قريبا ،،، سوف تزداد نسبة الحوادث !!!! [الأرشيف]

مشاهدة النسخة كاملة : قريبا ،،، سوف تزداد نسبة الحوادث !!!!

عزووز قطر

13-03-2012, 08:18 PM

السلام عليكم ورحمه الله وبركاته

بعد قرار منع اطارات ( البالون) في محلات بيع الاطارات

اصبحوا الشباب يشترونها من المحلات في الاحساء والمحلات الموجودة في الامارات

والمفروض ان قرار المنع لخطورتها وخوف الجهات المسؤولة على ارواح الشباب

واليوم العصر رحت احدى محلات الاطارات لعمل ميزانية للتواير والصدمة كانت بقرار خاااااااااطئ من البلدية بمنع المحلات من عمل ميزانية للسيارة اللي عليها ( بالون) وهذا الكلام قاله لي الموظف الفلبيني

وسيارتي تتنفض على سرعة 80 وتروح يمين والحل يكون في الميزانية وبسبب هالقرار مااقدر اصلح سيارتي الا بعد تغيير التواير ( مع العلم بان توايري استعمال شهرين بالضبط)

وعمل الميزانية شي روتيني وطبيعي لكل سيارة وبعد قرار المنع اللي جاء من البلدية على حسب كلام الموظف الفلبيني انا متاكد بازدياد نسبة الحوادث واختلال عجلة القيادة بسبب عدم وجود الميزانية ورفض المحلات عمل الميزانية

ولو كانت الجهات المسؤولة خايفة على سلامة وارواح الشباب ماكان شفنا نفس هالقرار الخاااااطئ

والله يعين الشباب على هذه القرارات

al saad

13-03-2012, 08:24 PM

والله مشروع الواحد يشتري مكينه ميزانيه تواير ويخليها عنده في البيت طق نعل

الله المستعان والله يحفظ شبابنا من كل شر

جرح الزمان

13-03-2012, 08:34 PM

عنوانك مرعب

الله يحفظنا من شر الحوادث

وأقولك خسران يا معاند ......

بوطويشم

13-03-2012, 09:04 PM

السلام عليكم

اجود نوع الي هو السيام امنعوه و اسواء نوع هو المتوفر حالياً

واذا بحثت عن السبب راح تعرف انها لعبة تجار مب خوف على الشباب لو خوف على الشباب كان امنعو النوع التعبان

بوحمد111

14-03-2012, 06:59 AM

الله يحفظ عيالنا من الحوادث

nagano

14-03-2012, 07:08 AM

خل موترك بتواير الشركة وريح نفسك

R 7 A L

14-03-2012, 07:08 AM

الله يحفظ الجميع من الحوادث

نعم نتمنى أن نرى دور بارز للاخوة في المرور لتطبيق هذا القرار

الى نشوفه لليوم انه منع البلون على شأن التجار الى يبيعون مو على شأن خطورة تركيبة

ياليت نشوف دور فعال للاخوة في جمارك بوسمره بالتعاون مع المرور

boamir

14-03-2012, 08:21 AM

للأسف الشديد هاي اكثر شي يقهر
وحتى لو بنجر عليك محد يخدمك إلا بعض البنجرجيه إلي بالفرجان
والسبب إنه تايرك بالون

والله مره تبهدلت بنجر علي تاير وماكان عندي سبير واخوي مر علي وخذنا التاير ونلف عليه بين البنجرجيه ومحد يعدل لنا واحنا متوهقين وفي النهايه باليالله حصلنا بنجري وعدل لنا التاير

لا والقهر إنه في انواع من البوالين مسموحه مثل الدانلوب والسوموتومو بس لما تروح البنجري مايسوي لك شي والسبب إنه بالون حتى مايشوف نوعيته !!!

كلنا قطر 1981

14-03-2012, 12:02 PM

قرار منع البالون قرار ماله داعي

البالون موجود من زمان و الحوادث بعد موجوده من زمان بس ليش اكثرت هالايام ؟؟

هل بسبب البالون؟؟

ام بسبب الشوارع الي كلها زحمه و سواقة الهنود الي يطلع من اللفه سيدا حق الخط السريع ؟

الحين يمنعون البالون علشان سلامة الناس و ما يمنعون الخمور الي صج تذبح الناس و تفكك

الاسر و تسبب دمار شامل للمجتمع ؟؟

عجبي :secret:

حسن

14-03-2012, 12:16 PM

شموخ دائم

14-03-2012, 12:48 PM

,

,

مرحبا

الله يعطيك العافيه

الاصرار على استخدام تواير البالون مع ان الدوله منعت بيعه

هو نفس الاصرار الي ( يدخن ) ويعرف اضرار التدخين ويكابر

:)

والله لما اشوف كروزر يمر علي ويهتز وينتفض كل شي فيه
اقول الله يحفظ الي يسوقه
والله الي يستخدم هذي التواير قاعد يغامر بحياته وهو يعرف
انه اذا ضرب بريك شنو يصير بالسياره واكيد صاده اكثر من موقف

ويعرف خطر هذا التاير ومع ذلك اصرار عجيب على استخدامه

الله يحفظكم يارب جميعا

,

,

اخوك

شموخ دائم

شبح الصمت

14-03-2012, 12:50 PM

مشكلة هالمحلات فاهمين القرار غلط

وعاد تعال فهمهم

الله يعين

Mbarkaji

14-03-2012, 12:53 PM

معاكم حق الله يحمي اهل قطر

سطح القمر

14-03-2012, 12:55 PM

خلك طبيعي ونفذ القرار الي طلع وريح عمرك بس وش تسوي لا تركب تواير هنا ركب في السعودية ولا الامارات ارخص وافضل من اجل محاربة الغلا الي ماله داعي في التواير عندنا و خلهم يمنعون باللون و وغيره السعودية قريبه روح يوم تمشى وتقضى وركب تواير ورجع بس لا تركب باللون مع انه اشوف انه زين بس عشان ما تتلته بالتصليح لا قدر الله وخترب عندك تاير

ذيب ازغوى

14-03-2012, 01:12 PM

انتظروني بفتح موضوع اليوم المغرب عن البالون

عزووز قطر

14-03-2012, 01:29 PM

عنوانك مرعب

الله يحفظنا من شر الحوادث

وأقولك خسران يا معاند ......

اي والله خسران .....

خل موترك بتواير الشركة وريح نفسك

المشكلة ان الجهات المسئولة ماسوت كنترول على أسعار تواير الشركة ، ويوم منعوا البالون زادت أسعار تواير الوكالة بشكل مب طبيعي :weeping:

قرار منع البالون قرار ماله داعي

البالون موجود من زمان و الحوادث بعد موجوده من زمان بس ليش اكثرت هالايام ؟؟

هل بسبب البالون؟؟

ام بسبب الشوارع الي كلها زحمه و سواقة الهنود الي يطلع من اللفه سيدا حق الخط السريع ؟

الحين يمنعون البالون علشان سلامة الناس و ما يمنعون الخمور الي صج تذبح الناس و تفكك

الاسر و تسبب دمار شامل للمجتمع ؟؟

عجبي :secret:

والله ماعقب كلامك كلام :victory:

,

,

مرحبا

الله يعطيك العافيه

الاصرار على استخدام تواير البالون مع ان الدوله منعت بيعه

هو نفس الاصرار الي ( يدخن ) ويعرف اضرار التدخين ويكابر

:)

والله لما اشوف كروزر يمر علي ويهتز وينتفض كل شي فيه
اقول الله يحفظ الي يسوقه
والله الي يستخدم هذي التواير قاعد يغامر بحياته وهو يعرف
انه اذا ضرب بريك شنو يصير بالسياره واكيد صاده اكثر من موقف

ويعرف خطر هذا التاير ومع ذلك اصرار عجيب على استخدامه

الله يحفظكم يارب جميعا

,

,

اخوك

شموخ دائم

الله يعافيك الشيخ
بس أنا أستخدم البالون من سنة 2006 وسافرت فيهم وقبضت خطوط في عز الظهر والحر وأوقات المطر والصراحة استعمالهم طبيعي وعادي والحمدالله ماصادني أي حادث ...

أساس الحوادث سواقة بعض الآسيوين والاجانب والسرعة واعرف شباب يستعملونهم من التسعينات والحمدالله مايعانون من شي

خلك طبيعي ونفذ القرار الي طلع وريح عمرك بس وش تسوي لا تركب تواير هنا ركب في السعودية ولا الامارات ارخص وافضل من اجل محاربة الغلا الي ماله داعي في التواير عندنا و خلهم يمنعون باللون و وغيره السعودية قريبه روح يوم تمشى وتقضى وركب تواير ورجع بس لا تركب باللون مع انه اشوف انه زين بس عشان ما تتلته بالتصليح لا قدر الله وخترب عندك تاير

انا من شهرين مركبهم والتواير جداد بس يبيلهم ميزانية
والمحلات ترفض بحجة قرار البلدية
من كثر مايخافون علينا مايبون يصلحون الميزانية :rolleyes2:
والمشكلة كل سيارة يبيلها ميزانية سواء عليها بالون ولا تواير وكالة بس هم يشوفون شي حنا مانشوفه :rolleyes2:

قطــ86ــر

14-03-2012, 01:31 PM

ممكن ادارة المرور ترفق نسخة لعامة الشعب من "الدراسة" اللي تمت بخصوص البالون

عالاقل الكل يكون على بينّة من اللي قاعد يصير :)
ولو اني عارف الدراسة.. بنفس مستوى دراسه طريق 22 فبراير السريع اللي مافي ابطىء منه في العالم بسبب هندسته الخرافية :rolleyes2:

QATAR-2006

14-03-2012, 01:57 PM

تناقض في المرور .. وصدق من قال يمنعون البالون بدل مايمنعون شرب الخمور الي تسبب الحوادث

R 7 A L

17-03-2012, 09:43 AM

راشد محمد

17-03-2012, 10:41 AM

قرار ما له داعي..البالون موجود في السعودية ودبي والامور سهالات