[ إقتراح للمرور بشأن تسديد المخالفات ]

[الزعفراني]

بما إنه أسبوع المرور يصادف هالأيام عندي مقترح بعمل خصم 50% من قيمة المخالفات للي يسدد مخالفته خلال فترة أسبوع المرور !

يعني فرضاً انا علي 3 مخالفات رادار بمبلغ 1500 ريال ، اذا سددت خلال هالاسبوع اسدد فقط 750 ريال .

الهدف من المقترح :

1- اثبات للبعض بأن الهدف من المخالفات ليس حصد الأموال .

2- مساعدة المخالفين ( خصوصا للي عليهم مبالغ كبيرة ) وتشجيعهم على الاستفاده من هذا الخصم وفرصة للتسديد .

3- تقديم شي مختلف في مثل هالأسبوع كإحتفالية بأسبوع المرور .

4- هدف تربوي .

5- إزالة الحاجز بين بعض المتذمرين من مخالفات المرور وإدارة المرور .

[faisalqatar]

احسن بعد لو يسوون عرض اشتر وحده واحصل على الثانيه مجانا؟
مثلا ادفع مخالفة والثانية اتطيح عنك لول

[الزعفراني]

احسن بعد لو يسوون عرض اشتر وحده واحصل على الثانيه مجانا؟
مثلا ادفع مخالفة والثانية اتطيح عنك لول

لا عاد مب لهالدرجه هههه

[ابوالكلام]

اقتراح جميل يشجعون الناس للدفع

[qatara]

اقتراح جيد

[إينشتاين]

بس فيه مشكلة لو طبقوا الإقتراح !!!

المرور من وين يجيبون فلوس دوريات بنتلي ؟؟



http://www11.0zz0.com/2012/03/11/11/768601142.jpg

[الجوكر90]

ليش يعني؟
اصلا المخالفه راح تندفع طيب غصب راح تندفع ليش الخصم؟؟

[بوخالد911]

يقولون هدفهم ليس مادي

عيل خلهم يتبرعون للجمعيات الخيرية بقطر

وليس خارجها

[غايه الطواش]

الحين البنتلي صج؟؟
لان جاتني صور ثانيه فال بي بي ...

[فتى الجود]

اثبات للبعض بأن الهدف من المخالفات ليس حصد الأموال .




السلام عليكم

ومن قالك انه هدفهم مب جمع الاموال ؟ :con2:

[الإكسير]

الامارات طبقوا قانون المخالفات الي يسري علينا وشافوا انه ماحد من الحوادث فرجعوا قيمة المخالفات نفس قبل ..... ليش مايخفضون المخالفات اسوه بالامارات...

[Rashid554]

الامارات طبقوا قانون المخالفات الي يسري علينا وشافوا انه ماحد من الحوادث فرجعوا قيمة المخالفات نفس قبل ..... ليش مايخفضون المخالفات اسوه بالامارات...


وليش مو انت ما تلتزم بالقانون عشان ما تتخالف :nice:

[ملاك]

اتمنى تطبيق هالمقترح

[بوسلمان 2010]

الله المستعان انا اشوف الاقتراح جيد

[الزعفراني]

بس فيه مشكلة لو طبقوا الإقتراح !!!

المرور من وين يجيبون فلوس دوريات بنتلي ؟؟


http://www11.0zz0.com/2012/03/11/11/768601142.jpg


أعتقد هالسيارة ليست ملك المرور ولكنها " دعاية " للشركة في أسبوع المرور ، العام مادري أولة العام شفنا " لاميرغيني " بنفس الطريقة .

ننتظر حد من المختصين يؤكد هالمعلومة أو ينفيها .

[الزعفراني]

ليش يعني؟
اصلا المخالفه راح تندفع طيب غصب راح تندفع ليش الخصم؟؟

ليش يعني ؟
الإجابة للأهداف المذكورة أعلاه .

[الزعفراني]

السلام عليكم

ومن قالك انه هدفهم مب جمع الاموال ؟ :con2:


وعليكم السلام ورحمة الله وبركاته ،

قطر - ولله الحمد والمنه - أغنى دولة في العالم وأعلى معدل دخل فرد في العالم للمواطن القطري ولله الحمد ، إذا فهي ليست بحاجة لمثل هذه الأموال - أموال المخالفات - كما يظن البعض ، ولكنها بحاجة لأرواح شبابها ورجالها والتي لا تقدر لا بـ 500 ريال ولا بـ 6000 ريال .

[الزعفراني]

اقتراح جميل يشجعون الناس للدفع

شكرا لتأييدك أخوي ابوالكلام .

[الزعفراني]

اتمنى تطبيق هالمقترح


الله المستعان انا اشوف الاقتراح جيد


اقتراح جيد

مشكورين

[بوعلي2]

متى يبدا اسبوع المرور ومتى ينتهي؟

[المواطن]

أحسن طريقة لإنجاح اسبوع المرور يخلون ضيوف المرور على اللتراي

شرط محد بينجح من مدارس هالسواقة من بوهناد

[fhd4]

المعلومة اللي المفروض الكل يعرفها ...

إن الفلوس هذي ما تروح للمرور ... تروح للميزانية العامة للدولة ... والمرور مثل إي إدارة ثانية يتخصص لها ميزانية سنويا ...

لكن أنا شخصيا .. مع خصم 90% للمخالفات ...

[بلوتنيوم]

خوش اقتراح
بس الحين بيطلع لك شخص بيقول
اذا انا التزمت بقانون المرور وغيري مالتزم
وش ذنبي ليش مايعطوني مكافاة التزام :)

[khaldoon]

خوش اقتراح
بس الحين بيطلع لك شخص بيقول
اذا انا التزمت بقانون المرور وغيري مالتزم
وش ذنبي ليش مايعطوني مكافاة التزام :)

لا يا بلوتنيوم....مب هذا اللي كان بيدور براسي....اللي كنت افكر فيه انه ايش ذنبي انا ما خالفت هذه السنة و غيري خالفوا و يسوون لهم خصم....يعني انا ما استفدت من هذا العرض و ساعتها بندم ليش ما خالفت :weeping:

[ask_and_get]

وعليكم السلام ورحمة الله وبركاته ،

قطر - ولله الحمد والمنه - أغنى دولة في العالم وأعلى معدل دخل فرد في العالم للمواطن القطري ولله الحمد ، إذا فهي ليست بحاجة لمثل هذه الأموال - أموال المخالفات - كما يظن البعض ، ولكنها بحاجة لأرواح شبابها ورجالها والتي لا تقدر لا بـ 500 ريال ولا بـ 6000 ريال .


كلام مقنع ..

[ANONYMOUS]

خوش اقتراح
بس الحين بيطلع لك شخص بيقول
اذا انا التزمت بقانون المرور وغيري مالتزم
وش ذنبي ليش مايعطوني مكافاة التزام :)


صحيح

انا اطالب انهم يحطون في حسابي بدل مخالفه :p

انا خاطري اعرف هاللي يخالفني ع الحزام كل فتره وينه

ماشوف شرطه

بس توصلني مسجات

:weeping:

[الزعفراني]

كلام مقنع ..

أمس في جريدة العرب أقرأ في الصفحة الرئيسية خبر أرباح قطر للبترول عن 2011م وكانت 55 مليار ريال قطري :) ولله الحمد ، هل بعد هذا ، الدولة محتاجة لرصد مبالغ لمخالفات المرور عشان تحصد فلوس والا تزيد في خزينتها ؟؟

[تحداني]

الامارات طبقوا قانون المخالفات الي يسري علينا وشافوا انه ماحد من الحوادث فرجعوا قيمة المخالفات نفس قبل ..... ليش مايخفضون المخالفات اسوه بالامارات...




صادق الامارات امطبقين هالنظام
جاتني مخالفتين سرعه وانا في الاساس ما ادري ان في رادارفي هالشارع ولا حتى اعرف السرعه المحدده .. وعطوني خصم
جزاهم الله خير دنيا وآخره

كنت ماشيه 100 والسرعه 80 عشان بس ما اتقولون " ايش هالمتهورين "


صحيح

انا اطالب انهم يحطون في حسابي بدل مخالفه :p

انا خاطري اعرف هاللي يخالفني ع الحزام كل فتره وينه

ماشوف شرطه

بس توصلني مسجات

:weeping:




انا بعد خاطري :(
وأوقات أشوفه .. بس هو ليش ما يشوفني

:weeping:


جملكم الله برضاه

[شموخ]

يااخوان لاتسوقون بسرعة على شان مايصكونكم مخالفةولا انتوا في الشوارع طيران الله يحفظكم حق اهاليكم-