منعتم البالون بسبب المشاكل والمشاكل زادته

[ذيب ازغوى]

السلام عليكم ورحمة الله وبركاته

اليوم بغيت اتكلم عن قرار منع البالون ومشاكله اللي يزعمونها

ان البالون ينصلخ عليك وان وان وان :omg:

وماعرفو ان يسبب مشاكل الحين ياسلاام

المهم مادري هل هم يدرون ان البالون التاير الوحيد اللي ما سمعت انه احد انصلخ عليه

المهم الحين يوم امنعوه عشان المشاكل صح

ماددري هم يعرفون او لا ان الشباب يروحون الحسا 300 كيلو بتواير نحل عشان يركبون بالون ويرجعون هم يعرفون هذا الشي او لا ؟؟!!

وهل هم يدرون ان سبب منع البالون رفع سعر التوايرر اضعاف اضعااف

وهل هم يدرون ان اهل قطر من شباب وكبار مايركبون الا باالون ؟!

وان التاير الوحيد المناسب لقطر هو البالون ومع هذا تم منعه ومحاربته علنياً وكنه خمر او مخدرات

كلمه اقولها لاصحااب قرار المنع ( اتقو الله )

واسلم المكرفون للشباب من بعدي كل واحد يعبر عن رايه ولعلى وعسى يرد البالون

[Rider]

الي اعرفه ياخوي انه في بالون يباع عند محلات عبدالغني يقولون هذا التاير مطابق للمواصفات يعني بالعربي احتكار وستفيد ياتجار

[R 7 A L]

نتمنى نشوف شي غير الى احنا نشوفة هالايام


انا بالنسبة لي أشوف ان قرار المنع
ليس على شأن الحوادث أنها تقل أنما لمنع أصحاب المحلات الصغيرة
الى كانت قبل القرار تعج بالزبائن والناس
الحين تعالوا مروا عليها خصوصاً الى عند دوار الصناعية
قاعدين العمال لاشغل ولا مشغله

[The Watcher]

تقنيا .. البالون له استخدامات محددة .. والمصانع حددت استخداماته وعيوبه

قرار المنع اكيد فيه مصلحة للناس

بس المشكلة لما الواحد يغلب هواه على العقل

انت تقول ان الكل يستخدم البالون

انا ماعمري استخدمت البالون .. ولا حتى فكرت اني استخدمه لا قبل المنع ولا بعده لأني اعرف اضراره وعيوبه

تحياتي

[الإكسير]

تقنيا .. البالون له استخدامات محددة .. والمصانع حددت استخداماته وعيوبه

قرار المنع اكيد فيه مصلحة للناس

بس المشكلة لما الواحد يغلب هواه على العقل

انت تقول ان الكل يستخدم البالون

انا ماعمري استخدمت البالون .. ولا حتى فكرت اني استخدمه لا قبل المنع ولا بعده لأني اعرف اضراره وعيوبه

تحياتي

تقنين وعلمين وبحثين ومختبرين هذا كلام نسمعه بس فيه حد جاب تقرير ثبت الكلام الي توقوله لالالالالا......
تعال شوفه من واقع تجربه هل فيه احد انسلخ عليه بالون مستحيل.. الميجر الي ينسلخ مب البالون الميجر من داخل فيه اسياخ حديد اما البالون مافيه حديد كله قطعه وحده...

[الهاجري 2]

تقنين وعلمين وبحثين ومختبرين هذا كلام نسمعه بس فيه حد جاب تقرير ثبت الكلام الي توقوله لالالالالا......
تعال شوفه من واقع تجربه هل فيه احد انسلخ عليه بالون مستحيل.. الميجر الي ينسلخ مب البالون الميجر من داخل فيه اسياخ حديد اما البالون مافيه حديد كله قطعه وحده...

اي والله انك صادق نسمعهم يقولون تقنيا وعلميا و و و . اخر شي مافيه تقارير
بعدين البالون حتى لو راحت النقشه يعمر معك شويه عكس الميجر , والميجر قد انصلخ علي قبل
ثانيا , البالون تقدر تعبي هواه لين 80 ماعندك مشكله عكس الميجر اللي اذا نفخته 60 خطر عليك

نتمنى عودة البوالين خاصه انه فيه بوالين اصليه مثل السيام عندك العاديه وعندك الاصليه

ودمتم سالمين

[الجوكر90]

السلام عليكم
اخوي اسمحلي كلامك كلش مب مقنع
انا مب ضد البوالين بس المعروف ان اعلى سرعه للبوالين 80
واذا الشباب يروحون الحسا محد ضربهم ع ايدهم
ياخي لاتركب هالتواير وريح بالك
اما انك تروح 300 كيلو وبسرعه لاتقل عن 120 وتدعم لاسمح الله وتقول الحكومه لا اسمحلي
وبالتوفيق

[رجل الجزيرة]

السلام عليكم
اخوي اسمحلي كلامك كلش مب مقنع
انا مب ضد البوالين بس المعروف ان اعلى سرعه للبوالين 80
واذا الشباب يروحون الحسا محد ضربهم ع ايدهم
ياخي لاتركب هالتواير وريح بالك
اما انك تروح 300 كيلو وبسرعه لاتقل عن 120 وتدعم لاسمح الله وتقول الحكومه لا اسمحلي
وبالتوفيق

كلامك صحيح ومؤيدك بشدة والدليل على ذلك شوف الكثير من الشباب إلي عندهم الجيات مركبين بوالين ليه؟ أكيد يعرفون الجواب.
:)

[com]

اي والله انك صدقت ياذيب زغوى ماحد عين خير من عقب منع البالون لكن والله العالم انها مصالح شخصية

[oldqtr]

لا للميجور

نعم للبالون

[الإكسير]

السلام عليكم
اخوي اسمحلي كلامك كلش مب مقنع
انا مب ضد البوالين بس المعروف ان اعلى سرعه للبوالين 80
واذا الشباب يروحون الحسا محد ضربهم ع ايدهم
ياخي لاتركب هالتواير وريح بالك
اما انك تروح 300 كيلو وبسرعه لاتقل عن 120 وتدعم لاسمح الله وتقول الحكومه لا اسمحلي
وبالتوفيق

اثبت صحة كلامك .....

[الشاااهين]

مع البالون وبشده الميجر له مخاطر كبيره وأكبر دليل الحريم اللي توفوا على خط الزباره وانا نفس الشي انصلخ علي الميجر سنة 2001 وبغيت اجيب العيد لكن بقدرة ارحم الراحمين ستر ولطف علي وعلى عيالي.

[رجل الجزيرة]

أبشركم من شوي في تلفزيون قطر حطوا مقابلة مع السيد/ عبدالعزيز الخرجي جاوب على سؤال هل فيه بديل عن البالون فقال: نعم فيه بديلا وبتنزل في الأسواق قريبا.

[حمد بن سعد]

تفكيري الشخصي

منع البالون فكره جابوها ناس واصلين عشان يستفيدون تجار الميجر ويمشي سوقهم لانه البالون ماله اي ماضي سيئ عكس المياجر الي تنصلخ والشواهين الي الصلخه ماتعوق .

[الغرناس]

اتقو أللة في شباب قطر الحين يوم منعتو البالون كلن قام يروح الحسا علشان يركب بوالين او اي نوع من التواير بسبب الغلا ويعرضون انفسهم للخطر يعني أنتو تبون تحافظون على ارواح الشباب وصار العكس والطامة الكبرى سمعت أنة في تاجر عندة محل معروف في قطر راح بطل محل تواير بوالين بعد مركز سلوى اول ماتخرج من السعودية ياخي انت الحين تشوف المرور مانعة البوالين علشان كثر الحوادث تروح تبطل محلات بوالين في السعودية صج جشع تجار

[درر قطر]

والله المهم سلامة المواطنين يمكن المحلات الي ما تشتغل عقب القرار منتجاتها غير مطابقة للمواصفات

[قلبي قاسي]

سيارات الفور ويل لما يتم تصنيعها تصنع بدون تواير بالون هل معنى هالشي ان هالمصنعين مايفهمون ؟؟ ليش ماركبوا بوالين على هالسيارات عند تصنيعها؟؟ السياره تجي من المصنع بدون بالون وانتوا اتركبون عليها بوالين للمسابق والاستغراض والشل وغيره وكل الشباب عارفين هالشي فبسكم خرابيط وكذب على بعض وبعدين ابغي افهم شي لو ركبتوا مياجر عالسياره ماراح تمشي؟ ماراح تركب طعوس؟ ماراح تنزل بر؟؟ والله سواء بالون ولا غيره السياره بتمشي ماله علاقه التواير ونوعها بس بعض الشباب مايعجبهم العجب

[رآعي موآجيب]

انا ما اشوف في البالون الا ميزه وحده بس

ريف في المطبات وعلى الخط

وباقي الأمور عااااادي جداً ، وفي الرمله بعد التنسيم الميجر افضل منه 100 مره ، لكن للي يعرف للميجر

عن نفسي صار لي حول 6 سنوات ما اركب غير تواير الشركه

والأمور تمام ولله الحمد

[نيساني]

تفكيري الشخصي

منع البالون فكره جابوها ناس واصلين عشان يستفيدون تجار الميجر ويمشي سوقهم لانه البالون ماله اي ماضي سيئ عكس المياجر الي تنصلخ والشواهين الي الصلخه ماتعوق .


لا اخوي انا طال عمرك بديت بالبوالين والحمدلله اني وقفت وماقمت اركب من تقريباً 4 سنين وقمت اركب شواهين ولله الحمد ماقد انصلخ علي اي تاير من الشواهين وللعلم هالنوع من التواير راكبين على موترين عندي واستعملهم لا رقله لا مشاكل وبالاضافه انهم يعمرون بعكس البوالين

والله ياجماعة الخير ان اخوي ركب بوالين من 3 سنين وانصلخ عليه ونزلت موضوع في المنتدى التاير كان جديد لكن مايصير نقول البالون ماينصلخ

انا السؤال اللي محيرني احنا حالياً في اسبوع المرور وجايين مسائيل كبار من دول الخليج زين ليش مايناقشون منع البوالين من جميع دول الخليج لانه انا من فتره رحت السعوديه عشان نركب حق موتر رفيجي رحنا والتواير نحل وهذا اكبر غلط بالاضافه المفروض ادفع فلوسي في بلادي مب برا

واسمحوا لي على هالمداخله البسيطه

والله المستعان

وشكراً*

[hamoor4ever]

الشركات العريقه تمنع البالون لمخاطره وهالشي معروف والدليل لايوجد اي تاير بالون ماركه الا يمكن شركتين اللي هي السيموتومو والدانلوب واعتقد حجم ١٦ بس ، اما الباقي كله صيني واغلب الشركات اصلا ماتسويه لان له مخاطر وهاذه على كلامهم واهنيه الاخوان ياخذونه للسرعه ويقولون ماينصلخ والله ان هالتاير خطر وانا شخصيا جربته وزين مارحت ملح والسبه هالتواير ، واللي يبي الاثبات يروح اي شركه ويقول لهم ليش ماتسون بالون يقولون لانه اصلا غير معتمد وغير مطابق للمواصفات اكثر سرعه له هي ١١٠ والاخوان ياخذونه للمسابق وللسفر شي غريب بصراحه ، الميجر ماعليه كلام للرمله وللسفر وكأمان افضل بميلون مره من البالون اللي مافيه الا شكله وممشاه بالرمل بس

[ناقد]

لمن يروج بأن اطارات البالون خطره وانها هي سبب الحوادث في دولة قطر اليه الحقائق التاليه :

1- ان ادارة المرور وهيئة المواصفات والمقاييس القطريه عجزت ان تثبت ان اطارات البالون سبب حادث مروري واحد .
2- تبرير ادارة المرور وهيئة المواصفات والمقاييس منع اطارت البالون انهم فقط وجدوها العامل المشترك في اغلب الحوادث المروريه ولي على ذلك التعقيب الاتي :
1- من المعروف ان نسبة العضمى للحوادث المروريه هي لفئة الشباب ومن الطبيعي ان يكون هذا العامل المشترك وذلك لان البالون هو الاطار الاول لدى الشباب ،
واذا سلمنا بذلك العامل المشترك الم يكن من العداله ايضاً ان يوقف استيراد الاند كروزر والذي كان أيضاً عامل مشترك في الحوادث المروريه .
وللعلم قدم مصنع ( سيام ) وهو تابع لمجموعة مشلان العالميه المصنع رقم 1 على مستوى العالم للإطارات مقترح لتعديل سرعة الإطار من 110 الى 180
ولكن المواصفات والمقاييس القطريه رفضوا ذلك مع العلم ان الاعلان في الجريده عن الاشتراطات الجديده للبالون كان متضمن سرعة 180 ولكن كان ذلك صدمه بالنسبه لمن اصدر القرار !!!!! ليغير كلامه ويطلب ان تكون سرعة الإطار 210 وتناسى ان السرعه القصوى المسموح بها في الطرق الرئيسيه 120 ونسى ايضاً ان اطارات البالون يتم تركيبها على سيارات دفع رباعي وليس على سيارات رياضيه ؟؟

[بوحمد111]

تحياتي لصاحب الموضوع

اخوي العزيز انت عممت على ان اهل قطر شباب وشياب يركبون بالون وانا لا اتفق معاك بصفتي من الشياب وفي يوم من الايام كنت من الشباب ولكن في حياتي كلها مرة وحدة ركبت بالون واستخدمته لمدة اسبوع واحد ونزلته بقناعة شخصيه انه ما يصلح الا لفئة معينه من اصحاب البر وسيلين واما للشوارع العاديه فهو ضار بالسياره قبل صاحب السياره وقرار منعة انا اتفق معاهم 100٪

تحياتي

[مضارب دوسري]

تقنيا .. البالون له استخدامات محددة .. والمصانع حددت استخداماته وعيوبه

قرار المنع اكيد فيه مصلحة للناس

بس المشكلة لما الواحد يغلب هواه على العقل

انت تقول ان الكل يستخدم البالون

انا ماعمري استخدمت البالون .. ولا حتى فكرت اني استخدمه لا قبل المنع ولا بعده لأني اعرف اضراره وعيوبه

تحياتي

ولا انا
مره اسوق موتر اخوي ابي اخذ الدوار
كان شوي وبيشل الموتر
البالون مب ثابت
وياكثر الشباب اللي انقلبت مواترهم بسبته
مافي احلى من المياجر

[مضارب دوسري]

المفروض مادام طبقوا القرار ان يكون هناك مخالفه لكل واحد مايتبع للقرار هذا
والمفروض يحطون مخالفه 1500 لكل مخالف
عشان عقب يعرف ان الله حق

تحياتي للخرجي ماقصرت

[بوسلمان 2010]

كلا مك صح اخوي بس البالون انصلخ علي وانا طالع من مكة واستغربت مع العلم انه سيام اول مره يصير


معاي هذاالشي والله يعينا على القرارات

[رجل الجزيرة]

المفروض مادام طبقوا القرار ان يكون هناك مخالفه لكل واحد مايتبع للقرار هذا
والمفروض يحطون مخالفه 1500 لكل مخالف
عشان عقب يعرف ان الله حق

تحياتي للخرجي ماقصرت

ولأن فيه لجنة تتابع سبب حوادث السيارات ومن أسبابها البالون.

[مضارب دوسري]

ولأن فيه لجنة تتابع سبب حوادث السيارات ومن أسبابها البالون.

هلا اخوي

المفروض يطبقون مخالفات على من لا يتبع القرار
لازم تكون هناك مخالفات لهم

لان في الوضع الحالي البزران يسافرون السعوديه يركبون بوالين
وهذا يعرض حياتهم للخطر
بس اذا طبقوا المخالفات ذيك الساعه ماراح تلاقي احد يروح يتعنى وهو يدري جذي ولا جذي بيدفع مخالفات

[boamir]

إلي مايحب البالون ولا يبي يركب لايركب
بس تمنعون عالناس كلها لا والله

في ناس تروح سيلين ومقناص وشي مهم جدا عندهم البالون
وفي الشوارع صار لنا سنين نستخدم البالون والحمد لله عايشين
البالون اصلا ميزته حتى لو إنصلخ مايلعب عليك الموتر وايد ولا يتقطع وايد كثر ماالميجر لما ينصلخ يطير لك الرفرف بكبره

ميزة الميجر إنه اثبت من البالون وإستخدامه متعدد وفي نفس الوقت البالون ميزته إنه اريف بوايد من الميجر
وخصوصا في الرمله جرب يوميا تروح سيلين على ميجر وشوف موترك شلون يتلخلخ تحصل الدرج مايتسكر عدل والتكايه تتحرك واصوات من السياره
وانا اقول كل هالكلام عن تجارب لي ولربعي إلي يروحون سيلين وايد
وفي الشارع ماعليه كلام

الصراحه لحد الآن ماشفت سبب مقنع لمنع البالون
وشكرا

[cl63]

لاحول ولا قوة الا بالله

[كبير المتداولين]

سؤال هل السيارات الصغيره تستخدم البالون ؟

[البيت القديم]

""

ودي اربط بين موضوع البوالين وبين روحتي لسوق الحراج وشارع نجمة أمس..

الربط اهني بيكون بين همنا احنا لقطرين وهم الاجانب..

الشباب الله يصلحهم محتجين بيون تواير بوالين ويبون الدولة تسمح لهم!!

والاجانب هاي حالهم في شارع نجمة وسوق الحراج >>>>>>>>>>

وانا ادور هناك في السوق وادخل من محل لين محل واشوف هالأيرانيه ولهنود والبتان والعرب

وكيف انهم مسيطرين على كل شي مسيطرين بالطول وبالعرض .. مواد البناء .. وخشب.. وحديد وادوات صحية..

واشوف هالحشرة والازعاج .. بياكم رايحة وياية اتحمل اغراظ ناس قاعدة تشتغل ماعندهم وقت حق البوالين.. قاعدين اجمعون من خير هالبلاد.. بعرق جبينهم...

معليش سامحني ياراعي الموضوع .. كلام في خاطري وطلعته..

...

[الهاجري 2]

سيارات الفور ويل لما يتم تصنيعها تصنع بدون تواير بالون هل معنى هالشي ان هالمصنعين مايفهمون ؟؟ ليش ماركبوا بوالين على هالسيارات عند تصنيعها؟؟ السياره تجي من المصنع بدون بالون وانتوا اتركبون عليها بوالين للمسابق والاستغراض والشل وغيره وكل الشباب عارفين هالشي فبسكم خرابيط وكذب على بعض وبعدين ابغي افهم شي لو ركبتوا مياجر عالسياره ماراح تمشي؟ ماراح تركب طعوس؟ ماراح تنزل بر؟؟ والله سواء بالون ولا غيره السياره بتمشي ماله علاقه التواير ونوعها بس بعض الشباب مايعجبهم العجب

استنتج من كلامك انه المفروض بعد نسكر محلات العازل الحراري ((تيتانيوم ,النهدي)) ونمنع محلات الزينه من تركيب المخفي عالسياره لان حضرة الشركه نزلت السيارات بدون مخفي وعازل حراري !!!!

ياخي مب شرط الشركة تنزلك بالشي اللي انت تبيه ولا حتى على حسب المواصفات بدليل ان دول الخليج تنزلهم بدون عازل حراري عالدرايش اما في امريكا اغلب الشركات تنزل بالعازل الحراري وكاله هذا اذا ماجات كل الشركات بعد وامريكا جوها ابرد من جونا

[كلنا قطر 1981]

قرار منع البالون قرار ماله داعي

البالون موجود من زمان و الحوادث بعد موجوده من زمان بس ليش اكثرت هالايام ؟؟

هل بسبب البالون؟؟

ام بسبب الشوارع الي كلها زحمه و سواقة الهنود الي يطلع من اللفه سيدا حق الخط السريع ؟


الحين يمنعون البالون علشان سلامة الناس و ما يمنعون الخمور الي صج تذبح الناس و تفكك

الاسر و تسبب دمار شامل للمجتمع ؟؟

عجبي

[al-obaidly]

لازم تفهمون كلها مصالح وبس ومن تحت الطاوله ومش حالك

[رجل الجزيرة]

سؤال هل السيارات الصغيره تستخدم البالون ؟

نعم للبياكم العراويات والهاي لوكسات لهم بوالين.

[الإكسير]

والله ياخوي ماجاك غيرالصدق
فال 2008 شريت سياره المانيه وسيارات الشركه هذي توايره من شركه وحده على كل السيارات والتواير هذي معتمده وعالميه واعلاناته في كل مكان... تدري اني كل ابع شهور تقريبا كنت ابدل تاير ... السبب ان التواير هذي مب مخصصه لشوارعنا (يسير نفخه في جنب التاير) والتاير على 1400 ريال ... ليش مامنوعها...

[rawda]

السلام عليكم

انا مب ضد البوالين بس المعروف ان اعلى سرعه للبوالين 80

وبالتوفيق

80 ميل يعني 128 كيلو تقريبا

والميجر 140 كيلو


ومتاكد من معلومتي ولا احتاج احد يحاججني فيها

[محمد11]

وازيدكم من الشعر بيت يا اخوان


من الشهر الجاي

راح يصدر تعميم

( منع السير بالبالون اثناء القيادة )
والمخالفة 3000 ربال


(ونقول )

يامرحبا فيكم يا تجار المياجر يااهلا فيكم

[الموضوعي]

في فئة من الشباب يسوق السيارة بعقلية السيكل ، البالون مايصلح ابد إلا للصحاري الرملية يهني انتم احسن من تويوتا ونيسيان وكل شركات العالم

[ابوالكلام]

البلد صارت يا تصير تاجر ولا اطلع برع شوف لك بلد هذي الحقيقة تضخم وصل 300 ٪ وين صارت ومن المسؤول

والحمدالله على كل حال

[qatari 111]

عييب البالون اذا حد لف عليك وانت مسرع ما تقدر تصلبه مره وحده يقوم عليك وخذ لك كم من قلبه .. ولحد يقول لي على حسب الدروله .. انسى تصلب الموتر ..
اما موضوع اسباب الحوادث هو التخطيط الفاشل .. وسواقة الاسيويين اللي ما عمرهم ساقوا سيكل وياخذون الليسن على كبر وهذا خطر ..

[ابو حمدان]

السلام عليكم
البالون اول من حاول منعه عندنا في الامارات كانت شرطة دبي وقد فرضت غرامات ماليه على السيارات التي تسير في الطرق السريعه
وقد كانت من اهم الاسباب في المنع هو وفاة شخصان في حادث تدهور مركبه من نوع نيسان باترول مع العلم ان المركبه كانت تسير على سرعه عاليه وضغط هواء في الاطارات لا يتعدى 20 psi مما ادى الى ارتفاع درجة حرارة الاطارات وانسلاخها من المركبه
ومن الاسباب ايضا :-
1 - ان تصميم اطارات بالون كانت ل ا لطرق الرمليه وليس ل الطرق السريعه ومعضم المواد المصنعه منها الاطارات هو النايلون وتلاحظ كتب عليها ساند تاير نايلون تاير
2 - ان مقياس السرعه المدونه على الاطار من الشركه المصنعه له لا تتعدى 120 كم الا ان معضم المركبين لهذه النوعيه يمشي فيها الى اقصى سرعه ممكنه في السياره وخاصه في الطرق الخارجيه السريعه
3 - انخفاض ضغط الهواء من الاطار وخاصه اذا كان من نوع التيوب لس مما يودي الى عدم استقرار السياره في الطريق
4 - في حالة الوقوف المفاجئ لسياره فان البالون ياخذ مسافه اطول من الاطار العادي
5 - في الاجواء الممطره يودي الى انزلاق السياره وانحرافها عن الطريق وفقدان السيطره عليها لان قوة الجر على الطريق ضعيفه مقارنه مع الميجر الذي يكون تقريبا 95 % من الاطار ملامس لسطح الشارع
ولكن الحمد لله لم يتم المنع بشكل كامل
من مميزات البالون بنسبه لدول الخليج عامه
ان البالون لا ينفجر ابدا بل في حالة البنجر ينخفض الهواء بشكل تدريجي مما يسمح لسائق المتمرس من ايقاف السياره من دون اي اضرار في المركبه
اما في حالة الاطارات الميجر احيانا ينفجر مع انسلاخ جزء من الغلاف الخارجي مما يودي الى الاضرار باجزاء السياره في حالة السرعه العاليه حتى التوقف