اصابات نتيجة انقلاب قطار الالعاب بسوق واقف !!!!!!!!!!!!!!!!!

[بومتعب]

الدوحة - الراية:

أصيب عدد من الأطفال والنساء بجروح مختلفة نتيجة انقلاب قطار الألعاب بسوق واقف.

وأكّد شهود عيان أن القطار لم يكن يفصله عن الأطفال أي حواجز وأن العناية الإلهية أنقذت الأطفال من موت محقق نتيجة لسقوط الأطفال تحت القطار لحظة انقلابه.

وأشاروا إلى أن القطار لم يكن يعمل وفقًا لاشتراطات الأمن والسلامة لحماية رواده من الأطفال

[fahad1]

أشوفهم امس مسكرين المواقف الي صوب الألعاب ، والله يوم شفت القطار قلت في خاطري شكله بيطيح ، حمد الله على سلامه الاطفال

[بوحمد2]

الله يحفضهم يااااارب

[ألعب بعيد]

وفي هالحالة من المسؤول ياترا ؟

[khaldoon]

باااااااااااااااااااااااال قوية هذه

شي مرعب الصراحه .....الحين كيف الواحد يأمن يطلع اولاده في مثل هذه النوعية من القطارات في مدن الملاهي....هذا توه فاتح الحين

[سهم عتيج]

الحمدلله على سلامة المصابين والله ستر والحمدلله

المصيبة ان السعر يبتدي بعشرة ريالات للعبة الى سبعين ريال

تقول اسعار ديزني لاند مب سوق واقف الشعبي :secret:*

[رُفق المجنّا]

لابد من محاسبة المسؤولين من مدير الى مشغل اللعبة

والحمد لله ع سلامتهم

[ANONYMOUS]

هذا شروع في قتل

[qatarshark]

المشكلة مافي رقابة تعال وحط زين في سؤال هل هاي الألعاب مؤمنة ولوتعور واحد من اليهال في تعويض ليش كل من هب ودب يابله العاب بس علشان يربح منها وسلامة عيالنا مو مهم أنا اقترح الي يبي يونس عياله يقولهم اصبروا لين الصيف وباوديكم باريس ديزني لاند والله ان سعرها معقول لكن الي ما يقدر يروح شنو سوي يودي عياله في هالالعاب الخايسة والخطرة لا يبه حياتك عيالك اهم من وناستهم وتقدر تونسهم بطريقتك الخاصة
وبالأكثر لابد صاحب الألعاب ان يحاسب وما يسكتون عنه لانه هالمرة الله ستر.
ما يندرى المرة الياية شنو راح يصير *

[fahad123]

الحمدلله ع السلامه
الله يستر عليهم ي رب بس لو يفكونا من الالعاب المؤقته ويتكرمون شوي ويجمعون من حصلاتهم ويسون لنا مدينة العاااااااااب مثل العالم احسن من هالالعاب المؤقته اللي مافيها اي درجة من السلامه والامان

[جرح الزمان]

الحمد لله على سلامتهم

في انتظار نتائج التحقيق ....

للأسف اللامبالاة زادت وانتشرت

[love1972]

الحمد لله على سلامة الجميع

[دايموند]

الحمدلله على سلامة المصابين والله ستر والحمدلله

المصيبة ان السعر يبتدي بعشرة ريالات للعبة الى سبعين ريال

تقول اسعار ديزني لاند مب سوق واقف الشعبي :secret:*

هاه ؟!!:eek5::eek5:

[R 7 A L]

[size="5"]الحمدلله على سلامتهم

size]

[بوسلمان 2010]

اهم شي الفلوس والسلامة يحلها الف حاللال لاحول ولا قوة الا باالله

[سهم عتيج]

هاه ؟!!:eek5::eek5:

اي والله هذا اللي قاللي اياه اللي يبيع كروت الالعاب يوم استفسرت منه اول امس

وهونت بصراحة لعبة كم ثانية بعشرات الريالات

نهبه

[شيزكيك]

ذي غير الي صار يوم الجمعه لان حزة المغرب الشرطه والدفاع المدني كانوا عند لعبة القطار لان في عربه شايره فوق وفيها اولاد واعتقد حولوهم ويبين ان اللعبه سكراب

حسيت انهم الالعاب الي كانوا في علاء الدين لانهم مشغلين اغنيه علاء الدين

وكنت ناويه اودي اليهال يوم الجمعه بس بعد الالعاب مافيها سيفتي والاسعار ضو عدوا على اسعار القريه العالمية في دبي

وبس هونت

[barod]

وطبعا مافيه لا حساب ولا عقاب لان ها الشي حصل في الدوحه مب في امريكا مثلا

[أسير الاسهم]

ما امداهم يفتتحون هالالعاب صارت حوادث

[moonبنتnight]

حمدالله على السلامتهم 00 والله يحفظهم 00
بصراحة دوحة بس لو عندها ملاهي عدله بتكون دولة سياحية ممتازة 00 والله الحمد كل شي فيها 00

[دااانة قطر]

المصيبة ان السعر يبتدي بعشرة ريالات للعبة الى سبعين ريال

تقول اسعار ديزني لاند مب سوق واقف الشعبي :secret:*

اتوقع مجموع الالعااب 70
لأن اغلب الالعااب الكبيره لعبوا فيها العياال في بـ15 و18 غير القطاار اللي توقف
اما 70 باالغ



ذي غير الي صار يوم الجمعه لان حزة المغرب الشرطه والدفاع المدني كانوا عند لعبة القطار لان في عربه شايره فوق وفيها اولاد واعتقد حولوهم ويبين ان اللعبه سكراب


الساالفه هذي صاارت الجمعه وانا وصلت هنااك حزتها
بس وكاانت اللعبه هذي مسكره
هل جد جديد بعد يوم الجمعه؟

[بوخالد2]

الحمدالله على سلامتهم

اللى يبي يلعب اعيال عليه بالالعاب اللى في دبي مون من افضل و اجود الالعاب

الصراحه اتخليهم هناك اسبوع يطلعون اللى بخاطرهم كله و ترجعهم لبدايه المدارس

ولا العاب برع في اوربا

و هنيه لاتوديهم لاانه الصراحه مب موفرين شي للطفل في البلاد كلها العاب منتهيه و اسعار غاليه على الفاضي

[أسير الاسهم]

ما عندنا إتقان في التنفيـذ .. وطبعاً ناس ما تخاف الله نصابه شركات المقاوله اللي تنفذ .. ما يهمها أرواح المستخدمين

[المسك1969]

الله المستعان... ولابد من تحقيق في الامر

[BIG-VEGA]

الحمدالله على السلامه

زين ماصار فيهم نفس فلم Final Destination

[Dana’1]

^^^^
يالله يا هالفيلم انواع الحودث الدموية تجييب اللوعة والعقد النفسية ....ماعاد اقدر اشوف اي فيلم من نفس الطقة خلااااص

وبالنسبةة للحادث ...الحمدلله على سلامة الاطفال وذويهم والله يشفي المصاب منهم آمين يارب العالمين

[لمعة الالماس]

ويوم الجمعة علق القطار على الاطفال فوق

واضطروا يجيبون الدفاع المدني ونزلوهم بالسلم

الالعاب قديمة ومافيها سيفتي

[المواطن]

وأشاروا إلى أن القطار لم يكن يعمل وفقًا لاشتراطات الأمن والسلامة لحماية رواده من الأطفال
[/color][/size][/QUOTE]

الحمد لله على سلامة اليهال وأهلهم

بس القطار يعمل لأمن وسلامة وحماية جيوب المستفدين اللي ما همهم سلامة الناس

[نشميه]

الحمدلله على سلامتهم ، أنا والله أول ما شفت القطار ومدينة الألعاب قلت مستحيل أجيب أولادي يلعبون في هالمكان ما في أصلا حمايه أو سور أوشباك يعني لو واحد طاح لا قدر الله بيجي بالشارع بيطير ما في شي يحميه.

[OTOsan]

لاحول ولا قوة الا بالله ،،

الحمدلله ان الوضع مافيه وفيات لاسمح الله ،، والمسالة تحتاج الى وقفة وتحقيق من ذوي الاختصاص ..!

[faisalqatar]

الله يرحم ايام سوق واقف اللي ما كان فيه الا مكسرات و بهارات و قحافي و غتر !

[مسلمة]

لا إله إلا الله
الله ستر
بس يجب التحقيق في الموضوع .. هاي فيها أرواح أطفال

[محاسب]

ما ,,أستغرب ولا أندهش من حصول .. هذا الموقف
لو كان الأهمال والغلط صادر من تاجر جشع أوعامل أو أأأأأأأأأأأأي كان
لكن أأأأستغرب وافقد أحساسي بلأمان لو ماعندنا مسؤولين يتولون محاسبتهم ,,,,وكأن الضرر وقع بأبنائهم...... ومعاقبتهم
وتحويل الموقف القاتل
((((( الى غرامه وعبـــــــــــــــره مؤلـــــــــــــــــــمه للمتسببين وغيرهم)))))))))

[بوعلي2]

لاحول ولاقوة الا بالله

[بوحمد111]

الله يحفظ عيالنا وعيال المسلمين من خطر الحوادث

[كازانوفا]

ان شالله يتسكر السوق بكبره
لانه مكان للمهزله وتضيع وقت وما له داعي وبالاخيررر ما في امان على الاطفال

[chillis]

هل المسؤول عن هالالعاب بيتحاسب ولا بيمر مرور الكرام نفس بعض الامور الاخرى ؟

[bo_hamad]

للاسف السيفتي ما فيه حاسبو على عيالكم

[qatarman8008]

وفي هالحالة من المسؤول ياترا ؟

ما احد مسؤول اخوي ... حد قال للقطار طيح ..!! اهو طاح بنفسه ...

[aljooree85]

لا حول ولا قوة الا بالله
الله يحفظ عيالنا

[تحداني]

يذكرني هالموقف .. بمدينه ألعاب الدوحه " سناء "
قبل شهرين خذت وحده من اليهال .. بعد ما خلصت من المخازن الكبرى
قالت ابي العب في هالالعاب الي اهناك

رحت فوق صوب الألعاب
لقيت كل لعبه تلعبها.. الهندي حريص على انه يربط الإحزام
قلت في قلبي الحين من زينها هالألعاب عشان تربط الاحزام
اليوم وثقت تماما .. ان الحيطه والحذر شي ضروري .. مهما كان الامر قدر ونصيب
وخاصه في امور تتعلق بالأطفال لان الطفل بطبعه حركي وما يعرف يدارك اي مشكله او اصابات .. فما يصير ناخذ كل شي ابساطه


الله يحفظهم يارب


جملكم الله برضاه

[موضي قطر]

أول مرة اعرف انه سوق واقف فيه العاب ... بس لا تكون نفس ألعاب حديقة الحيوان اللي اصدمتني لما قررت ازور الحديقة لأول مرة من سنين وكانت من شهر ...


وياللهول :omg: صدمة ديزنية صابتني وصابت اللي معاي من شكل الألعاب :(

اللي ماتحوي انها في قطر ... مادري ليش تذكرت الألعاب المصرية القديمة اللي يحطونها في الحواري للأطفال
أيام العيد :rolleyes2:


ماعلينا ... المفروض يفتح تحقيق في الموضوع ... ومايمر مرور الكرام ...

[intesar]

:anger1::omg:

[أبو~يوسف]

الحمدلله على سلامة أطفالنا وحبايبنا

[OM_OMAR_QATAR]

الحمدلله على سلامة المصابين والله ستر والحمدلله

المصيبة ان السعر يبتدي بعشرة ريالات للعبة الى سبعين ريال

تقول اسعار ديزني لاند مب سوق واقف الشعبي :secret:*

والله كلام صحيح
انا ابي اعرف ليه يعني يوم يفتح في البلد ملاهي والا العاب تكون غالية و بعيدة تماما عن مصطلح الامان ...
يلعبوا في الرملة احسن لهم

[observer]

لاحول ولاقوة الا باللة

:anger1::anger1::anger1:

[أسير الاسهم]

المفروض اللي أستلم الالعاب ووقع على انها انتهى العمل منها .. يلعب فيها يومين تجربه لين يتأكدون انها صالحة للأستخدام .. لانه بكذا بيراعي فالموضووع شوي وبيخاف على نفسه قبل يخاف على اعيال الناس ..

آآآآآه يالقهر .. ملايين تنصرف على زباله مب ألعاب .. لا ونهايتها ولدي ولا اخوي طايح وميت والا متكسـر

هذا عقابه الشركه اللي سوتها ما عاد تدخل قطـر كلش .. والمسؤول اللي استلم الالعاب ووقع على نهاية العمل فيها .. ينجلد قدام الله وخلقـه في ساحة سوق واقف لين يغني حمار بطنه

[_بوشهاب_]

لاااااااااو الله انا توني اعرف ان في العااااب هناك :eek5: وصار كل ذي حشى ما مداهم

[قدها وقدود]

الحمدلله على سلامتهم

الله يحفظ الجميع ان شاء الله

[ROSE 26]

لٱِ حول ولاقوة الا بالله
الحمد آلَّـًلْـْہ عَــلَىْ سلامتهم

[العنيده]

الحمدلله على سلامتهم

ياريت ينتبهون على الامن والسلامه قبل الدعايه

[مشتاقة لقطر]

المفروض اللي أستلم الالعاب ووقع على انها انتهى العمل منها .. يلعب فيها يومين تجربه لين يتأكدون انها صالحة للأستخدام .. لانه بكذا بيراعي فالموضووع شوي وبيخاف على نفسه قبل يخاف على اعيال الناس ..

آآآآآه يالقهر .. ملايين تنصرف على زباله مب ألعاب .. لا ونهايتها ولدي ولا اخوي طايح وميت والا متكسـر

هذا عقابه الشركه اللي سوتها ما عاد تدخل قطـر كلش .. والمسؤول اللي استلم الالعاب ووقع على نهاية العمل فيها .. ينجلد قدام الله وخلقـه في ساحة سوق واقف لين يغني حمار بطنه

:nice::nice::nice:

[السحابة]

يالطيف انا عيالي امس هناك مع خالهم والخدامة واتصلت فيه وطلعوه من الالعاب الساعه 7ونصف عشان المدرسة متي حصل الانقلاب وان شالله الاطفال ماصابهم مكروه

[حـ ن ـيـ ن]

اول مرة ادري ان فيه العاب في سوق واقف

والحمدلله على سلامتهم

[عيون Qatar]

الله يحفظهم

يعطيك العافية على الخبر

[فهد111]

والله اول ماشفت هالالعاب وشلون يركبونها قلت انها ماتطمن الله يستر

[(المهندس)]

الله يحميهم يارب

[قطرية مثقفة]

من اول مره شفته قلت حق زوجي هاذي مافي سيفتي ويرد علي زوجي لا ماحطوه الا في أمان ........

[نورهان88]

متى حطو القطار ما عندي خبر ههههههههههه

[دنيا الاسهم]

ومن الغباء ماقتل
حد يحط العاب اطفال في سوق شعبي وفي مكان كسيف وش هالتفكير الخارق عند صاحب الفكرة
يالله الحين اكلها يا عبقرينو

[يراعٌ فراتي]

بعض الالعاب تحتاج لفحص دوري ومتابعة اي خلل ممكن يسبب كارثة

[مسك روز]

والله فشيله

دوله غنيه ومدينة العاب مثل الناس ماعندنا !

[حياة]

سبحان الله اول ماقالوا لي بناتي وبنات
خالهم ان فيه العاب في سوق واقف جديده
مارضيت اوديهم قلت لهم انا اخاف تطيح
انطورا عليها لين انشوف
زين اللي ماوديتهم

[امـ حمد]

الله يحفظهم يارب

[brooq]

يا جماعة .. اتمنى الموضوع ما يمر مرور الكرام .. ويجب محاسبة المسئولين عن هذا الحادث المرعب ..

ليحاول كل منكم تخيل أن أولاده كانوا يركبون هذا القطار وأنقلب بهم .. كارثة فعلاً ..

هذه جريمة.

[دااانة قطر]

هل المسؤول عن هالالعاب بيتحاسب ولا بيمر مرور الكرام نفس بعض الامور الاخرى ؟


هذا السؤال اللي يحتااج لاجاابه
وفي نفس الوقت ليش مايسوون مدينة العاااب جديده ونظيفه وزي العاالم

[قطريه ماركه]

لا حول و لاقوة الا بالله ...

الالعاب غالية و مستواها رديء بعد !!!

[BoAzozz]

الحمدلله على سلامة الاطفال

شي يحرق الدم

[khaldoon]

الحين مريت صوب القطار بسوق واقف وما شفت شي ....مب معناته اني انفي الخبر طبعا ...اكيد لا بس ما عرفت ايش اللي وقع بالضبط...المركبات اللي تشيل الناس و الا شنو بالضبط...يا ريت اللي يعرف يوضح لنا

هل سمعتوا عن قريب او صديق من ضحايا الحادث و ايش ناويين يسوون بخصوص الاضرار اللي تعرضوا لها ؟

[كبير المتداولين]

كنت حاس يسويها سبحان الله

[basma222]

الحمدلله على السلامة

[بنت شيوخ]

لا تعللللللللللللللللللللللللليق

[لووول]

اهمال

[AL-MAYSTRO]

ماعندنا ملاهي نفس العالم ,, يعني توقع حتى وفيات المره الجايه

كم صارلهم واهم ماعندهم الا هالملاهي التركيب الموقته ,, معقولة مافيه مدينه العاب مخصصه
نفس العالم ,, علاء الدين وكنسلوها وصار لها 10 سنين الحين لاجديد يذكر

[عزووز قطر]

يمكن صاحب القطار مركب بالون :rolleyes2:

[بورصواوي]

يمكن صاحب القطار مركب بالون :rolleyes2:



يمكن قطار المترو الي بيسسونه

[cavok]

very low cost
ايش تتوقعون من لوو كوست
هاي النتيجة طبعا
اللة المستعان

[فلتة زمانها]

ياليت لو يرجعون العاب دوحه بارك الي كانت صوب قاعة المعارض صج العاب حلوه

[NeverLand]

مادري ليش متفاجئين؟ .. العاب رخيصه شتتوقعون منها؟

من شكلها واضح انها اي كلام ..

استغرب من اللي ياخذ عياله اغلى شي عنده بالدنيا ويهملهم هناك ..

مملكة علاء الدين اول مافتحت بكل العابها القديمه احسن من هالالعاب اللي حاطينها وامان اكثر منها

هذا واحنا بسنة 2012 المفروض يعني نتقدم مو نتخلف ونرجع ورا اكثر

هيئة السياحه عندنا يبيلها مسح شامل من الموجود .. من اكبر راس لاصغر راس ..

مادري وين تروح هالفلوس اللي عندهم!!

[bu 3li]

محد بيحاسب حد ولا بيقولون شي ..

كفايه يقولون احنا اسفين وبنحقق فالموضوع لين ينسون العالم
لكن لو اهالي اليهال اشتكوا وصعدوا الموضوع لـ الجهات المختصه
وتسجلت شكوى رسميه وقتها بيكون فيه حساب وعقاب

لكن بنقعد نتشكى حق بعض ولا نتكلم بس جذي ..
ماتوقع حد بينقال له شي والموضوع بياخذ اسبوع ولا اسبوعين وبينسونه


لكن نقول الحمدلله على سلامتهم والحمدلله عدت على خير

[المدريدي]

اهمال واضح من المسؤولين

[احب الله]

السلام عليكم هذي اول مشاركه لي ولو ان الموضوع قديم من قبل 5 شهور لاكن انا واحد من الموضفين الي ف مدينة الالعاب وانا كنت مداوم بنفس اليوم الي تعطل فيه القطار ممكن اعرف جريدة الرايه على اي اساس تقول ان الاطفال جاتهم اصابات وفيه بعضهم طاحو من القطار ؟؟ يعني وين الصور مو المفروض يكون فيه دليل يستند عليه الخبر ؟ يعني كاتب الخبر سمع بالخبر ثاني يوم وقعد يكتبه على رواقان ويألف من خياله ؟ لا صارت اصابات ولا هم يحزنون المشكله الي صارت ان الواير الي يسحب القطار من تحت انقطع وهم فوق وراحو الفنيين الي من عندنا عشان ينزلون القطار تحت فيه نظام سيفتي بالقطار انه لو انقطع الواير تقدر تحركه مسافة 50 متر ك اقصى حد بطريقه يدويه وتفك قفل الكراسي لاكن من شدة ذكاء الدفاع المدني ماشاء الله منع الفنيين انهم يشوفون شغلهم وحب هو يشوف شغله على طريقته الي تمت ساعه او اقل وماقدرو لين خلو الفنيين نفسهم يطلعون فوق ويفكون قفل الكراسي وينزلون الاطفال بالرافعه حقت الدفاع المدني .. اي اصابات ؟ واي جروح و اي وفاه محققه ؟ ما اقول هالكلام ادافع عن مدينة الالعاب بس بعد هالخبر اكتشفت انه مافيه مصداقيه بجرايدنا للأسف اي شي يصير يجي اتفه كاتب ويقعد يألف من راسه عشان ياخذ خبر بالصفحه الاولى وتزيد شهرته وتقدر جريدة الرايه تقول لي ليش ما اخذت مقابلات مع عائلات الاطفال ؟ طيب الصحفي الي وصل لهم الخبر ماعنده صور يمكن انا ماشفت الي هو شافه ؟؟ ماقول إلا اتقو الله بنقل الخبر وبسكم تأليف ياجريدة الرايه

[hot2000]

هذا مشكلة الالعاب المستعمله والمستهلكه.

وإعطاء تراخيص من دون الكشف عن المكان


لازم يكون هناك دور لوزارة الداخلية بخصوص الأمن والأمان

محسوبيأت وواسطات

[العـوا]

نفتقر الى المصداقية في نقل الاخبار

[بصمة قطرية]

من زمان جرايدنا فاقدة مصداقيتها للاسف ...!!!