$$ شـــريــــــكــــــي يـــــــســــــرقـــــــــنـــي $$

[ماجستك]

فتحت مطعم وصرفت فيه مبلغ مش بسيط

كان الاتفاق ان انا علي التمويل وشريكي الاجنبي عليه اداره المطعم وله نسبه وليس له راتب

المهم تعثر المطعم في البدايه ودفعت وكل ما احتاج شي دفعت ... الان المطعم شايل حاله .. يعني ايطلع رواتب العمال ويدفع الاجارات .. لكن مافيه فايده ولا ريال.. على حسب كلام الشريك الاجتبي الي ماسك الشغل وماسك الحسابات

الي اماكد لي انه يسرقني ..اشلون مافيه ارباح من فتحنا المطعم (من 9 شهور) وهو شغال بدون راتب...كيف عايش ومعيش هله وعياله (وهو قاعد في المطعم فل تايم.. وماعنده مدخول ثاني)

مع ملاحظه ان المطعم بعيد جدا عني وصعب ازوره اكثر من مره في الاسبوع


اقتراحاتكم .. الله ايفرج عنكم همومكم وعن هل سوريا

[المليونير الفقير]

حياك الله بخصوص موضوعك مايبيلها شي حط لك موظف من طرفك يمسك الحسابات وفك عمرك واهم شي احسن الظن وربي يرزقك ويغنيك من فضله

[المقاول]

اولا لا تستعجل في قراراتك إلا عندك بديل لة يمسك المطعم .
ثانيا :
حط واحد من طرفك يمسك الكاشير لو لمدة شهر واحد فقط .
ثالثا:
9 شهور تعتبر مدة بسيطة ولكن مشاء الله يعتبر انجاز الحين شايل مصاريفة.
رابعا:
اسأل عن تاريخ شريكك واخلاقة ستجد من يزودك .. واهم شي يخاف الله ويعرف
الحلال من الحرام .
خامسا:
اذا فقدت الثقة فية .. حل المسألة حل جذري يعني تبعدة مع مساعدية المقربين منة.
سادسا:
الاستخارة قبل كل شي .
وانشاء الله تمشي امورك حسب ماتريد ويكون الموضوع مجرد شك .

[ماجستك]

حياك الله بخصوص موضوعك مايبيلها شي حط لك موظف من طرفك يمسك الحسابات وفك عمرك واهم شي احسن الظن وربي يرزقك ويغنيك من فضله

الله يجزاك خير ع سرعه الرد

فكرت فيها..بس اخاف يشترون ذمته.. واكيد اني احتاج اكثر من شخص لان الدوام من 8 الصبح الى 12 فالليل

ايش الجنسيه الي تنصح بها ؟؟

[ماجستك]

اولا لا تستعجل في قراراتك إلا عندك بديل لة يمسك المطعم .
كلام سليم .. انا مابي اتسرع لانه بصراحه امشي العمال مثل الساعه

ثانيا :
حط واحد من طرفك يمسك الكاشير لو لمدة شهر واحد فقط .
حلو هذا الي في البال

ثالثا:
9 شهور تعتبر مدة بسيطة ولكن مشاء الله يعتبر انجاز الحين شايل مصاريفة.
الحمدلله والفضل له ثم ان الموقع زين
في البدايه اطلعت لنا شغلات ومصاريف..مثل ان المطعم احتاج زياده مواد والشريك دفع جزء منها من مدخول المطعم وتحجج بها انها كلت الارباح.. الان ماله عذر وهذ ما اثار شكي

رابعا:
اسأل عن تاريخ شريكك واخلاقة ستجد من يزودك .. واهم شي يخاف الله ويعرف
الحلال من الحرام .
صعب اسال عنه..لكني قلت له اني باسكر المطعم وبافتح نشاط ثاني وهو طلب مني الانتظار وعدم التسرع.. بل وطلب مني ترك هذا المحل وفتح النشاط الاخر في مكان اخر ؟؟؟

خامسا:
اذا فقدت الثقة فية .. حل المسألة حل جذري يعني تبعدة مع مساعدية المقربين منة.
كلام منطقي جدا.. لانه جايب اخوه يمسك الشغل في الشفت الثاني عشان ايتمكن من ضبط الامور حتى في غيابه

سادسا:
الاستخارة قبل كل شي .
وانشاء الله تمشي امورك حسب ماتريد ويكون الموضوع مجرد شك
جزاك الله خير


.


وجزاك الله خير

[elders]

الله يجزاك خير ع سرعه الرد

فكرت فيها..بس اخاف يشترون ذمته.. واكيد اني احتاج اكثر من شخص لان الدوام من 8 الصبح الى 12 فالليل

ايش الجنسيه الي تنصح بها ؟؟

في جنسيات معروفة بذمتها النظيفة يعني؟؟

[المليونير الفقير]

الله يجزاك خير ع سرعه الرد

فكرت فيها..بس اخاف يشترون ذمته.. واكيد اني احتاج اكثر من شخص لان الدوام من 8 الصبح الى 12 فالليل

ايش الجنسيه الي تنصح بها ؟؟

كل الجنسيات فيهم بركة بس اعتقادي الهندي او السوداني ينفعون المهم الخبره او شهادة محاسبه ايضا تقدر تحسب دخل المطعم من الفواتير مثال كم خبز يشترون وكم روتي وكم برتقال وكم انباع وكم الي بقى لها حسبه معينة تقدرلك الارباح

[مشتاقة لقطر]

الله يعينك ...............

[SULTAN1]

اذا مالك في الشغلة خلها لأهلها ،اذا مب انت واقف عليهم وعارف الداخل والخارج بتظيع الحسبة،وبتتعب وفي النهايه الشريك بيقنعك تأخذ لك المقسوم نهاية الشهر وهو بيتولى المطعم ،ومع الاسف هذا اللى حاصل لكثير من المواطنين

[ابوحمد1]

بصراحة هذي مشكلة توجهنا كلنا نعتمد عليه في ل شيء بس انا من رايي انك تتفق معه يعطيك المقسوم او تاجر عليه المحل وهو يتكفل بكل شيء

[كازانوفا]

دايما المفروض صاحب الحلال يكون مراقب ويعقد بمكان حلاله ويشوف الداخل والخارج على قد ما انت تكون واثق من اللى مشاركك بحلالك بس هاي لا يعني ان الشيطان ما راح يدخل ويوسوس فيه
لذلك لازم اتمسك المحل لشخص وفهم شريكك انه بيكون لفتره مؤقته ما بين 6 شهور الى سنه
وصدقني بوقتهاا راح اتبلش تطلع الارباااح وهاي عن تجربه شخصيه كنت شراكه مع وحده بصالون
وسبحان الله الامور تمام يوم ما غيرتي وجابت جنسيه لبنانيه سرقت المحل وراحت وتركت الصالون بديونه
لذلك لازم يكون شخص من جماعتك

وان شالله ربي يوفقك وييسرلك الخيررر

[ماجستك]

في جنسيات معروفة بذمتها النظيفة يعني؟؟

ليتك قلت شي ايفيد




كل الجنسيات فيهم بركة بس اعتقادي الهندي او السوداني ينفعون المهم الخبره او شهادة محاسبه ايضا تقدر تحسب دخل المطعم من الفواتير مثال كم خبز يشترون وكم روتي وكم برتقال وكم انباع وكم الي بقى لها حسبه معينة تقدرلك الارباح

جزاك الله خير ع المشاركه الثانيه


الله يعينك ...............

الجميع

اذا مالك في الشغلة خلها لأهلها ،اذا مب انت واقف عليهم وعارف الداخل والخارج بتظيع الحسبة،وبتتعب وفي النهايه الشريك بيقنعك تأخذ لك المقسوم نهاية الشهر وهو بيتولى المطعم ،ومع الاسف هذا اللى حاصل لكثير من المواطنين

محد انولد وله في شغله معينه .. كلها ارزاق والواحد لازم يجتهد
انا بعيد جدا عن المطعم
انا راضي بالمقسوم ايا كان ولكن ربك مايضيع الحق عنده
جزاك الله خير


بصراحة هذي مشكلة توجهنا كلنا نعتمد عليه في ل شيء بس انا من رايي انك تتفق معه يعطيك المقسوم او تاجر عليه المحل وهو يتكفل بكل شيء

جزاك الله خير


دايما المفروض صاحب الحلال يكون مراقب ويعقد بمكان حلاله ويشوف الداخل والخارج على قد ما انت تكون واثق من اللى مشاركك بحلالك بس هاي لا يعني ان الشيطان ما راح يدخل ويوسوس فيه
لذلك لازم اتمسك المحل لشخص وفهم شريكك انه بيكون لفتره مؤقته ما بين 6 شهور الى سنه
وصدقني بوقتهاا راح اتبلش تطلع الارباااح وهاي عن تجربه شخصيه كنت شراكه مع وحده بصالون
وسبحان الله الامور تمام يوم ما غيرتي وجابت جنسيه لبنانيه سرقت المحل وراحت وتركت الصالون بديونه
لذلك لازم يكون شخص من جماعتك

وان شالله ربي يوفقك وييسرلك الخيررر

جزاك الله خير

[SULTAN1]

اخ ماجستك،أتمني لك التوفيق ولا تأخذ مداخلتي انها ضدك ،الانسان يجرب ويعمل لكن مايهمل ،وقصدي اذا انت مب متفرغ للمطعم فان هذه الشغله مب لك وتعرض نفسك للاحتيال من ضعيفي النفوس ،بارك الله لك في حلالك

[ضيفتكم]

الله يحفظ لك حقوقك

[BoAzozz]

اقترح عليك تفرغ نفسك اسبوع ترابط في المطعم من يفتح الىين يصكر
تشوف الاقبال والدخل والزباين وامكانية تحسين او التطوير
في اخر الاسبوع راح يكون عندك صوره اوضح للموضوع

بالتوفيق

[الزلزال]

احسن حل تحط ماحسب او مسؤول عن الكاشير..

ومايكون من نفس الجنسية العمال الي موجودين

والله يوفقك

[ahmedhafez]

أخي الموضوع بسيط بتودع المحل لمكتب محاسبي تحت امانته لمدة شهران وهو الى يحدد لك إن كان المحل يكسب أم يخسر
لكن المشكلة احتمالية إن المحل لا يخرج الا متطلبات الشريك فلا يبقى أرباح بمعنى انه يدفع ايجار منزله وإلتزاماته وهذا حقه ولا يبقى بعد ذلك شئ فالامر المهم هو كم المبلغ الذي يحصل عليه ليعيش وهل المبلغ مبالغ به أم أنه مبلغ صغير كل هذه أمور تحددها مكاتب المحاسبة
ولا تسئ الظن فالرجال يجب انه يعيش هو و اسرته لكن ان كان يسرق فلا رحمة تجوز له وعليك ببتره
والله الموفق

[ماجستك]

اخ ماجستك،أتمني لك التوفيق ولا تأخذ مداخلتي انها ضدك ،الانسان يجرب ويعمل لكن مايهمل ،وقصدي اذا انت مب متفرغ للمطعم فان هذه الشغله مب لك وتعرض نفسك للاحتيال من ضعيفي النفوس ،بارك الله لك في حلالك


الله يحفظ لك حقوقك

جزاكم الله خير ع المشاركه

[ماجستك]

اقترح عليك تفرغ نفسك اسبوع ترابط في المطعم من يفتح الىين يصكر
تشوف الاقبال والدخل والزباين وامكانية تحسين او التطوير
في اخر الاسبوع راح يكون عندك صوره اوضح للموضوع

بالتوفيق

جزاك الله خير
صعب جداً

الظاهر لازم محاسب

[ماجستك]

احسن حل تحط ماحسب او مسؤول عن الكاشير..

ومايكون من نفس الجنسية العمال الي موجودين

والله يوفقك

بإذن الله المحاسب قادم
جزاك الله خير

[ماجستك]

أخي الموضوع بسيط بتودع المحل لمكتب محاسبي تحت امانته لمدة شهران وهو الى يحدد لك إن كان المحل يكسب أم يخسر
لكن المشكلة احتمالية إن المحل لا يخرج الا متطلبات الشريك فلا يبقى أرباح بمعنى انه يدفع ايجار منزله وإلتزاماته وهذا حقه ولا يبقى بعد ذلك شئ فالامر المهم هو كم المبلغ الذي يحصل عليه ليعيش وهل المبلغ مبالغ به أم أنه مبلغ صغير كل هذه أمور تحددها مكاتب المحاسبة
ولا تسئ الظن فالرجال يجب انه يعيش هو و اسرته لكن ان كان يسرق فلا رحمة تجوز له وعليك ببتره
والله الموفق

معلومه جديده بالنسبة لي

اول مره اسمع ان مكاتب المحاسبه تفعل هذا الشي

جزاك الله كل خير. بإذن الله بأسال عن مكاتب المحاسبه

[سياتل]

أنا مادري اذا انا متاخر على الرد ولا لا

بس بادلي بدولي لعل يستفيدون الأخوان

أخوي الأخطاء من البداية هي كالتالي :-

إدخال شريك غير مشارك برأس المال .
مسك الشريك لإدارة المطعم دون رقيب عليه .

الحلول من وجهة نظري :
- البداية تجيب لك كاشير بدبلوماسية ويفضل من الجنسية الفلبينية .
- تشتري برنامج مبيعات مطاعم
- تتفق مع محاسب ( بارت تايم ) يمر كل يومين ويمسك الفواتير والمشتريات والمبيعات ويرسل لك تقرير مفصل كل نهاية أسبوع

ملاحظة

مكاتب التدقيق المحاسبي يدققون لك على الحسابات ويبعثون لك تقارير


أتمنى أكون أفدت أي حد بحاجة لهالمعلومات ( من واقع خبرتي المتواضعة ) :)

[Bozizoo]

اخ ماجستك،أتمني لك التوفيق ولا تأخذ مداخلتي انها ضدك ،الانسان يجرب ويعمل لكن مايهمل ،وقصدي اذا انت مب متفرغ للمطعم فان هذه الشغله مب لك وتعرض نفسك للاحتيال من ضعيفي النفوس ،بارك الله لك في حلالك

ليش اخوي خله يجرب رزقه و مثل ماقالوا الاخوان محاسب من طرفه وينتهي الموضوع
او تفضي نفسك شهر للمطعم و بتعرف اذا في تلاعب او لا
واذا بتجيب محاسب اهم شي عامل المفاجاة بدون مقدمات تجيب له واحد يحاسب و اذا قالك مانبي نزيد مصاريف قوله هذا على حسابي

[خارج التغطية]

السلام عليكم ورحمة الله وبركاته

للامانه يا اخوي الدولة تصرف بالهبل لتوعية المواطنين في ادارة مشاريعهم

معليه خل احد يدير لك بس انت اعرف شالطبخة

الدورات متعوب عليها

انا شخصيا حولت شغلي من خسارة واستنزاف الى نجاح اللهم لك الحمد

راجع الانماء الاجتماعي وقولهم ابي دورات المشاريع الصغيرة اهم دورتين من وجهة نظري حق مشكلتك الحين

ادارة العاملين وضبط الميزانية

علاقل هالفترة

والدورات مجانا للمواطنين

موفق ان شاء الله

[khaldoon]

اخوي اقعد معاه و فهمه انك مب مبسوط من الشغل و انه مب محقق لك ارباح و انه ما اعطاك سبب مقنع انك تستمر فيه ...يعني نبهه انه بيكفي اللي اخذته من قبل....و اذا حبيبك عسل لا تلحسه كله...بعدين اهم شي حرص ولا تخون...يعني انتبه منه بس لا تخونه طالما انك ما تعرف اذا هو فعلا يسرقك و الا لا... و بعدين اشلون انت قلت له الوضع تعبان و هو قالك انتظر شوي...يعني ايش الحل السحري اللي بيسويه...مثلا بيخفف شوي من مقبوضاته و بيصير يعطيك شوي منها على انها ارباح و الا ايش بالضبط

المفروض يكون في محامي او محاسب كطرف ثالث بينك و بينه و يكون من مكتب معتمد يهمه سمعته مب صديق لك او له بحيث انه يفصل بينكم ...يعني لو جاب هو محاسب او محامي من طرفه انت بعد ما بتثق فه و بتخونه وهو نفس الشي بس لو كان من مكتب معتمد فأكيد لازم كل طرف منكم يتقبله

الله يوفقك

[Dana’1]

طبعا الاخوان ما قصرو بالحلول الحلوة وخصوصا فيما يتعلق بالمحاسبة
وبالذات
- تشتري برنامج مبيعات مطاعم
وتتفق مع محاسب
هذي من الامور المهمة لا يمكن باي حال من الاحوال التغافل عنها

بس بعد
يمدحون كاميرات المراقبة! كان حطيتها من البداية
وتكون واضحة وبعلمة وتصور المحل والباركنج

اليوم عنت في احد اليعادات وانا جالسة على مكتب الدكتورةالا جهاز الكمبيوتر حقها شغال تصوير مباشر
لمكتب الاستقبال تحت وللحوش مع جزء من الشارع وجزء ثاني داخلي نسيت ايش هو
التصوير واضح وحلو

حطلك واحد ،،، عالمكان وبس هو بيفهما بس شتسوي
وصارحة مثل ما قالك خلدون
وبالتوفيق لك

[tiger33]

أنا مادري اذا انا متاخر على الرد ولا لا

بس بادلي بدولي لعل يستفيدون الأخوان

أخوي الأخطاء من البداية هي كالتالي :-

إدخال شريك غير مشارك برأس المال .
مسك الشريك لإدارة المطعم دون رقيب عليه .

الحلول من وجهة نظري :
- البداية تجيب لك كاشير بدبلوماسية ويفضل من الجنسية الفلبينية .
- تشتري برنامج مبيعات مطاعم
- تتفق مع محاسب ( بارت تايم ) يمر كل يومين ويمسك الفواتير والمشتريات والمبيعات ويرسل لك تقرير مفصل كل نهاية أسبوع

ملاحظة

مكاتب التدقيق المحاسبي يدققون لك على الحسابات ويبعثون لك تقارير


أتمنى أكون أفدت أي حد بحاجة لهالمعلومات ( من واقع خبرتي المتواضعة ) :)

كلامة سليم 100%

والمال السايب يعلم السرقة .:anger1:

[قطري !]

هذا اللي يسرقك انسان طيب مادخلك في خساير


وانت بصراحه شكلك مهمل وتبي حد يسرقك وماحصلت الا هذا الشريك الاجنبي



يأخي كيف رضيت أخوه يشتغل معاه ...

وماعندك محاسب موجود علي طول,,

والاجانب يدخلون مع لقطريين شراكه عشان السرق .. لان 90 % جايين من بلادهم لجمع المال باي طريقه


تبي شوري إذا المطعم أخذ شهره عليك بتسفير هذا الشريك واستبداله بواحد غيره


او تضع لك محاسب

[جلاد_قطر]

انا لو منك اتفق معاه يعطيني مبلغ ثابت كل شهر والباقي له وافك عمري من عوار الراس

[ام_عيالي]

مثل ما قالوا الاخوان المحاسب وكمرات المراقبه والله يوفقك

[طير شلوى]

اخوي حط لك برنامج بسيط يسجل لك الداخل والخارج
او شوف محاسب نصف دوام يمر عليك المطعم وصدقني حرص ولا تخون
والله يوفقك

[المليونير الفقير]

بالتوفيق

[captin]

مرحبا

وعيدك مبارك وعساك من العايدين الفايزين
برضوان الله إن شاء الله.

عندنا بعض الأنشطة الصغيرة والمتوسطة
صعب السيطرة عليها وصعب معرفة مدخولها
بسبب انها انشطة لايمكن إدارتها إلا بتواجد المالك تواجدا مستمرا

مثل

محلات الخضار والفواكة

المطاعم الصغيرة والمتوسطة

الكفتريات

مغاسل الملابس

البقالات الصغيرة في الفرجان

ورش الصيانة الفنية

ورش صيانة السيارات وتغيير الزيوت

وغيرها من أنشطة مشابهة لاتحتمل زيادة المصروفات بتعيين
محاسب متخصص وتطبيق أنظمة محاسبية .

الطريقة المثلى لمثل هذه الأنشطة هو تقدير قيمة ربح شهري
ثابت للكفيل القطري مع التأكد من قيام مشغل النشاط بتسديد
الرواتب للموظفين والأجرة للمحل او المكتب وهذا هو المتبع
بالسوق القطري بنسبة 99% لمعظم الأنشطة التجارية .

[كاشف الغطاء]

^^^^^^^^

من جذي سارقيننا هالاجانب ومخلصين عيش الدوحة

اخوي مثل ماقالو اللي قبلك حط كيمرات مراقبة وفض نفسك اسبوع واحد للمحل وحط برنامج محاسبة وحتى لو هو بنفسه يحاسب

وفي طريقة حلوة شفتها في كذا محل حاطين لافتة مكتوب عليها إذا ما استلمت الفاتورة طلبك يكون مجاني

وبالنسبة للإخوان ياليت يعلموننا عن برنامج مقترح للمحاسبة ومن اي شركة يكون يفضل يكون سهل ومع التعليم ؟

[IT Engineer]

فتحت مطعم وصرفت فيه مبلغ مش بسيط

كان الاتفاق ان انا علي التمويل وشريكي الاجنبي عليه اداره المطعم وله نسبه وليس له راتب

المهم تعثر المطعم في البدايه ودفعت وكل ما احتاج شي دفعت ... الان المطعم شايل حاله .. يعني ايطلع رواتب العمال ويدفع الاجارات .. لكن مافيه فايده ولا ريال.. على حسب كلام الشريك الاجتبي الي ماسك الشغل وماسك الحسابات

الي اماكد لي انه يسرقني ..اشلون مافيه ارباح من فتحنا المطعم (من 9 شهور) وهو شغال بدون راتب...كيف عايش ومعيش هله وعياله (وهو قاعد في المطعم فل تايم.. وماعنده مدخول ثاني)

مع ملاحظه ان المطعم بعيد جدا عني وصعب ازوره اكثر من مره في الاسبوع


اقتراحاتكم .. الله ايفرج عنكم همومكم وعن هل سوريا


مرحبا يالغالي واشكر الأخوان على الحلول الي عطوك بس انا من راي انك تتفق معاه على مبلغ كل شهر وليس النسبة لان لو اتفقت معه على النسبة بقولك والله ما في مدخول لكن اذا اتفقت معاه على مبلغ كل اول شهر اعتقد هاي انسب شي لك بدون عوار راس بدون ما تتحمل اي تكاليف المحل ان كان من ايجارات او رواتب او تكاليف اقاماتهم فاشتري راحتك بهاي الطريقة او ركب لك كاميرات مراقبة وتكون موصله بالإنترنيت حتى لو ما تروح المحل تقدر تشوف المحل وانت في البيت او اي مكان الكاميرات الأنترنيت يسمونها كاميرات اي بي واذا تبي اي خدمة حاضرين وانا عندي واحد يقدر يخدمك في هالشغلات والله ولي التوفيق

[معتصم1]

أخي الكريم الأنظمة الحديثة لإدارة المطاعم تمنع حتى ذهاب ريال واحد ، هناك بعض الأجهزة المصممة لهذا الغرض وهي دقيقة 100%
بدون نظام سيبقى الشك والظن هو السائد في الموضوع ( والرجل قاعد في المطعم فل تايم.. وماعنده مدخول ثاني)
هذا دليل على حرصه وربما يضع أمله ويجتهد لإنجاح المطعم وقد تكون نقطة ايجابية وليست سلبية ولا يوجد اي دليل معنوي أو مادي للسرقة

الموضوع بسيط ( نظام ادارة المطاعم مع كمبيوتر + شخص متخصص يراجع الحسابات )

هذا هو قطع الشك باليقين

[Sociable]

حياك الله بخصوص موضوعك مايبيلها شي حط لك موظف من طرفك يمسك الحسابات

[قطريه جدا]

حطي كاميرا بطريقتج من دون ان يعلم ونظام مراقبه للهاتف وراح تعرفين الصادر والوارد

[q1989]

كل الجنسيات فيهم بركة بس اعتقادي الهندي او السوداني ينفعون المهم الخبره او شهادة محاسبه ايضا تقدر تحسب دخل المطعم من الفواتير مثال كم خبز يشترون وكم روتي وكم برتقال وكم انباع وكم الي بقى لها حسبه معينة تقدرلك الارباح

كل بيت و فيه حمام و كل ديرة و فيها مقبرة فديت خشمك

[عندليب قطر]

الله يبارك لك في رزقك
وعين لك محاسب تكون ضامنه

[مستر بن]

الله يجزاك خير ع سرعه الرد

فكرت فيها..بس اخاف يشترون ذمته.. واكيد اني احتاج اكثر من شخص لان الدوام من 8 الصبح الى 12 فالليل

ايش الجنسيه الي تنصح بها ؟؟

حطط لك 2 يتناوبون وعطهم نص الراتب ^^

[النهار]

عندي لك نصيحه
روح للشريك وقول له طالما المطعم مش مدخل فوائد انا حصلت مشتري
يبعطيني سعر ممتاز وانا بنقل السجل بأسم كفيل الشخص وانت تم معاه على نفس الاتفاق
اذا سوري قول له شخص سوري بيشتري المحل واذا مصري قول مصري
وشوف ردة الفعل شرط بتحصل الامور تتغير 360 درجه خلال ايام

بشرط تعمل تمثيله معاه وتجيب ناس يعاينون المطعم وتقول لصاحبك انهم بيشترون المطعم بسعر جيد

[am5ald]

شوف لك مبرمج يسويلك سيستم للكاشير يوصل لك كل شي بالجوال او الايميل وحط كاميرات مراقبه

[damar]

السلام عليكم ورحمك الله وبركاته
اول شي حبيت اقول احسن الظن فيه ولا تخلي بشي بذمتك
وثاني شي اقترح انك تسوي كايمره دام المطعم بعيد وما تزوره الا فالاسبوع مره
والله يوفقك يارب

[Bin Hood]

أخوي الصراحة ما قريت كل الردود

لكن الحل من وجهت نظري بمبلغ ثابت يدفعه لك شهرياً

[ماهر25]

اخى الفاضل

افضل حل لهذه المشكلة هى مدقق خارجى يمسك كل المستندات الموجودة (محاسبة وتدقيق) فى المطعم وتشوف التقرير اللى هيعده وبناءا خذ قرارك ... واستطيع ان اساعدك فى هذا الموضوع

بالتوفيق

[مبرمج في قطر]

الله يعينك

[خبير الانترنت]

حط واحد من طرفك يمسك الكاشير لو لمدة شهر واحد فقط .

[hany7403]

اخوي اذا انتا حسيت بعدم الامان مع الشريك فالاولي فض الشراكة لان لو جاب لك مليون ريال يومي خلاص الثقة انعدمت