هل يمسك الحجر في الطابوق الاحمر ؟؟؟

[ماجستك]

قاعد ابني والله ايعين

ناوي اركب طابوق احمر (الطابوق العازل الحراري) ونيتي ان اركب حجر باذن الله

طبعا الافضل تركيب الحجر بالبراغي (الطريقه الميكانيكيه) ولكن الطابوق الاحمر لايصلح مع البراغي

لذلك الطريقه الوحيده هي لصق الحجر

هل طريقه لصق الحجر عمليه... يعني هل الحجر ايطول مايطيح..حد جرب طريقه لصق الحجر ..؟؟

نصايحكم الله يجزاكم خير

[سهم عتيج]

يعطيك العافية اخوي

اذا بتركب حجر فما انصحك انك تركب طابوق حمر للاسباب التالية

ان الحجر راح يقوم مكان الطابوق الاحمر بالعزل الحراري

ان سعر الطابوق الاحمر بيكلفك اكثر

في حالة تركيب طابوق احمر فراح تحتاج الى معداتخاصة فيما بعد لتوصيل الكهرباء في الجدار وهذا راح يكلفك اكثر

وبعدين الطابوق العادي افضل للحجر كما اشار علي بعض الاختصاصصين في هذا المجال

يعني المفروض انك تعزم من الحين اذا بتركب حجر او لا عشان بعدين ماتتحسف

والله يوفقك

*

[ولد المنصور]

اشيد على كلام اخوي سهم عتيج

[lacigale]

"بالتوفيق"

[العنيد000]

اخوي الطابق العادي احسن من الاحمر واقوى

[الخبــره]

احنا بنينا فوق السطح دور ثاني وكنا ناوين نلبس البيت كامل حجر
وكان البنيان طابوق احمر عشان الوزن اخف خاصه ان البيت قديم اشوي
فلبسنا الحجر ومافي مشكلة لحد اللحين الحمد الله
وشوف اهل الخبره بعد يفيدونك

[AL-ANSARI]

عادي اخوي المهم البلاستر الخشن فوق الطابوق

[قطر الشموخ]

السلام عليكم
اوافق الاخ سهم برايه
واضيف ان الطابوق العادي اقوى ولكن لا مانع من استخدام الطابوق الاحمر بشرط ان تضربه بوجه مسمار يدوي خشن وبعون الله يكون زي البولاد
ملاحظة كلامي ينطبق على كل انواع الحجر الا السعودي

[PGR]

اخوي بالنسبه للتركيب بالطريقة الميكانيكيه هي افضل فقط للحجر السعودي عشان نسبة تشرربه كبيره ,, اما للسوري والاردني فما تحتاج الا للتركيب بالطريقة العاديه لانه بتكون تخسر فلوس على الفاضي

بالتوفيق