المساعد الشخصي الرقمي

مشاهدة النسخة كاملة : عالم ديزني ؟؟؟؟؟ خطير جداً .



السهم الشمالي
12-03-2012, 08:41 AM
عالم ديزني


{ عالم ديزني } كيف وأين ومتى !!!!!

واحنا نايمين بالعسل نومة ؟؟؟؟ :s

حسبي الله عليهم انا اشوف عيالنا طايرين ومو مثلنا قبل عاقلين ماغثينا امهاتنا
شوف الفيديو كامل راح تنصدم
اصبر لين يطلع الايطالي ويتكلم :Oهناالصدمه


_1ed06_w_2
http://s1220.vuclip.com/ed/06/ed0682a8189842829fc077a7629864ab/ba124807/1_ed06_w_2.3gp?c=321374891&u=876107697&s=BMgcj8

منقول .

بنت امي
12-03-2012, 08:55 AM
مايفتح

R 7 A L
12-03-2012, 08:58 AM
للرفع

ماشفت المقطع لانه ما أشتغل عندي

لي رجعه بعدين أن شاء الله

chillis
12-03-2012, 09:05 AM
من زمان ندري ان ديزني صاحبه ماسوني مابه شي جديد :) وشكل الايطالي محتر لان ما عندهم نفس دزني :(خوفي يطلعون الحين يحرمون دزني لاند بعد :(

السهم الشمالي
12-03-2012, 09:06 AM
المقطع يفتح عندي عادي .

بوحمد1
12-03-2012, 09:28 AM
قنوات المجد الفضائية اسلامية ومفيده

السهم الشمالي
12-03-2012, 11:53 AM
قنوات المجد الفضائية اسلامية ومفيده

جزاك الله خير .

ابو تميم11
12-03-2012, 12:08 PM
اللهم ردنا الى الاسلام ردآ جميلا

بارك الله لك

ام السعف
12-03-2012, 01:44 PM
اللهم ردنا الى الاسلام ردآ جميلا

بارك الله لك

اللهم آمين

كازانوفا
12-03-2012, 01:57 PM
يا الله حسن الختااااااام

ms-qtr
12-03-2012, 06:47 PM
الفيديو كله مبالغات
خصوصا الاشياء الي قالها الايطالي نصها غلط

السهم الشمالي
13-03-2012, 07:48 AM
جزاكم الله خير على المرور
ونسأل الله أن يحفظنا ويحفظ عيالنا من كل سوء .

OM_OMAR_QATAR
13-03-2012, 11:54 AM
الله يرحمنا يارب

Nجود
13-03-2012, 12:41 PM
ما اقول الا حسبي الله ونعمه الوكيل فيهم

solyamalenki
13-03-2012, 01:40 PM
احس كله خزعبلات .. واتمنى يفتحون ديزني هني في قطر

qatari911
13-03-2012, 01:57 PM
مبالغات
شهالطفل الي بيسويه الفيلم على الحركه البطيئة علشان يشوف
وهالفيديو من سنة جدي
انا كنت اتابع ديزني وانا صغير ما اشوفها اثرت فيني الحمد الله <<<<<<الله على هالجيل كل شي يأثر فيه
وسمعت ان يسون ديزني لاند عندنا ان شاء الله تطلع نفس الي في فلوريدا
مو يسونها على طخت علاء الدين وجزيرة النخيل
هذه بعض الردود بصراحه فيها وجهة نظر



خلونا واقعين شـ الياهل اللي :

- بيطالع الفلم وهو مسوي سلو موشن ! .

- بيلاحظ أن الأسد الملك ( شاذ ) .

- بيلاحظ أن مكتوب كلمة *** تحت ريوله .

- بيلاحظ ويعرف العضو التناسلي للمرأة .

**

صدقوني بدون هل الفيديوات ما كان فكرنا بهذي السوالف أصلاً ..
وهذا أحنّا كبرنا .. ولا درينا بها الا من فترة بسيطة من خلال برامج مثل القادمون
والاشخاص اللي يدققون .

ما نقول ان مافي اشياء دينية ببعض الأعمال ولكن مالها تأثير كبير ..
وبعضها صعب فهمها حتى على الأشخاص البالغين .

والترجمة عندنّا تحرف جزء كبييييير منها ..

ولازم نعرف أن 98 % من الأنميات تكون عبارة عن " خُرافات "

وللأسف في كارتونات مش للصغار تنعرض وهذا خطأ
وفيه فئة عمرية لكل كارتون .

بوقتادة وبونبيل مثلاً ..

يتابعونه الأطفال وهو ينفث الكثير من السموم رغم أنه عمل
مش ماسوني ..

المهم ..

لو أفترضنا جدلاً أن نظريتهم كانت صحيحة ، فأحنا لازم نوجد
البدائل ..

قبل كانت متواجدة أعمال بـ كثافة للطفل بعكس الحين ..
اتكلم عن مسلسلات ومسرحيات وكارتونات ..

وبرامج مثل أفتح يا سمسم .

**

**

كل الود .




قال الاطفال اللي يشوفون الاسد الملك اليوم هم قتلة المستقبل .. ما احنا كبرنا وتربينا على الاسد الملك ليش ماقلتنا احد


ولا لما قال ان اللي عامل الموسيقى التصويريه للاسد الملك شيرلي ماكلين .. من يكون الاخ ؟

ملحن الفلم هو هانس زيمر اللي فاز بالاوسكار عن موسيقته الرهيبه بالفلم ..

واضح ان المعلومات كلها دقيقه ماشاءالله مب كذب وتزوير !!

وبخصوص ان اسم بوكاهونتاس يجيب الشيطان وان معناه روح الشيطان

ياخي روح واقرا عن اللي كان لها الاثر الاكبر بعملية السلام بين البريطانيين والهنود واعرف معنى اسمها بالاول

she was given the nickname of pocahontas which has many different translations. It is loosely translated as "one who plays mostly," "playful one," "little wanton," and "playful, frolicsome little girl."

وبعدين شخصيه حقيقيه وتاريخيه مثل بوكاهونتاس الحكومه عامله لها تمثال رسمي تقديرا لها

وقصة حياتها ياخذونها الطلبه عندهم بالمدارس

ولها احترامها وهيبتها بين افراد قبيلتها وتعتبر بنت الزعيم .. واخرتها اسمها يدل على روح الشيطان؟؟

وماطلع هالتفسير العبقري الا لما ديزني سوت لها فلم؟؟ ..

وبعدين من الفلم كله معقوله ماطلع الا ان اسمها يدل على الشيطان

وترك العبر والحكم والدروس اللي يزخر فيها الفلم مثل الحب والسلام واللي لو تأثر فيها الطفل بتخليه يطلع انسان محب ويكره الحروب والقتل


ياخي والله عيب ..

لما كتبت رد بقمة الاحترام والادب لواحد ناشر مقطع مشابه عاليوتيوب راح ومسح ردي !! بدال لايناقشني !!

وارسل لي رساله يقول اسمحلي حذفت ردك لكن مابيك تخرب الرساله اللي احاول اوصلها ..

لو حجته قويه كان رد على كل النقاط اللي رديت عليها واثبت لي ان كلامي غلط

لكن هالنوعيه فاكره نفسها قاعده تقدم خدمه للمسلمين وهم اول من رجعنا ورى 100 سنه !!

مالوم الناس العاديين اللي يصدقون هالخرابيط لان بالنهايه مش مطلوب من الكل ان يكون متعمق بديزني مثل فانزها

لكن العيب لما اشوف واحد من فانز ديزني يقر بهالاشياء !!

وبخصوص حركة الاصابع يعني والله شي يضحك .. شنو هالحساسية المفرطه اللي مالها داعي

لنفرض ان حركة الاصابع فعلا متعمده ولو اني ماشوفها كذا واشوفها عاديه

ولاحظوا ان كلهم بنات اللي عاملينها والبنات دايما اصابعهم مرتخيه وناعمه كذا بالكرتون بشكل عام مايات على ديزني بس

لكن خلونا نفرض ان وراءها معنى فعلا .. الحركه ابعد ماتكون عن حركة علامة الشيطان واقرب ماتكون للغة american sign ****************

وهالحركه معناها ily sign يعني اختصار حق i love you .. رمز كله تفاؤل وبراءه

لكن اللي يشوف ان كل شي حوله عباره عن مخطط صهيوني وماسوني وعايش بقضية المؤامره لازم يحلل الامور كذا

ومن هالطفل العجيب اللي بيحرك الفلم بالسلو موشن عشان يسمع عبارة البساط السحري اللي مالها وجود اصلا

اذا احنا الكبار ماسويناها ولا انتبهنا لها

ولا بيقعد يشوف بالحركه البطيئه حركة الاصابع والايحائات وكلمة جنس ومادري ايش

ياخي تكلموا بما يعقل .. خليتونا نشك بملابسنا وبالهوى اللي نتنفسه !!!

وبخصوص مشهد فانتازيا ياليت لو اصحاب المشروع كملوا خيرهم وحطوا باقي المقطع

مو يعرضون الجزء اللي يبونه .. واللي مايخدم رسالتهم يشلونه !! .. مثل اللي يقول لا إله .. وشال كلمة إلا الله !!!

الشيطان اللي انحط بالمشهد شصار فيه؟ شفتوا الفلم ولا لا؟

لو ان ديزني فعلا ماسوني ومن عبدة الشياطين هل كان فكر يعمل مشهد ينهان فيه الشيطان ويتدمر ويموت بأخره والخير بالاخر ينتصر عليه!!

الله يخليكم قولوا شي عدل مقنع !!!

واحلى شي ان الاخ عارف كل شي ومايفوته اقل شي .. قال ان الشخصيات الجامايكيه بحورية البحر تلقي لعنات على الاطفال

على اساس ان الاخ سمعه خارق وعارف جامايكي .. اذا الجامايكيين نفسهم ماسمعنا منهم هالملاحظه اللي اكيد لو اسمعوها راح تستوقفهم !!

واحلى شي لما تكلم عن مايك ايزنر .. الحين احنا شدخلنا بحياته الشخصيه اذا تزاعل مع زوجته او اذا حب له شاذ!!

يعني كل اللي يشتغلون بديزني لازم يكونون مطاوعه مثلاً ولا ناس معصومين عن تصرفات باقي البشر اللي عايشين برا ديزني !!!


لو باقعد ارد على كل نقطه ماراح اخلص

ياخي والله خليتوا الناس يشكون بكل شي حولهم !!!



تحياتي لكم

أبو يووسف
14-03-2012, 12:29 AM
أول مره أسمع عنه

عميد الريان
14-03-2012, 12:39 PM
للتصحيح بس
هذا برازيلي واللغه هي برتغاليه

بنت شيوخ
14-03-2012, 12:46 PM
صدددددددددددددددددمه احنا اليهال كلهم لاقريب ولا بعيد كله عالم دزني حولهم حتى اللبسس نشوف عليه 33 بس مش عارفين لاهم والا احنا وش 33

وكل سنه اكبر مشترياتهم اليهال من عالم دزني غير اللي يوصونا نجيب لهم معانا



صج صدددددددددددددددمه تميت اتخيل ليون كنج ومسيقى المسلسل

جزاك الله كل خير اخوي

السهم الشمالي
14-03-2012, 02:33 PM
أشكر أخواني وأخواتي على المرور والمداخلة وأحترم كل الآراء
ومن خلال بحثي وجدت حلقة عن خطر الأفلام الكرتونية للشيخ نبيل العوضي .
http://www.you tube.com/watch?v=4REySfdRgKw
وأرجو من الله أن يحفظ أبنائنا .