أفضل مكاتب استقدام الخدم؟

[@سنافية قطر@]

السلام عليكم

يا جماعة الخير خدامتي بتسافر قريب ومتوهقة ما أعرف أي مكتب زين أطلب منه وتكون شغالاته زينيين ومتعلمين ..مب همج ويعلون القلب؟ مب مشكلة السعر المهم يكون المكتب زين صادق ومعاملته مضبوطة ومواعيده دقيقة وما يكون من عصابة يسكت الخدامة فترة الضمان وعقبها تشرد أو تسوي لها مصيبة؟

ياريت يا جماعة اللي له تجربة زينة مع مكتب استقدام خدامات يفيدني بتجربته وعنوان المكتب ورقم تلفونهم..

وبادعي له في كل وقت اللي بيفيدني بمكتب زين..

بارك الله فيكم وجزاكم الله الجنة

[بوحارب]

وعليكم السلام

مرحبا اختي سنافيه

انصحج تروحين مكتب التقدم في شارع الشافي

راعي المحل واحد من شباب قطر وفيه خير واعرفه اشخصيا وتعاملت معاه وماقصر معاي

واللي يشتغل في المحل المصري منتاز والأندونيسية المندوبة تفاهمها زين

مكان المحل بعد ثاني اشارة على يدج اليمين عقب ماكدونالدز

اذا خدامتج مب رادة تسوي لها انهاء اقامة وخذي الورقة الوردية ووديها معاج للمحل !!

[قلم صادق]

تبين واحده تجي متعلمه ...روحي مكتب التوقيت انا طلبت من عندهم وجاتني عقب شهر ونص وعندهم نظام ان الخدامه قبل ما تجي يعطونها كورس هناك شتسوي ويعلمونها بعض الكلام العربي مثل شكرا ولو سمحتي وغيرها ...
بس اسعارهم شوي غاليه + معاش الخدامه 950 ريال

[لاجئ عاطفي]

كل المكاتب نفس النظام مافي مكتب متيز عن الاخر والخدامات انتي وحظج يعني يعتمد عالخدامه مهب المكتب وانا تعاملت مع مكتب في الغرافه وايد زين لان تعاملهم زين وسلس ووايد وماعندهم عقد

[@سنافية قطر@]

بوحارب:

ياعلك موفق وين ما عطيت ويهك يا ريال :omen2: والله يبرد قلبك ويرد غربتك ويشفي مريضك ويردك ديرتك سالم (ن) غانم...
سمعت عن هالمكتب يمدحون راعييه وسمعته طيبة..

قلم صادق:
فعلا التوقيت مسوي شغل هالأيام بس من يومين مكلمته قال يجيب الخدامة ب9800 ريال ومعاشها 730 ريال وتعاملت معاهم من 5 أو 6 سنوات وتعاملهم صادق..:victory:

لاجئ عاطفي:
وانت الصادق الخدامة قسمة ونصيب ..والله يعطينا خيرها ويكفينا شرها...
شكرا لتجاوبك أخي الفاضل والله يفرج همك..:nice:

[العملة النادرة]

مكتب السهم الابيض في الريان
شهر ثمانيه الي طاف طلبت شغاله ب 8000 ريال عبارة عن 4000 عند الطلب و4000 عند الاستلام ووصلت في شهر بالضبط ماشاء الله ولله الحمد وراتبها 250 دولار ما يعادل 912 ريال
وهاي ثاني تعامل لي مع هالمكتب وبصراحه خوش مكتب

[BIG-VEGA]

توني جايب اندونيسيه من مكتب ابشر

كانت شغاله في السعوديه حول 6 سنين

طلبتها بعد ماقريت ال CV من موقعهم على النت
وبصراحه جات على نفس ماقريت

شنو تطبخ !!!!!
شي خيالي
مجبوس مندي بخاري صالونه فطاير حلويات ..... الخ
انا وزوجتي من قلب مستانسين عليها ... بس خايفين انا نمتن :shy:

جرب ادخل الموقع وشوف ال CV
www.ebsher.com

[بو خليفه 123]

والله يا سنافيه بحكم تجربه اقولك إن الخدامه مثل الكوبون

امسح و اربح ولا امسح و ..

مكاتب الخدم تنقصها المصداقيه في التوقيت و المواصفات والمتضرر هو الكفيل (أنتي)

توكلي على الله شوفي اي مكتب بالشارع و انصحك فيه جنسيات معيّنه طقي منها ماعاد نبيها ..

و قريباً بيسمحون استقدام الخادمات من مقدونيا و روسيا والمغرب .. خذي ابو العيال و روحوا اختاروا وحده


فالكم التوفيق

[دفرنت]

عليكم السلام ورحمة الله

انا تعاملت اكثر من مرة مع مكتب الذروة
والحمدالله توفقت
والمكتب تعاملهم زين
لان صاحب الحلال موجود على طول

ومثل ماذكروا الاخوان الخدامة مثل امسح واربح

وقريت من فترة في الجريدة ان تم تصنيف بعض المكاتب على انها درجة اولى وعددها 13 مكتب ممكن تتطلعون عليها واكيد بتفيدكم

[@سنافية قطر@]

مكتب السهم الابيض في الريان
شهر ثمانيه الي طاف طلبت شغاله ب 8000 ريال عبارة عن 4000 عند الطلب و4000 عند الاستلام ووصلت في شهر بالضبط ماشاء الله ولله الحمد وراتبها 250 دولار ما يعادل 912 ريال
وهاي ثاني تعامل لي مع هالمكتب وبصراحه خوش مكتب


جزاك الله خير أخي الكريم والله ييسر أمرك دائما..
بنشوف إن شاء الله المكتب..




توني جايب اندونيسيه من مكتب ابشر

كانت شغاله في السعوديه حول 6 سنين

طلبتها بعد ماقريت ال CV من موقعهم على النت
وبصراحه جات على نفس ماقريت

شنو تطبخ !!!!!
شي خيالي
مجبوس مندي بخاري صالونه فطاير حلويات ..... الخ
انا وزوجتي من قلب مستانسين عليها ... بس خايفين انا نمتن :shy:

جرب ادخل الموقع وشوف ال CV
www.ebsher.com



ويه ياعل ربي يبشرك بالجنة قول آمين على موقع أبشر..
ما قصرت قصر الشر عنك أخي الكريم..ما خليت مكتب ما عطيته أيميلي يطرش لي الطلبات وكلهم سفهووا لي...
صراحة شلت عني هم كبير ياعل ربي يفرج همك..

ويبارك لك في خدامتك ويعطيك خيرها ويكفي عنكم شرها ويرزقني بما رزقكم إن شاء الله..
باروح المكتب بس تطلع الفيزا

والله يا سنافيه بحكم تجربه اقولك إن الخدامه مثل الكوبون

امسح و اربح ولا امسح و ..

مكاتب الخدم تنقصها المصداقيه في التوقيت و المواصفات والمتضرر هو الكفيل (أنتي)

توكلي على الله شوفي اي مكتب بالشارع و انصحك فيه جنسيات معيّنه طقي منها ماعاد نبيها ..

والله وانت صادق ياخوي أمسح واربح بس شو نسوي مضطرين عليهم ما دام الحياة صارت صعبة وزادت اعبائها والتزاماتها..

و قريباً بيسمحون استقدام الخادمات من مقدونيا و روسيا والمغرب .. خذي ابو العيال و روحوا اختاروا وحده



والله يا خوي بو العيال لين ألحين ما قرر ياخذ الزوجة الثانية لما يقرر بنروح نختار له عروس من هناك (أقصد خدامة) :anger1::anger1::anger1:
فالكم التوفيق


وفالك إن شاء الله

:victory:

[بصمة قطرية]

اختي انا جبت خدامتي من مكتب فهد
رسوم المكتب 8000 ريال
و الراتب 800
و الحمدلله ربي وفقني و جات مثل ما تمنيتها ..
اول ما تختارينها ادعي ..
الله يعطيني خيرج و يكفيني شرج ..
و اذا كانت خير لج ربي يجيبها
و اذا كانت شر ربي يبعدها ..
دعيت هالدعاء و انا اطلب خدامة قبل هاذي و تميت فوق الشهرين
من غير خدامة و انتظر الجديدة ..
لين حسيت ان ربي مب كاتب لها تجي ..
قلت الحمدلله ان شاء الله هالشي خيره ..
و طلبت الثانية و توفقت الحمدلله ..
لا تنسين تدعين و ان شاء الله ربي يرزقج على نيتج ..
الخدم توافيق ..
انتي و حظج ..

[@سنافية قطر@]

اختي انا جبت خدامتي من مكتب فهد
رسوم المكتب 8000 ريال
و الراتب 800
و الحمدلله ربي وفقني و جات مثل ما تمنيتها ..
اول ما تختارينها ادعي ..
الله يعطيني خيرج و يكفيني شرج ..
و اذا كانت خير لج ربي يجيبها
و اذا كانت شر ربي يبعدها ..
دعيت هالدعاء و انا اطلب خدامة قبل هاذي و تميت فوق الشهرين
من غير خدامة و انتظر الجديدة ..
لين حسيت ان ربي مب كاتب لها تجي ..
قلت الحمدلله ان شاء الله هالشي خيره ..
و طلبت الثانية و توفقت الحمدلله ..
لا تنسين تدعين و ان شاء الله ربي يرزقج على نيتج ..
الخدم توافيق ..
انتي و حظج ..



جزاك الله خيرا أختي وبارك فيك(ي)

فعلا الخدم توافيق...:victory: وأنا فعلا دايما أدعي هالدعاء لما أجي أطلب خدامة واقعد ادعي على اعصابي لين توصل وقلبي مشغوول لين توصل ..ومره تقلح ومرة لا...

الله يجعل لنا الخيرة أينما كانت..

مشكووووووووورة أختي على نقل تجريتج لنا والله يوفقج دايما ويبعد عنج كل شر..