تحضر حفل زواج ابوك

[ms-qtr]

موضوع غريب قريته و حيرني

فحبيت اجوف آراء رواد المنتدى بالموضوع

اليوم جايبه لكم موضووع حساس جدا وارجوا المشاركة من الكل....





ودي انك تعيش الموقف بينك وبين نفسك وشوف وش يطلع معك واكتبه لنا هههههههههههههههه


تحضر حفل زوآج آبوك آذآ تزوج على آمك ..!
آذآ مآرحت زوآج آبوك مثلآ .. آبوك بيزعل ...


وآذآ رحت آمك بتزعل ..
وزعل مين آللي يهمك ومآتقدر عليه آكثر من آلثآني .. ؟


آيش رآح تسوووي وآيش رآح تختآر ؟!



وياليت تقول ليش آخترت هآلسبب ...

ننتظر ردودكم...

[.Q a T a R.]

اكيد بروح

لانه مايخالف شرع الله

[ريومه87]

اكيد بروح

لانه مايخالف شرع الله


وانا معاه:victory:

[رآعي موآجيب]

وارزف في عرسه واقوله بكرك صبي يامعرس بعد :victory:

[نيساني]

بالنسبه لي بهدي اعصاب الوالده من الكلام الحلو واكيدين بحضر عرس الوالد وبستعرض في المسيره بعد!

ونسيت ماقول شي مهم بشاور الوالد اذا ممكن اتزوج الثانيه ويكون العرس واحد وهني بكون عاونت الوالد ووفرت مبلغ وقدره

*موضوع جميل جداً

وشكراً

[hamoor4ever]

اكيد بحضر عرسه ، الشرع محلل اربع ودامه قادر ليش لا رجال وهو ابخص بنفسه

[سان سيمون]

أبوي الله يرحمه في جنة الخلد بإذن الله طبعا قضوا عليه الحريم معدد وبقوة

بس انا لو كنت واعية في ذاك الوقت لو شنو ما حضرت الا ممكن اكون مثل عروس الكويت الي أحرقت الخيمة :nice:

بس اذا امي وحده قويه وهي الي مطفشته ببارك له بيني وبينه بس امي ما راح اخليها اتحس علشان ما تزعل علي

[al-bake2002]

بل .... معقولة ولا واحد فيكم فيه وفا حق امه ؟! .....

[أبو عبدالعزيز]

بعد إذن صاحب المشاركة؛ اسمح لي أن أضع السؤال الثاني، وهو خاص بمن سيأتي من الأعضاء ويفرح لأبيه ويكون بارا به في عرسه:

ماذا لو كان العرس للأم - على افتراض أن الأب طلقها أو توفي عنها - هل ستحتفي بعرسها كما تفعل في عرس ابنتك أو أختك!! وهل ستحضر عند عقد قرانها!! :secret:

[Bozizoo]

انا ابوي الله يعطيه الصحه و العافيه
صحته على قده
بس ممكن احول السوال zizoo ولدي
تحياتي للجميع

[رآعي موآجيب]

بعد إذن صاحب المشاركة؛ اسمح لي أن أضع السؤال الثاني، وهو خاص بمن سيأتي من الأعضاء ويفرح لأبيه ويكون بارا به في عرسه:

ماذا لو كان العرس للأم - على افتراض أن الأب طلقها أو توفي عنها - هل ستحتفي بعرسها كما تفعل في عرس ابنتك أو أختك!! وهل ستحضر عند عقد قرانها!! :secret:


بحضر عرسها طبعاً لكن بدون رزف ولا راح اقول للمعرس بكرك صبي يامعرس :anger1:

الجنه صعبه يابو عبدالعزيز ولا نقدر نمنع الآباء من الأخطاء والذنوب فما بالك بشرع الله المحلل !!

الله يرزقنا برهم ويرزقنا بر عيالنا لنا

[chillis]

بعد إذن صاحب المشاركة؛ اسمح لي أن أضع السؤال الثاني، وهو خاص بمن سيأتي من الأعضاء ويفرح لأبيه ويكون بارا به في عرسه:

ماذا لو كان العرس للأم - على افتراض أن الأب طلقها أو توفي عنها - هل ستحتفي بعرسها كما تفعل في عرس ابنتك أو أختك!! وهل ستحضر عند عقد قرانها!! :secret:

طبعا الاغلب بيقولك لا سؤال بالصميم :nice::victory:

[أبو عبدالعزيز]

بحضر عرسها طبعاً لكن بدون رزف ولا راح اقول للمعرس بكرك صبي يامعرس :anger1:

الجنه صعبه يابو عبدالعزيز ولا نقدر نمنع الآباء من الأخطاء والذنوب فما بالك بشرع الله المحلل !!

الله يرزقنا برهم ويرزقنا بر عيالنا لنا



اللهم آمين يا رب العالمين.. لكن أكيد اللي بيحضر عرس أمه ما بيدعو الربع والجماعة ويعزمهم!! أو أكيد إنه ما بيسره يشوف ربعه حاضرين وفرحانين بالعريس!! escape

[شهر سبعة]

ماعرفه اذا تزوج على امي حتتتتتتى لو امي راضيه :)

[رآعي موآجيب]

اللهم آمين يا رب العالمين.. لكن أكيد اللي بيحضر عرس أمه ما بيدعو الربع والجماعة ويعزمهم!! أو أكيد إنه ما بيسره يشوف ربعه حاضرين وفرحانين بالعريس!! escape


لا تطولها وهي قصيره يابو عبدالعزيز :rolleyes2:

انا ابغي رضاها مابغي اوزع كروت العرس للربع وانا ابتسامتي مترين :omen2:

في مجتمعنا تلاقي الرجل ما يعزم ربعه على عرس بنته او اخته ، فما بالك بامه !! :secret:

ياحبك للرص في الزوايا :telephone:

[مستجدة]

وهو مطلق أمي لا والف لا ماراح احظر ولا راح ابارك
لكن لو انه بسم الله على أمي متوفاه بحظر واللي بالقلب بالقلب

عندي سؤال ليه الرجل لاتوفت زوجته بعد شهر ولا شهرين عرس
وفي المقابل فيه زوجات بعضهم في ريعان الشباب تعيش على ذكرى زوجها حتى لو ماعندها الا طفل واحد فقط

هل المرأة اكثر وفاء من الرجل ...؟

[رآعي موآجيب]

عندي سؤال ليه الرجل لاتوفت زوجته بعد شهر ولا شهرين عرس
وفي المقابل فيه زوجات بعضهم في ريعان الشباب تعيش على ذكرى زوجها حتى لو ماعندها الا طفل واحد فقط

هل المرأة اكثر وفاء من الرجل ...؟


وانا عندي سؤال لش :nice:

ليش عممتي السؤال على جميع الرجال في الشق الأول بطريقه انهم ما يوفون لزوجاتهم وعممتي في الشق الثاني ان النساء كلهم يوفون لأزواجهم بعد الوفاه ؟

هل انتي من الأخوات اللي عندها قناعه بأن كل الرجال سلبيين وكل النساء إيجابيات !!؟:secret:

[سان سيمون]

وهو مطلق أمي لا والف لا ماراح احظر ولا راح ابارك
لكن لو انه بسم الله على أمي متوفاه بحظر واللي بالقلب بالقلب

عندي سؤال ليه الرجل لاتوفت زوجته بعد شهر ولا شهرين عرس
وفي المقابل فيه زوجات بعضهم في ريعان الشباب تعيش على ذكرى زوجها حتى لو ماعندها الا طفل واحد فقط

هل المرأة اكثر وفاء من الرجل ...؟

انا بجاوبج اخت مستجدة لان الرجل ما فيه صبر زين منه قعد شهر ولا شهرين مده طويلة الصراحة وأتوقع هالشهرين موب حداد على زوجته قاعد يزكرت نفسه للمره الجديدة :) بالاضافة الى ان تفكير الرجل منطقي وواقعي اكثر من المرأة ممكن يحب زوجته بس طبعا يحب نفسه اكثر

مسالة وفاء المرأة هذا كان ينطبق بشكل كبير في السابق لكن حريم الحين قل الي عندها الوفاء لانه بدا جانب العقل يطغى عندها بدل ما تدفن نفسها على ذكرى ممكن ترتبط مرة ثانية :victory: وممكن موب وفاء انها ما تزوجت بس ما حد جاها يخطبها ما شفتي الي يطالبون يتزوجون غير خليجيات بس كيدنا بالنساء نقلب الطاولة لصالحنا حطيناه وفاء وحنا من جنبها :secret:

[أبو عبدالعزيز]

لا تطولها وهي قصيره يابو عبدالعزيز :rolleyes2:

انا ابغي رضاها مابغي اوزع كروت العرس للربع وانا ابتسامتي مترين :omen2:

في مجتمعنا تلاقي الرجل ما يعزم ربعه على عرس بنته او اخته ، فما بالك بامه !! :secret:

ياحبك للرص في الزوايا :telephone:


أغبطك على صراحتك.. وعلى حسن برك لوالديك.. وأظن اللي مثلك قليل.. زاد الله من أمثالك.. ولكن سؤال أخير: وين غيرك من الربع اللي كانوا متحمسين لحضور عرس أبوهم!! ما شفت رايهم في عرس الأم!! هل تظن المجتمع يشكل ضغطا على من يرغب ببر والدته!!

[دبلوماسية]

اي حضرت ...زواج الوالد الله يعطيه الصحة ..
لان الوالدة الله يرحمها توفت ....

بس لو على حياتها ....ما اعتقد اني باحضر ...

[الـراسي]

شي اكيد اني بحضر

لانه حق من حقوقه

[رآعي موآجيب]

\
مسالة وفاء المرأة هذا كان ينطبق بشكل كبير في السابق لكن حريم الحين قل الي عندها الوفاء لانه بدا جانب العقل يطغى عندها بدل ما تدفن نفسها على ذكرى ممكن ترتبط مرة ثانية :victory: وممكن موب وفاء انها ما تزوجت بس ما حد جاها يخطبها ما شفتي الي يطالبون يتزوجون غير خليجيات بس كيدنا بالنساء نقلب الطاولة لصالحنا حطيناه وفاء وحنا من جنبها :secret:


:nice::nice::nice:




أغبطك على صراحتك.. وعلى حسن برك لوالديك.. وأظن اللي مثلك قليل.. زاد الله من أمثالك.. ولكن سؤال أخير: وين غيرك من الربع اللي كانوا متحمسين لحضور عرس أبوهم!! ما شفت رايهم في عرس الأم!! هل تظن المجتمع يشكل ضغطا على من يرغب ببر والدته!!


صدقني مش قليل يابوعبدالعزيز ويمكني اقلهم براً ، لكن من طبع الأنسان لا يلفت انتباهه ولا يشده إلا سلبيات الأمور ولا يعير الجانب الأيجابي في المجتمع اي اهتمام ( يدور الأكشن )

سؤالك ماله عندي اجابه ، يمكن رقدوا :victory: ترانا آخر الليل :nice:

وعلى طاري الرقاد تصبحون على خير :yawn:

[Bozizoo]

اي حضرت ...زواج الوالد الله يعطيه الصحة ..
لان الوالدة الله يرحمها توفت ....

بس لو على حياتها ....ما اعتقد اني باحضر ...

الله يذكرك بالشهاده
نسيت اني حاضر للوالد عرسين اثنين مب واحد

[مستجدة]

وانا عندي سؤال لش :nice:

ليش عممتي السؤال على جميع الرجال في الشق الأول بطريقه انهم ما يوفون لزوجاتهم وعممتي في الشق الثاني ان النساء كلهم يوفون لأزواجهم بعد الوفاه ؟

هل انتي من الأخوات اللي عندها قناعه بأن كل الرجال سلبيين وكل النساء إيجابيات !!؟:secret:



نعم كل الرجال سلبين الا من رحم ربي لكن مب كل النساء اجابيات :(

انا عن تجربة المحطين فيني من صديقات ومن الاهل

فيه وحده توفي زوجها بعد زوجاهم بـــــ 6 اشهر وتوفي وهي حامل باول طفل وهي بعدها بالعشرينات من العمر والان هي ام لبنت وحيده ورافضه اللي يقدمون لها لان غير متقبله العيش مع احد بعده وتبي اتربي بنتها

وفيه من الرجال مع انهم فوق ال 55 سنه توفيت زوجاتهم وبعدها بكم شهر انشوفه يبحث عن زوجه دون مراعاه لمشاعر الابناء وقبل على قولتهم يجف قبر زوجته

ترى لو هو المتوفي هل كانت زوجته بحثت عن رجل بعد اشهر العده ؟

[رآعي موآجيب]

نعم كل الرجال سلبين الا من رحم ربي لكن مب كل النساء اجابيات :(



هذا اللي كنت ابغيش تقولينه ، وطحتي في الفخ :)

شوفي هالقصه اللي بختصرها لأني انعس وابغي ارقد والنقاش مع النسوان ما يخلص

واحد من الربع موجود معنا في هالمنتدى وكلللللكم تعرفونه عدل مدل

كانت احواله الماديه سيئه جداً ، ومتزوج وزوجته انجبت واجد ماشاء الله تبارك الله

المهم ، الرجال الله رزقه وفتح عليه ، وحالته الماديه الآن ممتازه جدا جدا ( الله يهنيه ويرزقه )

في يوم من الأيام واحنا مسافرين مدري ايش اللي فتح بينا موضوع التعدد ، فقلت له تزوج يابو فلان ، انت الحين اوضاعك ممتازه وتقدر تفتح بدال البيت 3 بيوت

قال والله ودي اليوم قبل بكره ، والجماعه يرشحون لي من بناتهم دايما ( طبعاً لأنه كفو ومحبوب )

يقول بس كل مافكرت في ام عيالي اهون ! قلت له شلون !!؟

قال هالمره تحملت فقري اكثر من 20 سنه ، لا مصروف مثل الناس ولا سكن مثل الناس ولا سياره مثل الناس ولا عمري سمعتها تنطق بكلمة فيها اعتراض او تحس خاطري ، فاليوم بعد ما الله عوضني ورزقني اجازيها بأكثر شي يجرح الحريم !! ما تستاهل ام فلان اني اجازيها بزوجه وهي اللي صبرت علي كل هالسنين
واليوم زوجته ساكنه في فله فخمه وراكبه سياره فخمه لها غير سياره ثانيه عاديه للمشاوير البسيطه وغير الأمور اللي مانعرفها

و الله انها قصه واقعيه وصاحبها تعرفونه وموجود في هالمنتدى كل يوم

كتبت هالقصه علشان اقولكم اتقوا الله في كلامكم وفي نظرتكم الشينه لنا

تصبحون على خير بس هالمره للفراش ماراح اتابع شي :tease:

[مستجدة]

هذا اللي كنت ابغيش تقولينه ، وطحتي في الفخ :)

شوفي هالقصه اللي بختصرها لأني انعس وابغي ارقد والنقاش مع النسوان ما يخلص

واحد من الربع موجود معنا في هالمنتدى وكلللللكم تعرفونه عدل مدل

كانت احواله الماديه سيئه جداً ، ومتزوج وزوجته انجبت واجد ماشاء الله تبارك الله

المهم ، الرجال الله رزقه وفتح عليه ، وحالته الماديه الآن ممتازه جدا جدا ( الله يهنيه ويرزقه )

في يوم من الأيام واحنا مسافرين مدري ايش اللي فتح بينا موضوع التعدد ، فقلت له تزوج يابو فلان ، انت الحين اوضاعك ممتازه وتقدر تفتح بدال البيت 3 بيوت

قال والله ودي اليوم قبل بكره ، والجماعه يرشحون لي من بناتهم دايما ( طبعاً لأنه كفو ومحبوب )

يقول بس كل مافكرت في ام عيالي اهون ! قلت له شلون !!؟

قال هالمره تحملت فقري اكثر من 20 سنه ، لا مصروف مثل الناس ولا سكن مثل الناس ولا سياره مثل الناس ولا عمري سمعتها تنطق بكلمة فيها اعتراض او تحس خاطري ، فاليوم بعد ما الله عوضني ورزقني اجازيها بأكثر شي يجرح الحريم !! ما تستاهل ام فلان اني اجازيها بزوجه وهي اللي صبرت علي كل هالسنين
واليوم زوجته ساكنه في فله فخمه وراكبه سياره فخمه لها غير سياره ثانيه عاديه للمشاوير البسيطه وغير الأمور اللي مانعرفها

و الله انها قصه واقعيه وصاحبها تعرفونه وموجود في هالمنتدى كل يوم

كتبت هالقصه علشان اقولكم اتقوا الله في كلامكم وفي نظرتكم الشينه لنا

تصبحون على خير بس هالمره للفراش ماراح اتابع شي :tease:



ياحليه وده اليوم قبل بكره !!!!!

يعني لو المرة مب متفضله بمواقفها الطيبه عليه كان عرس
وانا اتكلم عن اللي في نفس الرجال النيه المبطنه
لكن صديقك من اللي يعرفون المعروف ومسكته الشيمه عن العرس مع انه في خاطره اليوم قبل بكره

ادري بتحولنها حرب بس والله لو تكتبون الى بكره ماراح تجون ذرة بجانب وفاء المرأة سوا زوجه صالحه ولا ام
قله قليله من الرجال الاوفياء

[Al-Kuwari]

ياحليه وده اليوم قبل بكره !!!!!

يعني لو المرة مب متفضله بمواقفها الطيبه عليه كان عرس
وانا اتكلم عن اللي في نفس الرجال النيه المبطنه
لكن صديقك من اللي يعرفون المعروف ومسكته الشيمه عن العرس مع انه في خاطره اليوم قبل بكره

ادري بتحولنها حرب بس والله لو تكتبون الى بكره ماراح تجون ذرة بجانب وفاء المرأة سوا زوجه صالحه ولا ام
قله قليله من الرجال الاوفياء

كلامج مردود عليه

نظرتج السلبيه انتي قلتيها كانت من محيطج , فلا تتوقعين كل الناس عايشين بنفس البيئه اللي انتي عايشه فيها

ترى الرجل بعد انسان وعنده احاسيس ومشاعر شدعوه زوجته تتوفى اليوم يدور غيرها باجر !!

حدث العاقل بما يعقل

واذا على هالسوالف انا اعرف واحد معرفة شخصية

زوجته كان فيها الخبيث الله يرحمها , ودفع ماوراه ودونه عشان يعالجها مع ان نسبة الشفاء كانت ضئيله وتوفت المره الله يرحمها

وهالكلام من 22 سنه تقريباً, ولي يومج ماتزوج ولا فكر انه يتزوج مع انه عنده خير وربي مغنيه وله مكانه مرموقه فالمجتمع :)

قصه ثانيه واحد توفت زوجته من 7 سنين من الخبيث بعد الله يرحمها

لليوم ماتزوج عليها وتفرغ عشان يربي بناته واولاده


ترى الناس اجناس
ومثل مافي بنات وفيات في شباب اوفياء

لا تخلون نظرتكم سوداوية وشامله الكل بناء على حاله او حالتين انتوا شفتوها من بين 1000000000 حاله

----------------------------------------

نرجع للموضوع ,, بصراحة صج ان الوالد ماغلط والشرع حلل اربع لكن ماراح احضر :)

[رآعي موآجيب]

ياحليه وده اليوم قبل بكره !!!!!

يعني لو المرة مب متفضله بمواقفها الطيبه عليه كان عرس
وانا اتكلم عن اللي في نفس الرجال النيه المبطنه
لكن صديقك من اللي يعرفون المعروف ومسكته الشيمه عن العرس مع انه في خاطره اليوم قبل بكره

ادري بتحولنها حرب بس والله لو تكتبون الى بكره ماراح تجون ذرة بجانب وفاء المرأة سوا زوجه صالحه ولا ام
قله قليله من الرجال الاوفياء


ياحليله وتفضلت عليه !!!

لا والله ياحليلش انتي :)

ومسويه نفسش تعرفين الغيب وتتكلمين عن اللي في نفس الرجال ونواياهم المبطنه والغيبيه !!

تدرين ، تحسفت اني كملت مناقشتي معش ، المفروض من بعد ماجاوبتي على السؤال اعرف نوعيتش من البشر وأكتفي ، لأن دام الأنسان يجمع ويعم الكل يكون من الأشخاص اللي مايقتنع إلا بشوره وتفكيره وبس

واللي على هالحال الكلام معه مامنه خير

تراني رديت مجبور وفاء مني لصاحبي :) ولولا ان الموضوع بيطول وبياخذ منحنى آخر ويمكن اتسبب في حذفه وإلا كان كتبت قائمه طويله من روائع بعض النساء وفي الأخير كنت بكتب سؤال بريء ( أين وفاء معظم النساء هنا ؟ )

[بوخالد911]

والدي متوفى

:(
:(
:(

[دااانة قطر]

أبوي الله يرحمه في جنة الخلد بإذن الله طبعا قضوا عليه الحريم معدد وبقوة

بس انا لو كنت واعية في ذاك الوقت لو شنو ما حضرت الا ممكن اكون مثل عروس الكويت الي أحرقت الخيمة :nice:

بس اذا امي وحده قويه وهي الي مطفشته ببارك له بيني وبينه بس امي ما راح اخليها اتحس علشان ما تزعل علي

الله يرحمه ويرحم ابوي
وانا معاااك في ردك

[مهرة]

الحمدلله والمنه الله لا يغير على والدينا ووالدينكم والله يديم المحبة والمعزة.. ولو انا انحطيت بهالموقف طبعاً غريزياً بساند أميمتي ولا راح أهتم بالي بالعرس هذا اذا مانتفت شعرها الخايسة خرابة البيوووت ..!:anger1:

بس عندي موقف لي الحين متحامله عليه وهو يوم عرس عمي بنته بكره هي الي راحت اخطبت حق ابوها واحضرت عرسه وبعد اترقصله على الستيج ولا يفوووتكم اتنقط عرووووس ابوها ( قلبها محروووقة مافي احساس) الحلو في الموضوع انه اخوانها وخواتها الباقيين والي من حرمته الثانيه بعد ماحضروو العرس وكانو على امتعاض ونكران هالشي ومساندين امهاتهم .. الله لا يحوجنا ولا يرزقنا بمثل هذي البنت ( بنت ابوها) ..

نـــــــآيس تـــــوبيـــــك ..:)

[بوسلمان 2010]

اول شي بحضر العرس هذا مافي شك والوالدة لها الحشيمه والكرامة واكيد راح اطيب خاطرها واوضح لها


ان هذا حلال والله محلله هذا الشي

[شيوخه]

اول شي صباح الخير

لا مستحيل احضر

وبخصوص انكم تتكلمون عالوفاء من الجنسين

مثل مافيه حريم يوفون حق ازواجهم بعد وفاتهم بعد في رياييل يوفون حق زوجاتهم بعد مااتوفى

وبعدين الريال ماينلام اذا تزوج من عقب مااتوفى مرته لان الريال دووم يحتاج الانثى اتجابله وتعينه في حياته

اما الحريم الاغلبيه منهم تكون عندها قوة صبر وتتحمل اتعيش على ذكرى زوجها اتربي عيالها ويمكن اتفكر تتزوج عقب مايكبرون عيالها


بغض النظر عن الحالتين هالشي يعتمد على الشخص نفسه اذا يقدر يكمل حياته بدون وجود شريك حياته

[شبح الصمت]

غريزة أأي أأنسان في هالدنيا يكون مايل صوب آآمه هذه مش طبع إإلا مشاعر داخل الانســان

فطبعا وعشان رضى الوالدين

بيكون متحسس من أأأبوه على أنه بيأأخذ على أمه

لانه أألام أأوقات تحلف على ولدها أنها راح تزعل

ونحن نعلم

أن الجنــه تحت أقدام الأمهات وطاعة كلاهما

فأتوقع شيء صعب ولكن عن نفسي أأبوي توفى رحمة الله عليه

ولو كان قالي طبعا كنت راح أحضر عرسه وبرزف لكن من دون أأمي ما تدري عنـي

عشان ما أأأجرح مشاعرها وإلا اضايقها

ويمكن الأب ماشاء الله عليه قادر ويستطيع وفيه طاقه والأم تكون مهب معطته وجه عقب هالعمر كله فحرآآم أنه مسكين عقب هالاسنين كلها يلجأ للحرام محدن يرضها فخلو الشيبان يتزوجون الي يقدرون وشايلين أعمارهم ..



فتسمحون لي أقول نقطة قبل لي تزوج الشيبه ما كانوا العيال يفكرون سهلات بس حاليا لي تزوج اول همهم لو أأبوهم عنده فلوووس ورجال الله منعم عليه أأهو الورث وأنه في أشخاص راح يتقاسمونه معاهم ( البعض )

وتقبلوا مروري

[سان سيمون]

غريزة أأي أأنسان في هالدنيا يكون مايل صوب آآمه هذه مش طبع إإلا مشاعر داخل الانســان

فطبعا وعشان رضى الوالدين

بيكون متحسس من أأأبوه على أنه بيأأخذ على أمه

لانه أألام أأوقات تحلف على ولدها أنها راح تزعل

ونحن نعلم

أن الجنــه تحت أقدام الأمهات وطاعة كلاهما

فأتوقع شيء صعب ولكن عن نفسي أأبوي توفى رحمة الله عليه

ولو كان قالي طبعا كنت راح أحضر عرسه وبرزف لكن من دون أأمي ما تدري عنـي

عشان ما أأأجرح مشاعرها وإلا اضايقها

ويمكن الأب ماشاء الله عليه قادر ويستطيع وفيه طاقه والأم تكون مهب معطته وجه عقب هالعمر كله فحرآآم أنه مسكين عقب هالاسنين كلها يلجأ للحرام محدن يرضها فخلو الشيبان يتزوجون الي يقدرون وشايلين أعمارهم ..



فتسمحون لي أقول نقطة قبل لي تزوج الشيبه ما كانوا العيال يفكرون سهلات بس حاليا لي تزوج اول همهم لو أأبوهم عنده فلوووس ورجال الله منعم عليه أأهو الورث وأنه في أشخاص راح يتقاسمونه معاهم ( البعض )

وتقبلوا مروري

وانت الصادق هم يتزوجون وارجيلهم بالقبر والي يبتلش بالعيال المره الاولى وعيالها يعني المسكينه محروق دمها اول وتالي شيبتها ماخوذ وعيالها بعد فترة بيربون عيال الثانية و يصرفون من جيوبهم ومثل ما قلت المشاركة في الورث واذا ما تنيذل الشيبة وطلق الاولى يعني حرقت جوف من اول وتالي :nice:

[شبح الصمت]

وانت الصادق هم يتزوجون وارجيلهم بالقبر والي يبتلش بالعيال المره الاولى وعيالها يعني المسكينه محروق دمها اول وتالي شيبتها ماخوذ وعيالها بعد فترة بيربون عيال الثانية و يصرفون من جيوبهم ومثل ما قلت المشاركة في الورث واذا ما تنيذل الشيبة وطلق الاولى يعني حرقت جوف من اول وتالي :nice:



اخوانهم مالهم بد منهم

واشدعوه يطلقها ما اتوقع إلا اذا الشيبه chilis

:shy:

[مستـريــح البـــال]

،

،

أولاً كله الا الوالده الله يحفظها ويطول بعمرها، خير وبركة البيت والفريج والمنطقة بكل ابوها (في عيوني)..

من ناحيتـــــــــــــــــــــــــــــــــــــــــــــ ــــــي ..

يعتمد على اسباب قدوم الوالد على الزواج، اذا الريال محتاج لهالزواج فعليا، والوالده راضية ومقتنعه، فما راح اعارض شرع الله..

واذا بدون سبب والوالده قادرة تلبي لبوي مطاليبه، فأكيد بكون أول من يحاول اقناع الوالد للعدول عن هالزواج،الا اذا اقنعني بأسبابه..

تســــــــــــــــــــــــــــــــــــــــــــــــ ــــــــؤل ..

الأخوان اللي رفضوا زواج ابوهم، هل ينظرون بنفس المنظار ناحية زواجهم من الثانية؟؟ (وما ندري يمكن منهم ناس بدأوا في التعدد وأخذوا الاولى ولربما الثانية، و الثالثة،والرابعة)..

فمثل ما أمهاتنا بنات ناس زوجاتنا بعد بنات ناس..

وهل لو كانت الوالدة( الله يحفظها للكل)، كبرت في العمر، وتعبت وصحتها ما تساعدها في اشياء كثيرة من الناحية الزوجية، بترفضون بعد زواج الوالد اذا ما زال بقوته ومحتاج للزوجة؟


وأخيــــــــــــــــــــــــــــــــــــــــــــــ ــراً ..


سئل الشيخ بن باز رحمه الله هل الأصل في الزواج التعدد أم الواحدة فأجاب : " الأصل في ذلك شرعية التعدد لمن استطاع ذلك ولم يخف الجور لما في ذلك من المصالح الكثيرة في عفة فرجه وعفة من يتزوجن والإحسان إليهن ، وتكثير النسل الذي به تكثر الأمة ، ويكثر من يعبد الله وحده . ويدل على ذلك قوله تعالى : ( وَإِنْ خِفْتُمْ أَلا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلا تَعُولُوا ) النساء/3 ، ولأنه صلى الله عليه وسلم تزوج أكثر من واحدة وقد قال الله سبحانه وتعالى : ( لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ ) الأحزاب/21 ، وقال صلى الله عليه وسلم لما قال بعض الصحابة : أما أنا فلا آكل اللحم وقال آخر : أما أنا فأصلي ولا أنام ، وقال آخر : أما أنا فأصوم ولا أفطر وقال آخر : أما أنا فلا أتزوج النساء ، فلما بلغ ذلك النبي صلى الله عليه وسلم خطب الناس فحمد الله وأثنى عليه ثم قال : ( أَنْتُمْ الَّذِينَ قُلْتُمْ كَذَا وَكَذَا أَمَا وَاللَّهِ إِنِّي لأَخْشَاكُمْ لِلَّهِ وَأَتْقَاكُمْ لَهُ لَكِنِّي أَصُومُ وَأُفْطِرُ وَأُصَلِّي وَأَرْقُدُ وَأَتَزَوَّجُ النِّسَاءَ فَمَنْ رَغِبَ عَنْ سُنَّتِي فَلَيْسَ مِنِّي ) وهذا اللفظ العظيم منه صلى الله عليه وسلم يعم الواحدة والعدد " . مجلة البلاغ العدد 1015 ، فتاوى علماء البلد الحرام ص 386 .

ويراجع جواب سؤال رقم (14022 ) للأهمية

http://islamqa.info/ar/ref/49044

أحترامي للجميـــــــــــــــــــع ،،،

،

،

[chillis]

اخوانهم مالهم بد منهم

واشدعوه يطلقها ما اتوقع إلا اذا الشيبه chilis

:shy:

?? :eek5: وضح

والله طول ما امي عايشه ربي يعطيها طولت العمر ما بسكر قلبها علشان مرت الابو خله يعرس بروحه ومالها مكان بينا

[شبح الصمت]

?? :eek5: وضح

والله طول ما امي عايشه ربي يعطيها طولت العمر ما بسكر قلبها علشان مرت الابو خله يعرس بروحه ومالها مكان بينا



قصدي اذا الشيبه فلفل وعصبي بيطلقها اما اذا يحبها بخليها

والله يطول بعمر امج وامهاتنا وآمهات المسلمين اجمعين

قلت لكم طبع الابناء الانحياز صوب الأم أكثر من الأب

:)

[بوخالد2]

محد يقدر يقعد بالدنيا بدون ونيس

[intesar]

إذا أبوي بيتزوج على أمي.. أكيد ما بحضر.. بالرغم من علاقتي القوية مع أبوي.. احتراما لأمي.. ومراعاة لمشاعرها..

بس ممكن أحضر وأهني أبوي وأقدم حق عروسته طبق من العقارب علشان أخلص عليها..

في حال طلاق المرأة أو ترملها.. أعتقد من حقها الزواج مثل من حق الرجل بالتعدد..

وليش الرجل يتزوج بعد وفاة زوجته.. لان الرجل يحتاج للرعاية.. ليس لأنه يبحث عن عروس أو انه افتك أو ما صدق.. لا تكوينة الرجل تختلف عن المرأة.. الرجل طفل كبير ويحتاج لمن يرعاه ويشوف طلباته من تنظيف وغسيل وطباخ.. وأمور نفسية من تطبيب وحنان.. لكن المرأة تقدر تكتفي بزوج واحد طول العمر.. خصوصا إذا كان فيه أطفال.. الرجل بيحتاج من يقوم ابهم.. لكن المرأة بتضحي بحياتها حتى تكبرهم.. وهذه ليست أنانية من الرجل.. لكنه التكوين الفطري والنفسي للرجل..

ودمتم بحفظ الرحمن..

[chillis]

:shy:
قصدي اذا الشيبه فلفل وعصبي بيطلقها اما اذا يحبها بخليها

والله يطول بعمر امج وامهاتنا وآمهات المسلمين اجمعين

قلت لكم طبع الابناء الانحياز صوب الأم أكثر من الأب

:)

ربتني وتعبت علي وللحين تتعب علينا نعض ايدها طبيعي ابوس رجولها مهب بس ايدها هذي حلوة اللبن

[الحاقول]

لا ... انا مع امي ضد ابوي

[بوخالد2]

وانت الصادق هم يتزوجون وارجيلهم بالقبر والي يبتلش بالعيال المره الاولى وعيالها يعني المسكينه محروق دمها اول وتالي شيبتها ماخوذ وعيالها بعد فترة بيربون عيال الثانية و يصرفون من جيوبهم ومثل ما قلت المشاركة في الورث واذا ما تنيذل الشيبة وطلق الاولى يعني حرقت جوف من اول وتالي :nice:

ههههههههههههه

نحيس هذا :tease:

[شبح الصمت]

:shy:

ربتني وتعبت علي وللحين تتعب علينا نعض ايدها طبيعي ابوس رجولها مهب بس ايدها هذي حلوة اللبن



شيء منتهي منه طاعة الوالدين

يعني في ذمتج بتكرهين ابوج عشان تزوج على أمج !!!

أمك ثم أمك ثم أمك

في الطاعه

لكن أبوي له حق مب اكره عشان تزوج على أمي دامه معطها حقها الله يجزاه خير ودامه مهب مقصر معانا جزاه الله خير

في حريم يرضون أنه يتزوج عليهم ولكن ما تكون صغيره عشان ما تلحس مخه

:)

[شبح الصمت]

إذا أبوي بيتزوج على أمي.. أكيد ما بحضر.. بالرغم من علاقتي القوية مع أبوي.. احتراما لأمي.. ومراعاة لمشاعرها..

بس ممكن أحضر وأهني أبوي وأقدم حق عروسته طبق من العقارب علشان أخلص عليها..

في حال طلاق المرأة أو ترملها.. أعتقد من حقها الزواج مثل من حق الرجل بالتعدد..

وليش الرجل يتزوج بعد وفاة زوجته.. لان الرجل يحتاج للرعاية.. ليس لأنه يبحث عن عروس أو انه افتك أو ما صدق.. لا تكوينة الرجل تختلف عن المرأة.. الرجل طفل كبير ويحتاج لمن يرعاه ويشوف طلباته من تنظيف وغسيل وطباخ.. وأمور نفسية من تطبيب وحنان.. لكن المرأة تقدر تكتفي بزوج واحد طول العمر.. خصوصا إذا كان فيه أطفال.. الرجل بيحتاج من يقوم ابهم.. لكن المرأة بتضحي بحياتها حتى تكبرهم.. وهذه ليست أنانية من الرجل.. لكنه التكوين الفطري والنفسي للرجل..

ودمتم بحفظ الرحمن..



فرضا الأم لا قدر الله فيها مرض فيها شيء !!

عاجزه والرجال يبي يشوف عياله

الرجال فيه قوه يبي يفرغها في الحلال مهب احسن له من كل يوم ناقز لي صوب دول آسيا

عقب تقولون ابونا وابونا وابونا كاهو كبر وخرف َ!!!


:anger1:

[intesar]

فرضا الأم لا قدر الله فيها مرض فيها شيء !!

عاجزه والرجال يبي يشوف عياله

الرجال فيه قوه يبي يفرغها في الحلال مهب احسن له من كل يوم ناقز لي صوب دول آسيا

عقب تقولون ابونا وابونا وابونا كاهو كبر وخرف َ!!!


:anger1:


هذي مسألة أخرى.. بس هم ماروح عرسه وأبارك له.. احتراما لمشاعر أمي..

[meme~qatar]

اولا ابوي عرس على امي قبل وفاتها الله يرحمها ب 3 او 4 سنوات

اصلا يوم خطب وملج ماقالنا الا عقب الملجة


ويوم اعرس كان عرسة في دولة خليجية مجاورة ديرة العلة مرته

ولو كنت ادري بالعرس كنت بحضر ومعاي ار بي جي واثور فيها
وعقب زواج الوالد مرضت الوالدة وتوفت الله يرحمها
وبخصوص الاخوان اللي قالوا بنزعل او مابنحضر خوفا على الورث .. ابشرك ترى اخواني الشباب هم اللي قايمين بالنسرة وعيالها وحتى خدامتها هم اللي تكفلوا بها ..

يعني شي ماتحلم فيه في بلادها
وش تبي اكثر من هالقهر ؟؟؟

ابوي على عيني وراسي بس ماقدرت اقوله مبروك .. خصوصا بعد اللي صار بالغالية امي الله يرحمها

^^^^^^^^

سوري قلبي متروس

[الدرررة]

انا ابوي متوفي الله يرحمة ويجعل قبرة من رياض الجنة
بس لو كان عايش ويبي يتزوج على امي والله لو وشو ماحضر عرسة
بعد ازيد في انكسار امي اسم الله عليها:weeping:
بس لو انا تزوج علي زوجي اكيد انا بقول للاولاد يحضرون عرس ابوهم علشان مااحطهم في ناريين لكن البنات لا والف لا لان ماتنلام البنت مثل الولد
بس هذا مايعني اني موافقة:anger1::anger1::anger1:

[شبح الصمت]

اولا ابوي عرس على امي قبل وفاتها الله يرحمها ب 3 او 4 سنوات

اصلا يوم خطب وملج ماقالنا الا عقب الملجة


ويوم اعرس كان عرسة في دولة خليجية مجاورة ديرة العلة مرته

ولو كنت ادري بالعرس كنت بحضر ومعاي ار بي جي واثور فيها

وبخصوص الاخوان اللي قالوا بنزعل او مابنحضر خوفا على الورث .. ابشرك ترى اخواني الشباب هم اللي قايمين بالنسرة وعيالها وحتى خدامتها هم اللي تكفلوا بها ..
يعني شي ماتحلم فيه في بلادها
يعني وش تبي اكثر من هالقهر ؟؟؟



^^^^^^^^

سوري قلبي متروس



قلبه متروووسه

:secret:

[meme~qatar]

قلبه متروووسه

:secret:

اففففففف اسكت اسكت

لا تخليني اطلع الباقي .. واقلبها دراما خليجية..

المشكلة باعترافها وبعضمة لسانها تقول ماخذته تبي ( تستفيد ماديا ) بس ..
في هالحاله ماتبي قلبي يحترق على الشيبة .. وعلى وفاة الغالية عشان العلة تستفيد ؟؟؟

[شبح الصمت]

اففففففف اسكت اسكت

لا تخليني اطلع الباقي .. واقلبها دراما خليجية..

المشكلة باعترافها وبعضمة لسانها تقول ماخذته تبي ( تستفيد ماديا ) بس ..
في هالحاله ماتبي قلبي يحترق على الشيبة .. وعلى وفاة الغالية عشان العلة تستفيد ؟؟؟




لا حول ولا قوة إلا بالله

شين وقوة عيـن

[فيزيائية]

اسوأ شي لما تكون الام متوفية والابو قوي وقادر
ويبغي يتزوج ويمنعونه عياله بسبة الفلوس ....

بالنسبة لي ابوي متوفي الله يرحمه

[mnmn172]

اهم شي أمي اذا مطيب خاطرها مالحد كلام وبحتفظ برايي لنفسي وبالنسبه للحضور اذا حد بيحضر من عماتي يسدون او بضطر احضر برا بوالدي اللي عمره ما قصر
على فكره أمي تقول لا تزعلون أبوكم بس انا ادري ان الكلام من ورا قلبها

[alma3ani]

انا اكيد ضد وبقوة يكفي بيحرق قلب امي اورح بعد واحرق قلبها واساسا حضرت ولا ماحضرت هو بتزوج

وسؤال يطرح نفسه هو مهب ولد 17 سنه علشان يسويله عرس بيتزوج كيفه يسوي عشى خفيف وقضينا

يعني لو هو ماراعى قلب زوحته وام اعياله وماراعى قلب اعياله هل المفروظ ان احنا فوق هذا انجامله ونحضر ونرزف

لا والله ماسويتها وحلوة اللبن محروق قلبها

يتزوج بكيفه والي علي ابره مثل ما امرني ربي ورسولي بس افرح معه وارزف اكيد لا

وبلمناسبة ابوي اموت في امي ومايبي غيرها هههههههههههه

واخبر يوم جدي الله يرحمه فكر يتزوج وهو فوق ال 70 ابوي امنعه واساسا جدتي قالت له بتركلك البيت وبروح عند اعيالي وبعدها هون الشيبه الله يرحمه ههههههههههه

وانا اساسا ضد التعدد وما افضله صح حلال بس مب كل من مسموح له يتزوج في حالات يفترض اتزوج فيها بس الي زوجته مب مقصره معه في شي وهو متزوج نحاسه او حب تغير فهاي ما اتوقع ان شرعنا يحلله

واذا بتزوج هو او هي والطرف الثاني متوفي او مطلقين فهشي فيها ومافيها لان بنهاية الطرف الثاني غايب فمن حقه يتزوج بس بعد فترة من الانفصال او الوفاة علشان العيال ما يتاثرون يستحسن يشاورهم وياخذ رياهم صح هو الابو او الام بس هم بنهاية ملزومين من اعيالهم ولهم حق قبل كانو عزاب بس بعد ماصار عندهم اعيال فالامر اختللف

[امـ حمد]

انا مستحيل احضر عرس ابوي

احترام للوالده

وإذا بعد امي بتعرس بعد مستحيل احضر عرسها

[Dawn]

ممم



لأ ما راح احضر .. واكيد بتفشل وماراح اواجه الناس لمدة سنه على الأقل