروزر 8 ب 218 الف وكاله

4- سعر القطع غيار رمزيه جدا للتويوتا 400 ريال اضن سفايف والزيت ب 170 مع فلتر

5- طبعا بلا منافس الاندكروزر سعر فيه

وفي الاخير انا افضل الاندكروزر عن النيسان لانتشاره .. سعره ولو ان ارتفع في الاونه الاخيره بس سعره فيه هاذا راي
والنيسان في رؤيتي ضخم ولم يعجبني

يعطيك العافية اخوي ومشكور على ردك الوافي، بصراحه أنا فقط اميل للنيسان لان مواصفاته الداخلية أحسن مقارنة بالكروزر

اما بالنسبة لموضوع الوكالة والمعرض صح كلامك فرق السعر مب كبير لكن مثلا للنيسان لقيت فرق كبير بالسعر والمواصفات، اكثر من 25 الف بينه وبين اللي بالوكالة

شرايك؟ أخذ من معرض والا وكالة؟

وشكرا لك

[qews]

اخوي اعذرني ماعرف ارد على استفسارك الاخير لان ولا مره تعاملت مع معرض..

شوف اسباب انخفاض سعر السياره في المعرض هل هي مستعمله ام لا ؟ اذا كانت نعم مستعمل نصحيتي لك بما ان الفرق 25 شي بسيط خذ وكاله وريح بالك ماتعرف سوابق السياره حتى لو ماشيه 100 كيلو

وراجع لك في النهايه

وكل التوفيق وبالمبارك مقدما

[الداعي]

مشكور الشيخ وجزاك الله خير والنيسان اللي تكلمت عنه جديد بس وارد الامارات علشان جذي السعر اقل

[المبرمج صلاح]

http://farm4.staticflickr.com/3136/2736334849_f1876b437d.jpg
بالتوفيق ان شاء الله