انوي السفر الى فيننا | نصائحكم لو سمحتوا

[تاجر]

السلام عليكم ورحمة الله

يا جماعه حد يفيدني خصوص فيينا

كم يوم لين تطلع الفيزا؟
احسن الفنادق؟
احسن المناطق؟
نصيحه تقدمونها لي !

للافاده

[halo]

مرحبا ..
بخصوص الفيزا فاخذها من السفارة الالمانية وماطول انا في يومين طلعتها
وتقدر عن طريق أي سفريات مثل سفريات ريجنسي يسوونها لك .

ولو عطيتنا جدولك كان افضل .. لكن انا اشوف
فيينا واجد عليها ثلاثة ايام ومن بعدها تستأجر سيارة وتروح للريف ( زيلامسي )
تقريبا 4 الى 5 ساعات من فيينا وبعدها تسلم السيارة في ميونخ ساعتين من زيلامسي وترجع من هناك

ارشح لك فنادق فيينا : الماريوت خصوصا موقعه عجيب وقريب من كل شي .

فنادق زيلامسي : فندق قراند الافضل

فنادق ميونخ : السوفيتيل .

هذا مقترح لك وعليه تقدر تحدد لنا جدولك
واي خدمة حاضرين لك .

[قناصه]

مرحبا اخوي ..

فيينا كل شي فيها حلووو

هاديه وعائليه ...ونيسه 5 ايام تكفيها

بالنسبه للفنادق عندك الماريوت + الهيلتون + الانتر كونتيننتال

بس تأكد من مواقعهم قبل الحجز .. خذ اللي جنب استاد بارك (الحديقه)


بالنسبه للاماكن : عندك شارع المشاه (الكارتنر) مطاعم ومحلات وكافيهات ... وعندك شارع ثاني للمحلات اسمه ماريا

وفي اوت لت ...تقريبا نص ساعه بينه وبين فيينا ... اسمه باراندورف وجنبه منطقه فيها بحيره ومطعم اسماك حلوو

اممممم بعد عندك مدينه الالعاب براتر حلوه من العصر الى الليل

وعندك مغارة هتلر

وقصر الشامبرون فيه حدايق وحديقة حيوان (لازم تزوره)


وزيلامسي الجميله

حلوه حق ليلتين (افضل فندق فيها جراند) ..

ورحله سعيده

[آنــه]

فيه وايد مناطق ريفيه جميله
اذا انتوا تحبون الطبيعة

كابرون تجنن طبيعته خلابه ومنازل ريفيه وقريبه من زيلاامسي حلوه وهاديه للسكن
وفي منقطع كريمل او كارمل و باد فائزا و ديقانزي مناطق انا استمتعت فيها

في سالزبرغ أتوقع هذي اسمها اللي فيها الليقو لاند

وفي اليورو بارك قريبه من ميونخ تقريبا فرق ساعه

اذا ما تحبون ألزمه فلا تقعدون وايد في النمسا فينا بالذات دائماً زحمه لان المكان صغير

ووو لين تذكرت شي راح أضيفه

[آنــه]

هنا لموقع انا واجد احبه يمكن يفيدك من تجارب الناس
واذا ما تعرفون واجد الانجليزي ممكن تأخذان اسم المناطق وتدورون النتائج بالعربي

http://www.tripadvisor.com/Tourism-g190410-Austria-Vacations.html

[تاجر]

halo
قناصه
آنــه

ما قصرتوا .. جزاكم الله خير .. فعلاً معلومات قيّمه

[آنــه]

الله يجزينا وياكم الخير
عاد يا ليت بعد ما تجرببون اي مكان تقولون لنا عن تجربتكم عشان نستفيد إحنا بعد