وين تشتغل وماهي مميزات عملك ؟؟؟

[العملة النادرة]

السلام عليكم ورحمه الله وبركاته

اخواني الكرام حبيت اطرح هالموضوع عشان استفيد وغيري يستفيد في اختيار مكان عمله المستقبلي في حالة كان :

1. خريج جامعي جديد او خريج ثانوية
2. موظف وحاب يغير وجهه عمله

هل تفضل الحكومة اوالقطاع الخاص خصوصا بعد الزيادة 60% وتقارب الرواتب

[فلتة زمانها]

ياليت نبتعد عن المواضيع الشخصيه

[طلعة الروح]

القطاع الخاص أفضل من الحكومي

[بنت امي]

( خاص )


لك جزيل الشكر

[faisalqatar]

انا الصراحة موظف في راس غاز
والحمدلله مرتاح جدا

و عندهم برامج تطوير للقطريين رهيبة و رائعه

[البدع]

يستحيل اشتغل في القطاع الحكومي حاليا

افضل دائما القطاع الخاص

[غيمة مطر]

مهندسه في قطاع حكومي...

بصراحه انا عن نفسي طلعت من قطاع خاص لقطاع حكومي ...

السبب مو براتب لان راتبي اقل طبعا ولي مميزات اقل من القطاع الخاص

بس كانتاج وتقدير بالحكومي ...

لاني كنت بالخاص ومالقيت الا الاجانب صايرين مثل الدود حافرين لهم كل مكان وماكلين كل شي

واحنا القطريين نشتغل تحت رحمتهم ونفسيتهم ومشاكلهم ... ومايحبون يشوفون قطري او قطريه منتجين .. يكرهونه بالمكان ...
كانو مايعطوني اي شغل .. واكمل السنه بدون اي انتاجيه نقدر نقول انتاجيتي 5 %

قاومت وصمدت وكلمت المسؤولين القطريين ولافي فايده .. بل مديري قالي انتو مهندسين قطر الجداد تحبون الشغل وتدورونه ... انا غلطان موظف قطريين مهندسين لانهم محذريني منكم !!!!!! شتبين انتي تقديرج امتياز وجيد جدا شتبين اكثر وراتب وسفرات وراحه ... قلت له شنو انتااااجي عطني اشياء انا انتجتها !! تبون تقتلون نشاطي وابداعي ... قال شبتسوين يعني بتطلعين ؟؟ واذا طلعتي بتنتجين يلا روينا خلنا نشوف ... قلت اطلع بكرامتي احسن لي

الحين بشغل حكومي راتبي يكاد يكون نص راتبي السابق بدون بونس وبدون التامين الصحي وغيرها

لكن انا اليوم اشتغل وانتج انا وقطريين وقطريات لقطر ... احس راتبي اللي يعادل نص راتبي سابقا حلال ونتيجة تعب وانتاجيه وانجاز ...

الحمدلله والله لايغير علي ...

[بوحمد111]

الله يوفقك في الشغلة الي تسد احتياجاتك المالية وعن نفسي افضل القطاع الحكومي ولو حصلت على شغل في شركات البترول احسن واحسن لأن التطوير عندهم مستمر

[قطرية فله]

أفضل

القطاع الحكومي طبعاً

[أسير الاسهم]

قطاع خاص

وودي انقل للعسكرية لو تبيني !!؟

[فريج النجادة]

أفضل

القطاع الحكومي طبعاً

الامن الوظيفي في الحكومة فقط

والباقي انت تحت رحمتهم

[آنــه]

انا مجال تخصصي ودرأستي يجبرني اشتغل في الوزارة
والا حاولت اروح مكان ثاني لكن راح اشتغل في مجال اخر
والحمد لله جأت لي فرص افضل في الراتب لكن قدر الله وما شاء فعل
الاستخارة والاستشارة تمنعني من الانتقال

لكن طموحي لن يقل وراح استمر في الانتاج والتطور الذاتي
لان الوزارات ما تطور الموظف وتقتل طموحه :)

[انتر ميلان]

خاااااااااااااااااااص

confidential

[فهد111]

انا كنت في القطاع الخاص وانتقلت الى القطاع الحكومي وافضل بواايد وارتحت والحمدلله

[سان سيمون]

اشتغل في القطاع الخاص بس من ناحية الحقوق افضل الحكومي يعني لا مدير يرفض ولا غيره ولا ينبح صوتك من كثر ما طالب بحقوقك

ميزة الخاص انه ممكن تترقى اسرع وتكون لك امتيازات ومنها البونس والتامين الصحي و بدل التعليم والسفرات :secret: الي ولا مره رحت من كثر ما اهلي عندهم حساسيه منها يبيلهم كرتزون علشان يوافقون على الترشيحات المستقبلية

ميزة شغلي انساني بحت وبالفعل حبيته على ان الراتب حاليا اقل من الحكومة بسبب ان الزيادة ما جاتنا:telephone: *

[(محمد)]

قطري وكنت في القطاع الخاص من كبار الموظفين في أكبر مؤسسة إعلامية

اما الآن فأنا عاطل عن العمل ولازلت منذ سنة ابحث عن أي عمل حتى ولو سائق.

والحمدلله على كل حال

[شميرام]

الحكومي الوحد يعيش حياته الصبح صبح و ظهر ظهر والعصر عصر و في حريه اكثر الخاص وقت مب لك

[رجل الجزيرة]

الحكومي أفضل ولكن العسكرية أفضل الجميع.

[الغرناس]

الحكومي أفضل ولكن العسكرية أفضل الجميع.


شكلكم مأجربتوا العسكرية

واللة انك تترحم على ايام المدنية

[ريتويت]

خاااااااااااااااااص ومع الاسف

[دبلوماسية]

ربة بيت وبكل فخر ...

[Al-Kuwari]

مافي احسن من قطاع البترول والخاص ..

[قطريه ماركه]

القطاع الحكومي أفضل ..........

[مخطط قطري]

اذا منصب قياادي في الحكومه افضل بواجد من قطاع البترول والعسكري

[.خالد]

ربة بيت وبكل فخر ...
:nice:

[OREO]

ربة بيت وبكل فخر ...

احسن و افضل وظيفه والله و ربي يوفقج ان شاءالله ،،

[العملة النادرة]

نتوصل لي نتيجه ان الحكومه له ميزه الدوام القصير بس وين الاشغال الي دوامها قصير انا اكثر من مكان قدمت كل الدوامات من سبع ونص لي ثنيتين ونص (حكومي)والخاص من سبع ونص لي ثلاث ونص يعني هالساعه وايد فرق او فعلا في اشغال لي الساعه وحده مثلا هاي الشغل العدل ياريت حد يخبرنا عن الوظايف الي لين الساعه وحده

[AL-MAYSTRO]

الحكومي رغم اني في قطاع خاص الا اني اشوف الحكومي افضل

لوضوحهم واتباعهم قانون للموارد البشريه

فالقطاع الخاص واحد نفس شهادتك ودرجتك اعلى منه وراتبه اعلى من راتبك ب4 آلاف ريال ونفس السنه مداومين

يعني اشياء تذهل العقل وتحير

[شيوخه]

الحكومي رغم اني في قطاع خاص الا اني اشوف الحكومي افضل

لوضوحهم واتباعهم قانون للموارد البشريه

فالقطاع الخاص واحد نفس شهادتك ودرجتك اعلى منه وراتبه اعلى من راتبك ب4 آلاف ريال ونفس السنه مداومين

يعني اشياء تذهل العقل وتحير


اي والله انك صاج

نفس الحاله قطاع خاص:secret:

الحمدالله على كل حال

[ضوى]

حكومي ومرتاحة جدا ولا افكر بالخاص اطلاقاً

[لمعة الالماس]

حكومي وافضل الحكومي بس عشان وقت الدوام لان في القطاع الخاص الدوام لين 3 او 3ونص

واللي تقول تبي دوم لين 1 قدمي في وزارة الداخلية دوامهم من 7 لين 12 ونص