اقتراح لحفظ حقوق الكفيل من مكاتب الخدم والخادمات

[الشيخة شيوخة]

لو يخلون طلب الخادمة الكترونى عن طريق النت افضل من المكاتب
وش يسوون المكاتب غير انهم ياخذون افلوسنا ويستغنون على ظهرنا
ولكن ان يطلب الخشص الخادمة الكترونى عن طريق النت ويعطونها الشروط وهى تعرف عن البيت افضل
ويكون هناك اتفاقية بين الطرفين بين الخادمة واهل البيت وهى :
اهل البيت يرسلون الفيزا
الخادمة تشترى لها تذكرة بنفسها وحنا مالنا دخل في تذكرتها
تشتغل بالراتب الى تم الاتفاق علية بين الخادمة واهل البيت
اذا اشتغلت في البيت وماعجبها يحق لها ترجع بلدها بعد ماتشترى لها تذكره بنفسها اهل البيت مالهم خص في تذكرتها اذا ماكملة المدة المتفق عليها
اذا كملت الخادمة المدة المتفق عليها على اهل البيت شراء التذكره للخادمة وتعتبر اكراميه من اهل البيت للخادمة على اخلاصها وعلى اتمام المدة المتفق عليها
واذا طقت الخامة وهربت سواء كملت المدة او ماكملت يتم سجنها الى ان تصلها تذكرة من اهلها يرسلون لها تذكره لتسفيرها يعنى الكفيل ماله شغل لانها اذنبت وخانة الاتفاق
وبكذا يكون محفوظ حق الطرفين لاظالم ولامظلوم
ويتم اغلاق مكاتب الخدم
لان دورهم انتهى والى كان متعلق في ارسال الفيزا
والدليل ان بعض العمالة ياتون بامراضهم لافحص ولا غيره
وعلى حظ الكفيل يكتشف امراضهم
ويدخل في دوامة طويله مع نصب المكاتب

[درر قطر]

والله خوش حكي بصراحة الكفيل مسكين متحمل كل التكاليف والخدم مهما يسوون تذكرتهم على الكفيل المسكين يعني الخدم ما عليهم أي خسارة

[السحابة]

ياريت الدولة تدرس الموضوع ومايتهونو علي حق مواطنيهم

[شموخ دائم]

,

,

مرحبا

شكرا على الموضوع

ياريت الامور بهذي البساطه

الخدم يجون من مناطق ريفيه جدا وما عندهم انتر نت ولا يعرفون لها

ولازم الشخص يستلم التاشيره ويتصادق عليها من سفاره قطر
ووالخدم مايعرفون لهذي الامور
ومن هنا حاجه المكتب هناك ينظم امورهم وياخذ اوراقهم السفاره
وينفس الوقت ياخذهم مستشفى يعملون لهم الفحص واستلام الشهاده من مستشفى معترف فيه
من السفاره القطريه
ويوجد اوراق ( حسن سير وسلوك ) يطلبونها منهم
كثيره الاجرائات ولذلك يتاخر الخدم بالحضور الى قطر
ويتوثق العقد من السفاره الفلبينيه في قطر

كلامي طبعا عن ( الفلبين واندونيسيا ) اما الهند والنيبال وسيرلنكا
ما يحتاج

:)


بالتوفيق لك

’

’

اخوك

شموخ دائم

[راشد محمد]

اقتراح حلو

[ابوالكلام]

شكرا على الاقتراح الجميل بس هل من مستمع

[khaldoon]

والله يا اختي كلامك جميل و الكل يتمنى فعلا حفظ حقوق الكفيل و انا منهم يعني اعاني من نفس الامر ...بس لو لاحظتي انه اقتراحك ما يحمي نهائيا الخادمة اللي تيجي على مجهول و ممكن جدا يخلق نوع من تجارة الرقيق لا قدر الله لما تيجي الخادمة بهالطريقه لانها تيجي على مجهول و ما تعرف شي و ممكن توقع بيد نصابين ما يخافون الله

ايضا لاحظي انه النت يحوي الكثير من الكذب و النصب و الاحتيال من الجهتين و غير مأمون ....ايضا كيف تبي الخادمة تدفع تذكرة و تيجي و توصل الدوحه و الكفيل يقولها لا خلاص هونت لقيت غيرك بس نسيت اقولك ....انشغلت!

الشيء غير المقبول و غير المفهوم هو ليش المكاتب تاخذ 8000 ريال تقريبا رسوم استقدام الخادمة؟؟.....ايش هي التكاليف اللي تستدعي هذا المبلغ ؟....كم نسبة الربح فيه؟؟؟.....ليش اول كنا نجيب الخادمة بنصف هذا المبلغ و يشمل 3 شهور راتب و الحين ندفع 8000 ريال على الاقل للمكتب و ما في اي توفير و لا تحسب منها رواتب

هذا اللي ودي احد يفهمني اياه

[hasss1969]

الحقيقة موضوعك مهم ويهم شريحة كبيرة من الناس .انا واحد من الناس المتضررين من مكاتب الخدم منذ اسبوع واحد فقط ارجعت الخادمة للمكتب والسبب انه تبين عندها ورم حميد في ظهرها وحجمه كبير والمشكلة مع شغل البيت
يألمها وماتقدر تعمل الا فترة قصيرة ومع المسكنات..الخدامة خدمت عندي حوالي شهر نصف هالمدة بين المركز الصحي وطواري حمد ..بعد ما كملت الشهر اعطيتها الراتب ورجعتها وانتظر خدامة بديلة من المكتب والله يعلم بتطول فترة الانتظار ام لا.وانا ارى اقتراحك جيد نظريا لكنه صعب التطبيق عمليا..
انا ارى انه لو يتم انشاء مؤسسة او شركة تتبع الدولة وهي تتولى هذا الامر وتعمل وفق اسس واضحة وصحيحة اعتقد ان نسبة المشاكل ستقل بشكل ملحوظ...
وسؤال عندي ارجو من عنده اجابة ان يفيدنا: في حال المكتب اخل باحد الشروط او وجدنا انه تحايل علينا هل هناك جهة فعالة نستطيع اللجوء لها وهل حصل وانها انصفت الكفيل من مكانب الخدم؟

[الشيخة شيوخة]

,

,

مرحبا

شكرا على الموضوع

ياريت الامور بهذي البساطه

الخدم يجون من مناطق ريفيه جدا وما عندهم انتر نت ولا يعرفون لها

ولازم الشخص يستلم التاشيره ويتصادق عليها من سفاره قطر
ووالخدم مايعرفون لهذي الامور
ومن هنا حاجه المكتب هناك ينظم امورهم وياخذ اوراقهم السفاره
وينفس الوقت ياخذهم مستشفى يعملون لهم الفحص واستلام الشهاده من مستشفى معترف فيه
من السفاره القطريه
ويوجد اوراق ( حسن سير وسلوك ) يطلبونها منهم
كثيره الاجرائات ولذلك يتاخر الخدم بالحضور الى قطر
ويتوثق العقد من السفاره الفلبينيه في قطر

كلامي طبعا عن ( الفلبين واندونيسيا ) اما الهند والنيبال وسيرلنكا
ما يحتاج

:)


بالتوفيق لك

’

’

اخوك

شموخ دائم

اولا كل الشكر على ردك الجميل بس بالنسبه للفحص موصحيح ان المكتب يقوم بفحصهم قبل ليجيبهم والدليل الى يدخلون وفيهم الايدز والسل وانا جاتنى وحده فيها السل