الفزعة ياهل الفزعات

[عساف]

سلام عليكم ورحمة الله وبركاته












ابغي رايكم يا هل الخبره

بديت في بناء البيت نموذج الاسكان وحبيت اعدل في النموذج وخليت الشبابيك قوسية وشليت الصلبان وسكرت البلكونه الي فوق واتضح ان فيه غرامة لاني ماخذت موافقة بالتعديل ..

سويت تعديل في المخطط عن طريق مكتب ورحت للاسكان عشان اخذ عليه موافقة وتم الرفض من الاسكان

ابغي مشورتكم لا تبخلون علي وجزاكم الله خير

[بودحوم]

وعليكم السلام ورحمة الله وبركاته

الله يعينك ياخوي عساف .

أنا اعتبر الخطأ من المكتب اللي سويت عنده التعديلات على نموذج الحكومة
لأنهم المفروض يعرفون أن التعديل على النماذج الحكومية ممنوع .

وبعدين وين الأستشاري عن الموضوع من البداية ؟؟

تقول أنك بديت في البناء .
ممكن نعرف وين وصلت بالضبط ؟؟

إذا توك في الأساسات . ممكن تغير الخرائط بالكامل على نفس المساحة والأسسات الأصلية
والتغيير يكون فقط على شكل الفيلا الخارجي ..

وإن شاء الله يفيدونك خبراء المنتدى بالطريقه الأمثل لمثل هذي المشكلة ..

[المقاول]

مربط الفرس عند استلام شهادة اتمام البناء... وهذا الموضوع سهل
اول ما يطلع مفتش البلدية طبعا بيكون اجنبي بيشيك على الارتداد حسب
الخريطة .. وبعدها بيكتب تقريرة بالملاحظات .. إن عرفت تتفاهم معة
امورك طيبة .. باقي الاجراءات تتم داخل البلدية ... وانتهت المشكلة
بشرط ان البناء تم بطريقة صحيحة ... مجرد تغيرات جوهرية .

[khaldoon]

مربط الفرس عند استلام شهادة اتمام البناء... وهذا الموضوع سهل
اول ما يطلع مفتش البلدية طبعا بيكون اجنبي بيشيك على الارتداد حسب
الخريطة .. وبعدها بيكتب تقريرة بالملاحظات .. إن عرفت تتفاهم معة
امورك طيبة .. باقي الاجراءات تتم داخل البلدية ... وانتهت المشكلة
بشرط ان البناء تم بطريقة صحيحة ... مجرد تغيرات جوهرية .
:omg::omg::omg:

ممكن بس تفهمنا كيف يتفاهم معاه علشان تعلم كل القراء لو سمحت

[مضارب دوسري]

:omg::omg::omg:

ممكن بس تفهمنا كيف يتفاهم معاه علشان تعلم كل القراء لو سمحت

بصراحه
مايخدم بخيل :)

بس ان طاح بواحد مثل ماطاح حسين بن عاقول الله يعينه هههههه

[حسن]

تبي نصيحتي روح للاسكان وزن على روسهم لين يوافقون يعني وش المشكله
انت حركت الكوره الارضيه من مكانها شغله بسيطه وتافهه مادري ليش بعض المسؤولين
يكبرون الموضوع

[ahmedhafez]

عليك بالاسكان يا اخى حاول معاهم قد ما تقدر طبعا لا تتفاهم مع الموظف لأنه ليس من سلطته تغيير أي شئ وطبعا احنا أكيد بدنا ندخل بشئ حرام او غير شرعي

[بودحوم]

لاحول ولاقوة إلا بالله

البعض بدل ماينصح بشئ عملي .

ينصح بالرشوة وبشكل علني .

ولا يدرون بعقوبة الراشي والمرتشي في الآخرة وهي اللعن والطرد من رحمة الله

[محمد الجفيري]

موفقين