رايكم اخلي ولدي يشارك في مركز قطر التطوعي ولا لا

[سان سيمون]

ولدي اليوم جاب لي استمارة المتطوع الصغير يبي يشارك قاعدة افكر

بالموضوع من عدة جوانب ، الإيجابية منها والسلبية

الإيجابية : بيحتك بالناس وبتقوى شخصيته وبيعرف كيف يتعامل مع الاخرين والاعتماد على النفس وتحمل المسؤولية

السلبية : نوعية الناس الي بيكون معهم ( مع احترامي للجميع ) هل هم زينين ولا لا ، شنهي سلوكياتهم أخلاقهم ، والاهم انه مجال مختلط ميه بالميه وهو في سن مراهقة ممكن ينجرف او يستغل

محتارة يا جماعة واصدقكم القول انه 90٪ اقول لا ما يلتحق خوفا عليه

[شهر سبعة]

خله يشارك
مافي مكان مافيه هالسوالف
الواثق من نفسه وخايف على نفسه راح يحافظ على نفسه وهو كبير يعرف يفكر
بالتوفيق ان شاءالله

[سان سيمون]

خله يشارك
مافي مكان مافيه هالسوالف
الواثق من نفسه وخايف على نفسه راح يحافظ على نفسه وهو كبير يعرف يفكر
بالتوفيق ان شاءالله

يعطيك العافية على الرد ومسألة انه كبير وغيره لا والله موب كبير ما كمل 15 سنه وموب ذاك القدرة انه بميز الصح من الخطأ ولا ذاك النضج فانا خائفة من نوعية الناس الي بيكونون معاه وتعرفون فيه اماكن تكون سمعتها زينه ممكن الشخص يتشجع وفيه العكس لكن مركز قطر التطوعي للامانه ما سمعت عنه شيء علشان كذا طرحت الموضوع لانه انا واثقة في الاعضاء وكل واحد بينصح على انه في هالموقف هل أهوا أوكيه ولا لا

[بنت المطر]

يا اختي الكريمة


اولاً هالشيء صار مطلوب من ناحية المدرسة اذا كان طالب يطلبون منه انجاز ساعات في عمل تطوعي

+ اتمنى انج تشجعينه وتكون وياه خطوة بخطوة

واحب اوضح لج ان الشباب والشبابات اللي يعملون في مركز قطر التطوعي من خيرة شباب الوطن وفيهم بذرة خير

لاتتوقعين ان انسان فاسد او انسان فاشل يفكر يعمل عمل تطوعي او يتعب نفسه

العمل التطوعي اول شي اجر

ثاني شي خدمة للوطن والمواطن

وثالث شي يشجع على المساعدة وروح التعاون

ويقوي من شخصية الطالب من ناحية ان يكون صداقة جديدة يحضر ندوات محاضرات ورش تدريب

يكون جزء فعال من المجتمع


بدال مايقضي وقته ف السوني واللعب ف الفريج او الذهاب للمجمعات

+ ارد واقول اتمنى منج انج تحضرين معاه اول يوم للتسجيل ودايم سولفي وياه واساليه شسويت وشنو اليوم فعالياتكم

وحاولي تحضرين له اشياء

بيني له اهتمامج

والله يوفقكم

[بنت المطر]

اسفه اختي قريت نكج عبالي نك واحد هههههه


السموحة اختي العزيزة

[سان سيمون]

يا اخي الكريم


اولاً هالشيء صار مطلوب من ناحية المدرسة اذا كان طالب يطلبون منه انجاز ساعات في عمل تطوعي

+ اتمنى انك تشجعه وتكون وياه خطوة بخطوة

واحب اوضح لك ان الشباب والشبابات اللي يعملون في مركز قطر التطوعي من خيرة شباب الوطن وفيهم بذرة خير

لاتتوقع ان انسان فاسد او انسان فاشل يفكر يعمل عمل تطوعي او يتعب نفسه


العمل التطوعي اول شي اجر

ثاني شي خدمة للوطن والمواطن

وثالث شي يشجع على المساعدة وروح التعاون

ويقوي من شخصية الطالب من ناحية ان يكون صداقة جديدة يحضر ندوات محاضرات ورش تدريب


يكون جزء فعال من المجتمع


بدال مايقضي وقته ف السوني واللعب ف الفريج او الذهاب للمجمعات

+ ارد واقول اتمنى منك انك تحضر معاه اول يوم للتسجيل ودايم سولف وياه واساله شسويت وشنو اليوم فعالياتكم



وحاول تحضر له اشياء

بين له اهتمامك


والله يوفقكم


مشكورة بنت المطر انا امه لا يغرج الاسم خبرج علم اجتماع فار مخنا :weeping: ومشكورة على النقاط الي فعلا تخليني أتشجع على الفكرة والمشكلة هنا انا ما اقدر احضر معاه وأبوه الله يحفظه طبيعة عمله تمنعه بعد من الحضور والمتابعة ومثل ما قلتي ان هالاشخاص متطوعين والمقصد فعل الخير لكن ما ادري ليش قلبي موب مرتاح مع انه حاليا انا متعاونه مع المركز وفيه اجتماعات بينا وبينهم في مجال العمل لكن ما نعرف باطن الامور الله يسر الامر

[سان سيمون]

اسفه اختي قريت نكج عبالي نك واحد هههههه


السموحة اختي العزيزة

هههههههههههه عادي حبيبتي هذا من باب التنكر خبرج البعض خلا المنتديات عيب ومنقود لازم اصير واحد من الشباب ( طبعا امزح لا حد ياخذها علي بس والله العجز ان اخترع نك نيم وضعف الذاكرة فاهالاسم مرافقني من سنوات

[بنت المطر]

انزين لقيت لج حل اضافي

اشرايج تخلين اخته تشارك معاه ؟

او عيال اختج او عيال عمه اي حد ف عمره وحاب يشارك عالاقل حد يعين ويعاون وياه + يكونون مع بعض من باب الاطمئنان

+ انا متاكدة ان اختي ف ثاني ثانوي طالبين منها المدرسة تسوي عمل تطوعي ساعات محددة

ف جيكي وجوفي منو الشخص اللي بيرافق ولدج كرفيق درب + يونسون بعض

[لاجئ عاطفي]

ولدج في الاول والاخير رجال خليه يختلط في الناس هذا شي طبيعي ولا تبينه حبيس البيت؟ اختلاطه بالناس راح يقوي من شخصيته وراح يعلمه الاعتماد على النفس في صبيان اصغر منه واهاليهم يعتمدون عليهم فلاتشوفينه صغير ومايفهم الولد بالغ وان شاء الله ماعليه شر هالامكان فيها ناس ومشرفين على كفاءة عاليه ماظن بيئتهم فيها فساد او اخلاق سيئه ولاحظي ان عندهم بنات فماظن الناس حاطين بناتهم هناك اذا كان المكان فيه شبهه

[سان سيمون]

انزين لقيت لج حل اضافي

اشرايج تخلين اخته تشارك معاه ؟

او عيال اختج او عيال عمه اي حد ف عمره وحاب يشارك عالاقل حد يعين ويعاون وياه + يكونون مع بعض من باب الاطمئنان

+ انا متاكدة ان اختي ف ثاني ثانوي طالبين منها المدرسة تسوي عمل تطوعي ساعات محددة

ف جيكي وجوفي منو الشخص اللي بيرافق ولدج كرفيق درب + يونسون بعض


فديته هو اكبر الجماعة الله كريم شكلي بخليها في راس ابو الشباب هو الي يقرر

[سان سيمون]

ولدج في الاول والاخير رجال خليه يختلط في الناس هذا شي طبيعي ولا تبينه حبيس البيت؟ اختلاطه بالناس راح يقوي من شخصيته وراح يعلمه الاعتماد على النفس في صبيان اصغر منه واهاليهم يعتمدون عليهم فلاتشوفينه صغير ومايفهم الولد بالغ وان شاء الله ماعليه شر هالامكان فيها ناس ومشرفين على كفاءة عاليه ماظن بيئتهم فيها فساد او اخلاق سيئه ولاحظي ان عندهم بنات فماظن الناس حاطين بناتهم هناك اذا كان المكان فيه شبهه

تسلم ويعطيك العافية والله عارفه الي تقولة بس من الي نشوفه حولينا خلانا نخاف اكثر انا لو بس اعرف منهم من الشخصيات المشرفة يعني احد له ثقلة ممكن اخلي ولدي يكون في مجموعته بس مثل ما قلت قبل شوي بخليها في راس ابو الشباب هو الي يقرر علشان :anger1: لما يكون الانفجار يكون من صوبه موب من صوبي