مواقف اللاند مارك بفلوس

[خايف الله]

إذا كان في ناس فعلاً تبحث عن حل لهذه المشكلة اللي صار لها سنين ولم يتم النظر لها من قبل المسؤولين أو التفكير مجرد تفكير في معالجتها بالشكل الصحيح، والكل عارف اللي قاعد يصير حول هذا مجمع اللاند مارك من قبل الشباب من معاكسات وقلة ادب، والعوائل ما يطلعون من هذا المجمع إلا ألف عين وعين عليهم وغير الكلام الجارح اللي ينقط عليهم والتحرش المستمر، دام الجهات المختصة مش قادرة تحل هذا الموضوع، انا ابوكم الشيبة عندي الحل لهذا الموضوع وهو فرض رسوم على مواقف اللاند مارك، وصدقوني محد راح يوطوط من الشباب هناك، وهذا الحل نضعه على طاولات المسؤولين وادارة اللاند مارك.

قطر خضراء

ياما سمعنا ان هناك مشاريع لتخضير قطر، يامكثر ما يتكلم المسؤولون عندنا ولا نشوف منهم شي لا حق ولا باطل، شوارع قطر 90% منها جرداء سواء كانت في الشمال أو الجنوب، ليش ما يتم تشجيرها حالها حال الدواوير والا بس مشاريعنا محصورة على الدوارات، ماظن ان الدولة راح تقصر من الناحية المادية، وين ما نروح نلاقي الحصى والتراب، ياريت يجي اليوم اللي اشوف قطر بكبرها خضرة، وهذه المناظر ترفع من معنوية الفرد ويبدع في الانتاجية من خلال هذه المناظر اللي مانشوفها الا بره، رغم ان دولتنا غنية وتقدر على المشروع، لكن البعض من المسؤولين ما يهمه هذه المشاريع اللي تخدم الوطن والمواطن والمنظر العام للدولة، همه راتبه وبس.

اي والله ياريت يفكونا من تصرفات الشباب الصبيانية .

بونايف

المصدر : http://www.al-watan.com/viewnews.aspx?n=9141590D-F803-463B-AB83-BEE99A714B17&d=20120312

[المليونير الفقير]

الخزنه العامه ناقصه افلوس ومحتاجين اشوية للمشاريع

[ابو تميم11]

الي نشوفه قطر صفراء
قطر صحراء
ياليت فيه شي ملموس

[الغرناس]

احلى خبر نفتك شوية من زحمة هالمصبنة

والي مالهم حاجة

بس ماعتقد المشكلة بتنحل لانا الرسوم بتكون رمزية

يعني نفس مواقف سوق واقف

[خايف الله]

لو تم فرض الرسوم أكيد ان هشي راح يضيق على الشباب من خلال البوابات ، يعني مايقدرون ياخذون الفه كاملة ، وياريت يتم العمل على هذا المشروع لان الصراحة الشي زاد عن حده.

[الغرناس]

واللة شباب قطر مالهم حل

عادي يدور بهلكيبتر يخترع اي شي بس
اهم شي الناس يطالعوني



حالة نفسية الله لاتبلانا

[R 7 A L]

احلى خبر نفتك شوية من زحمة هالمصبنة

والي مالهم حاجة

بس ماعتقد المشكلة بتنحل لانا الرسوم بتكون رمزية

يعني نفس مواقف سوق واقف




فعلاً مثل ماذكرت ماراح تنحل المشكلة

في اللاند مارك بالذات بحكم ان هالمجمع أو المول أصبح علامة مسجله لنوعيه من الشباب
اعتقد فرض رسوم ماراح يحل المشكلة
اتمنى لو فية تنظيم ورجال حماية أو الشرطة متواجدين في هذا المكان بالذات .

[khaldoon]

الحين زعلت الشباب منك يا صديقي العزيز الشيبة ...طيب طالما انك اقترحت و صار اللي صار ليش ما تكلمت عن فيلاجيو كمان ما هي خربانه خربانه ...الوضع اسوأ:secret:

[البدع]

واللة شباب قطر مالهم حل

عادي يدور بهلكيبتر يخترع اي شي بس
اهم شي الناس يطالعوني



حالة نفسية الله لاتبلانا

كلام سليم ....

[خايف الله]

اللاند مارك من المجمعات المحبوبة لدى الشباب وذلك لقرب محلات الكرك ، يعني ياخذله كوب ويكمل المشوار والمجمع مساحتة ضيقة جدا ومفضل لدى الشباب بسبب قرب السيارات من بعضها ( يعني القز ) يكون قريب عكس فلاجيو ، ونتمى بعد يفرضون على المجمعات كلها .

[فلتة زمانها]

واللة شباب قطر مالهم حل

عادي يدور بهلكيبتر يخترع اي شي بس
اهم شي الناس يطالعوني



حالة نفسية الله لاتبلانا

حلوه ههههههههههههه

[آنــه]

والله أحسن حل
عشان نفتك من سوالف هالبوطعش سنه والناس الفاضيه اللي حاطه اغاني و مطولين على الصوت ويرقصون سواء اولاد ولا بنات ع الاقل يبعدونهم عن الاماكن السياحة عن لا يفشلونا قدام الغرب

ربي لا بليتناا

[الفرحه]

ما اتوقع انها حل للمشكله لانهم بيدفعون عادي عندهم .الحل مثل ما تفضلوا الاعضاء وضع دورية وتسجيل مخالفات .

[بلوتنيوم]

واللة شباب قطر مالهم حل

عادي يدور بهلكيبتر يخترع اي شي بس
اهم شي الناس يطالعوني



حالة نفسية الله لاتبلانا

ههههههههههههه

[الغرناس]

اللاند مارك من المجمعات المحبوبة لدى الشباب وذلك لقرب محلات الكرك ، يعني ياخذله كوب ويكمل المشوار والمجمع مساحتة ضيقة جدا ومفضل لدى الشباب بسبب قرب السيارات من بعضها ( يعني القز ) يكون قريب عكس فلاجيو ، ونتمى بعد يفرضون على المجمعات كلها .

لا واللة مب الكرك من الفراغة

وقل الدبرة ياخي انثبر في مجلسك

وفك الناس من شرك

[للصبر اخر]

احلى خبر نفتك شوية من زحمة هالمصبنة

والي مالهم حاجة

بس ماعتقد المشكلة بتنحل لانا الرسوم بتكون رمزية

يعني نفس مواقف سوق واقف

المصبنه مايبركنوون
المصبنه يدورون حول اللاند بالسياره
مادري حد قالهم خلصو البترول وردوو

[للصبر اخر]

فرض الرسوم مهما كانت التكلفه بسييطه لايخفف من مهاترات الشباب والمعاكسااات
لابد من اسلوب تربوي رادع لهم
وبالنسبه للمواقف في اختراع اسمه مواقف بطوابق متعدده
اعتقد موجوده في تركياا

[khaldoon]

هي فعلا رسوم ريالين او ثلاثه او عشرة مب رادع لهم انهم يلفون كذا ساعة في مواقف السيارات ....لو في دوريات بيكون افضل

[qataria]

سبحان الله الحين صار الحل لكل المشاكل (الزحمة واستهتار الشباب) تسعير المواقف.
الظاهرمواقف السيتي و واقف دخلتلهم مبلغ محترم.

[الغرناس]

سبحان الله الحين صار الحل لكل المشاكل (الزحمة واستهتار الشباب) تسعير المواقف.
الظاهرمواقف السيتي و واقف دخلتلهم مبلغ محترم.

شالحل طال عمرج

[بوحارب]

والله ياريت تصير بفلوس عالأقل الواحد يفتك من الخرفان اللي يدورون حول المجمع طول اليوم !!

[ام السعف]

والله ياريت تصير بفلوس عالأقل الواحد يفتك من الخرفان اللي يدورون حول المجمع طول اليوم !!

قالوا المواقف صارت بفلوس مب الحواطة :(

[طلعة الروح]

فرض الرسوم مهما كانت التكلفه بسييطه لايخفف من مهاترات الشباب والمعاكسااات
لابد من اسلوب تربوي رادع لهم
وبالنسبه للمواقف في اختراع اسمه مواقف بطوابق متعدده
اعتقد موجوده في تركياا

اسلوب تربوي ؟! المشكلة كل واحد أطول من الثاني وعلى ويه عرس هاي اذا مب معرسين ومخلصين !!!

[الكاسب]

لا تسمحوا لعوائلكم بالذهاب للمجمع...قاطعوه.هذا الحل.

لأن مافيه موجود في مجمعات أخرى.

[كازانوفا]

الحين زعلت الشباب منك يا صديقي العزيز الشيبة ...طيب طالما انك اقترحت و صار اللي صار ليش ما تكلمت عن فيلاجيو كمان ما هي خربانه خربانه ...الوضع اسوأ:secret:



الخساير جاااااااااايه يا عم خلدون لا تستعجل على رزقك اقصد الدووور جاي:nice:

[سارونه]

اللاند مارك :( مكان للمصخره وقلة الادب - كل من هب ودب يغازل ماجات على فئه معينه :(

المواقف مالها دخل يعني حطوها بفلوس والا بلاش (عادي) الرواتب ارتفعت والنفس عندهم بالمغازل عاليه :)

دام الوازع الديني مفقود (ماتقدر تسوي شي) هذا المجمع فاسد من جميع النواحي ..

[انتر ميلان]

نفرض المواقف صارت بفلوس والساعة بريالين
بيدخل الشاب وبياخذ لفة ولفتين واذا تملل وقرر أنه يطلع بيتذكر أنه بيدفع ريالين :omen2: وطبع الشباب لازم يحلل سعر الموقف ،، ووبيكمل دوارته على المجمع قبل لاتخلص الساعة بدقيقتين وبيطلع

الحل:
وضع 5 أو 6 أفراد من إدارة الأمن الوقائي حول المجمع
وأي واحد يفتح جامته أو يحاول يقط كلمة يسحبونه من علباه وعلى طول الإدارة ومايطلع إلا بكفالة أحد من أقربائه علشان يتفشل قدامهم...
ووضع دورية نسائية قريبة من المجمع بحكم ان بعض البنات صاروا يقلدون الشباب في هالموضوع ... ويتم تطبيق نفس العقوبة واللي هو الاتصال بولي الأمر وإبلاغهم والخروج بكفالة

شرايكم في اقتراحي :tease:

[طلعة الروح]

نفرض المواقف صارت بفلوس والساعة بريالين
بيدخل الشاب وبياخذ لفة ولفتين واذا تملل وقرر أنه يطلع بيتذكر أنه بيدفع ريالين :omen2: وطبع الشباب لازم يحلل سعر الموقف ،، ووبيكمل دوارته على المجمع قبل لاتخلص الساعة بدقيقتين وبيطلع

الحل:
وضع 5 أو 6 أفراد من إدارة الأمن الوقائي حول المجمع
وأي واحد يفتح جامته أو يحاول يقط كلمة يسحبونه من علباه وعلى طول الإدارة ومايطلع إلا بكفالة أحد من أقربائه علشان يتفشل قدامهم...ووضع دورية نسائية قريبة من المجمع بحكم ان بعض البنات صاروا يقلدون الشباب في هالموضوع ... ويتم تطبيق نفس العقوبة واللي هو الاتصال بولي الأمر وإبلاغهم والخروج بكفالة

شرايكم في اقتراحي :tease:


حل غير واقعي مستحيل تتوفر الدوريات اربعه وعشرين ساعه عشان هالفئة

[AL-MAYSTRO]

حل بسيط

لو يخلون مسار الموقف يكون مسار واحد رايح .. مايكون مسارين متخالفين
لان الشباب يبون يطالعون بعض ويراوون بعض واتوقع يشوفون بعض يوميا اذا مب فترات فاليوم بعد خخخخخ

زمان كان نفس الوضع في السد اذا تذكرون .. ويوم سووواو الشارع مسار واحد رايح .. هجروا المكان الشباب
وماصاروا يجون الا للحاجه

هذا من وجهه نضري

[qataria]

شالحل طال عمرج

الحل طال عمرك انهم يحطون دورية شرطة في اللاند
اما علشان الزحمة فالحل انهم يزيدون المواقف و يراعون هالشي في التخطيط علشان ما تتكرر هالمشكلة.

انحلت المشكلة ولا لازم ندفع علشان يكون الحل عبقري:confused:

[دااانة قطر]

الله المستعاان

[دبلوماسية]

مانقول الا الله يهديهم ....

تفاديا لهالاشكال .....صرنا مانروح هالمجمع الا القوايل ....بين صلاة الظهر والعصر ...وندخل من الباركينج تحت صوب كارفور ...والحمدلله افتكينا .....

بس اطلعت لنا مشكلة ثانية ....الشياب المترززين في القهاوي اللي مقابلة كارفور ....وطايحين قز في الداخل والطالع ....

[انتر ميلان]

حل غير واقعي مستحيل تتوفر الدوريات اربعه وعشرين ساعه عشان هالفئة

هالفئة ماتتواجد 24 ساعة

تتواجد من عقب صلاة المغرب حتى 9 او 10 بالكثير

والله لو يشددون على الشباب عند اللاند (( من ناحية تأديبية وليست مرورية )) بتنحل القضية
لأن وزارة الداخلية تضع رجال من المرور ويخالفون اللي مب لابس حزام :rolleyes2: لو يتم استبدالهم برجال الأمن الوقائي أفضل وأحسن

[ms-qtr]

إذا كان في ناس فعلاً تبحث عن حل لهذه المشكلة اللي صار لها سنين ولم يتم النظر لها من قبل المسؤولين أو التفكير مجرد تفكير في معالجتها بالشكل الصحيح، والكل عارف اللي قاعد يصير حول هذا مجمع اللاند مارك من قبل الشباب من معاكسات وقلة ادب، والعوائل ما يطلعون من هذا المجمع إلا ألف عين وعين عليهم وغير الكلام الجارح اللي ينقط عليهم والتحرش المستمر، دام الجهات المختصة مش قادرة تحل هذا الموضوع، انا ابوكم الشيبة عندي الحل لهذا الموضوع وهو فرض رسوم على مواقف اللاند مارك، وصدقوني محد راح يوطوط من الشباب هناك، وهذا الحل نضعه على طاولات المسؤولين وادارة اللاند مارك.

قطر خضراء

ياما سمعنا ان هناك مشاريع لتخضير قطر، يامكثر ما يتكلم المسؤولون عندنا ولا نشوف منهم شي لا حق ولا باطل، شوارع قطر 90% منها جرداء سواء كانت في الشمال أو الجنوب، ليش ما يتم تشجيرها حالها حال الدواوير والا بس مشاريعنا محصورة على الدوارات، ماظن ان الدولة راح تقصر من الناحية المادية، وين ما نروح نلاقي الحصى والتراب، ياريت يجي اليوم اللي اشوف قطر بكبرها خضرة، وهذه المناظر ترفع من معنوية الفرد ويبدع في الانتاجية من خلال هذه المناظر اللي مانشوفها الا بره، رغم ان دولتنا غنية وتقدر على المشروع، لكن البعض من المسؤولين ما يهمه هذه المشاريع اللي تخدم الوطن والمواطن والمنظر العام للدولة، همه راتبه وبس.

اي والله ياريت يفكونا من تصرفات الشباب الصبيانية .

بونايف

المصدر : http://www.al-watan.com/viewnews.aspx?n=9141590D-F803-463B-AB83-BEE99A714B17&d=20120312

:nice::nice::nice::nice::nice::nice:
الصراحه حل ممتاز للتقليل من ظاهرة اللف والدوران عند المجمع


وبالنسبة لقطر خضراء فعلا يحتاجون لشحنة من النشاط
فعلا ان اشغال تخرب كل شغلهم لكن يجب مضاعفة الجهود