ايش هذي الظاهرة .. ؟ مواقف حصلت لي

[فرحة الكواري]

موقف مب اول مره يحصل لي ..

في أحد محلات سنتر بوينت الموقف يحصل لي للمرة الـ 3 جاتني وحده متغطية وواللهجة خليجية طبعاً .. وكلمتني لوسمحتي اختي انا اسفه ازعتج بس عندي سؤال .. فرديت عليها قطعياً لاني عارفة انها "طرارة" وقلت لها: اي استفسار عندج خدمة العملاء ممكن يفيدونج او الأمن بس مجرد غمضت عيني وفتحتها ماشفت الا غبرتها لكن وترتني.

+

في شارع آل شافي سيارتي مخفي لكن مكان السايق مب مخفي ومر جدام السيارة واحد من احد جنسيات شبة الجزيرة لابس ثوب وقحفية مر جدام السيارة ولمح ان في حد ورى المخفي وجى عند الدريشة بكل جرأة ويتكلم بصوت عالي ويقولي بس دقيقه بكلمج بس دقيقة والله تيبست مكاني والسايق محد والشغالة تخسبقت وياي وماكان عندنا حل غير ان نقفل الابواب بس طبعا الحمدالله راح لاني مافتحت المجال


ماكتبت هني هذي المواقف الا اني متضايقه من اللي حصل لي وفي بلادي الغاليه
بلد الامن والامان .. مانبي هالأقلية يخربون علينا




السؤال:

ايش هالظاهرة اللي منتشرة وخصوصا الفترة الأخيرة .. ؟
شنو تعليقكم .. باللي حصل لي ... !

[المسك1969]

طيب أختي شنو صار؟ كان يبي يسال والسلام
ما أعتقد ربي يحفظج أن الأمر يخوف لهدرجة ولا أعتقد أنه ممكن يتجرأ يسوي شيء

واللي تخاف من أمور ولاتقدر تتصرف فعليها الخروج مع محارمها لأن الدريول والخدامه بروحهم يبون اللي يحميهم

جزاكم الله خيرا

[روح الاطلس]

فروحة قوي قلبج لاتخافين ترا المجرم القطري القاتل طلع بح ^_^

اذا طراروة ويبون فلوس قطي عليهم بهانس وخلاص وعيشي بسلام بدون خوف من الغرباء السائلون

انا ماعمري واجهتهم بالشارع بس مرات يدرعمون علينا البيت لا ن بابنا دايما مشرع :) وعادي مافيه شي يخوف :)

[يحفظك ربي]

اي ظاهرة !!

[إكليل الزهور]

أول قصة ذكرتني بالموقف اللي صار لي بس فالستي و نفس الطريقة (أختي أخاف إني أزعجتك)

الطريقة الوحيدة في ظني هي عدم الالتفات لهم.. يعني صدهم بدون تجريح.. شوي شوي بيحسون ان تصرفاتهم مالها قبول و مامنها فايدة وبنتخلص منهم

لكن إذا في حد يعطيهم مجال.. أكيد بتستمر هالمشكلة

لاحد يقول لي لا تنهرين السائل.. لأن النهر شي و اني ماعطي أشخاص غير محتاجين مبلغ آنا محتاجته شي ثاني.. وإذا انا بتجاوب معاهم معناته بساعدهم وبيزيد عدد المتواكلين و المتسولين فالبلد..

آنا متأكدة انهم ما يحتاجون.. المحتاج يعرف وين الجمعيات الخيرية و ماراح يتسول

هذا دورنا احنا كأفراد من وجهة نظري...

شكراً على طرحج للمشكلة.. بكون متابعة للموضوع

[sweet qatar]

حاسة فيج فرحة..

يااااربييييه.. صج يخوفون الله يهديهم.. حتى لو الواحد حب يعطيهم يخاف منهم..

تقدرين تبلغين عنهم.. ولو اني حاولت ابلغ وماقدرت خفت اظلمهم..

ياليت الشرطة هي الي تلف الاسواق وتصيد هالاشكال..

[جرح الزمان]

في رقم لمكافحة التسول

مخزنه في جوالي .... بس وين هالجوال الحين

[Locale]

شعور التيبس ااااه منه هالشعور:(

[وطن]

فرحة حبيبتي يمكن اللي في الموقف الأول وحده تبي تستفسر عن شغله
مافيها شي لو سمعتي منها وساعدتيها باللي تعرفينه

ولو فعلا اثبتت انها طراره ردي عليها بطريقة لطيفه وخلاص

مافي داعي تخافين او تتوترين


واللي كلمج عند الشباك
خلاص انتي قفلتي السيارة عليج وفي شارع عام
ليش الخوف ؟

[فهد111]

لاحول ولا قوه الا بالله من صجج قالتلج انها تبي تستفسر عن شي :eek5:؟؟؟؟؟؟؟؟؟؟

لا لا المفروض مانسكت عن هالظاهره المنتشره ونضرب بيد من حديد لردع مثل هذي الاسأله في مواقف السنتر بوينت:anger1:

[إكليل الزهور]

طيب أختي شنو صار؟ كان يبي يسال والسلام
ما أعتقد ربي يحفظج أن الأمر يخوف لهدرجة ولا أعتقد أنه ممكن يتجرأ يسوي شيء


واللي تخاف من أمور ولاتقدر تتصرف فعليها الخروج مع محارمها لأن الدريول والخدامه بروحهم يبون اللي يحميهم

جزاكم الله خيرا


:eek5:
شلون مايخوف؟ كل هالجرأة عشان يسأل و السلام؟

الشارع مليان ناس ليش مايسأل الريايل؟ ليش لازم يطل ويرفع صوته كأنه عادي و من حقه يكلمها؟ الواحد إذا يبي يسأل مايحرج الناس ويأذيهم بأسلوبه!

لنفرض ان المحرم هو اللي وداها السوق ونزل من السيارة يشتري غرض وهي تعرضت للموقف قبل لا يرجع المحرم!!!!!!

[بوراشد82]

عن اول موقف جاتني وحدة وانا بالمستشفى الاهلي في البراحة الي في النص وتبي تطر قالتلها ابشري ام العيال هاذي جايه ... ماشوف الا غبرتها ..!!!

والموقف الثاني كان من المفروض ماتقفلين البيبان ... كان بطلتي الدريشه وقلتيله امر لين قرب ورقم ... ذيك الساعه ارفسي الباب بريلج الثنتين طرقعي حنجه وخليه مسخره للي يسوى والي مايسوى

[أنا أحبكم]

وين المشكلة وايش اللي يخوف بالظبط !!؟؟
صراحة مافيه شي يخوف

[al saad]

:eek5:
شلون مايخوف؟ كل هالجرأة عشان يسأل و السلام؟

الشارع مليان ناس ليش مايسأل الريايل؟ ليش لازم يطل ويرفع صوته كأنه عادي و من حقه يكلمها؟ الواحد إذا يبي يسأل مايحرج الناس ويأذيهم بأسلوبه!

لنفرض ان المحرم هو اللي وداها السوق ونزل من السيارة يشتري غرض وهي تعرضت للموقف قبل لا يرجع المحرم!!!!!!

:nice:

[R 7 A L]

عن اول موقف جاتني وحدة وانا بالمستشفى الاهلي في البراحة الي في النص وتبي تطر قالتلها ابشري ام العيال هاذي جايه ... ماشوف الا غبرتها ..!!!

والموقف الثاني كان من المفروض ماتقفلين البيبان ... كان بطلتي الدريشه وقلتيله امر لين قرب ورقم ... ذيك الساعه ارفسي الباب بريلج الثنتين طرقعي حنجه وخليه مسخره للي يسوى والي مايسوى


زين سويت في الموقف الأول :nice:


بس ترا يابوراشد فديت خشمك في الفقرة الثانية من كلامك فهمت السالفة غلطت

[ام حمادي]

انا معـك ان المتسولين كثروا .. انا من شهر تقريبا صادفت وحده بمستشفى حمد العياده الخارجية وكنت برووحي في انتظار التلفزيون (العيادة المسائية).. وجت بجنبي وكلمتني وعطيتها المقسوم مع اني اول شي قلت لها ليش ماتروحين للجمعيات هم بيتكفلون بكل شي قالت مقدر انا مقيمة والمقيمين مايعطونهم > مدري اذا صحيح كلامها..
المهم ان اليووووم كان بعد عندي موعد الساعه سبع المساء وفي نفس المكان جاتني انا انصدمت وين المقيمة الي بتسافر وولدها تعبان .. ع طول اول ماكلمتني قلت لها انتي جيتيني قبل شهر صح ؟ قالت شكرا اختي وراحت ع طووووول ..
وبعد صارلي نفس الشي في السنتر بوينت عند محل بيبي شوب ..
وكلهم لهجاتهم عربية .. والي استغربته ان الاولى لهجتها من بلاد الشام وتقول انا مصريه ؟؟؟ ليش يعني

[غيمة مطر]

صار لي نفس الموقف في مواقف المحلات اللي ورى الرويال

دخلت سيارتي بس ماسكرت الباب كنت ادور شغله وبرجع المحل ... الا التفت وحده واقفه حذاي قلت لها خير

قالت بنتي مريضه وفيها السرطان ونبي نعالجها ... قلت لها اوكي احنا نتكفل بعلاجها جيبيها وانا بنفسي اوديها المستشفى وتكاليفها من الى علي ...

قالت لا هي في لبنان ومانقدر نجيبها ... قلت طيب اوراقها وين جابت لي ورقه هههههه مطبوعه مافيها لاختم لاتوقيع لاشي بس ان فلانه مريضه بالسرطان الدكتور فلان ...

قلت لها اوك انا الحين ماعندي فلوس كاش كلها فالبطاقه عطيني رقمج وبدق عليج بوصلها لج

....

ومره بعد رجال عمره فالاربعين وملتحي وثوبه قصير وخليجي ... للاسف انه جاني وقالي محتاج ..

قلت له رجال وماتقدر تشتغل ؟؟!! عيب عليك والله ...

....

السائل ماننهره بس السائل اللي يستحق .. بالعكس يابخت اللي يجيه سائل ومحتاج بهالزمن ...


بس مو ناس بطرانه وماخذتها هوايه نقوم نشجعهم ...

[ولد شرق]

عفوا
هل هذه ظاهره؟
ام امور تحدث على اوقات متباعده
بالنسبه له حدثت معي تقريبا 3 او اربع مرات على مدى سنوات

اذا فهي بالنسبه لي ليست ظاهر و قد تكون لغيري ظاهره والله اعلم...
لكن ماقمتي به من فعل هو عين الصواب

[للصبر اخر]

تدرين فرحه هالموقف صار لي من زمان
وحده ياتني تقولي ممكن دقيقه
قلت لها خير
قالت احنا يايين من دوله خليجيه ومامعانا فلوس بترول
انا ما اعطيتها بس الوالده عطتها ولما شافت الفلوس قالت ابي 250 هم يتشرطون ترى
ومن فتره نفس الشي وحده دقت باب البيت تطلب فلوس ولا تتشرط ابي 500
احنا ماردينا عليها خليناها راحت حق جارتنا طلبت 1000
الله المستعااان

[لاجئ عاطفي]

ايام قبل كانت هناك حملات للبحث والمتابعه وبشكل مكثف اتلقط العمالة السائبه وكل من لا توجد له اقامه شرعيه في البلد وماكنا انشوف مثل هالظواهر ولكن في الوقت الحالي ومع ترخي هالجهات اصبحنا انشوف وبكثره مثل هالظواهر

[لمعة الالماس]

في واحد دوم نحصله في فيلاجيو

حركه سريعة وخفيفة وتخرع بصراحه وكم مره حصل لنا معاه هالموقف

الموقف

ندخل احدى المحلات ويكون فاضي نوعا ما في ثواني

نحصل شخص يتكلم بالفصحى ويقول يا اختي اخذي هذا

وعباره عن كتيب او اشياء مادري شنو

وهو اصلا يطر وعقب ينطر المبلغ او يقول انا محتاج

طبعا ما ناخذ منه شي لان بصراحه الواحد يخاف

وامي تقول له انت رجال روح كلم الرجال مب تلاحق الحريم ويروح !!!

وهو يلبس ثوب وقحفيه صغيره

[شبح الصمت]

لا حول وإلا قوة إلا بالله


في بعض الناس يستغلون ضعف الرجال والنساء بأنهم يحملون أطفال رضع بين أياديهم ويفترون فيهم .. :weeping:

وإذا جيتي لها ومديتي يدج وقلتي بساعدج عن طريق السعـي لج عن طريق المؤسسات الخيريه لجل تسترين على نفسج أو تستر على نفسك ..

تلقين وجيهم تتغير أو نبرة أصواتهم تتغير 180% ويتهربون من الموضوع وإلا كأأنه يعني لهم شيءء ..

فمادري والله شالحل الأنسـان بيدفع لرفع البلاء عن نفسه وعن أأهله وفي نفس الوقت الواحد ما يدري شنو ظرف هآآلانسان ولربما في نهرتي له أأخذ سيئات ..

بس أأإغلب هؤلاء خذوها نفس الوظيفه يرقد ويقوم يروح يجمـع له في اليوم ما يقارب شوفوا من 200 اقل شيء لين فوق

يعني راتب شهر خلال الشهر ..

الله المستعان

الله يسامحنا أن زلينا في الكلام وإلا أخطانا ويغفر لنا ويعطينا على قد عملنا وحسناتنا ..

اللهم آآمين

[شيوخه]

انا مره صارلي موقف غريب كنت انا وخالتي في أبل بيز الا يانا واحد شكله مطوع مع اوراق التبرعات واحنا قاعدين ناكل الا يقول اختي انا تخرعت قلت له نعم في شي قال تبرعي للايتام ومادري شنو ويتكلم عقب طلعت فلوس من بوكي وعطيته اول ماخذ الفلوس ماشفت الا غبرته اقوله لوسمحت عطني ورقه التبرع ولا التفت لي لان معروف لما تتبرعين يعطونج ورقه هاي شي طبيعي عاد انا شكيت قلت طريقه يديده في الطراره شمعنا ياني انا بس ومن خذا الفلوس طلع بسرعه

[فلتة زمانها]

قلت لكم بعضهم مشعوذين
مره بيت جيرانا جاتهم طراره عند باب البيت وطلعت لها الام تكلمها مادري وشسوت لها
دشت الغرفه واجمعت ذهبها وعطته لطراره وعقب ماراحت بشوي تذكرت وقامت تصارخ
انا شسويت اشكره اسحرتها

[شيوخه]

قلت لكم بعضهم مشعوذين
مره بيت جيرانا جاتهم طراره عند باب البيت وطلعت لها الام تكلمها مادري وشسوت لها
دشت الغرفه واجمعت ذهبها وعطته لطراره وعقب ماراحت بشوي تذكرت وقامت تصارخ
انا شسويت اشكره اسحرتها

:eek5::eek5:

اف حسبي الله عليها لهدرجه عاد

[لمعة الالماس]

اي تحملوا تعطونهم شي من اغراضكم

ما تدرون شنو نواياهم

[شبح الصمت]

بقولكم موقف يضحك

كنت مسافر مع الاهل ماليزا المهم كنت جالس في مطعم يطل على شارع العرب

المهم وانا جالس اطالع العالم رايحه راده اشوف اثنين لابسين ثياب وملتحين راحوا صوب المساج وتميت اطالع صراحه باستغراب مب عشان شيء لانه لحاهم طويله

المهم دشوا وانا خلصت اكلي وطلعت اتمشى مع الاهل اشوي دخلت محل

إذا بصوت من وراي السلام عليكم

افتريت الا اخونا ماشاء الله

قلت له وعليكم السلام وطبعا عرفت من وين على طول من صوب آسيا اشوي طلع لي اورقه لمشروع قلت له الله يستر عليك

قالي انقذ اخوانك المحتاجين

قلت له انقذ نفسك من المساج

هههههههههههههههههههههههههههههههههههههههههههههههههه اي

قالي ماذا قلت له توني شايفك داش محل المساج كان الفلوس الي دفعتها عشان وناستك انقذ فيها احد

قلت حتى اهنيه وصلتم

وأأأتوقع أنه في ناس صادفهم هالموقف مثلي

اشلون دروا أأني عربي اشلون في ذمتكم مادري مفضوحين من هالسكوسكه الواحد احسن له مره ثانية يوم يسافر يصبغ شعره اصفر وحواجبه خضر

:tease:

يارب سامحني

يارب سامحني

يارب سامحني

[الشاااهين]

فيه سياره مرسدس قديمه ينزل منها اربع حريم يطرون في شارع سلوى

السالفه من حول ال6 شهور جدام عيني انزلوا ويوصلهم واحد قلت يمكن يتشرون الا وحده جايه تطر عندي
شوي الا اشوفه جاي المرسدس ومركبها بس ماصدت رقمه .

[NeverLand]

ههههه فرحه الله يهداج ردت فعلج وايد مبالغ فيها ..

الا وحده تبي تسأل والثاني يبي يسأل ..

[شيوخه]

بقولكم موقف يضحك

كنت مسافر مع الاهل ماليزا المهم كنت جالس في مطعم يطل على شارع العرب

المهم وانا جالس اطالع العالم رايحه راده اشوف اثنين لابسين ثياب وملتحين راحوا صوب المساج وتميت اطالع صراحه باستغراب مب عشان شيء لانه لحاهم طويله

المهم دشوا وانا خلصت اكلي وطلعت اتمشى مع الاهل اشوي دخلت محل

إذا بصوت من وراي السلام عليكم

افتريت الا اخونا ماشاء الله

قلت له وعليكم السلام وطبعا عرفت من وين على طول من صوب آسيا اشوي طلع لي اورقه لمشروع قلت له الله يستر عليك

قالي انقذ اخوانك المحتاجين

قلت له انقذ نفسك من المساج

هههههههههههههههههههههههههههههههههههههههههههههههههه اي

قالي ماذا قلت له توني شايفك داش محل المساج كان الفلوس الي دفعتها عشان وناستك انقذ فيها احد

قلت حتى اهنيه وصلتم

وأأأتوقع أنه في ناس صادفهم هالموقف مثلي

اشلون دروا أأني عربي اشلون في ذمتكم مادري مفضوحين من هالسكوسكه الواحد احسن له مره ثانية يوم يسافر يصبغ شعره اصفر وحواجبه خضر

:tease:

يارب سامحني

يارب سامحني

يارب سامحني

هههههههههههه زين سويت فيه

[شيوخه]

فيه سياره مرسدس قديمه ينزل منها اربع حريم يطرون في شارع سلوى

السالفه من حول ال6 شهور جدام عيني انزلوا ويوصلهم واحد قلت يمكن يتشرون الا وحده جايه تطر عندي
شوي الا اشوفه جاي المرسدس ومركبها بس ماصدت رقمه .


بعد خوش والله

المفروض يشوفون حل حق الظاهره لان وايد قامت اتزيد عاد هم حاطين العين على هل قطر وعلى رواتبنا

[فرحة الكواري]

اشكر كل من فهمني وفهم ردة فعلي وتجاوبهم معاي بالمواقف اللي مروا فيها
فعلا اتمنى الحد من ظاهرة " الطرارة" لان في ردود يسألوني عن اي ظاهرة اتكلم عنها

اما الردود اللي استنكرت ردة فعلي ومبالغ فيها .. فكل شخص وله ردة فعل مختلفة شي طبيعي
هذا احساسي من موقفين حصلوا لي في نفس اليوم وبالظبط أمس .. وغيرهم في ايام متفرقه


اما الردود اللي فيها استهزاء .. فتعلمت وتربيت اني ما اخاطب السفهاء :)

[قطريه ماركه]

الله يحفظ بلادنا من هالاشكال ..........

[JN000N]

وايد تصيرلي لاعت جبدي
والا واحد بثوب وعقال داش خياط حريم تعالو ساعدوني وعطوني

يات وحده عند ابوي وابي اكلمك والا معلش عالازعاج بس باستفسر والا مادري ايش ما راحت الا يوم انا قلتلها تيسري

بس مافي فايده حتا لو بابلغ عنهم بيشردون

[بوخالد2]

فرحة حبيبتي يمكن اللي في الموقف الأول وحده تبي تستفسر عن شغله
مافيها شي لو سمعتي منها وساعدتيها باللي تعرفينه

ولو فعلا اثبتت انها طراره ردي عليها بطريقة لطيفه وخلاص

مافي داعي تخافين او تتوترين


واللي كلمج عند الشباك
خلاص انتي قفلتي السيارة عليج وفي شارع عام
ليش الخوف ؟

:nice:


اي والله مب بس هذا اللى صاير حاليا يجي يوقف سيارته و يدخل عليك المجلس انا من فلان بن فلان و طايح بمشكله و انتوا وجيه غانمه ساعدوا بااقل شي مب مره والله اكثر من مره

لكن الله عالم بالظروف في ناس خربت على ناس محتاجه لكن الله المستعان و يفك ضيقهم اذا كانوا صادقين

[فلتة زمانها]

معليه بوخالد سوي مثلي اخليهم يدعونلي كل الادعيه اللي في خاطري وعقب اعطيهم المقسوم

[رذاذ]

بالفعل صادني الموقف في سوق العسيري .. مريت اخد العبايات للأهل وكنت بنفسي

دخلت محل في ملابس للاطفال - واحذية .. قلت باخذ كم من بدله لخلوودي

قاعد اطالع الهندي اقوله بكم الا يقولي بـ 35 توني مطلع الفلوس من البوك الا جااات وحده عشرينة العمر وبصوتها يبان انها صغيره ومنقبة ..
سلام عليكم اسفة ع الازعاج .. انا صراحه تبلعمت من شفتها وتقولي انا مالي احد هنا وابونا مسافر واخوي مريض وابيك تساعدني
قلت لها : تفضلي بشنو اساعدج !!

قلت محتاجه : والمهم خذت المقسوم .

وبعدها اتقولي ما عليه تشتري لي (( شحاطـــه )) من هنا عرفت انها يا سورية يا فلسطنية يا جنسية من بلاد الشام .

قلت لها الى قدرت عليه ساعدتج به بس لو محتاجه اقدر ادلج على مكان .

هنا شفت بسمة بعيونها وراحت .

طلعت من المحل الا اشوفها واقفة وتنظر اني امر من نفس الطريق عطتها ظهري وتعوذت من ابليس ومشيت بحالي..

رقم مكافحة التسول :

44714220

[بوخالد2]

معليه بوخالد سوي مثلي اخليهم يدعونلي كل الادعيه اللي في خاطري وعقب اعطيهم المقسوم

اكيد طال عمرج و هذا اللى انسويه و الوالد معلمنا عليه بالمجلس عطه المقسوم و الله يفتح لك و يفتح عليه لاتذم الرجال لو كان فقير ولا اتفاخر بالمال و الغنى
وهذه هي اسلوم العرب و المجالس الطيبه

[لمعة الالماس]

فيه سياره مرسدس قديمه ينزل منها اربع حريم يطرون في شارع سلوى

السالفه من حول ال6 شهور جدام عيني انزلوا ويوصلهم واحد قلت يمكن يتشرون الا وحده جايه تطر عندي
شوي الا اشوفه جاي المرسدس ومركبها بس ماصدت رقمه .

هذي قديمة المرة من يوم احنا يهال

والحين كبرت وما خلت عادتها

تفتر بين البيوت والمحلات بين فترة وفترة

[الزعيمه]

صار لي اكثر من موقف
1- مرة في الكورنيش في حديقة واحد يبع اذكار دينية بعرض دفع فلوس لفندق انه غريب عن البلاد ويبحث عن اخوه ما له عنوان ويطلب مساعدة .
2- واحدة في اللولو بديها تساعدها في دفع فلوس الدواء .
3- اكثر شيء كرر معي الرجال اللي يقفوا في موقف العامه معهم اورق انهم مرضي وبدهم مساعدة ويقفوا امام السيارات علشان تقف لهم .

[sweet qatar]

شعور التيبس ااااه منه هالشعور:(



صدقتي والله.. :weeping:



معليه بوخالد سوي مثلي اخليهم يدعونلي كل الادعيه اللي في خاطري وعقب اعطيهم المقسوم



سمعت ان ما يجوز تطلبين من احد الدعاء وتعطينه الصدقه.. كنج تشترينها.. بس اسالي في هالموضوع بارك الله فيج..

اخوي بوخالد.. الموقف الي ذكرته منتشر واغلبهم من السعودية..

فرق كبيرررر بينه وبين الي يقطع طريقك في اي مكان.. وخصوصا واحنا بنات وهم ساعات يجونك لابسين ثوب وغترة..


موقف صار لي..

في تنزيلات دوحة سيتي.. كنت رايحة اول العصر عن الزحمة.. والا بذاك الشامي الي يخزني وقرب يبي يكلمني ..
انا مت من الخوف و ركضت داخل.. وانا طالعه حصلته ونفس النظرات الي تخوف.. كنت اتنافض وانا في السيارة..


المفروض ان احنا ما ننهر السائل لكن وجودهم غلط..

مثل ما ذكرت في ردي الأول.. ما في حل غير انهم يحطون شرطة في الاسواق..

[abdo222]

الموقف الاول مافيه شيء كذا مره اروح لواحد اقوله "لو سمحت اخوي"

بس موضوع التسول مب غريب,, في سوق الذهب وحنا رادين للسياره, جاء هندي وقعد يقول "انا نفر مسكين, وانه سوا عمليه وقعد يتكلم وانا اطالع عليه وساكت,, شاف ما مني أمل, قام رفع كم القميص ووراني جرح انه مسوي عمليه واثرت على شغله وانه يمسح سيارات والحين ما يقدر (جرح حقيقي),,

في شارع ال شافي-الريان "ناس يبيعون كتاب اذكار صغير ولين قلت له لا شكرا يلح عليك "صديق ياخذ واحد, ارباب ياخذ ارباب صديق.... الخ",,

[بوخالد2]

صدقتي والله.. :weeping:






سمعت ان ما يجوز تطلبين من احد الدعاء وتعطينه الصدقه.. كنج تشترينها.. بس اسالي في هالموضوع بارك الله فيج..

اخوي بوخالد.. الموقف الي ذكرته منتشر واغلبهم من السعودية..

فرق كبيرررر بينه وبين الي يقطع طريقك في اي مكان.. وخصوصا واحنا بنات وهم ساعات يجونك لابسين ثوب وغترة..


موقف صار لي..

في تنزيلات دوحة سيتي.. كنت رايحة اول العصر عن الزحمة.. والا بذاك الشامي الي يخزني وقرب يبي يكلمني ..
انا مت من الخوف و ركضت داخل.. وانا طالعه حصلته ونفس النظرات الي تخوف.. كنت اتنافض وانا في السيارة..


المفروض ان احنا ما ننهر السائل لكن وجودهم غلط..

مثل ما ذكرت في ردي الأول.. ما في حل غير انهم يحطون شرطة في الاسواق..


:nice:

[الفرحه]

وايد صارت لي مثل هالمواقف اخر مره من كم شهر كنت في الخياط دخل علينا واحد لابس ثوب وغترة وطلب مني فلوس ان محتاج ما رديت عليه وما تحرك من مكانه ويتكلم قلت له روح الجمعيات الخيرية وما في فايده ان يروح وانا اكلم الخياط بس طلعت اللي فيه المقسوم وراح يقول لي الخياط هذا كل يوم يجي اذا في حرمه قلت سوي تليفون شرطه ومره في التموين العائلي واحد لابس ثوب وجايب اوراق ان من الجمعيه الخيريه ومحتاج فلوس صديت عنه وعقبها بفتره في سوق الذهب بعد صديت الظاهره منتشره وبعد فيه حريم وايد مواقف ساعات اخاف اظلمهم واقول يمكن مساكين, الله كريم

[ام غاده]

والله زايدين وزايدة الحركات ،،

الله يعيينج ان يوقف جدام السيارة يخوف والله ،،

انا صار لي موقف من شهرين بالسوق شاب خليجي وبالعشرينات
دخل علينا المحل ولو سمحتي اختي انا محتاج وانتو اهل كرم وساعدوني وقال قصه طويله وواقف عند الباب لامفر ،، قلت له روح الجمعيات الخيرية ،،

كانت وحده فتره دوم عند الجمعية قريب الصراف تراقب من تسحبين طلعت وراج على طول تطر ،،

والله نحب الخير ونبي الحسنات بس للاسف اختلط الصادق بالنصاب بينهم ...