مجبوس لحم ريحته طالعة من الجدر لذيذ جدا ..

[سارونه]

ادري غثيناااكم من العيوش بس يقول المثل الطبي
كثر من العيوش وتصير الصحه مثل الجيوش

http://im20.gulfup.com/2012-03-11/1331457483121.jpg (http://www.gulfup.com/show/X18xxuspds8x)

هذا مجبوس لحم بس طريقته عجيبه شفتوا اللون ...
نبدأ اول شي تغسلين اللحم وتحطينه في مشخاله حتى اذا فيه ماي ينزل ما يقعد
ترشين عليه ملح وتفركينه بالبزار وتكونين داقه في الهاون 3 ثوم مع جنزبيل فرش قطعه
مع 3 فلفل علوب حطي شوية ملح معاهم وفركي به اللحم وخلينه المده اللي تعجبج
يعني انا خليته ساعه يعني غسلت اللحم الساعه تسع ونص وتبلته وبديت طبخ 11
في الجدر زيت شوي كثير كثير بالمعقول = يعني انا اللحم تويس صغير بس مشحم
4 بصلات مقطعات مكعبات في الزيت ولازم الزيت يكون حاااامي يعني تحطين البصل
تسمعينه يطرطش وتحمسينه يمين يسار وتكونين مجهزه ثوم مع جنزبيل مدقوق بعد
ايه لا ما يطلع واجد على مسؤليتي ... والحين تحطين دارسين ( قرفه ) عودين
مسمار حب فلفل اسود حب .... تبغين هيل كييفج وتخلطين لين البصل يلين وياخذ لون
شوي بني تظيفين البزار 2م م (ملعقه متوسطه )فلفل اسود رشه كمون مطحون بزار
المجبوس اذا عندج ..حركي شوي واتحطين الحين الصلصل 2-3 ملاعق حسب رغبتج في
اللون ( اذا زدتي صار اشوي احمر واذا قلالتي صار معاج بني ))
وتحطين قفشة كركم صغيره .. وتحمسين لين الصلصل تاخذ لون حلو تذوب يعني وتحطين الحين اللحم اللي
عندج ( ممكن دجاج ممكن سمك شي غير مم حسب ما تحبين )
وتحمسينه مع الخلطه وتخلينه لين شوي ينشف مايه
وتخلين اللحم يتحمر ..... الحين اتحطين 3 او 4 طماطمات انا احب اقشر الطماط
تقطعين كل طماطه4 قطع وتحطينها 4 لومي اسود علوب فلفل بس ما تقطعين الراس
علشان ما ينفتح ويحرق .حطي الملح وذا بغيتي ماجي كييفج. قلبي شوي وسكري الجدر
بالقصدير زين ما زين
وطي على الجدر وخلي تحته السكاره ( الحديده ) يعني وخليه ساعه تقريبا على نار
هاديه بعد الساعه افتحيه ( احيانا ما ياخذ ساعه اذا كنت للحمه صغيره )) تكشفين
القصدير وتكونين مجهزه مااي مغلي وتصبين عليه وتخلينه يغلي يمكن بس اقل من
النص ساعه انتي شوفي اللحم بسكين اذا صار لين خلاص شوفي واذا ما صار ازيده ماي
مغلي ليما يستوي اللحم ارفعيه من الجدر وشلي من المروق ( اذا كان اكثر من العيش بواجد)
انا اذا شليت من المروق اخليها جنب العيش في مله يرشون منها على العيش حطي
العيش الحين وخلي الماي فوقه بمقدار زين اول غلا شوي حطي اللحم على العيش وحطي شوية عيش على اللحم وحطي بقدونس وكزبره شوووفي
سكريه بالقصدير ولا تخلين له منسم وخليه على السكاره ونار هاديه لين يستوي
سكري عنه
جهزي روب شطه سلطه وانشبيه وقدميه وفيه العافيييه



منقووووووووووووووووووووووووووول :) فيه العافية فديتكم ..

[بوحارب]

والله مافيها مغثه ولاشي بالعكس هذا الأكل اللي يطيب الخاطر :(

[SULTAN1]

يعطيك العافيه

[chillis]

يعطيج العافيه :) بنجربه ان شاء الله

[لاجل QT]

مجبوسكم حلو مغري .. بالعافية عليكم

[سارونه]

فيه العافية ياريت الكل يجرب هالطريقة وخبروني :)

والي عنده تجربه بالمجبوس يقولي :)

[R 7 A L]

تدرين ان موضوع هذا راح يتسبب في هروب الكثير من الموظفين من العمل في هذا الوقت
يعني مو مكملين الشغل



مغري للغايه
يم يم

[غزلان]

يعطيج العافيه يبينا نجرب:nice:

[qatara]

بصل وجبسة لحم ماتركب

بس من شكلها خوش جبسه بالعافيه

[غايه الطواش]

ممكن شوكه وسجين عشان نجرب :shy:

[findi]

شكرًا ع النقل اللذيذ جداً =(

[بو الجوري]

يوعااااان
:(
:(
:(

[كازانوفا]

ممممممممممممممممم باين عليه لذيذ من القلب

[A.L.I]

انا مسوي رجيم

[بوخالد2]

كثر من العيوش وتصير الصحه مثل الجيوش

لا والله الا تكثر كرووش خلق الله

بالعافيه ان شاءالله

[بوعلي2]

ماشاء الله شكله مغري عليج بالعافيه يارب

[رذاذ]

ممكن تسوين ودلج بيتنا طرشين لنا صحن ^_^

صراحه انا اعتزل الطبخ من عقب ما شفت هذا والوصف احلى واحلى

[jwar7]

ممكن شوكه وسجين عشان نجرب :shy:

هذا مايبيله شوكه وسكين الا ضرب بالخمس

يعطيك العافيه ع الموضوع اللي مايخلي احد يكمل الدوام

[سارونه]

الي مسوي رجيم يقدر ياكل المجبوس :) مره بس بالشهر هههههه

انتو حددو اليوم وانا باكل معاكم :) مع اني مسويه رجيم بس معلي (مب ذابحه روحي)

عليكم بالف عافية ( الطبخه للضعاف فقط ) :)

[sendarala]

ما شاء الله عليج حبوبة وبالتفصيل هذا اللي نبيه

بالعافية على قلوبكم

[بصمة قطرية]

مشكلة اللي يشوف الصورة وهو يوعان ..
وده يدش في الشاشة .. :victory:

مشكورة على الطريقة ..
يالله جربيها و عطينا رايج ..:nice:

[intesar]

خوش مجبوس بس أنا مجبوس اللحم ما حط معجون طماطم.. بس بمجبوس الدجاج.. أجرب طريقتج.. اعجبتني