هل تم زيادة قرض بنك التنمية ؟؟؟

[sara81]

السلام عليكم ورحمة الله وبركاته

من فضلكم بغيت اسأل هل تمت زيادة على قرض الاسكان من بنك التنمية او لا ؟؟

لانه سمعت انه زادوه وفي ناس قالوا شهر 4 في زيادة , ياريت حد يفيدني من صحة هالكلام لانه ابغي اشتري بيت عن طريقهم فقلت اذا في زياده بصبر شوي

وجزاكم الله كل خير

[درر قطر]

الله كريم لأن القرض الحالي ما يكفي

[مخطط قطري]

اذا زادوه بتزيد الاقساط ومب بعيده يزيدون الفايده والله يستر مايطلع عقب ربوي

[al saad]

اتصل البنك وبتعرف الخبر اليقين

[نجدي قطري]

اصبر لين شهر 4 على قولة المقالة الصحفية.
نأمل إن يزيدونه.

[شموخ دائم]

,

,

مرحبا


مافي شي رسمي من بنك التنميه
كلها احاديث من هنا وهناك وما طلع لا تصريح ولا قرار رسمي
للاسف حتى الان

الانسان العاقل الان ما يحط الزياده في الحسبان
ويعمل خريطه على المبلغ الحالي

بالتوفيق لك

’

’

اخوك

شموخ دائم

[ANONYMOUS]

هذا وسوف تمتد فترة تلقي طلبات الحصول على قروض الإسكان من الأول من شهر مايو الحالي وحتى نهاية مارس من عام 2012. علما بان هذه الموازنة المخصصة لإدارة الإسكان هي الأضخم من نوعها في تاريخ بنك قطر للتنمية.

السؤال هنا

اللي ماقدم قبل مارس؟

وش بيكون وضعه

وشكرا

[راشد محمد]

متى يبين..

[الغرناس]

اختي أنا كلمت بنك التنمية وقالولي مافي شي للان وانا هناك دراسة وبيبين مع المزانية الجديدة وانشاءاللة يزيدون لانا القرض الحالي مايكفي لبيت العمر

[خليفـة]

بتوضح الصورة مع بداية شهر أربعه أن شاء اللہ
ولكن العقل والمنطق أن بيتم زيادة القرض أن شاء اللہ
الفائض في الموازنة شيء يبشر بالخير أن شاء اللہ
اللہ يوفق كل مـن ينتظر خبر زيادة القرض
ويوفق الجميع

خليفة

[الإكسير]

ماتمنى يزيدون القرض لان اسعار الاراضي راح ترتفع... فالي يستحق قرض فقط ماراح يستفيد من الزياده... انشاء يتم القرض نفس ماهو..

[حمد بن سعد]

يمقن كذبت ابريل يمقن لا :tease:

[شاعر المليون]

تم تأجيل موزازنة الدولة لشهر 6 -2012

بالتالي اي زيادة متوقعة تأجلت .

[sara81]

تسلمون اخواني وخواتي على ردكم

وجزاكم الله كل خير

[الخزرجي قطر]

دراسه مافي شي جديد ويمكن تتاجل مع الميزانيه الجديده والله اعلم

[Nasser2006]

اتمني انصاف الناس الي خذوا القرض واتوهقوا بالديون !

والله يوفق الجميع!

[مضارب دوسري]

توني مكلم البنك
ردوا علي ان هالكلام نزل فالجرايد ومافيه اي شي رسمي لحد الان
سالتها عن هل بالاساس فيه دراسه مثل ماذكروا الجرايد
قالوا ماعندنا خبر
من كلامها اعتقد اللي يعرف له احد في بنك التنميه يقدر يساله وبيقوله اذا فيه زياده ولا لا


في رايي الشخصي ان الجرايد مستحيل تنزل خبر مثل هذا ويكون غير صحيح
لان من عقب هالخبر صار في زياده بسيطه في اسعار مواد البناء

محد بيستفيد اذا زادوا القرض الا اللي هم للحين في طور البناء
اما اللي للحين مابدوا بيكون الامر سيان عندهم لان اوردي بيكون هناك رفع في اسعار البنا ولكن ماراح يكون كبير

اتوقع الخبر صحيح بس بما ان تاجلت الموازنه ننتظر حتى موعد الموازنه الجديده

[مضارب دوسري]

وبما ان مثل مانذكر فالجرايد ان الفائض كبير جدا من الميزانية السابقه
وحسب تصريحات رئيس الوزراء ان قطر تنوي استثمار جزء من الفائض في بلغاريا
اعتقد ايضا سيكون هناك استثمار للدوله داخل قطر من قروض الاسكان لانها ايضا تعتبر استثمار

[الغرناس]

السؤال هل الي ماخلصت دفعاتة يعني توة في نص القرض بتشملة الزيادة

[مضارب دوسري]

السؤال هل الي ماخلصت دفعاتة يعني توة في نص القرض بتشملة الزيادة

هذا الشي راح ينذكر فالقرار الرسمي اذا كان هناك زياده

[halcrow]

ماتمنى زياده القرض لان الزياده بتتحول في العقار ومواد البناء ع طول فمن الرحمه خل الموضوع على ماهو عليه

[halcrow]

ماتمنى زياده القرض لان الزياده بتتحول في العقار ومواد البناء ع طول فمن الرحمه خل الموضوع على ماهو عليه. وللاسف الجريده الي صرحت في الموضوع ارفعت اسعار العقار بشكل سلبي*

[العرّاف]

انا اتمنى ايجاد طريقة لدعم المواد الاساسية للبناء بدل زيادة القرض اعتقد هذا بيسهل علينا البنيان لان محد بيستفيد من الزياده الا التجار

[R 7 A L]

زين القسط بيبقى مثل ماهو أو بيزيد ؟

[bo_hamad]

أكيد إذا زادوا القرض رايح المدة تطول بالاضافة الى الارباح والخصم الشهري


الله يوفق الجميع لما فيه الخير

[كراج فورملا1]

نتمنى ذاك ان تكون فيه زياده في القرض

[نورهان88]

ماشاءالله

[شيخ القبيلة]

الله كريم بس السؤال؟؟؟؟؟
اللي خلص القرض الاول والثاني وبيته ماخلص هل من حقه ياخذ الزيادة في القرض ؟؟؟؟
وشكرا

[نجدي قطري]

مب جنهم قالوا الموضوع بيطلع على شهر ستّة؟
حد يذكر لنا المقال؟

[شيخ القبيلة]

مب جنهم قالوا الموضوع بيطلع على شهر ستّة؟
حد يذكر لنا المقال؟

ممكن تفسير لكلامك؟

[نجدي قطري]

ممكن تفسير لكلامك؟

الله يسلمك السنة اللي طافت نزل خبر في الجريدة إن القرض بيزيد على شهر أربعة.
وعلى حطّة يدك هذا هو شهر أربعة ولا صار شي.
وكأنهم شهر ثلاثة مادري اثنين نزّلوا خبر إن الوضع بيتأخر على هقوتي لي شهر ستة.
وهذا احنا ننتظر.
آنا عن نفسي شهر ستّة مناسب لي، لأني باقدم على القرض فيه، ولكن أتمنّى يعطون اخوانا اللي ما خلّصوا البنيان علشان الكل يستفيد.

[شيخ القبيلة]

الله يسلمك السنة اللي طافت نزل خبر في الجريدة إن القرض بيزيد على شهر أربعة.
وعلى حطّة يدك هذا هو شهر أربعة ولا صار شي.
وكأنهم شهر ثلاثة مادري اثنين نزّلوا خبر إن الوضع بيتأخر على هقوتي لي شهر ستة.
وهذا احنا ننتظر.
آنا عن نفسي شهر ستّة مناسب لي، لأني باقدم على القرض فيه، ولكن أتمنّى يعطون اخوانا اللي ما خلّصوا البنيان علشان الكل يستفيد.

الله كريم اخوي ان شاء الله خير :)

[كراج فورملا1]

ياليت لو احد من الاخوان يفيدنا هل فيه زياده او لا علشان الواحد يحدد مصيره في البناء

[سلطان زمانه]

خبر زياذة قرض التنمية ليس في مصلحة المواطن
والمليون ومئتين تكفي لبناء أحسن فيلا إذا الارض متوفرة

[ريان]

خبر زياذة قرض التنمية ليس في مصلحة المواطن
والمليون ومئتين تكفي لبناء أحسن فيلا إذا الارض متوفرة

الظاهر للحين مابنيت

[ولد العرب]

الظاهر للحين مابنيت

لا ابشرك كفاني وفادني وبيض الله وجهك يابومشعل رايتك بيضه
بتسال مساحه بنيان تقريبا 800 متر مع الحجر وجزاك الله خير

[رجل الجزيرة]

وليه ما يكون العكس، قرار قوي تنزل أسعار الأراضي وأسعار مواد البناء.

[Um Yousif]

احنا مانبي زيادات نبي ينزلون من سعر الفوت

[مرتبش]

اعتقد ضرره اكثر من نفعه..

[Al-Enazi]

لا ابشرك كفاني وفادني وبيض الله وجهك يابومشعل رايتك بيضه
بتسال مساحه بنيان تقريبا 800 متر مع الحجر وجزاك الله خير

مساحة بنيان 800 مع حجر خارجي ب مليون وميتين بس :eek5:

[Um Yousif]

مساحة بنيان 800 مع حجر خارجي ب مليون وميتين بس :eek5:

قول ما شاء الله بتهدم البيت على راعيه:secret:

[Al-Enazi]

قول ما شاء الله بتهدم البيت على راعيه:secret:

ماشاء الله......الله يباركله فيه :)

[PGR]

لا ابشرك كفاني وفادني وبيض الله وجهك يابومشعل رايتك بيضه
بتسال مساحه بنيان تقريبا 800 متر مع الحجر وجزاك الله خير

كيف هالمساحه و مليون وميتين كفتك ؟ اذا المتر بس للعظم تقريبا يكون على 1200 مع التمديدات الصحية والكهربه والعوازل نضربها في 800 بتعطيك 960 الف , يعني شطبت البيت اب 240 الف ؟ الا اذا كله من انصار سيتي وصيني ممكن

[ولد العرب]

قول ما شاء الله بتهدم البيت على راعيه:secret:

جزاك الله الف خير لتذكيرك الله يحفظك

[ولد العرب]

ماشاء الله......الله يباركله فيه :)

:anger1:وبعدين معاك لاتنظل خخخخخ
الله يحفظك الفواتير موجوده وفيلا موجوده وحياك ربي حاظرين وقريب بسوي كشف حسابات وبطرحها ان شاء الله :nice:

[ولد العرب]

كيف هالمساحه و مليون وميتين كفتك ؟ اذا المتر بس للعظم تقريبا يكون على 1200 مع التمديدات الصحية والكهربه والعوازل نضربها في 800 بتعطيك 960 الف , يعني شطبت البيت اب 240 الف ؟ الا اذا كله من انصار سيتي وصيني ممكن

هلا ابوي ومرحبا ابشرك الامور طيبه وجاري فيلته اكبر من فيلتي وارخص مني واخواني 4ماشين نفس الدرب وابشرك انصار سيتي مادله ولا اعرفه والبيت كله ياايطالي ولااسباني من مكارم النخبة وجمكو بالدمام على طريق جبييل والامور سهلات وازيدك العوازل من شركة المسند والرخام الدرج كريمل مارفل مع امبرادوراهم شي الله يحفظكم تشطبون بنفسكم وبتفلحون وعلى ذوقكم وانا ماسويت شي من خبرتي بل كله من قسم الديكور والبناء بالقسم الاقتصادي بمنتدانا الغالي وبيض الله وجهيكم لولاكم كان علوم وضياع وخربطه

[Um Yousif]

هلا ابوي ومرحبا ابشرك الامور طيبه وجاري فيلته اكبر من فيلتي وارخص مني واخواني 4ماشين نفس الدرب وابشرك انصار سيتي مادله ولا اعرفه والبيت كله ياايطالي ولااسباني من مكارم النخبة وجمكو بالدمام على طريق جبييل والامور سهلات وازيدك العوازل من شركة المسند والرخام الدرج كريمل مارفل مع امبرادوراهم شي الله يحفظكم تشطبون بنفسكم وبتفلحون وعلى ذوقكم وانا ماسويت شي من خبرتي بل كله من قسم الديكور والبناء بالقسم الاقتصادي بمنتدانا الغالي وبيض الله وجهيكم لولاكم كان علوم وضياع وخربطه

ما شاء الله عليك شكلك باني بمزاج وعندك خبره

لما ابدى ابني بيتي بإذن الله بستشيرك:nice:

بس خل ادبر فلوس الارض بالاول:weeping:

دمت بحفظ الرحمن