محـل خيـاطه نسـائـي !!

[راسي براسك]

السلام عليكم ورحمة الله وبركاته ,,

بسم الله الرحمن الرحيـم


أخواني وخواتي

افكر اسوي مشروع محل خياطه بس براس مال صغير ..

حبيت أعرف وشو متطلبات هذا المشروع

من جميع النواحي

ياليت حد يفيدني

:telephone:

[al saad]

الشيخه مشروع حلو بس مشكلتج الايجارات غاليه هاي الي يهلك المشروع

انا سويت نفس المشروع للمدام بس بتكلفه بسيطه
المشروع كله عبارة عن هوايه وصار يدخل فلوس
اذا عندج غرفة في البيت غرفة داخليه ولا خارجيه ولها باب ع الحوش ولا ابني غرفة مع ورشه خياطه في البيت ولا ايجار ولا فواتير كهرب ولا رخصه
ودوري خياطه فلبينيه وحدو ولا 2 بيقومون بالمهمه واشتغلي في بيتكم راتبهم من1500 الى 2500 شغل نظيف
انا كلفني غرفة سكن مع مشغل 13000+معدات خياطه 10000+ تاشيرات خدم بس خياطه 16000

وجبت هندي من السوق العبي وعطيته 200 ريال عشان يعلمهم اشلون يقصون العبايه واشلون يوفرون في رول خلق العبايه حركات اهنود ^__^

وبس واشتغلت المدام فيه جلبيات على فساتين سهرة على عبي وجينزات
وراحو الكنيسه وجابو شغل من ربعهم وشغل نرسات مستشفى حمد
الحمدالله شغل حلو وبدون ايجار

ودخل في العيد بس من10000 الي 18000+ بس شغل عبي وفساتين

واذا الله وفقج وشفتي انه تقدرين تتحملين الايجار وشغلج زين افتحي محل

[الغلا]

المشروع ناجح بس لزم تتوفر الايدي العامله والدعايه
وراس المال اقل شي لزم يكون اقل شي 200 الف وتحصلين محل اجاره 12000 الف
وعدد العمال 6 يكون خياطه وعبايات وتكونين فالمحل دووووم
واقولج باذن الله راح تتوفقين
لاتفكرين فالعزيزيه الموقع
من خبرتي التجاريه

[بنت الوجبه]

الشيخه مشروع حلو بس مشكلتج الايجارات غاليه هاي الي يهلك المشروع

انا سويت نفس المشروع للمدام بس بتكلفه بسيطه
المشروع كله عبارة عن هوايه وصار يدخل فلوس
اذا عندج غرفة في البيت غرفة داخليه ولا خارجيه ولها باب ع الحوش ولا ابني غرفة مع ورشه خياطه في البيت ولا ايجار ولا فواتير كهرب ولا رخصه
ودوري خياطه فلبينيه وحدو ولا 2 بيقومون بالمهمه واشتغلي في بيتكم راتبهم من1500 الى 2500 شغل نظيف
انا كلفني غرفة سكن مع مشغل 13000+معدات خياطه 10000+ تاشيرات خدم بس خياطه 16000

وجبت هندي من السوق العبي وعطيته 200 ريال عشان يعلمهم اشلون يقصون العبايه واشلون يوفرون في رول خلق العبايه حركات اهنود ^__^

وبس واشتغلت المدام فيه جلبيات على فساتين سهرة على عبي وجينزات
وراحو الكنيسه وجابو شغل من ربعهم وشغل نرسات مستشفى حمد
الحمدالله شغل حلو وبدون ايجار

ودخل في العيد بس من10000 الي 18000+ بس شغل عبي وفساتين

واذا الله وفقج وشفتي انه تقدرين تتحملين الايجار وشغلج زين افتحي محل


موفقين ان شاء الله حبيت استفسر من وين اي مكتب طلبتو الخياطات ؟؟

[رحال الدوحه]

هلا وغلا
ربي يوفقج ويوفق الجميع ..

[بنت الوجبه]

الله يوفق الجميع يارب ..

[salali]

السلام عليكم ورحمة الله وبركاته،،
انا عندي مشغل خياطة نسائي .. وطبعاً قبل كل هذا اخذت دورة في دار الانماء الاجتماعي (ابدء مشروعك) وافادني البرنامج 100% ، واهم شي إعداد دراسة جدوى متكاملة قبل لا البدء بأي خطوة.. وبعدها فتح السجل التجاري وقيد المنشأة هذا اسهل شي .. ولكن لما نجي للرخصة التجارية .. دوووووخة ... ومرورا بمراحل كثيرة ..وكل ساعة بتطلع سالفة..
أولها شروط الرخصة التجارية الجديدة .. لازم المشغل ما يكون في حي سكني أي لازم يكون على شارع تجاري أو متفرع من شارع تجاري .. وطبعاً علشان تحقق الشروط هذي الإيجار يكون مبلغ وقدره .. اللي حصلته (من 12000 إلى 14000)) .. ولازم ترخيص من الدفاع المدني وإدارة المرور.

وبعدها طلب استقدام العمالة وإدارة العمل وما أدراك ما إدارة العمل "" الله يعطيهم العافية""

ونجي لمكاتب جلب الايدي العاملة كل ما تكلم مكتب ياخذون البيانات ويوعدون إنهم راح يتصلون ولكن لا حياة لمن تنادي وفيه بعض المكاتب يوفرون عليك وقت الانتظار ويبلغونك من أول أن ما عندهم خياطات.. وآخر شي دخلت احد المنتديات وعطوني رقم مكتب يوفر لي خياطات من الفلبين ..

هذا هو اختصار لرحلة مشروع مشغل خياطة نسائي .. وإذا فيه اي استفسار حاضرين وراح أكون معك خطوة بخطوة .. وإن شاء الله الاخوان والاخوات يحطون يدهم بيدينا علشان نستفيد من خبرتهم بهذا المجال.

بخصوص تكلفة المشروع إذا كان راس المال صغير يعني راح يكون محل خياطة صغير .. بإيجار بسيط .. وتأثيث المحل وجميع التكاليف بتكون ما بين 30000 إلى 50000 (((هذا إذا كان المحل صغير))).

ملاحظة هامة ::: لازم تكون مراجعة كل دائرة لاستخراج الرخص والموافقات بنفسك .. وبعد الافتتاح لازم تتابع بنفسك العمل والعمالة والزبائن .

والله يتمم لك اللي فيه الخير..

[فتى الجود]

السلام عليكم

مرى على هالرابط ممكن تستفدي منه :


http://www.qatarshares.com/vb/showthread.php?t=337976







السلام عليكم ورحمة الله وبركاته


أجراءات فتح السجل التجارى

أولا يجب معرفة الفرق بين السجل التجارى
والرخصة التجارية وقيد المنشأه


السجل التجاري

عبارة عن عقد تأسيس شركة بين شركاء ويمكن ان تكون لها

كيفية فتح السجل

التوجه الى وزارة الاعمال والتجارة ـ الدور الأرضي
ويتم طلب نموذج
ويتم تعبئتة من قبل الشركاء
والتوقيع عليه وتوزيع الحصص
وارفاق صورة من البطاقات الشخصية
يجب فتح حساب للشركة بمبلغ 200.000 ريال يكن ايداعها وسحبها في نفس اليوم

* ( ولايحتاج ألى شهادة من العمل ولا من ادراة الأسكان هذاك أول )

* وأذا كان احدكم
عسكري يبغي يفتح ممكن يشارك له اى مدنى
( حتى لو كان ابنه ) ويجيز له القانون
ذ لك

ملاحظة :
تستغرق هذه الخطوات الى يوم عمل واحد فقط
في حلات توافر جميع المستندت




الرخصة التجارية

هو رخصة لمزاولة النشاط
ويصدر من البلدية التابعه له المحل او السوق من ضمن الحدود الأدارية
ويكونون موجودين بنف مبنى وزارة الأعمال

المطلوب

عقد بينك وبين مالك المنشأه التجارية 0 صاحب محل ـ أو الشقدة الأدارية )

صورة من السجل التجاري


قيد المنشأه

وهو عبارة عن ورقة حجم a5
تصدر من الجوزات القطرية
بها أسم المنشأه
ورقم قيد المشأه
وأسم المخول بالتوقيع وتوقيعه ورقمه الشخصي
وختم المنشأه

المطلوب :
صورة من السجل التجاري
وصورة من الرخصة التجارية
وصور من بطاقات المخوليين بالتوقيع
وختم المنشأه

من يصدره

تصدره وزارة الداخلية بوابه 2 أو 1

وبعدها أكيد تبي عمال ؟

الحيين تتواجه ألى ادارة العمل ( أدارة الأستخدام )
بالمنزة مقابل محطة بترول طالب الخورى
وتقدم على الجنسيات المطلوبة ومهنهم
وتنتظر دورك حتى تتحول ألى لجنة الأستقدام


اتمنى أنى وفقت بالموضوع

[ع.ع]

أختي salaliأنا فاتحة مشغل جديد من إذا شهرين في شقة تجارية الخيطات فلبينيات محتاجة نصائحك إذا عندك خبرة ولك مني كل الشكر وتقدير

[بنت الوجبه]

الله يوفق الجميع ان شاء الله

[محمد الجفيري]

بالتوفيق يا رب

up up up

[salali]

أختي salaliأنا فاتحة مشغل جديد من إذا شهرين في شقة تجارية الخيطات فلبينيات محتاجة نصائحك إذا عندك خبرة ولك مني كل الشكر وتقدير

السلام عليكم ورحمة الله وبركاته،، كيف حالج اختي .. اسمحي لي على التأخير على الرد .. وحاولت إني ارسل لج على الخاص ولكن غير مسموح لي .. وإذا بغيتي أي شي ارسلي لي إيميلج وإن شاء الله راح يكون بيننا تواصل..

[الخزرجي قطر]

الله يوفقكم ان شاءالله

[ام_عيالي]

انا عندي سؤال عن مستلزمات الخياطه من خيوط وازره غير محلات التجاريه ابي محل الجمله للخياطين من غير الرونق
وشكرا

[مشتاقة لقطر]

موفقين يارب