المساعد الشخصي الرقمي

مشاهدة النسخة كاملة : ماهي الاشجار المثمره التي تزرع في الخليج



Chambray
13-03-2012, 11:11 PM
السلام عليكم ورحمة الله

انا صراحة احب ازرع نباتات مثمره

حاولت ازرع اليوسف افندي ( الصنطره ) لكن فائت محاولاتي بالفشل :( مع اني متأكد ان بالامكان زراعته

طبعاً نجحت في زراعه
الليمون الاخضر الصغير والاصفر الكبير - اللوز - السدر - البمبر - النخيل - التوت (مشكلته يلعوز ارضيه البيت ) - التين
وبائت محاولاتي بالفشل في زراعه المنجا ( مع اني متأكد انه ينزرع في قطر ) - ايضاً الموز الصغير شفته في بيت واحد من الربع ..
ايضاً العنب شفته في بيت واحد من الربع .. بس من 15 سنه تقريباً قبل لاينقلون بيتهم الجديد - الجوافه ايضاً شفتها - الزيتون ايضاً

بس مادري هل طريقه زراعتي غلط ! محتاجه إلى تلقيح ومن هالامور ولا طريقتي بدائيه ؟؟

ودي اجرب منتجات جديده

هل الدول التي تقع في نفس مدار دولة قطر اقدر ازرع بها نفس منتجاتها
مثلاً
الهند - بنغلاديش - اجزاء من الصين - وجنوب مصر - ليبيا - جنوب الجزائر - الصحراء المغربيه - وشمال موريتانيا - تقريباً كوبا - والمكسيك
مع ان الاجوء تختلف عندهم من امطار وانهار ونوع التربه و و والخ ..


آراء الخبراء في الزراعه وتعليقاتكم انتوا تثري الموضوع .. فلا تحرمونا من المشاركة بتجاربكم

غايه الطواش
13-03-2012, 11:12 PM
اخوي الحين بقاعه المعراض المعرض الزراعي ممكن تروح تشوف وتسفيد

Chambray
13-03-2012, 11:23 PM
اخوي الحين بقاعه المعراض المعرض الزراعي ممكن تروح تشوف وتسفيد

انا مش في قطر :secret: ولا المعرض ذابحني ابي اروووح:weeping:

شموخ دائم
13-03-2012, 11:59 PM
,

,


مرحبا

موضوع طيب ومفيد للجميع

انا لي محاولات بسيطه في الزراعه

زرعت برتقال وطلع والثمر ( حامض ) ولونه بين الاخضر والبرتقالي
ما يطلع اللون برتقالي والسبب التربه والجو
لذلك مافي فايده من زراعه البرتقال مع انه يثمر عندنا بقطر لكن طعمه ولونه متغير

جربت المنجا وما شاء الله الشجره تطلع كبيره توصل الى الدور الثاني بالبيت
ولكن ما اثمرت عندي والسبب ( تطعيمها ) لها طريقه بالتطعيم اول ما تنزرع
او اختار شتله مطعمه وجاهزه

الليمون بكل انواعه يطلع وثمره ممتاز جدا وناجح في قطر
الجواف ممتاز وناجح
الرمان ممتاز وناجح
اللوز ممتاز
البمبر ممتاز
التوت اثبت نجاحه

النباتات الثانيه جربت شجره السرو وطلعت تمام
http://www.alganasah.com/uploader/2010/16640/01284986877.jpg
السرو نموها بطيء لكنها تطلع تمام

http://www.arabsdurra.org/Durra_images/files/wxywxty2ky1jtoiojnyy.jpg

جربت البونسيانا ورقها برتقالي وتطلع اوكي

http://www.cuyamaca.net/OH170/Plant_TNails_2/Jacaranda_mimosifolia_-_Rancho_San_Diego_CA_8-13-02__010.JPG

الجكرندا ورقها بنفسجي تطلع في قطر وقليل ما تحصلها
والناس ما يعرفون انها تطلع عندنا

الورود الي جربتهم

الياسمين
الفل
الجوري
المحمدي
يطلع تمام ما شاء الله

جربت العنب ويطلع تمام اهم شي تختار النوع الي يطلع سهل يثمر عندنا

ان شاء الله الاعضاء يفيدونا بتجاربهم

,

,


اخوك


شموخ دائم

بودحوم
14-03-2012, 12:33 AM
موضوع حلو ومهم

كثير من الأشجار المثمره تطلع في قطر
بس كلنوع من الاشجار يحتاج لعناية خاصة وجدول العناية يختلف من نوع إلى نوع آخر

جربت وشريت لي شتلة برتقال وخليتها بعلبتها في مشتل المزرعة ونسيتها . وأثمرت وهي في علبتها . وطاحت في عين واحد من الربع وخذها يزرعها في البيت .

ومن شهرين شريت 4 شتلات ثلاث منهم ( زهروا ) و وحده منهم توها مثمره من اسبوع تقريباً.

والرمان يطلع ولا أحلى منه

أنا مهتم بمثل هذي المواضيع ولي رجعه أن شاء الله بماهو مفيد أن شاء الله
واجهز من الحين بعض الأشجار المثمره لزراعتها في البيت الجديد بعد مايخلص أن شاء الله



البرتقال وهو مزهر

http://www4.0zz0.com/2012/03/13/21/796607214.jpg



البرتقال في بدايته

http://www4.0zz0.com/2012/03/13/21/611055538.jpg



والرمان يطلع ولا ألذ منه

http://www4.0zz0.com/2012/03/13/21/751162724.jpg

http://www4.0zz0.com/2012/03/13/21/929673159.jpg

http://www4.0zz0.com/2012/03/13/21/588437403.jpg

بودحوم
14-03-2012, 12:40 AM
أخوي شموخ

مساك الله بالخير

أختلف معاك في البرتقال

البرتقال يطلع بشكل ممتاز إذا اعتنيت فيه بحسب أحتياج الشجره من التقليم ومن عناصر التغذية والتسميد في الأوقات المناسبة.

بعدها خذبرتقال أحسن من المستورد

الدوحة قطر
14-03-2012, 05:37 AM
الله على ايام قبل لازم تحصل في كل بيت وحدة من هل كم اشيرة الي بذكرهم

1 - الكنار ( صعب تحصل بيت فيه اهل قطر وما عندهم سدرة في البيت وطبعا يجي نوعين الكنار الصغار والكنار العود كنه نسميه كنار بمبي )

2 - اللوز ( وطبعا يجي لوز احمر ولوز اصفر اسكندراني واحلى شي لين جاك اصفر ومن داخل احمر )

3 - الصبار

4 - التوت ( ويجي نوعين توت احمر وتوت ابيض الابيض طبعا نادر بس طعمة لا يعلى عليه )

5 - اللومي ( والاشهر الليمون العماني الصغار )

6 - البمبر

7 - التين

8 - الجوافه

9 - النخل ( ويبيله عناية وناس اتعرف حق النخل )

واحنا الحمدلله كان عندنا من كل هل انواع في بيتنا القديم ما عدى الجوافة

طبعا غير انواع الخضرة المتنوعة كان عندنا زراع فنان الله يذكرة بالخير

حاليا طلعنا من البيت وقاعدين ننطر بيتنا ينبني مره ثانية وفي المخطط الجديد ما فكرنا نحط زرع في البيت

السد
14-03-2012, 06:43 AM
شوفو مركز قطر خضراء
عندهم كتيبات بالاشجار التي تزرع في قطر

Chambray
14-03-2012, 10:35 AM
شوفو مركز قطر خضراء
عندهم كتيبات بالاشجار التي تزرع في قطر

مانبغي نشوف
نبغي تجارب الاعضاء

مثل تجارب شموخ دائم
وتجارب بودحوم



اخوي الدوحة - قطر . لاتهمل الزراعه ترا فيها راحة نفسيه للشخص :) خصوصاً اذا اكل من ثمره شجره هو زارعها :)

رذاذ
14-03-2012, 10:50 AM
انا بصراحه تجاربي فاشله ..

مره شريت بذور وابي ازرع طماط طلع لي باذنجان

من عقبها تعقدت
:(

وطن
14-03-2012, 10:51 AM
ماشاء الله تجارب حلوة

تسجيل متاااابعه

ماعندي خبره في هالسوالف


بس اذكر يوم كنت صغيره كانت في بيتنا شجرة القشطه

http://eagulf.net/wp-content/uploads/2011/12/12_013181970291.jpg

و تين
ولوز
و الصبار

http://www.qatarp.com/files/68/4.jpg

و التوت الأحمر و الأبيض

و طبعا الليمون الاخضر هذا للحين موجود عندنا

البرتقال اظن زرعناه وطلع حامض مثل ما ذكر شموخ دائم
ولونه مخوضر شوي

هذول اللي اذكر اني كنت اكل منهم يوم صغيره

ايه وبعد الترّني

مرتبش
14-03-2012, 11:49 AM
موضوع رائع
اذكر الترني ( بوملي ) والجوافة في بيت الجيران واحنا صغار..

اتوقع بعض انواع المكسرات ممكن تنزرع مثل الجوز (اللوز) لاني شفتها في مناطق حارة تشابه جونا بس مافيها رطوبة

تحداني
14-03-2012, 12:39 PM
الوالد الله يحفظه يحب الزرع وايد هالاشيا الي زرعناها :

اللوز
التين
التون
الليمون الاخضر
النخيل بأنواعه " الشيشي والاحمر والاصفر "
البقدونس
الجح
باذنجان
الخس الامريكي
الطماط
رمان
عندنا صبار
وعندنا شي ياكلونه الفلبينيات جايبينه معاهم من بلادهم
كنار


الوالده تحب الورد
عندنا الورد المحمدي
الفل
المشموم
ورود المواسم دايما اتجيبها من المشاتل



في الي يعيش وفي الي يموت بسبب ارتفاع درجه الحراره
ونقص بعض انواع الفيتامينات
ونوعيه الماء

والزراع الي عندنا شاطر وايد ما شاء الله عليه
بس تركنا وسافر
الحين عندنا زراع باكستاني بس للعنايه بين الحين والاخر


جملكم الله برضاه

الدوحة قطر
14-03-2012, 04:06 PM
مانبغي نشوف
نبغي تجارب الاعضاء

مثل تجارب شموخ دائم
وتجارب بودحوم



اخوي الدوحة - قطر . لاتهمل الزراعه ترا فيها راحة نفسيه للشخص :) خصوصاً اذا اكل من ثمره شجره هو زارعها :)

والله شنسوي ياخوك الوالده الله يطول عمرها ان شاء الله تقول الشجر يوصخ البيت ^_^

في عندنا مساحة حلوة ورى البيت ان شاء الله اذا ما بنينا فيها شي ان شاء الله اني اسوي فيها حديقة صغيرة واحط بعد قص ^_^

غايه الطواش
14-03-2012, 05:05 PM
الوالد الله يحفظه يحب الزرع وايد هالاشيا الي زرعناها :

اللوز
التين
التون
الليمون الاخضر
النخيل بأنواعه " الشيشي والاحمر والاصفر "
البقدونس
الجح
باذنجان
الخس الامريكي
الطماط
رمان
عندنا صبار
وعندنا شي ياكلونه الفلبينيات جايبينه معاهم من بلادهم
كنار


الوالده تحب الورد
عندنا الورد المحمدي
الفل
المشموم
ورود المواسم دايما اتجيبها من المشاتل



في الي يعيش وفي الي يموت بسبب ارتفاع درجه الحراره
ونقص بعض انواع الفيتامينات
ونوعيه الماء

والزراع الي عندنا شاطر وايد ما شاء الله عليه
بس تركنا وسافر
الحين عندنا زراع باكستاني بس للعنايه بين الحين والاخر


جملكم الله برضاه

اختي شنهو التون؟؟

Chambray
14-03-2012, 05:47 PM
اختي شنهو التون؟؟

خطأ مطبعي

والصحيح ( التوت )*

روح الاطلس
14-03-2012, 08:13 PM
احب الزراعه وايد

احب اشجار الورد

احب العناية فيها

واحب الحدائق

بس للاسف ماعندنا مساحة وافية للزرع وامي حاولت تزرع شجرة ليمون خذناها شتلة صغيرونه وايد ولها الحين يمكن ثلاث او اربع سنين توها تزهر بس مدري هل هو موسم ليمون اخضر الحين او لا !! وحاولت تزرع منجا طبعا مانجحت .. وبرتقال توهم شتلات واممممم نعناع ناجح جداً وريحان ناجح .. وزارعه شجرة كيوي ^_^ اقولها يمه كيوي قطري ماعمري شفت .. طالت شجرة الكيوي بس اشوفها بدت تميل ..والطماطم سهل وايد والبطاطس سهلين وايد والشمام بس مانجح .. طبعا على البركة بلا عناية ولا شي ماغير ماي وبس

اللي نجحوا بزراعه صنف معين ياليت يفيدونا بكيفية العناية وشلون تختارون الشتلة .. فرضا رحت اشتري شتلات كيف اعرف هي ذكر او انثى *_* لان اللي اعرفه الذكر ماتنتج

ومن وين ناخذ سماد وفيتامينات وهالشغلات

فيه شجرة ورد خاطري ازرعها اللي دايما نشوفها بالشارع بس ماعرف اسمها يكون عودها ناعم وفيها وردات بيضا واحيانا وردية

موضوعك نايس تشكر عليه

lacigale
15-03-2012, 12:24 AM
" موضوع مفيد بصراحه .. يعطيكم العافيه على الطرح

تحداني
15-03-2012, 09:45 AM
اختي شنهو التون؟؟


خطأ مطبعي

والصحيح ( التوت )*




بارك الله فيكم .. بالفعل خطأ مطبعي
خلونا اشوي ندخل في تفاصيل التفاصيل وحكايه حديقتنا .. عشان نقدر نعطي هالموضوع الجميل حقه


مثل ما ذكرت ان الوالد يحب الزرع .. وعشان اقدر اجاوب وافيد اختي روح الاطلس بوايد اسئله اطرحتها سالت الوالد وكان رده ..

" شجره الليمون " تحتاج وقت طويل عشان تكبر وتثمر تتكلمين عن سنوات طويله فقام الوالد بعد ما انتهى من بناء الفلا بزراعه الليمون اختار نوع الليمون وثمارها من حديقه واحد من اهلنا .. واكبرت وايد بعد سنوات وصارت مثمره

مشكله شجره الليمون تكبر وايد مع العمر وتصير جذورها عميقه .. وتميل تدريجيا وهذا الي حصل مالت الشجره وحاول الوالد يحط لها اخشبه كبيره عشان تثبت .. ومع الزراع كل بعد فتره يقص اغصان عشان يصغر حجمها

ما شاء الله تبارك الرحمن ثمارها حلوه
وانوزعها على بيت الجيران .. وانقوم انثلج العصير نفسه


الورد " هذا اختي روح الاطلس عباره عن مواسم معينه
اتروحين المشاتل وتختارين الي تبينه .. زراعتها عاديه جدا .. ونسبه الماء عاديه
بس ما راح تعيش مده طويله الا تموت ..

بس في ورود مثل " الفل والياسمين .. والورد المحمدي " تبقى جذوره
بعد ما اتزهر الا ابموسم

" عندج المشموم " هم يعيش في معظم المواسم
بس عندنا جزء من المشموم في البيت عليه نقط سوداء .. اعتقد صارت الشجره مريضه
وجاها شي الوالد حاول مع هالجزء بس شاف ان يقتلعها افضل من تواجدها لان ممكن تضر البقيه

النخيل نعم محتاجه انثى واذا عندج ذكر اتلقحينه بأنثى وهذا الوالد يسويه كل سنه عن طريق واحد " بتاني " يدور على الابيوت وخذ رقمه .. ويجينا ابمواسم
وعندنا هم مثل ما ذكرت انواع من النخل والوان مختلفه
والعنايه فيها عاديه .. تسقينه ماي اشوي .. كل يومين او ثلاث واوقات عادي لو اطولين فيها لان النخل ممكن يعيش في اي ضروف

نجي " للورقيات " الخس .. والريحان .. البقدونس .. الجرجير هاذي زراعتها عاديه وتعيش
تاخذين بذورها من المشاتل .. او اتخلين الزراعيين يجيبونه لج ..
عادي تحفرين واتحطين البذور وانتهى الموضوع
نسبه الماء الوالد يقدرها .. ويعرف لها نتيجه الممارسه وحبه لهالهوايه :)
بس اهم شي الطيور والعصافير ما اتجيها لان الوالد متعقد منهم
احيانا ياكلون البذور قبل لا تنبت .. واحيانا يخربون له الدنيا وتسمعين صوت اصراخ الوالد في الحوش
يعني شي من الزرع خربه العصفور



" التوت " كان عندنا بس العصافير بهدلوا الدنيا .. وامي كل يوم مع الخدامات اهواش تعالوا اغسلوا البيت .. حقيقه ملوا من التنظيف .. غير اعيال الجيران :) ما ايفارقون الاشيره عادي هني وعافيه بس يفعلون حصى وكل انواع الاسلحه يجيبونها .. والطوفه والصبع كله صار احمر عنابي .. واوقات الظهر اذا شافوا الباب مفتوح يدخلون الحوش .. ويدوسون على الحشيش والورد والخس وامي اتعصب لا تقدر اتهاوشهم ولا تقدر تمنعهم ..


" التين " عاش فتره طوووويله وايد .. وحقيقه كان مثمر للغايه
" عندنا رمان " بس مشكله الرمان .. ان يثمر ما اقول لج ما يثمر
بس مب حلو واكبر حجم ممكن يوصل له هو حجم " الافندي الصنطره " وناشف من الداخل


بعد ايش مممممممم
تذكرت " كنار " عندنا شجره الاكنار .. بس اوراق الشجره مزعجه .. صار عندنا خريف يومي
جاري قطعها :(


عموما .. العنايه بالزراعه تحتاج زراع شاطر مهما الشخص عنده خبره
ومحتاج عنايه .. ومحتاج وقت .. ومحتاج ادويه .. وسماد وفيتامينات .. كل هالاشيا متوفره في المشاتل مب صعبه .. وممكن يعلمونج حتى طريقتها والوالد يعرف لها

بس المشكله الكبيره " العصافير .. الشمس القويه .. والامراض " ممكن تتعرض الاشجار لأمراض وهنا التخلص منها متعب



جملكم الله برضاه

تحداني
15-03-2012, 09:47 AM
حديقه البيت .. معتنين فيها وايد .. بس ما تطلع لنا بالطريقه الي انشوفها في الحدائق الكبيره
او الحدائق العامه .. او في صور المجلات

ليش ؟؟
لان ضروف البيت مختلفه عن ضروف الاماكن الشاسعه


ان شاء الله قريب جدا اذا حابين تشوفون الصور بحطها لكم
اذا كان يخدم الموضوع .. واذا عادي نتركها



جملكم الله برضاه

روح الاطلس
15-03-2012, 11:19 AM
هع تحداني مب على كيفج ماتصورين نبي اصور وايد وايد وايد هااااااااااالكثر:shy: اذا ماعليج امر ولا كلافه :shy:

وايد افادني ردج ان شاء الله ببيتنا اليديد اول شي بكلم قطر خضراء يصممون لي حديقة وعقب بزرعها واهتم فيها

وربي يخلي لكم الوالد ويطول بعمره يارب

تدرين ان الزراعه فيها أجر عظيم لحديث من كان في يده غرسة شجر وقامت الساعة فليغرسها

بالنسبة للرمان في اعضاء يقولون يطلع لهم وانتاجه ممتاز يمكن يبي له عنايه خاصه ماعرفتوا لها

بانتظار رجوعج للموضوع يا سكرة:shy:

تحداني
15-03-2012, 12:38 PM
حبيبتي روح الأطلس
ابشري بالصور .. عطيني وقت وراح اتشوفينها متصدره
بس اخاف بعد ما احط الصور بعد يقولون لي شي ... او يفسرونها ما ادري اشلون
صرت اخاف من موضوع الصور وايد .. احتمال ارسلها لج على الخاص ..

الرمان والله ما ادري عنه
بسأل الوالد مره ثانيه .. وبتأكد ليش هو جذي


الله يآجر الوالد والوالده
ويقولون لنا بعد ابوي وامي لا اتزخون الاشيره في الليل
ولا اتقصون وتقطفون شي منها مب زين
ومن احنه اصغار ماشين عليها ما ادري هالشي ليش ؟؟
وهل هو في مضره ولا لا ؟؟



الله يرزقكم يارب ابيت اكبيرررررررررررر في الدنيا هاااااالكبر
وايبصر من قصور الجنه قولي آمين

انا سكر
انتي عسل

والعسل على فكره تلقينه وايد في شجره الليمون
اذا الوالد ما عصره راح احط لج صورته بعد :)


جملك الله برضاه

روح الاطلس
15-03-2012, 02:59 PM
عسل في شجرة الليمون! شلون من وين وكيف وليش اول مرة اسمع به


وبعدين ليه تحاتين الصور وايد حبوبتي اشفيها صور الشجر والفواكه :( ماعليج من اللي يحبون بس ينقدون انتي تدرين هالعالم عقولهم مدري شلون صايره على الطالع والنازل انتقاد

بخصوص لاتقربون صوب الشجر في الليل هاي اعتقادات انها بيوت للشياطين :) كنت اسمع هالكلام وانا صغيره مثلج الشجر والجبال والبحر بيوت ومساكن للجن والعلم عند الله لكن الواحد يتحصن بالمعوذات ويتوكل على الله

khaldoon
15-03-2012, 07:04 PM
السلام عليكم و رحمة الله و بركاته

موضوع مميز و جديد على الساحة في هذا القسم

لو بغيتوا شجيرات و شتلات تعمر و جميله و شغل ديكورات بس مب مثمرة انا مستعد ادلي بدلوي حسب خبرتي المتواضعه في هذا المجال

خاصة الشجيرات الصغيره اللي هي shrubs

اما الاشجار غير المثمره بس حلوه...يمكن اقدر اساعد

مع اني زعلان من راعي الموضوع خخخخخخ بس يالله ما نقدر نخبي اي شي نعرفه عن الاعضاء الحلوين:victory:

روح الاطلس
15-03-2012, 09:36 PM
بشمهندسنا حياك ادلي بدلوك وياليت مع الصور مافي اجمل من اللون الاخضر يحبه العين :)

بس احنا طماعين

نبي كل شي بالتفصيل والانواع وكيفية العناية واهم شي شلون اختار الشتلات وحجمها

Aaziz
15-03-2012, 09:58 PM
موضوعك ممتاز جدا .. حمستني على الزراعه

من معلوماتي المتواضعه جدا بالزراعه انه مش في اي وقت تقدر تزرع النبته .. فيه اوقات معينه في السنه هي الي تقدر تزرع فيها و تختلف بحسب نوع النبته الي تبي تزرعها .
حتى اذا تبي تنقل شجره من مكان لين مكان ثاني داخل المزرعه لازم في وقت محدد في السنه .
اقتراح: ممكن تاخذ نسب درجات الحراره عندنا في قطر و الرطوبه الخ الخ و تاخذها معاك لاي دوله تسافر لها و تمر مشاتل هذه الدوله و تستفسر منهم عن انواع الاشجار الموجوده في البلد الي زايره الي ممكن تناسب جونا في قطر.

khaldoon
15-03-2012, 10:53 PM
بشمهندسنا حياك ادلي بدلوك وياليت مع الصور مافي اجمل من اللون الاخضر يحبه العين :)

بس احنا طماعين

نبي كل شي بالتفصيل والانواع وكيفية العناية واهم شي شلون اختار الشتلات وحجمها

ولا يهمك...اللي اعرفه راح اكتبه لكم بس طبعا مب بمشاركة واحده...راح يكون على عدة مشاركات ان شاء الله

بسم الله الرحمن الرحيم

اشجار جميله و معمره ان شاء الله...الاسم اللاتيني العلمي طبعا علشان تعرفوا تحصلوا عليها من اي محل لو حبيتوا

http://im12.gulfup.com/2012-03-15/1331839737191.jpg (http://www.gulfup.com/show/Xz4souyjpf2ic)

callistemon viminilais
كاليستيمون فيمينيليز...مع اشكال اخرى تالية


http://im12.gulfup.com/2012-03-15/1331839737922.jpg (http://www.gulfup.com/show/X3ih9kqla2tsv)

Callistemon viminalis

http://im12.gulfup.com/2012-03-15/1331839737373.jpg (http://www.gulfup.com/show/X3ih9fte7hh16)

Callistemon-viminalis---COD


http://im19.gulfup.com/2012-03-15/1331840015861.jpg (http://www.gulfup.com/show/X3ihdh4zyvyto)

Chamaerops_humilis
كاميروبس هوميليز
طبعا مشهوره جدا جدا ...مع صور تالية مكرره


http://im19.gulfup.com/2012-03-15/1331840015202.jpg (http://www.gulfup.com/show/Xz4tr7q4sm1pq)

Chamaerops_Humilis

http://im19.gulfup.com/2012-03-15/1331840015653.jpg (http://www.gulfup.com/show/Xz4trfold7so3)

Chamaerops_humilis_

http://im19.gulfup.com/2012-03-15/1331840015514.jpg (http://www.gulfup.com/show/X9rc9t09ing0sg)

Chamaerops_humilis_(Zingaro)

http://im26.gulfup.com/2012-03-15/1331840263231.jpg (http://www.gulfup.com/show/X2plhfunic9mo48)

chammaerops humilis

http://im26.gulfup.com/2012-03-15/1331840264142.jpg (http://www.gulfup.com/show/X2plhg99qgkaook)

chammaerops humilis

http://im26.gulfup.com/2012-03-15/1331840264383.bmp (http://www.gulfup.com/show/X9rcjmqnnfaww0)

chammaerops humilis

http://im26.gulfup.com/2012-03-15/1331840264584.bmp (http://www.gulfup.com/show/X3ihh58o3tp8m)

delonix regia ديلونكس ريجيا

http://im25.gulfup.com/2012-03-15/1331840828151.jpg (http://www.gulfup.com/show/X9rd6jw4v32o8g)

DELONIX REGIA (POINCIANA REGIA)
ديلونيكس ريجيا
http://im25.gulfup.com/2012-03-15/1331840833322.jpg (http://www.gulfup.com/show/Xz4x21p5kup6t)

Delonix regia


http://im25.gulfup.com/2012-03-15/1331840833324.jpg (http://www.gulfup.com/show/X9rd6lzzzhngg0)

Plumeria Obtusa
بلوميريا اوبتوسا...مشهوره جدا جدا

في صور ما قدرت انزلها....مشكله في تنزيلها....على العموم يتبع لاحقا ان شاء الله

khaldoon
15-03-2012, 11:07 PM
هنا الصور كلها كاميروبس هيميليز

http://im28.gulfup.com/2012-03-15/1331841845131.jpg (http://www.gulfup.com/show/Xz4t88utyuwke)

Floridata Chamaerops humilis


http://im28.gulfup.com/2012-03-15/133184184512.jpg (http://www.gulfup.com/show/Xcnbyna3nm6m)

http://im28.gulfup.com/2012-03-15/1331841845343.jpg (http://www.gulfup.com/show/X9rc4dqlm8rwok)

http://im28.gulfup.com/2012-03-15/1331841845104.jpg (http://www.gulfup.com/show/Xz4t9nahf4g2z)

khaldoon
15-03-2012, 11:10 PM
هنا الصور كلها ديلونيكس ريجيا

http://im14.gulfup.com/2012-03-15/133184211241.jpg (http://www.gulfup.com/show/X19j7y3qnsbo)


Floridata Delonix regia


http://im14.gulfup.com/2012-03-15/1331842114942.jpg (http://www.gulfup.com/show/X9rcb6jom2f40g)


http://im14.gulfup.com/2012-03-15/1331842114633.jpg (http://www.gulfup.com/show/X3ihe3yg5eu0b)


http://im14.gulfup.com/2012-03-15/1331842114584.jpg (http://www.gulfup.com/show/X9rcb8pvv3qcko)

khaldoon
15-03-2012, 11:13 PM
هنا الصور كلها بلوميريا اوبتوسا....مشهوره جدا

http://im9.gulfup.com/2012-03-15/1331842284881.jpg (http://www.gulfup.com/show/X19j4a6rzj3n)

Plumeria obtusa, Singapore plumeria - TopTropicals_com, rare plants for home and garden


http://im9.gulfup.com/2012-03-15/1331842284162.jpg (http://www.gulfup.com/show/X3ih5j78leoup)


http://im9.gulfup.com/2012-03-15/1331842284863.jpg (http://www.gulfup.com/show/X4jwvc9t9ji)


http://im9.gulfup.com/2012-03-15/1331842284434.jpg (http://www.gulfup.com/show/X3ihhrpq6f2ue)

http://im26.gulfup.com/2012-03-15/1331842424572.jpg (http://www.gulfup.com/show/X3ihqzy7tog95)

khaldoon
15-03-2012, 11:41 PM
من الجدولين التاليين نقدر نشوف:

اسماء شجيرات مشهوره بالجدول الاول مع شتلات ضغيره من اجل التغطيه للمساحات و جميله جدا و اطوالها اقل من متر واحد و انها تحسب بالقطعه الواحده و ما هو متوفر في قطر و ما هو غير متوفر و كم يلزم من مدة لوصولها

http://im20.gulfup.com/2012-03-15/1331843796771.bmp (http://www.gulfup.com/show/X19jig6skzsf)

اما الجدول التالي....فهو للشجر...انتبهوا انه رقم 19 ملغي...اما رقم 20 فهو للحشيش و يحسب بالمتر المربع

http://im30.gulfup.com/2012-03-15/1331843989151.bmp (http://www.gulfup.com/show/Xz53hwahkwwri)

يتبع لاحقا

الدوحة قطر
16-03-2012, 01:22 AM
هنا الصور كلها كاميروبس هيميليز

http://im28.gulfup.com/2012-03-15/1331841845131.jpg (http://www.gulfup.com/show/xz4t88utyuwke)

floridata chamaerops humilis


http://im28.gulfup.com/2012-03-15/133184184512.jpg (http://www.gulfup.com/show/xcnbyna3nm6m)

http://im28.gulfup.com/2012-03-15/1331841845343.jpg (http://www.gulfup.com/show/x9rc4dqlm8rwok)

http://im28.gulfup.com/2012-03-15/1331841845104.jpg (http://www.gulfup.com/show/xz4t9nahf4g2z)



هاذي مب كنها شجرة ابو جهل ولا شبيها لها ؟؟

khaldoon
16-03-2012, 01:31 AM
في الجدولين التاليين نستطيع ان نرى اقتراحات (بعض الانواع مثل روسيليا في رقم 13 حطيت 4بدالها اقتراحات او بدائل) باستبدال بعض انواع الشجيرات بأنواع اخرى تقاربها بالشكل و لكن قد لا تقاربها بالتكلفه ...الهدف من الاستبدال هو ان لم يتوفر النوع المطلوب او ان استيراده يحتاج لفترة طويله....ايضا ارجو الانتباه لكل اسم و الكود الخاص فيه من 3 احرف

انبتهوا يا اخوان و يا اخوات انه اول نوعين و كذلك رقم 7 اللي ذكرتهم بالمشاركة رقم 31 موجودين بالهند و بدهم شهر حتى يصلوا فقمنا باستبدالهم بشجيرات محليه مثلا ...اما الانواع المحلية فبدلت بعضهم نتيجة عدم توفر الانواع المحلية و ما بدنا نستنى لا اسبوع و لا يوم و في اشياء ممكن تكون احلى او افضل من اللي تم توصيفه في مواصفات المشروع

http://im24.gulfup.com/2012-03-16/1331850913821.bmp (http://www.gulfup.com/show/Xz5b2z2ls7erq)


http://im24.gulfup.com/2012-03-16/1331850913382.bmp (http://www.gulfup.com/show/Xcnic3a02ewj)

Aaziz
16-03-2012, 04:20 AM
ابدعت ياخلدون ... اتمنى ان يتفاعل جميع من له خبره مع الموضوع و يشارك كي يكون هذا الموضوع مرجع للجميع .

و ان شاءالله لكم الاجر

قَالَ رَسُولُ اللهِ صَلَّى اللهُ عَلَيْهِ وَسَلَّمَ: " إِنْ قَامَتِ السَّاعَةُ وَبِيَدِ أَحَدِكُمْ فَسِيلَةٌ، فَإِنْ اسْتَطَاعَ أَنْ لَا يَقُومَ حَتَّى يَغْرِسَهَا فَلْيَفْعَلْ .

قال رسول الله صلى الله عليه وسلم :
(مامن مسـلـم يغـرس غرسـأ او يـزرع زرعـأ فياكل منه طيـر او انسان او بهيمـة ،، الآ كان له بـــه صدقــة )

khaldoon
16-03-2012, 05:57 AM
ابدعت ياخلدون ... اتمنى ان يتفاعل جميع من له خبره مع الموضوع و يشارك كي يكون هذا الموضوع مرجع للجميع .

و ان شاءالله لكم الاجر

قَالَ رَسُولُ اللهِ صَلَّى اللهُ عَلَيْهِ وَسَلَّمَ: " إِنْ قَامَتِ السَّاعَةُ وَبِيَدِ أَحَدِكُمْ فَسِيلَةٌ، فَإِنْ اسْتَطَاعَ أَنْ لَا يَقُومَ حَتَّى يَغْرِسَهَا فَلْيَفْعَلْ .

قال رسول الله صلى الله عليه وسلم :
(مامن مسـلـم يغـرس غرسـأ او يـزرع زرعـأ فياكل منه طيـر او انسان او بهيمـة ،، الآ كان له بـــه صدقــة )

عليه افضل الصلاة و السلام

جزاك الله كل خير اخوي العزيز الشهيد و هذا بس من لطفك و ذوقك و طيب خلقك

ان شاء الله انكم تستفيدوا من الموضوع

النهار
16-03-2012, 07:20 AM
لماذا لايتم تخصيص قسم خاص للزراعه

روح الاطلس
16-03-2012, 01:02 PM
ايوا ايوا ياخلدون هذي الشجرة اللي ابيها


http://im25.gulfup.com/2012-03-15/1331840833324.jpg



بس ماكنت اعرف اسمها :) زين انك افدتنا

ماشاء الله مش بس انت خبير انشاءات بعد لك في الزراعه ^_^ سوبرمان ماشاء الله

نبي نسوي نسخه من هالموضوع للبلدية لعل وعسى يفكرون شووي بالتنويع الزراعي في شوارعنا التعيسه :(

khaldoon
16-03-2012, 01:29 PM
لماذا لايتم تخصيص قسم خاص للزراعه

خلنا نشوف الموضوع هذا ينجح بالاول بمشاركات الاعضاء و بعدين الله كريم

على العموم منك للاداره....بس اعتقد انه بند محدود جدا الا لو اظهر الاعضاء عكس ذلك و احنا ما ندري :nice:

khaldoon
16-03-2012, 01:33 PM
ايوا ايوا ياخلدون هذي الشجرة اللي ابيها



http://im25.gulfup.com/2012-03-15/1331840833324.jpg

بس ماكنت اعرف اسمها :) زين انك افدتنا

الحمد لله انه قدرت ادلك على الاسم ...اتشرف بذلك :nice:

ماشاء الله مش بس انت خبير انشاءات بعد لك في الزراعه ^_^ سوبرمان ماشاء الله

نبي نسوي نسخه من هالموضوع للبلدية لعل وعسى يفكرون شووي بالتنويع الزراعي في شوارعنا التعيسه :(

الله يجزيكي كل خير على كلماتك الطيبة و هذا من سمو لطفك و ذوقك

انا ما عندي خبره بالزراعة و لا شي بس الموضوع وما فيه انه المهندس الزراعي في المشاريع ما بيحضر عنا الا بناء على الطلب و بيأخرنا مرات و التأخير مرفوض عند المالك و ما نبي اي شكاوي علينا على اساس احنا جاهزين 24 ساعة في 7 ايام بالاسبوع لاي طلب و جد ما اتغشمر ...فكنت اتعلم منه لما يجي علشان اقدر اشوف الشغل بنفسي في حالة تعذر حضوره...يعني كنت صبي مهندس زراعي خخخخخ ...فأشوف الشغل و اقرر بنفسي الا لو ما اقدر و يتعذر علي فأخليه يحضر


على العموم لي عودة على الموضوع لاحقا لمزيد
من الاضافات ان شاء الله:nice:

QtrGate
16-03-2012, 02:22 PM
موضوع ممتاز

انا جربت زراعة الببايا لاكن تطلع مره وحده وتموت الشجره
وجربت اللوز والتوت يعمرون ماشاء الله
والورود مثل الفل والياسمين والمحمدي كلها تدوم تنبت عندنا وخصوصاً المحمدي والفل الصغير

النخل ممتاز جداً ومحصول النخل يكفي حق العايله ويزيد ويتوزع ماشاء الله

الخضراوات من اكثر النباتات تناسباً مع بيئتنا واسرعها نمواً

وخصوصاً النعناع ينتشر بسرعة


واليوم ان شاء باروح المعرض الزراعي بما انه اخر يوم
وان شاء الله نفيد ونستفيد

واخوي خلدون ممكن بس اعرف من وين نقدر نشتري هذه الاشجار
ووين ارخص واحسن مكان *

فيزيائية
16-03-2012, 02:39 PM
امي الله يعطيها الصحة والعافية تحب الزرع
ووايد اشجار زرعتها بالبذر أو (الطعامة-العنقيشة)
مثل المنجا والقشطة (شريفة)
وعندها كل انواع النخل
واللوز الاحمر والاصفر
والكنار والبمبر والتوت والجوافة والموز والرمان
ومرة زرعنا سنبل ....
وعندنا شجرة (الغار) وهو الورق الي يستخدمونه الهنود بالطبخ
وميزته وااااايد تطلع له شتلات
وطبعا المشموم ....
وهي تعرف مقدار الماي وخصوصا اذا ازهرت الشجرة
طبعا هالكلام في الماضي
الحين في بيتي ماعندي الا كم مربع وكم شجرة
ولوزة طالعة روحها ...وياسمينة باليالله لما تطلع
ومحمدي زين وفل مافيه فل .....
وبالاصايص حاطة شجر الصبّار(الاولوفيرا)...بسرعة يتكاثر
احب الزرع بس ماعندي مكان...
وورد زينة احمر ...

Riku3
16-03-2012, 05:59 PM
الحمد لله زرعنا الكثير من الاشجار في بيتنا بس المشكلة في الثمر نفسه ببعض الاحيان !! ..

جربنا نزرع :-

كنار - صبار - لوز - تين - قشطه << كلها مثمره ولله الحمد
بابايا << كانت ممتازه لين جانا حر في سنة وماتت
ليمون (اصفر واخضر) << الاصفر ماكان يثمر الا القليل فتمت ازالته .
برتقال << بس حامض @_@
مانجا << ماتثمر كثير
نخل << بكثرة ومثمر بشكل ممتاز
شريش << كبيرة بس مامنها فايدة p:
فل
ياسمين
المشموم

هذا غير الاشجار المؤقته مثل الطماط والبطيخ والشمام والخضروات الاخرى ..

وفي بيتنا القديم كان عندنا رمان واشجار ثانيه بس متذكر لاني كنت صغير ..

استفساري بخصوص المانجا

احد الاعضاء تكلم عن التلقيح والعناية بالشجره للحصول على الثمر بشكل جيد .. كيف يكون هذا ؟ ..
للعلم الشجره عمرها تقريباً 12 الى 15 سنة بس ثمرها قليل ومايوصل للنضج الجيد .

ahmedhafez
17-03-2012, 12:51 AM
الله يوفقك

khaldoon
17-03-2012, 03:03 PM
واخوي خلدون ممكن بس اعرف من وين نقدر نشتري هذه الاشجار
ووين ارخص واحسن مكان *

في شركات و مشاتل كثيره مختصه بهالمجال ...انصحك تشوف كذا محل علشان تتعرف على الاسعار و الفروقات بينهم

على العموم جرب شوف شركة النخيل..زينه بهالمجال و ما اعرف اذا رخيصه و الا لا بس على العموم شوف الجدول التالي لاسعار بعض الشجيرات ...صراحة هذه الاسعار قديمة و اكيد زادت الحين و اتمنى احد يحط لنا الاسعار الجديدة لمثل الانواع التاليه و هي من اجمل الشجيرات.....حط الاسم بجوجل و تطلعلك الصوره على طول :victory:

http://im17.gulfup.com/2012-03-17/1331985752691.bmp (http://www.gulfup.com/show/Xzb61fd100cn3)

khaldoon
17-03-2012, 03:08 PM
من الجدولين التاليين نقدر نشوف:

اسماء شجيرات مشهوره بالجدول الاول مع شتلات ضغيره من اجل التغطيه للمساحات و جميله جدا و اطوالها اقل من متر واحد و انها تحسب بالقطعه الواحده و ما هو متوفر في قطر و ما هو غير متوفر و كم يلزم من مدة لوصولها

http://im20.gulfup.com/2012-03-15/1331843796771.bmp (http://www.gulfup.com/show/X19jig6skzsf)

اما الجدول التالي....فهو للشجر...انتبهوا انه رقم 19 ملغي...اما رقم 20 فهو للحشيش و يحسب بالمتر المربع

http://im30.gulfup.com/2012-03-15/1331843989151.bmp (http://www.gulfup.com/show/Xz53hwahkwwri)

يتبع لاحقا

مزيد من البدائل للشجيرات غير المتوفره لو حبيتوا..شوفوا الاسم و الاسم اللي يقابله و يكافئه من حيث الشكل تقريبا...البدائل ايضا حلوه ...يعني حطيت لكم الكثير من الشجيرات الحلوه و البدائل الحلوه لها

http://im18.gulfup.com/2012-03-17/1331985955291.bmp (http://www.gulfup.com/show/Xzb2iln7g4pe8)

http://im18.gulfup.com/2012-03-17/1331985955822.bmp (http://www.gulfup.com/show/Xcpl29245hil)

http://im18.gulfup.com/2012-03-17/1331985955673.bmp (http://www.gulfup.com/show/X9t2pvbuto18ok)

:victory:

بو خليفه 123
18-03-2012, 09:03 AM
تجربتي الشخصيه و زراعتي في بيتي هي زراعه تجميليه لـ واجهة البيت ومافكرت اجرب زراعة الشجر والبذور


زرعت عدد 4 نخلات

الياسمين / الجوري / الرياحين

و جربت الورد الملون في فصل الشتاء : المشمشي , البنفسجي , أحمر , الابيض .. الخ


بأمكانك التواصل مع قطر خضراء في دحيل تعاونت معهم في تصميم حديقة المنزل و تصميم الطرق الداخليه بالحوش مع شوية تعديلات مني .


بالتوفيق

تحداني
18-03-2012, 09:18 AM
صباح الخير على الجميع

ما شاء الله صفحه مليئه بالمعلومات والمشاركات
جاري وضع الصور في هذا الموضوع الرائع
كل الصور ستكون من حديقه " بومحمد الوالد " الله يحفظه .. وراح اتلاحضون امور كثيره
وايش هي المشاكل وكيف حليناها بطريقه ما .. وكيف قدرنا نحول السلبيات لايجابيات


قليلا من الوقت


جملكم الله برضاه

ضوى
18-03-2012, 09:22 AM
موضوع وايد حلو يفتح النفس والصور خضرا حلوة تشرح القلب ،

تجربتنا في الزراعة وايد حلوة ، زوجي يحب الزرع وانا بعد وكنت اهتم فيه بنفسي من تنظيف وسقي وتسميد وتقليم ، بس يوم صار الشجلا اطول مني ماقدر فيه زراع يجينا ويقوم بالمهمة

نجحنا في زراعة الليمون طبعا وبكثرة ماشاء الله شجر يطرح في الصيف وشجر يطرح في الشتاء ماشاء الله ، واللوز الأحمر ، والتين ، والجوافة ، والزيتون والعنب زرعناه بس بمكان غلط واضطرينا ننزعه للاسف ،الصبار، غير الخضار طماطم ، باذنجان ، كوسا ،ملفوف ، زهرة ، والخضار الورقية بجميع انواعها

حلوة الزراعة تريح القلب وتشرح النفس وودي لو عندي مساحة اكبر عشان الزراعة ، مساحتي الحالية كلها خارج اسوار البيت
طبعا غير الزراعات التجميلية مثل الجوري والمشموم وشجر وايد مدري شسمه

موضوع عشرة على عشرة ويستحق التثبيت

تحداني
18-03-2012, 09:31 AM
نقول بسم الله وعلى بركه الله

هالنوع من الورد موسمي تاخذه الوالده من المشتل له وقت وبعدها يموت

http://i1156.photobucket.com/albums/p574/OmarQaz/420201b3.jpg


بعض الورود بدأت تذبل بسبب انتهاء الموسم

http://i1156.photobucket.com/albums/p574/OmarQaz/60edb31c.jpg


الورد المحمدي قديم جدا وما نقتلع جذوره ابدا
هو يجدد نفسه بنفسه مع المواسم ويعيش لفتره طويله بدون ما يزهر
ولما اتنور الورده ريحتها مميزه


http://i1156.photobucket.com/albums/p574/OmarQaz/9c1fa3b1.jpg


صوره ثانيه

http://i1156.photobucket.com/albums/p574/OmarQaz/3a9abc19.jpg


هناك المزيد

تحداني
18-03-2012, 09:34 AM
شجره النخيل ... ما نستغني عنها .. عندنا حوالي 9 اشجار
كلها مثمره ولله الحمد ( الاحمر .. الاصفر .. الشيشي ) بس انشوف خيرها تامرون امر بس الي عنوان البيت :)


http://i1156.photobucket.com/albums/p574/OmarQaz/0c22deaa.jpg


http://i1156.photobucket.com/albums/p574/OmarQaz/ce19b90c.jpg

تحداني
18-03-2012, 09:40 AM
الورقيات

بقدونس .. رويد .. بصل ... طماط .. شمندر .. برتقال ... صنطره .. جرجير .. جزر



http://i1156.photobucket.com/albums/p574/OmarQaz/34abdd0c.jpg


http://i1156.photobucket.com/albums/p574/OmarQaz/5e576c81.jpg




http://i1156.photobucket.com/albums/p574/OmarQaz/011f837f.jpg


http://i1156.photobucket.com/albums/p574/OmarQaz/eee43791.jpg



http://i1156.photobucket.com/albums/p574/OmarQaz/7b393e01.jpg


http://i1156.photobucket.com/albums/p574/OmarQaz/102d1085.jpg


http://i1156.photobucket.com/albums/p574/OmarQaz/2c4be50d.jpg


http://i1156.photobucket.com/albums/p574/OmarQaz/8744b63c.jpg



http://i1156.photobucket.com/albums/p574/OmarQaz/60cafdc3.jpg

khaldoon
18-03-2012, 09:52 AM
شجره النخيل ... ما نستغني عنها .. عندنا حوالي 9 اشجار
كلها مثمره ولله الحمد ( الاحمر .. الاصفر .. الشيشي ) بس انشوف خيرها تامرون امر بس الي عنوان البيت :)


http://i1156.photobucket.com/albums/p574/omarqaz/0c22deaa.jpg


http://i1156.photobucket.com/albums/p574/omarqaz/ce19b90c.jpg








ما شاء الله كل شي رائع من الصور اللي نزليتها الحين بس اشوف انه الحوض الخاص بالنخل ضيق جدا...لازم على الاقل 1.5*1.5 او دائرة قطرها 1.5 لان النخل جذوره كبيره و عميقه و ممتده و يفضل تكون بعيدة عن السور و المبنى علشان ما تأثر على الاساسات

تحداني
18-03-2012, 09:52 AM
شجره الليمون
هاذي الشجره غاليه وايد على الوالد .. عمر الشجره كبير وعطائها كان رائع في ال15 سنه الاولى وقل مع الايام سبحان الله

سبحان الله لكل شي عمر ولكل شي وقت .. رحت مع الوالد وخذنا سماد جديد وحفرنا من جديد وحطينه رمل جديد وفيتامينات لكن مافي فايده
هي تثمر بس مب نفس قبل



طبعا الشجره كبرت وايد حاولنا نصغرها .. ومالت وايد فقام الوالد حط لها خشب عشان تلقى الشجره حل لميلانها
وعشان ما نضطر نقتلعها ونستغنى عنها
الامور طيبه بس الخوف من ان نفقدها صار كبير



خلونا مع الصور .. وراح انلاحظ اشلون بدت تنشف


http://i1156.photobucket.com/albums/p574/OmarQaz/8ffb761d.jpg


http://i1156.photobucket.com/albums/p574/OmarQaz/97367278.jpg


هالمشموم مريض حاول الوالد يعالجه مافي فايده


http://i1156.photobucket.com/albums/p574/OmarQaz/d512e65d.jpg


فله بدأت تودعنا

http://i1156.photobucket.com/albums/p574/OmarQaz/cd51bda2.jpg


ورد محمدي قديم

http://i1156.photobucket.com/albums/p574/OmarQaz/75b1048e.jpg


شجره الذره راح نودعها قريب مع انتهاء الموسم


http://i1156.photobucket.com/albums/p574/OmarQaz/8aa18284.jpg


بدايات الريحان


http://i1156.photobucket.com/albums/p574/OmarQaz/66e976d1.jpg


نوع من انواع الصنطره .. بذورها من الهند


http://i1156.photobucket.com/albums/p574/OmarQaz/910dd327.jpg

تحداني
18-03-2012, 09:59 AM
من المزرعه الى المائده وسبحان الله الطبيعي غير في الطعم


سلطه جاري اعدادها بأنامل الغالي

http://i1156.photobucket.com/albums/p574/OmarQaz/1a437c0a.jpg


سوب الخضار .. جزر مع بقدونس مع ليمون خفيف .. هني وعافيه على قلبها

http://i1156.photobucket.com/albums/p574/OmarQaz/18c1b3cc.jpg


سلطه الجرير


http://i1156.photobucket.com/albums/p574/OmarQaz/28e49429.jpg

تحداني
18-03-2012, 12:31 PM
ما شاء الله كل شي رائع من الصور اللي نزليتها الحين بس اشوف انه الحوض الخاص بالنخل ضيق جدا...لازم على الاقل 1.5*1.5 او دائرة قطرها 1.5 لان النخل جذوره كبيره و عميقه و ممتده و يفضل تكون بعيدة عن السور و المبنى علشان ما تأثر على الاساسات




معاك حق يا اخوي
بوصل هالملاحظه للوالد بإذن الله


جملك الله برضاه

khaldoon
18-03-2012, 03:10 PM
بشمهندسنا حياك ادلي بدلوك وياليت مع الصور مافي اجمل من اللون الاخضر يحبه العين :)

بس احنا طماعين

نبي كل شي بالتفصيل والانواع وكيفية العناية واهم شي شلون اختار الشتلات وحجمها

بخصوص العناية ...نبي ننتبه لعدة اشياء:

* ما نقدر نطلب اشجار كبيرة الحجم من حيث انتشارها الورقي (العرضي) او الجذري او الطولي لانها ببساطه ممكن تنكسر و تتلف خلال عملية النقل و التنزيل و التحميل و بالتالي راح تكون صغيره بحجمها بالبداية و بعدين بتكبر ان شاء الله...

* انتبهوا انه الشجر بالذات الفرق بين سعره و هو قصير و صغير و بين سعره و هو طويل و كبير يكون كبير جدا و مب بسيط فكونوا حريصين من المورد للشجر انه ما يغلبكم بالسعر و قارنوا في الارقام اللي يعطيها لكم مع كذا مورد علشان تتأكدوا انه ما غشكم ..يعني لما يبي المورد يقولكم انا ما اقدر اجيب شجرة او نخلة طولها 5م مثلا بس اقدر اجيب نخلة بطول 3م بسبب النقل و التحميل فأطلبوا منه cost saving و شوفوا هالتوفير او الخصم اللي عرضه عليكم ..يعني اللي سواه هل هو مقنع خصمه و الا مب مقنع و قارنوه مع محلات اخرى و شوفوا هل كلامه صحيح و الا لا...يعني مثل لما تشترون الذهب لما تبيعون تنغلبوا و لما تشترون تنغلبوا ...المعنى شوفوا لو شريتوا النخلة بطول 5م كم بتكون و لو شريتوها بطول 3م كم بتكون فليش هو يوفر على نفسه و يضحك عليكم

* تأكدوا انه اعداد و احجام الاشجار و الشجيرات اللي موجوده بالعقد هي نفسها اللي قام المورد او المقاول بتورديها و تركيبها...التوفير اللي بسويه هو بالحجم مب بالعدد فانتبهوا زين لهذه النقطه

* في مواسم و اوقات معينة يمنع فيها النقل و تركيب الشتلات اصلا لانها 100% راح تموت و انا مب متذكر هذه الفتره بالضبط بس هي غالبا من شهر يوليو الى نهاية الصيف ..يا ريت لو احد يأكد الموعد بالضبط ..تقدروا تشيكوا مع قطر خضراء و هم بيفيدونكم بهذه النقطه

* الاشجار الكبيره و النخيل يجب عمل حفرة لها لا تقل عن 1.5 م *1.5م او دائرة بقطر 1.5م لانها تتمدد جذريا و تكون بعيدة عن اساسات المباني و الاسوار

* بخصوص نظام الري و التصريف ...هل راح تركبونه و الا لا في الاحواض و بالاول بيكون على المقاول توفير الري اليدوي لحين انتهاؤه من تشتغيل نظام الري يعني لو ماتت الشجره خلال الري اليدوي بتكون مشكلته هو...المهم انتوا ما تكونوا السبب في تعطيل الانتهاء من الاحواض مثل تأخير عمل العازل المائي لها لو انه اللي يسويه هو مقاول العزل المائي و الحراري عندكم و لا تعطلون تركيب نظام الري او توفير الكهرباء و الماء لها علشان ما تواجهون مشاكل مع مقاول الزرع لو مات الزرع اللي جابه لكم

* احيانا بيكون في جدول للري ملتزم فيه المقاول ممكن تراقبونه فيه لو تأخر و ممكن انكم تتغاضون عنه و تكتفون بالنتيجة و هي بكل بساطه انه الزرع ما يموت خلال فترة الضمان اللي موجوده بالعقد بينكم...ما تنسون فيه فترة ضمان و الا راحت عليكم

* على المقاول توفير صيانة لاعمال البستنه خلال فترة التوريد و التركيب و الضمان اللي بينكم و يجب انه يلتزم بها

* على المقاول استبدال المزروعات الميته او اللي حالتها الصحيه غير طبيعية و دائما ذبلانه بمزروعات جديدة

* على المقاول نشر السماد في الاوقات المناسبة و المتفق عليها لضمان استمراية حياة المزروعات و عدم تعرضها للموت حتى نهاية فترة الضمان

* على المقاول الاهتمام بتشذيب و معالجة المزروعات حتى نهاية فترة الضمان

* الشتله او الشجرة او الشجيره يوم ننقلها و نركبها يحدث لها صدمة shock نتيجة تغيير الجو اللي كانت فيه من المشتل او من بلدها الى بيئة جديدة مختلفه عنها و تذبل و قد تموت تماما اول كم شهر و ممكن تصل الى 6 شهور في بعض الانواع و لكن مع الاستمرار بسقايتها من اول يوم توضع فيه بترجع تخضر و تنتعش و تنمو من جديد...اما لو تأخرت رغم الري الجيد فمعناته ما تنفع و ماتت و لابد من استبدالها

* في حالة الشتلات الصغيره جدا اللي ما يتعدى طولها 20 سم فهذه يفضل انكم تحطون كل 9 حبات او شتلات في المتر المربع الواحد بواقع 30سم فراغ من كل الاتجاهات (من الاربع اتجاهات) بين كل حبة او شتله علشان تعطون فرصه لكل شتله انها تكبر و تتمد ورقيا و تغطي الفراغات بين بعضها البعض ...لهالسبب تلاقون في مناطق مغطيه ومتكدسة و متشابكة و اماكن فارغة بالحوض و انا ما ابيكم تشوفون هذه الفراغات و سوء التوزيع


هذا ما يحضرني الان من ملاحظات بناء على طلب اختنا روح الاطلس...ربما اعود لطرح المزيد لو تذكرت

روح الاطلس
19-03-2012, 08:20 PM
تحداني الزمن اخيرا نزلتي الصور ^_^

ماشاء الله روعه حديقة بومحمد ربي يطول لكم بعمره ويعطيه الصحة والعافيه

عجبني المحمدي وحطيته ببالي ان شاء الله والخضروات الورقية ماكنت مصدقه انها ممكن تنزرع وتعيش بس عقب حديقتكم اللي ماشاء الله لا اله الا الله روعه من قلب حلاتها تاكلين خضروات من البيت متأكده ان ماعليها مواد ضارة وكيماويات او مهجنات حتى احسها اطعم من اللي في السوق.

وشجرة الليمون حرام كسرت خاطري :( اذا ماعاد تثمر الا شي بسيط ليه ماتحيلونها للتقاعد وتجددون الدماء بوحده شابه أنيقه وممشوقة ^_^

ربي يهنيكم ولا يفرق شملكم في هالبيت السعيد ويعطيج الف الف عافيه على الاضافات الروعه مثلج :)


وبقطف ورده محمديه من حديقتكم واهديها لج هههههههه

روح الاطلس
19-03-2012, 08:22 PM
بشمهندس خلدون


الف شكر مهندسنا ماقصرت على المعلومات المرجعية اللي اكيد افادتني وايد ونسختها عندي عشان لما ابدأ بالزراعه اكيد برجع لها

ألف شكر ماقصرت

تحداني
19-03-2012, 11:53 PM
تحداني الزمن اخيرا نزلتي الصور ^_^


عيون تحداني آمري

ماشاء الله روعه حديقة بومحمد ربي يطول لكم بعمره ويعطيه الصحة والعافيه

عجبني المحمدي وحطيته ببالي ان شاء الله والخضروات الورقية ماكنت مصدقه انها ممكن تنزرع وتعيش بس عقب حديقتكم اللي ماشاء الله لا اله الا الله روعه من قلب حلاتها تاكلين خضروات من البيت متأكده ان ماعليها مواد ضارة وكيماويات او مهجنات حتى احسها اطعم من اللي في السوق.


يسلم عمرج يارب ويطول ابعمر غاليج
والله الوالد من زمان يهتم بالحديقه ويخصص جزء كبير من وقته
ويحب الشجر والورد والورقيات والليمون بس سبحان الله التربه عندنا في الدوحه والماى ونوعيته مب ذاك الزود
وحتى او تعاقدنا مع زراع ما يكون بمعنى الكلمه زراع ونتوهق في شغله


جانه زراع خرب لنا حشيش البيت تقولين زارع قمح ما اعرف عيش
وبومحمد ابد ما عنده وقت يعدلها من جديد
وكل واحد يقط المهمه على الثاني


انتي بس عطيني خارطه البيت
بجيب لج من كل شي الي تامرين عليه يفداج


وشجرة الليمون حرام كسرت خاطري :( اذا ماعاد تثمر الا شي بسيط ليه ماتحيلونها للتقاعد وتجددون الدماء بوحده شابه أنيقه وممشوقة ^_^

نقتلعها صعبه وايد اولا لانها غاليه وايد على الوالد .. ثانيا جدورها عميقه فراح تخترب الدنيا من بعدها
وثالثا انجدد الدماء صح .. بس تحتاج وقت طويييييل وايد عشان تثمر من جديد .. بس هم راح أقول للوالد



ربي يهنيكم ولا يفرق شملكم في هالبيت السعيد ويعطيج الف الف عافيه على الاضافات الروعه مثلج :)


وبقطف ورده محمديه من حديقتكم واهديها لج هههههههه


يعافيج يارب واللهم آمين ... ولج بالمثل ان شاء الله وصلني الورد وكاهو عندي ومن حلاتج خذتي حلاه الورد كله


انتي ورده وعسل



جملك الله برضاه

حسن
20-03-2012, 02:19 PM
مشاء الله ياتحداني اكتفاء ذاتي عندكم وحديقه جميله

مزعله النساء
20-03-2012, 02:40 PM
السلام عليكم

اخوي عندنا زارعين في بيتنا الجوافه والمانجاوالليمون من فتره طويله وغير اللوز والتوت والعنب
وينبت بشكل طبيعي ومافي اي مشاكل

لمت اب
28-03-2012, 12:02 AM
موضوه جميل جدا واحب اشارككم بخبراتي القليله في هذا المجال
اولا الذي يريد زراعة ليمون او اي حمضيات او مانجو او توت فعليه شراء شتله مطعمه وليس شتله عاديه
ايش يعني شتله مطعمه ؟؟
شتله مطعمه يعني بعد مايزرعون البذره وتطلع بارتفاع 30 سم تقريبا يقصونها وبركبون على الساق الاصلي
فرع من شجره مثمره ,, في هذه الحال تثمر الشتله فوررا اذا توفرت الضروف المناسبه من ري وتسميد
فقط عليك ان تسأل صاحب المشتل هل هذه الشتله مطعمه ام لا ؟؟
وعلى كل حال فالتطعيم واضح لم ينضر الى الساق سيلاحظ ساق مختلف على الساق الاصلي

ثانيا النخيل
وانا احب واهوى النخيل لما في ذالك من اجر حسب الاحاديث الكثيره اللتي وردت في النخله
احب ابين لك عدة ملاحظات :
1- النخله شجره مبروكه يوجد منها انواع تثمر مبكر واخرى متوسط واخرى اخر الموسم
لذالك من الافضل ان تكون حديقتك بها هذه الانواع لكي تأكل وتتصدق قبل الناس ومع الناس وبعد الناس
من الانواع اللتي تبكر في النضج (بكيره - الطيار -الحاتمي )
الانواع اللتي تنضج في الموسم طبعا الخلاص والشيشي وانواع كثيره
الانواع اللتي تتاحر اعرف منها ام رحيم والبرحي

2-لا تزرع النخله ولا اي شجره مثمره بالقرب من مكان المجاري
سواء كانت الحفره الرئيسيه اللتي في الحوش او الحفر الفرعيه الصغيره حوالي البيت
لان جذور الشجر تتبع اماكن الندا ومعروف اماكن الصرف الصحي بها مواد غير صحيه
من ظمنها كيماويات الغسيل

الموضوع جميل وطويل ولا اريد الاطاله عليكم
من له اي استفسار فيرسله على الخاص ويبشر بالاجابه

MAZEN37
28-03-2012, 05:01 PM
سؤال ماهي انواع الشجر المنتج للاوكسجين

Chambray
29-03-2012, 12:09 AM
اخوي لمت اب
صراحة معلومه حلوه بخصوص التطعيم :)
استفدت منك صراحة



سؤال ماهي انواع الشجر المنتج للاوكسجين

كل الشجر ذو الاوراق الكثيفه منتج للاوكسجين

jajassim
29-03-2012, 03:43 PM
الموضوع ممتاز ،، ومتابع

Dior'1
03-04-2012, 07:47 AM
في بيت ابوي بالشرقية والاجواء قريبة اذا مو نفسها بقطر:)
قدر يزع المانجا وطعمها شيي
الترنج "زي الليمون بس كبييييرة" حلو لها طعمها المميز
التوت، التين ،الليمون ،الاخضر الصغير و الاصفر ، اليوسفي او برتقال ناسية بس الاكيد انة برتقالي:) ، الكنار، اللوز، الجوافة
الطماط بس ما كثرنا منة واستغنينا عنة بسرعة بعد
الرماااان بس للاماننة ما ذقت الانتاجية للحين
طبعا النخل وانتاجية الرطب نوع اخلاص طعمممة شي مشاءلله تبارك الله
وهو اكثر شي في بيتنا وفي نخلة من يوم واحنا صغار وهي عندنا كبرت معنا حييييييل احبها وعزيزة علي واظن على كل البيت:)
هذا الكلام قبل كم سنة الحين الوالد شال كل النباتات ما عدا النخل وزع الرمــان واظن المنجا لعدة اسباب واكتفينا بنباتات الزينة
طبعا الاعشاب والنباتات العطرية الي بعضها من تفتح الباب تشم رحيتة
مثل النعناع وفي نبتة ريحتها حلوووة وتعج نسيت اسمها زهرها ابيض وصغييييير تصلح عند المداخل عشان الريحة حلووووة مشاءلله تبارك الله
النباتات حلوة بس يبغالها عناية وصبر اذكر ابوي الله يحفظة كان يشرف عليها بنفسة هذا غير الزراع طبعا
وبعد اخواني لا تنسون تبيتون نية اطعام كل ذي كبدة رطبة مثل الطيور اوغيرة وبإذن الله الله يكتب لكم الأجر في كل طير ياكل منة
والســــلام ختــــام

ZURICH
03-04-2012, 04:29 PM
يعجبني شجر الكرفس

شي جميل

محمدوميار
04-04-2012, 07:28 PM
جميل جدا شكل الاشجار

بولينجر
08-04-2012, 01:47 PM
موضوع جميل ورائع.... اللي يبي يزرع توت احمر وابيض شيسوي بالضبط؟

تحداني
11-04-2012, 12:30 PM
تحمل يا اخوي " بولينجر " من التوت .. والله بتتغربل منه
ما انصحك .. ولا راح اعلمك .. لان بيلون البيت عندك .. والعصافير والحمام والطيور والجيران
بيطفشونك من حياتك .. :(


اذا اقتنعت زين


جملك الله برضاه

khaldoon
11-04-2012, 12:42 PM
تحمل يا اخوي " بولينجر " من التوت .. والله بتتغربل منه
ما انصحك .. ولا راح اعلمك .. لان بيلون البيت عندك .. والعصافير والحمام والطيور والجيران
بيطفشونك من حياتك .. :(


اذا اقتنعت زين


جملك الله برضاه

ملاحظة ذكية فعلا ما انتبهت لها من قبل....فعلا بيوسخ جدا و صعب حتى تنظيفه حسب علمي هو و الرمان

الزلزال
11-04-2012, 12:45 PM
انا بصراحه تجاربي فاشله ..

مره شريت بذور وابي ازرع طماط طلع لي باذنجان

من عقبها تعقدت
:(

هههههههههه

فريج النجادة
11-04-2012, 01:14 PM
امس كنت جالس مع مهندس زراعي قطري

وقال لي

ان كنت تبي حاجز لبيتك من الاشجار عندك

1- صبار 2- بمبر 3- سدرة

ويكون الفرق بينهم خمس متر بين كل شجرة