ليش المسؤل "المب كفو" مايستقيل؟؟؟؟

[الدوحه1]

في الدول "المتقدمه والمتحضره" المسؤل سواء كان رئيس قسم او مدير اداره او وزير اذا اخطأ او شاف نفسه انه "مب كفو" يقدم استقالته ويترك المجال "للأكفاء"
لكن عندنا المسؤل يستعمل صمغ من النوع الزين"سوبر غلو" ويربط نفسه في الكرسي بسلاسل!!!
متى بنشوف المسؤل "المب كفو" اللي يملك الجرأه و يعترف انه "مب كفو" وينسحب بكرامته قبل لا"يشوتونه"؟؟؟؟

[NeverLand]

السؤال ليش اللي فوقه مايقوم بهالمهمة ويطيره؟

يعني اذا اللي بيدهم الخيط والمخيط ساكتين عن اخطائه وراضيين .. تبيه هو يستقيل من نفسه؟!

[آنــه]

ههههههه ومن بيلزق في الكرسي بداله ؟!

إحنا عندنا مدير قسم لا يعرف في الامور الإدارية
ويؤكل الامور للموظفين فقط يعرف الحضور والانصراف
وايضا يوكل عمل الجداول للموظفات لانه لايفقه في برامج المايكروسوفت
ولا يوجد حسن تصرف وقد استقال ٦ موظفين من قسمه ولم يحاسب
على الأخطاء التي ذكرت في مقابلات الاستقاله


الله كريم بس

[مضارب دوسري]

وليش الموظف الغير كفو مايستقيل ؟
اخوي ليش كله حاطين في بالنا ان الموظفين مجتهدين في شغلهم
ليش مانكون واقعيين ونقول ان فيه موظفين يداومون عشان السوالف والشاي والجريده وعقب يقولون مسؤولنا ضالمنا :)

ماحب اسلوب نحط الموظف وكانه ياباني يشتغل 16 ساعه فاليوم ومعظمهم مهمل شغله وعقب يطالب بحقوقه

[ANONYMOUS]

لانه مب كفو

بس لو كفو كان استقال

[بوعلي2]

الي يقعد على الكرسي صعب شيله الا بالقوه

[المليونير الفقير]

لان مافيه احد يحاسبه على شي

[ريتويت]

لانه محتاج راتبه..خصوصا انه راتبه كبير وبياخذه وهو مرتاااااح واجازات على كيف كيفه

[Al-Kuwari]

في الدول الاجنبية والمتحضرة مثل ماتفضلت اخوي

المسؤول يقدم استقالتة لانه يعرف انه بيطير فيقول في نفسه اقدم استقالتي ولا انطرد لانه يخاف على السي في لان مثل ما انت عارف الاستقالة غير الاقالة

بس عندنا مايحاتي شي لانه ماراح يتحاسب : )

[إكليل الزهور]

حتى الدول المتحضرة فيها المسؤول الكفء و الغير كفء و فيها هالنوع من المشاكل بس بنسبة مختلفة عن هني، وغالباً هناك ياكلون ويه المسؤول اذا ما أثبت كفاءته..

هني الموظف اذا بيتظلم أو بيطالب بالعدل فالتقييم ينصحونه يسكت عشان المسؤول ما ينزل التقييم أو يتصيد له

يعني مسألة عزل مسؤول غير كفء هذي بيد المسؤول اللي فوقه


شكراً

[الغرناس]

وليش مديرة مايقيلة ولا ينقلة أكيد المسؤل اذا مافي حد فوقة بيحاسبة

بياخذ راحتة

وبعدين



منو مااااااسول منو مااااااسول*

[R 7 A L]

المسئول وغيره

لأنهم يعتقدون أنهم أحسن من غيرهم وانهم أحق

[Right]

السالفة عندنا بالعكس تماماً



المسؤول الكفؤ يطير ... كأنه صاروخ توماهوك



والمسؤول الغير كفؤ يلزق بالكرسي ... كأنه دجاجة راكه على بيضها

[SULTAN1]

اذكر مره مديرة مدرسة قدمت استقالتها لانها اكتشفت طالب هرب من المدرسة ،وبسبب هروبه اقتنعت انها غير كفوءه لهذا المنصب ،طبعا هذا مب عندنا

[دروب]

العتب على اللي حطه

[NINA RICCI]

جااان زين في تقييم للمسؤولين , يقيمونهم الموظفين =(

شنسوي في حـاله انحياز مســؤول لاحد موظفيه لاسباب ماتـتـعـلق بالشـغل كلش :telephone:

[بوحمد111]

وما اكثرهم

ولهم يوم بيتحاسبون على كل صغيرة وكبيرة

[عرباوي قطري]

لانه مايدري انه مش كفووووو

[تحداني]

لانه مايدري انه مش كفووووو



صباح الخير على الجميع

جبتها لنا على طبق من ذهب وبإختصار ما بعده إختصار
لانه ما يدري .. ولو يدري فهاذي مصيبه أكبر وأكبر

تقول ام محمد كل واحد يشوف نفسه ملك من ملوك الدنيا
لا به عيب ولا به نقص .. وان الكمال اعد له ومن اجله


جملك الله برضاه

[خوي الدرب]

وليش الموظف الغير كفو مايستقيل ؟
اخوي ليش كله حاطين في بالنا ان الموظفين مجتهدين في شغلهم
ليش مانكون واقعيين ونقول ان فيه موظفين يداومون عشان السوالف والشاي والجريده وعقب يقولون مسؤولنا ضالمنا :)

ماحب اسلوب نحط الموظف وكانه ياباني يشتغل 16 ساعه فاليوم ومعظمهم مهمل شغله وعقب يطالب بحقوقه

لا يحدث هذا الا في حالة أن المسؤول يفتقد للكفاءة
فلذلك يحدث التسيب بين الموظفين

[بوجاسم566]

في الدول "المتقدمه والمتحضره" المسؤل سواء كان رئيس قسم او مدير اداره او وزير اذا اخطأ او شاف نفسه انه "مب كفو" يقدم استقالته ويترك المجال "للأكفاء"
لكن عندنا المسؤل يستعمل صمغ من النوع الزين"سوبر غلو" ويربط نفسه في الكرسي بسلاسل!!!
متى بنشوف المسؤل "المب كفو" اللي يملك الجرأه و يعترف انه "مب كفو" وينسحب بكرامته قبل لا"يشوتونه"؟؟؟؟


عنـدي سؤال لو انتـ \ ـي ( وزيـر \مدير\ مسؤول) بتستقـيل ؟

الكل يحب السلطة والمناصـب ولو هو مب كفـو ما وصـل هالمنـصب

يعني طول هالسنين ينطر ويحلم في المنصب اخر شيء يستقيـل !!

والى يوصـل منصب كبير ماينشات :) يشوت الى تحتة

[ضوى]

بنشوف هالمسؤول اذا شفنا قدوته اللي هو الوزير قد استقالته بسبب نقص في خدمات وزارته واي تقصير من موظفينه :) هذيك الساعة بنشوف المسؤول اللي يترك الكرسي لغيره من طيب نفس

[الدوحه1]

بس وجود شخص "مب كفو" في وظيفه تتطلب شهاده جامعيه تخصصيه(مثل الطب والهندسه والمحاسبه والقانون ...) يعتبر "فساد اداري"؟؟؟
وهل "هيئة مكافحة الفساد" اللي تم تأسيسها مؤخرا راح تتخذ اللازم لحل هالمشكله؟؟؟
وليش "الامانه العامه لمجلس الوزراء" ماتدقق في مؤهلات هالموظفين؟؟
بعطيكم مثال: في احدى الجهات الحكوميه الشخص المسؤول عن الامور الهندسيه في هالجهه ماعنده الا "الاعدايه" ولا يعرف انجليزي!!! هالشخص المفروض انه مسؤول عن اعداد المواصفات الفنيه ودراسة العروض واختيار الافضل والانسب(لا وكل شي بالانجليزي؟؟؟)!!!

[حواي الفريج]

الكل يشوف نفسه كفو ومحد يشوف عيبه او نقصه
الموظف كفو
والمسؤول كفو
والمدير كفو

بس من الي يخاف من الله ويحاسب نفسه قبل ان يحاسب


والمنصب مب حلم ولاخيال والكرسي مب جنة اكل واشرب واتنعم فيها
مجرد تكليف لاداء بعض المهام والمسؤوليات فقط

[موضي قطر]

اذا استقال وهذا مستحيل ...


من بينكد على المواطنيين :tease:

[بلوتنيوم]

زين ماياخذ الكرسي معاه البيت
وانت تقول يستقيل :)

[شيوخه]

^^^^^^^^^^^^
هههههههههههههه

اي والله انك صاج

هالشي وايد صعب شلون يخلي المنصب عشان انه مب كفو حتى لو هو مب كفو مستحيل يعترف بالهشي اكيد يجوف نفسه احسن واحد

[القيادة]

السالفة عندنا بالعكس تماماً



المسؤول الكفؤ يطير ... كأنه صاروخ توماهوك



والمسؤول الغير كفؤ يلزق بالكرسي ... كأنه دجاجة راكه على بيضها






حلوه منك ياسنايدر

بس أهم شي فقس البيض:nice:

[فهد111]

هو اصلاً مب كفو شلون تبيه يستحي على دمه ويستقيل وهو مب كفو وازيدك من الشعر بيت الي مب كفو هو الي يعشعش ويطول في الاداره ويقلبها مجلس له ولربعه وعيال عمه

[غير عنهم]

وزيدكم من الشعر بيت بعضهم يحسبها وراثة يعطل الدنيا ومصالح خلق الله من آجل اثاث مكتبة ...

[Right]

حلوه منك ياسنايدر

بس أهم شي فقس البيض:nice:






حلت أيامك كلها إن شاء الله يا أخوي " القيادة "



بخصوص سؤالك البيض فقس ولا لا ؟



مادري ليش تذكرت هالمثل



" تمخض الجبل فولد فأراً "