أبي أستشاره

[أم وضاحي]

أنا أبني بيتي أن شاء الله
و الحين بابتدي في دفان البيت حق تركيب البلاط
بس أنا ما أبي سراميك و لا رخام
أبي أفرش البيت كامل كله موكيت ماعدى المطعم و الجلسه العائليه باسويهم باركيه
لأني أبي أغير شوي من مسألة أنه لازم الدور الأرضي يا رخام أو سيراميك أو باركيه
فكرت أني أحط بلاط شعبي و أحط فوقه الموكيت
وعقب كم سنه لو حبيت أغير ممكن أشيل الموكيت و أركب فوق البلاط الشعبي أي شي ثاني مثل الباركيه أو الرخام
و السبب أني أبي البلاط الشعبي أنه لو شلت الموكيت بيبقى أثار الصمغ عليه وعادي أني أركب فوقه الرخام أو السيراميك
لكن لو ركبت السيراميك و فوقه الموكيت و شلته عقب أعتقد حزتها لازم أشيل بعد السيراميك
لأنه بيكون ما ينفع و غير جذيه ما اعتقد أنه راح يركب عليه الرخام
السؤال الحين
هل طريقتي صح في أني أركب البلاط الشعبي ؟
لأنه باركب فوقه بعدين أي شي ثاني عقب ما أشيل الموكيت
وأي نوع من البلاط الشعبي تنصحوني فيه ؟
لأنه فيه كذا نوع و كل نوع له سعر
يا ريت تفيدوني

[السد]

بخصوص البلاط الشعبي
عندج فقط محل بيت الاحساء - طريق سلوى بعد محطةبترول عزيز
النوع اماراتي فقط

[kuwari]

ان شاء الله الشباب يفيدونك

[qtr-1st]

أختي صح كلامج ويعتمد على فكرتج بس البلاط الشعبي تارس منطقه الصناعيه

مـــــــــنـــــزل مــــــــــبارك بإذن الله

[بو راشد 1]

اختي اذا بتركبين زل موكيت ما يحتاج بلاط شعبي او غيرة، سوي الارضيه اسمنت عادي و ركبي الزل عليه، هذا شفته يسونه في المساجد. اوفر و احسن، عشان في المستقبل ما تركبين رخام على بلاط.

[SULTAN1]

زيد على البلاط الشعبي وركب سراميك ولو انك بتدفع اكثر بس مرة واحد وافتك،في المستقبل لو حبيت تركب باركيه او سراميك بتواجهك مشكله في الارتفاعات ممكن تعيق الأبواب وبتدخل في ايجاد نجار او فني ألمنيوم لتعديل القياسات،منزل مبارك ان شاء الله

[ريان]

طريقتج صحيحه ..وهذه وجهت نظري

(مادام البلاط راح ينحط عليه الموكيك مومهم شكله )


افضل بلاط شعبي وعن تجربه مصنع سمسمه وسعره 18 او 17 ريال للمتر


وبالتوفيق ان شاء الله

[يونيك ^ قطر]

وانا جاتني نفس الفكره أني احط في غرفتي زل ما احب السراميك وباقي البيت اخليه سراميك لكن يقولون موضه قديمة ....

تقبلي مروري الخفيف ....

[أم وضاحي]

يسلم الكل على الأراء الطيبه
و مشكورين على الردود
و الله يبارك فيكم أن شاء الله

[khaldoon]

اختي الافضل و الارخص الطبقة الاسمنتية و تكون مناسيبها صحيحه 100% علشان تركبي عليها رخام مستقبلا

يصير تركبي بلاط بس الطبقة الاسمنتية اوفر و اسرع و هي المعتمده بالمشاريع اللي فيها موكيت مع الاخذ بالاعتبار سماكة الموكيت لما تسوي هذه الصبية

[أم وضاحي]

اختي اذا بتركبين زل موكيت ما يحتاج بلاط شعبي او غيرة، سوي الارضيه اسمنت عادي و ركبي الزل عليه، هذا شفته يسونه في المساجد. اوفر و احسن، عشان في المستقبل ما تركبين رخام على بلاط.

أعجبتني الفكره
والصراحه حسبتها لقيت أني بوفر تقريبا 60 ألف
المشكله
أن بنك التنميه ماراح يوافق
لأن من موواصفات العقد عشان يصرفون لي الدفعه
لازم أكون مركبه البلاط
وما أعتقد أنهم راح يصرفوننها لي من غيره حتى لو قلت لهم أني ما أبيه

[ضوى]

فكرة البلاط الشعبي حلوة وانا سويت جذي / ولما جيت اركب السيراميك وايد ارتحت ماكان فيه اي مشكلة والحمد لله كان الامر هين وايد

[almaf1a]

ان شاء الله ينورونا الاعضاء
في حالة تغير الموكيت الي راكب على البلاط الشعبي وتبديله بالبورسلان او السيراميك اعتقد ان الارتفاعات راح تختلف وما ادري اذا في هذي الحالة تحتاج تشيل البلاط وتركب السيراميك او يركب فوقه؟؟!!

[ضوى]

ان شاء الله ينورونا الاعضاء
في حالة تغير الموكيت الي راكب على البلاط الشعبي وتبديله بالبورسلان او السيراميك اعتقد ان الارتفاعات راح تختلف وما ادري اذا في هذي الحالة تحتاج تشيل البلاط وتركب السيراميك او يركب فوقه؟؟!!

لا مافي شي اختلف عندي صحيح الارتفاع زاد شوي بس كان شي بسيط وماأثر على اي شي

[almaf1a]

لا مافي شي اختلف عندي صحيح الارتفاع زاد شوي بس كان شي بسيط وماأثر على اي شي

الف شكر اختي ضوى انا كان كل همي الابواب انها ماتفتح او تحك في الارضيات
:nice:

[ضوى]

الف شكر اختي ضوى انا كان كل همي الابواب انها ماتفتح او تحك في الارضيات
:nice:

لا والله كان عادي ولا زال ، والحين اقدر اركب موكيت فوق السيراميك وبعد ماتنحك الارضية بالباب الا اذا اخذت موكيت سميك جدا وبيكون احتكاك بشكل بسيط

[ضوى]

وقال لي النجار في حالة حك الباب للارضية وصعوبة في فتح الباب بكل بساطة يشيل الباب ويستحته بمبرد بشكل بسيط ويرد يركبه وتكون الامور طيبة ان شاء الله

[محمدوميار]

ان شاء الله الشباب يفيدونك