(الهرن) مابين(السلام) و (الشتيمه)!!

[(الفيصل)]

بسم الله والحمد لله
والصلاة والسلام على رسول الله وبعد،،

البعض هنا في المنتدى (لايحب القراءة) ويرى أن (تعريفات وتأصيل واستفاضة الكاتب ) به ( تطويل وفلسفة ) أو (تفلسف) منه!! :)

ولهذا اقول(وبالقطري الفصيح) ،،

ان في قطر (الهرن) وهي آلة التنبيهة، يمكن تكون سلام ومحبه ، ويمكن تكون شتيمه وغضب!!

مثال ذلك
تشوف شخص تصيح له هرن تسلم عليه (محبة له)
وتشوف شخص لف عليك ويخورها بسواقته!! تشير الهرن على مسامعه (غضب من قيادته)الغلط.

إذن
(الهرن ) ،، حق عليه القول أنه يتدحرج مابين (المحبه والسلام) ومابين (الشتيمه والغضب) !!


ملاحظة
في (الدول المتقدمة)
إستعمال (الهرن) لايكون إلا للضرورة القصوى ، وإذا أستخدمه أحدهم فهو في الغالب (يشتمك ويقول أنت غبي أو أو أو ).

ملاحظة أخرى
في (الدول المتخلفة)
هناك من يستخدم (الهرن) ولايعرف لماذا !! فهو طوال قيادته لسيارته يستخدمه!! (وتكاسي الشقيقة مصر تصرخ بذلك) !!


والخلاصة أن الموضوع هو دعوة للنقاش
لذكر التجارب مع (الهرن) لنصل لإستخدامه بصورة (مثالية).

[رآعي موآجيب]

الظاهر انك ما درست اسرار الهرن قبل الطرح يالفيصل :)


اذا حد دق عليك هرن دقه سريعه وخفيفه ( هذا يقول السلام عليكم ) :omen2:

وإذا دق عليك هرن دقه طوييييله ومتكرره ومره بيد وحده ومره بالثنتين ( هذا نفر مافي زين ) :rolleyes2:

نسيت اقولك ياطويل العمر , النقاش في ايش بالضبط ؟ :)

[آنــه]

انا جربت استخدام الهرن يوم اكون مع اخوي
الهن يوم يكون قصير يسلم واذا كان طويل يكون يسب ويشتم ههههههه :omg:

مع الدريول القصير يكون يقول للي قدام بالله طوف
واذا طول في الهرن يقول هذي بأقل مافي معلوم ههههههههه:anger1:

اختلفت المفاهيم والهرن واحد :tease:

يعطيك العافية

[بوحمد111]

على ما اعتقد ان الهرن يعتبر مخالفة مروريه الا في حالات الطوارء ومن زمان متعودين على الهرن للسلام والتنبيه للغافل وفي اعتقادي الشخصي ان العرب بشكل عام متعودين على الهرن للسلام ولكن في مصر ما شاء الله عليهم الهرن عادة متعودين عليها يعني يمشي ويدق هرن في الزحمة وغيرها ولا كأن شي صار وبدونه يعتبر السياره عطلانه

[(الفيصل)]

الظاهر انك ما درست اسرار الهرن قبل الطرح يالفيصل :)


اذا حد دق عليك هرن دقه سريعه وخفيفه ( هذا يقول السلام عليكم ) :omen2:

وإذا دق عليك هرن دقه طوييييله ومتكرره ومره بيد وحده ومره بالثنتين ( هذا نفر مافي زين ) :rolleyes2:

نسيت اقولك ياطويل العمر , النقاش في ايش بالضبط ؟ :)


هههههههههههههههههه
ومنكم نستفيد
(والله يعين الصم ) واللي سمعهم ثقيل
ومنكم نستفيد ، أشكرك على الاثراء ، ونرتقب المزيد :nice:

[(الفيصل)]

الظاهر انك ما درست اسرار الهرن قبل الطرح يالفيصل :)


اذا حد دق عليك هرن دقه سريعه وخفيفه ( هذا يقول السلام عليكم ) :omen2:

وإذا دق عليك هرن دقه طوييييله ومتكرره ومره بيد وحده ومره بالثنتين ( هذا نفر مافي زين ) :rolleyes2:

نسيت اقولك ياطويل العمر , النقاش في ايش بالضبط ؟ :)



انا جربت استخدام الهرن يوم اكون مع اخوي
الهن يوم يكون قصير يسلم واذا كان طويل يكون يسب ويشتم ههههههه :omg:

مع الدريول القصير يكون يقول للي قدام بالله طوف
واذا طول في الهرن يقول هذي بأقل مافي معلوم ههههههههه:anger1:

اختلفت المفاهيم والهرن واحد :tease:

يعطيك العافية

فهمتكم انا فهمتكم على قولة (الرئيس التونسي المخلوع):)
بس مش ممكن أني (أهرن هرن طووووووووووووووووووويل) وأقول (للمقصود) هلا والله وينك ؟؟ سلام عليكم :shy:

بغض النظر عن اللي بالشارع ؟؟!! واللي (يسمعون الهرن) !!

[تمون]

بسم الله والحمد لله
والصلاة والسلام على رسول الله وبعد،،

ملاحظة أخرى
في (الدول المتخلفة)
هناك من يستخدم (الهرن) ولايعرف لماذا !! فهو طوال قيادته لسيارته يستخدمه!! (وتكاسي الشقيقة مصر تصرخ بذلك) !!



عليكم السلام ورحمة الله وبركاتة

هل تقصد بكلامك ان مصر دولة متخلفة ؟

[الإكسير]

لا تروح بعيد في احد الدول المجاوره قبل ماتسير الاشاره خضراء بثواني ماتسمع غير صوت الهرناات .... وللاسف فيه البعض قام يسويه وهذا يرفع ضغطي... اشوف ان فيه قلة ادب لانك تزعج العالم وبلاخص الي عنده اطفال فالسياره :(...

[الأستاذ]

أخي الفيصل ..
وين طمرت على الهرن !!!
والساعة ثلاث الفجر !!
أظن الأمر أدهى وأمّر ..
عموماً نشاركك تخاريف تالي الليل ونقول :
أن للهرن فوائد جمّة مخطئ من يحكرها في السلام والشتيمة ..
فبه نستدعي راعي الدكان ..
وبه نستعجل أم العيال ..
وبه نلحق على الدوام حين يتأخر مرافقوك في التوصيلة ..
وأحياناً في المناطق النائية يكون لعبة للأطفال عندما تسوق وهم في حضنك ..
وتستخدمه لأيقاظ من ينام عند أشارة المرور ..
ونستخدمه في أحياء مسيرات الأعراس والفوز في المباريات ..
ويستخدم في تنبيه الغافلين والغافلات .. لكن هذا هرن مختلف
وما زال له كثير لم يذكر ..
ما أهمّ الهرن ..فهو منبّه ..
تحياتي يالفيصل ..

[تاجر كشخة]

افاااا الحين كل يوم منزل موضوع واخر شي ما تعرف ايش الفرق بين هرن وهرن اما غريبه لا ومستلمنا بعد دول متخلفه!!!

[تاجر كشخة]

أخي الفيصل ..
وين طمرت على الهرن !!!
والساعة ثلاث الفجر !!
أظن الأمر أدهى وأمّر ..
عموماً نشاركك تخاريف تالي الليل ونقول :
أن للهرن فوائد جمّة مخطئ من يحكرها في السلام والشتيمة ..
فبه نستدعي راعي الدكان ..
وبه نستعجل أم العيال ..
وبه نلحق على الدوام حين يتأخر مرافقوك في التوصيلة ..
وأحياناً في المناطق النائية يكون لعبة للأطفال عندما تسوق وهم في حضنك ..
وتستخدمه لأيقاظ من ينام عند أشارة المرور ..
ونستخدمه في أحياء مسيرات الأعراس والفوز في المباريات ..
ويستخدم في تنبيه الغافلين والغافلات .. لكن هذا هرن مختلف
وما زال له كثير لم يذكر ..
ما أهمّ الهرن ..فهو منبّه ..
تحياتي يالفيصل ..
اشكر فنك على هالكلام

[jeep-srt8]

مايقهر الا لما تهرن لواحد وهو غلطان تلاقيه يهرن ومعصب وكانك انت الغلطان !!!!!!الله يقطع هالاشكال تهقرررررررررررررر

وانا ماحب الا هرن السلاااااام الهرن الثاني بالدواوير فقط

[غايه الطواش]

الفيصل منزل موضوع خفيف دم :shy:

تطور والله :victory:



حبيت الموضوع ...بصراحه كوني بنت ماستخدم الهرن حق السلام ..استحي صراحه ..احسها حركات شباب ....بس اهرن احيان لما وحده والا هندي ...بس قطري ما تجرا اهرن عليه اخاف يلف علي ,, واخاف من رده فعله ...

[روح الاطلس]

اعتقد للهرن مزايا اخرى غير السلام والشتيمة مثل ماذكر الاستاذ
ولكن بعد لازم يكون فيه اتيكيت في استخدامه مب على الطالع والنازل اهرن على العالم

اكثر مايقهرني اذا الشارع واقف وزحمه والاخ مافيه صبر يضرب هرن طووووويل ويأذي العالم الدنيا مب طايرة والصبر زين الكل عالق بالزحمه مب هو وبس.

[حسن]

الهرن لها فوايد عظيمه اتصدق يالفيصل موتري جديد واخترب الهرن عندي احس انه السواقه اختلت عندي
والله احس اني تبهدلت بهدله وانت خبرك تعرف شلون السواقه عندنا
اذا ماتهرن على ذا العالم ولا من زمان موترك مدعم
من شوي اسحب موتر باس مغرس في الاصبخه والموتر اللى اسحب فيه بدون هرن ابي اهرن له اني بابتدي
النشع اكتشفت الموتر بدون هرن
وهقه

[R 7 A L]

لاتنسون بعد حتى في سباق الهجن استفادوا منه المضمرين

[king fish]

في هرن للمعصره وفي هرن للشارع وفي هرن للسلام وفي هرن للمهستر

اولا في الشارع:

الهرن يستخدم للشخص المفهي والشاب قصدي المعيله المتهوره أمثله :

شخص واقف عند الاشاره تلاقيه ينتظر لمن تصير خضره لمدة دقيقه علشان يصدق انها خضره ويمشي او شخص تلاقيه ايضا عند الاشاره معتمد على الهرن علشان يمشي شكله عنده عمى الوان

معيله تلاقيه دخل قدامك من غير اي اشاره وتنبيه وبينك وبين السياره القدامك متر ونصف بيحشر نفسه غصب يبي يلحق اللفه قبل 4 امتار على اليمن وتلاقيه قادم من الخط السريع

واحد بشارع سيده يجرب بريكاته في خط فاضي

واحد هندي يشوف فلبينيه في الشارع يوقف بنص الشارع يبي يوصلها يحسب نفسه اميت ابشان

كروه يبي ينزل او يركب راكب

[حسن]

لاتنسون بعد حتى في سباق الهجن استفادوا منه المضمرين

هههههههههههههه
عادهم يستخدمونه يارحال مبطي منهم والحين الركبي دريل مايفهم الهرن

[أخت التفاؤل]

أنا ماستخدم الهرن إلا لحالتين

أستعجل اليهال اذا كانو داخل البيت ولا على بالهم

واذا في شاحنه بتلف علي سواء في الشارع العادي أو عالدوار

مرة بالغلط من كمن يوم استخدمته عند الإشارة

تذكرت اختنا لأجل قطر يوم تقول انها اذا اشتطت ودقت هرن بالغلط

تسوي روحها قاعده تنظفه
ههههه سويت نفس الحركة والله ستر الحمد لله

[R 7 A L]

هههههههههههههه
عادهم يستخدمونه يارحال مبطي منهم والحين الركبي دريل مايفهم الهرن

للحين يستخدمونه
يقولون يعطي المطيه ( POWER ) :nice: