محتاج مساعده ضروريه من اهل الخبره!!!

[PGR]

السلام عليكم ,,, موضوعي بالنسبه لتركيب البلاط على الارض,, مثل ماهو متعارف على الطريقة التقليديه التركيب يكون بالرمل وعقبها طبقه بلاستر ويتركب البلاط عليها ,,, في طريقة اللي هي رمل وعقبها تنصب صبيه بارتفاع تقريبا 10سم تكون مثل البلاستر ويجي البلاط يركب فوقها ابماده خاصه ,,, حسب خبرتكم شنو هو الاحسن ,,, وهل الطريقة التقليديه ممكن البلاط يتحرك بعد فتره او ينزل ؟؟؟ منتظر مساعدتكم ويعطيكم العافيه

[ahmed jasim]

عملت الطريقة الأولى والبلاط بدى يتحرك عقب 3 أشهر يمكن له علاقة بإنه كان متركب زيرو جوينت أو لأن عمال الجبس بدو يشتغلون بالسقالات.

شلت كل البلاط وركبته بالطريقة الثانية وألحين ثابت.

[PGR]

يعطيك العافيه اخوي احمد يعني عل الطريقة التقليديه فيها مشاكل وتسبب تحرك البلاط؟

لاني في هالمرحله واغلب الضن بسوي صبيات عشان اضمن التركيب

منتظر اراء باقي الشباب

[حسن]

ياريت توضح الطلوب هل هو بلاط شعبي تقصد ولا سراميك وبورسلان
انت على العموم تقدر تركبه بالطريقين بس يعتمد على اللى يركبلك

[almaf1a]

ممكن توضيح اكثر
الطريقة الاولى بلاستر والثانيه صبيه ؟

[PGR]

اخواني في الطريقة التقليديه اللي هي تحط دفان وعقبها تحط طبقة بلاستر 4 سم ولما تجف بعد يومين مثلا تركب البلاط وهالطريقة اللي وصلني انه البلاط ممكن بعد فتره يتحرك وممكن لا ,, والطريقة الثانيه نفس الشي دفان وعقب تصب صبيه بارتفاع 10-20 سم على حسب اللي تبغيه وعقب كم يوم تركب البلاط بمواد خاصه ,, طبعا الطريقة الثانيه تكلف لانه فيها صبيات

طبعا اللي انا اقصده للبورسلان وحتى للرخام ,,, فشنو نصايحكم ؟؟

[Bozizoo]

اخواني في الطريقة التقليديه اللي هي تحط دفان وعقبها تحط طبقة بلاستر 4 سم ولما تجف بعد يومين مثلا تركب البلاط وهالطريقة اللي وصلني انه البلاط ممكن بعد فتره يتحرك وممكن لا ,, والطريقة الثانيه نفس الشي دفان وعقب تصب صبيه بارتفاع 10-20 سم على حسب اللي تبغيه وعقب كم يوم تركب البلاط بمواد خاصه ,, طبعا الطريقة الثانيه تكلف لانه فيها صبيات

طبعا اللي انا اقصده للبورسلان وحتى للرخام ,,, فشنو نصايحكم ؟؟

اخوي اكيد الطريقه الثانيه
صبيه 10 سم وفيها شبك حديد 8مم

[almaf1a]

يا اخوان الطبقة تكون على المقال الي يشتغل عظم بلاستر او علي في التشطيبات؟

[PGR]

اخوي اكيد الطريقه الثانيه
صبيه 10 سم وفيها شبك حديد 8مم

اي نعم اخوي هذي هي الطريقة

[PGR]

يا اخوان الطبقة تكون على المقال الي يشتغل عظم بلاستر او علي في التشطيبات؟

على المقاول اخوي في صبيه اوليه يكون فيها حديد وصبيات ,, بس انا اتكلم عن صبيه ثانيه عشان يتركب عليها الرخام او البورسلان

[ahmedhafez]

طبعا الطريقة الثانية أقوي وتتحمل أكثر ولا يعوم بها السيراميك او البلاط الله يوفقك

[محمد الجفيري]

موفقين

[مرحوم قطر]

هلا اخوي

ترى الطريقتين نفس الشي تقريباً بس تعتمد على الي بيركبلك


يعني الاولى رمل فوقه صبيه من 5 لين 10 صانتي و بعدين البلاط

و يمسك عادي مافيه مشكله اذا الي بيركبه بيشتغل ابذمه و ضمير

و الطريقه الثانيه نفس الطريقه الاولى بس قبل ما يركب البلاط يحط غراء

او قلو يلزق فيه البلاط


و الطريقتين ممكن يعيشون و ممكن يختربون و بسرعه على حسب الي بيشتغلك

و اوقات كثيره يكون على حسب نوع البلاط او السيراميك الي بتركبه انت

في ناس تشتري الرخيص الي يتكسر بسرعه و في ناس تشتري شي زين و يعيش


و الهبوط في الحوش مثلا يعتمد على ضمير المقاول في الصبيه و على قوة دك الارض


واذا بغيت شركة تنفذ لك المطلوب راسلني على الخاص و ابشر بسعدك