تشتغل مع وحده لسانها طويل وما تحشم احد

[سان سيمون]

السؤال موجهة للجنسين تشتغل /ين مع وحدة قليلة ا.. ولسانها طويل وممكن تشرشح في الي ما يعجبها او بينها وبينه موقف طبعا هذه ممكن تكون مديرتك او زميلتك او شخص ممكن تضطر تتعامل معها ,,,, كيف تتقي شرها ؟

على فكرة ما عندها خطوط حمراء ابد :eek5:

[مستجدة]

دافع البلى الله يقطع هالنوعية اللي ماتستحي من الله ولا من خلقه
ولا تعطي الاماكن احترامها سوا من مرة ولا من رجال والله بعض الرجال غطى على الحريم


على فكرة هالنوعية فاهمين قو الشخصية غلط
وفي الغالب هم بينهم وبين انفسهم ضعاف شخصية يعني تقدرون انقولون هالنوعية عندهم
مشاكل نفسية مزمنة

[قطريه ماركه]

سبحااااان الله الواحد يقابل هالنوعيات في العمل ...

لانه الناس ايوون من بيئات مختلفة و كلن و تربيته ...

الحل : احشم نفسي عنها .. و اتجنبها و اكون رسمية جدا معاها ...........

[دبلوماسية]

استغفر الله ....ما استحمل هالنوعية من الناس ...

بااطلب نقل واذا ماصار ....با استقيل

[فارس الكلمة]

شلون لسانها طويل .. و تشرشح إللي ما يعجبها ..؟

أين الأدب و الاخلاق و حسن التعامل في بيئة العمل ..؟ الله يهداها


على فكرة ما عندها خطوط حمراء ابد

هل تعاني من هذه الموظفة .. ممكن أمثلة لو سمحت ..؟

[سان سيمون]

دافع البلى الله يقطع هالنوعية اللي ماتستحي من الله ولا من خلقه
ولا تعطي الاماكن احترامها سوا من مرة ولا من رجال والله بعض الرجال غطى على الحريم

هلا مستجدة مثل ما قلتي بعضهم يفقد اخلاق للمهنة يعني من المفترض اني اشغل وظيفة لها اخلاقياتها وتعاملاتها موب انقل بيئتي لبيئة العمل

ومسألة فيه رجال غطو مهما كان هو رجل غير عن المره الي فالت زمامها فالمرأة معروف عنها الحياء لكن للأسف البعض فقده

[سان سيمون]

سبحااااان الله الواحد يقابل هالنوعيات في العمل ...

لانه الناس ايوون من بيئات مختلفة و كلن و تربيته ...

الحل : احشم نفسي عنها .. و اتجنبها و اكون رسمية جدا معاها ...........

وهو كذلك قطرية ماركة الكل قاعد يتجنبها

[سان سيمون]

انا صراحة للامانه ما تعرضت لي لكن قائمة قاعده لهالعالم تغسل شراعهم من رجال ومن مرة حتى زملائها الي من نفس المرتبة الوظيفيه و المضحك المدير العام والمدراء كل يتحاشاها ولو قلت هالشيء ما يصير وهذا شغل يقولون فلانه كيفكم معها موب مكلمينها في موضوع أهي معترضة عليه

علما ان الادارة من اشد الإدارات من تعسف في حق الموظفين لكن سبحانه كل افه عليها من الله آفة

[سان سيمون]

شلون لسانها طويل .. و تشرشح إللي ما يعجبها ..؟

أين الأدب و الاخلاق و حسن التعامل في بيئة العمل ..؟ الله يهداها



هل تعاني من هذه الموظفة .. ممكن أمثلة لو سمحت ..؟

انا ما فيه تعامل بيني وبينها مباشر لانها مدير إدارة غير عن إدارتي ممكن سلام عليكم عليكم السلام فقط لكن الي تسويه في مدرائنا يكسر الخاطر ما يهمها احنا موجودين ولا لا. شغالة نقد في المدير واحنا بيق سمايل نو كومنت

[إكليل الزهور]

كلام مستجدة صح ، اتلاقين عندها نقطة ضعف هالكبر و تغطي عليها بتصرفاتها ذي.. والله أعلم اتوقع انها جبانة!

و حل قطرية ماركة حلو.. تجنبي المشاكل و خلج هادية لأن اللي مثل هالنوعيات يعرفون زين(ن) ما زين من اللي شخصيته قوية و من اللي مثلهم...

[مستجدة]

مريت في موقف في سوق واقف
كنت انا واختي واقفين عند جهاز atm وكان فيه وحده داخل وجالسنا ننتظر دورنا وجاء بعدنا رجال وزوجته
وصفوا ورانا قبل لاتطلع اللي في جهاز الصارف الالي جات وحده وصفطت قدامي قلت لها بكل احترام لو سمحتي اختي نحن واقفين ننتظر دورنا
تخليوا دشت دورنا ولا جالسه اتحلطم داخل واتقول لا والله نحن واقفين اتردد جملتي انصدمت ومب عاجبها
والرجال اللي جا مع زوجته رد عليها وجلست اتسب وتشتم سبحان الله فيه بشر مدري شلون مايستحقون الحشيمة نحن نقدر نمسح فيها الارض مب خايفين منها لكن خلينها حشمة لانفسنا لا نتماسك قدام العالم ويطيح سترنا دام العالم والسبب وحدة تافهه قلنا لها اللي تسوينه عيب ولاهو من الاخلاق ولا من التربية
ورحنا عنها والرجال تكلم عليها وقال بطلب لك الشرطه ورحنا عنهم ونحن انقول الحمدلله الذي عفنا مما ابتلاها

حالات مرضية وناس ماتحشم نفسها وبالعربي ناس ماتستحي
مب يقلون ( اذا لم تستحي افعل ماتشاء )

[سان سيمون]

كلام مستجدة صح ، اتلاقين عندها نقطة ضعف هالكبر و تغطي عليها بتصرفاتها ذي.. والله أعلم اتوقع انها جبانة!

و حل قطرية ماركة حلو.. تجنبي المشاكل و خلج هادية لأن اللي مثل هالنوعيات يعرفون زين(ن) ما زين من اللي شخصيته قوية و من اللي مثلهم...

مثل ما قلتي انا قائلة لربعي دامها ما أغلطت علي بالاسم ما عندي مشكلة ممكن طول لسانها وتسلطها سبب مشكلة للقسم الي انا فيه بس صراحة بسبب خوف مديرنا وعجز الادارة العليا هم الي كبروا راسها وخلوها ما تحشم حد وانا مالي شغل في عداوتهم ولو تكلفت بشغله معها ما راح تفرق اهم شيء ما تغلط علي ساعتها ما اعرف ايش ممكن اسوي لاني وحدة ما اسكت على الغلط وممكن أوقف في وجهها بس :weeping:ما اقدر اتنبئ بالي ممكن اتسويه فيني يعني بالعربي ممكن تبكيني من القهر و عارفة تاليتها يا استقاله يا شكوى في مجلس الادارة *

[سان سيمون]

[QUOTE=مستجدة;8078176]مريت في موقف في سوق واقف
كنت انا واختي واقفين عند جهاز atm وكان فيه وحده داخل وجالسنا ننتظر دورنا وجاء بعدنا رجال وزوجته
وصفوا ورانا قبل لاتطلع اللي في جهاز الصارف الالي جات وحده وصفطت قدامي قلت لها بكل احترام لو سمحتي اختي نحن واقفين ننتظر دورنا
تخليوا دشت دورنا ولا جالسه اتحلطم داخل واتقول لا والله نحن واقفين اتردد جملتي انصدمت ومب عاجبها
والرجال اللي جا مع زوجته رد عليها وجلست اتسب وتشتم سبحان الله فيه بشر مدري شلون مايستحقون الحشيمة نحن نقدر نمسح فيها الارض مب خايفين منها لكن خلينها حشمة لانفسنا لا نتماسك قدام العالم ويطيح سترنا دام العالم والسبب وحدة تافهه قلنا لها اللي تسوينه عيب ولاهو من الاخلاق ولا من التربية

ورحنا عنها والرجال تكلم عليها وقال بطلب لك الشرطه ورحنا عنهم ونحن انقول الحمدلله الذي عفنا مما ابتلاها

حالات مرضية وناس ماتحشم نفسها وبالعربي ناس ماتستحي
مب يقلون ( اذا لم تستحي افعل ماتشاء )[/


QUOTE]

صراحة في ناس البعد عنهم غنيمة وما تدخل معهم في مهاترات لانه بيكون لها اول ومآلها تالي

[سان سيمون]

استغفر الله ....ما استحمل هالنوعية من الناس ...

بااطلب نقل واذا ماصار ....با استقيل

اتصدقين دبلوماسية هذا صار من بعض موظفاتها اطلبوا نقل ولا بيستقيلون ونقلوهم والمشكلة القسم صلع ما فيه الا هي وسكرتيرتها وشكل الاخيره موب التالي بتلحق ربعها

[إكليل الزهور]

اذا انتي على حق = انتي قوية.. ويبين عليج ان شخصيتج قوية ما شاء الله:victory:

بس انا مستغربة يعني هي تأذي الكل بأسلوبها و محد اشتكى عليها؟

و نصيحة أخيرة استبعدي احتمال انها تغلط عليج، توقعي الأفضل و إن شاء الله مايصير الا الخير، ولاتعطين أي أحد فرصة يمسك عليج زلة

الله يوفقج

[شهر سبعة]

كفففففف على ويهها
قصورها بعد اتطول لسانها

انا جد ماستحمل هالاشكال بس اذا في ناس حوالينا بقولها برويج شغلج بعدين وانا قد كلمتي

[حقيقه]

الصراحه اللي أفكر فيه الحين مب إشلون اتصرف مع هالنوعيه

أنا أفكر اللي من هالنوعيه ويشوف الموضوع اشرايه

[Dawn]

السؤال موجهة للجنسين تشتغل /ين مع وحدة قليلة ا.. ولسانها طويل وممكن تشرشح في الي ما يعجبها او بينها وبينه موقف طبعا هذه ممكن تكون مديرتك او زميلتك او شخص ممكن تضطر تتعامل معها ,,,, كيف تتقي شرها ؟

على فكرة ما عندها خطوط حمراء ابد :eek5:

بصراحه .. انا احب اتعامل مع هالنوع من الناس .. لا راح اتقي شرها ولا شي ... الخوف من الله مهب من الناس يا عزيزتي ،، اذا كان كلامها على منطق صحيح لها مني كل الاحترام وممكن تكون نقطه حوار بيني وبينها على الاسلوب او طريقة عرض الفكره على الناس ،،

اما اذا اسلوبها سيء وتغلط على الناس بدون وجه حق انا ممكن أأدبها بنفس طريقتها وامشي معاها بنفس الاسلوب ... وصارت معاي مره يوم وحده جات لمكتبي تبي تحش في زميلتها .. وسمعتني اسوأ الصفات في هالانسانه رغم ان هي اقرب لها مني ... انا وقفتها عند حدها لاني ما ارضى اني ادخل في حوار فيه غيبه في اي انسان مهما كان ، لو ابي اقول شي في حق اي حد اقوله في وجهه مب من وراه وهالشي تربيت عليه من صغري ... فما عطيتها فرصه .. ولهالسبب اقول اني احب اتعامل مع هالاشكال لاني اعرف اوقفهم عند حدهم ..

بس ليش زميلتج تشرشح اي حد؟ معقوله تشرشح الناس بدون سبب ؟؟

[alma3ani]

مرات اقول اني اعامل الناس مثل مايعاملوني بس اكتشفت اني بفقد شخصيتي واسلوبي

لهشي بعاملهم بالي انا تربيت عليه سوان اغلطو علي ولا لا

واقل شي مثل ما يقول المثل ناس اتحشمهم وناس اتحشم روحك عنهم

[لاجل QT]

اولا هذي جيييييييب ..ثانيا اللى لسانة كذا تاكدو ان شخصية معقدة جدا ..وتبي تلفت انتباة الناس وتسويلها شخصية بهالطريقة المغرفة ..ان مالزمت حدودها..كتاب صغير فيها للادارة المسؤلة عنها

[سان سيمون]

اذا انتي على حق = انتي قوية.. ويبين عليج ان شخصيتج قوية ما شاء الله:victory:

بس انا مستغربة يعني هي تأذي الكل بأسلوبها و محد اشتكى عليها؟

و نصيحة أخيرة استبعدي احتمال انها تغلط عليج، توقعي الأفضل و إن شاء الله مايصير الا الخير، ولاتعطين أي أحد فرصة يمسك عليج زلة

الله يوفقج

حبيبتي الله يعطيك الف عافية
مساكين يتشكون بس اذا الروس لكبار خائفة ايش تتوقعين
مسائلة انها تغلط لا ان شاء الله ان تعاملي مع الكل من زميلاتي ومديرات الإدارات الاخرى فرندلي واذا اطلبت مني مشاركة في برنامج او دورة او شغله ومديري مرشحني ما اقول لا فا علشان كذا موب خائفة وفيه حسنه ثانية ممكن مخليتني على جنب مع بعض زميلاتي أهي اني قطرية عمى عينها الاجنبي ودائما قائمة قاعدة انتوا برى انتوا برى والمساكين غاصين بحسرتهم مع انه للأسف فيها عرق غير. قطري بس شكلها حاقدة على خوالها

[سان سيمون]

كفففففف على ويهها
قصورها بعد اتطول لسانها

انا جد ماستحمل هالاشكال بس اذا في ناس حوالينا بقولها برويج شغلج بعدين وانا قد كلمتي

ههههههههههههه اختي شهر سبعة ما ضنيته اتسوينها لانها ممكن تتنفث وتشمر عن ذرعانها وتتماسكون بالشعور والله كل شيء متوقع

[سان سيمون]

الصراحه اللي أفكر فيه الحين مب إشلون اتصرف مع هالنوعيه

أنا أفكر اللي من هالنوعيه ويشوف الموضوع اشرايه

:discuss: بطلب تدخل الفزعة :telephone:

[سان سيمون]

بصراحه .. انا احب اتعامل مع هالنوع من الناس .. لا راح اتقي شرها ولا شي ... الخوف من الله مهب من الناس يا عزيزتي ،، اذا كان كلامها على منطق صحيح لها مني كل الاحترام وممكن تكون نقطه حوار بيني وبينها على الاسلوب او طريقة عرض الفكره على الناس ،،

اما اذا اسلوبها سيء وتغلط على الناس بدون وجه حق انا ممكن أأدبها بنفس طريقتها وامشي معاها بنفس الاسلوب ... وصارت معاي مره يوم وحده جات لمكتبي تبي تحش في زميلتها .. وسمعتني اسوأ الصفات في هالانسانه رغم ان هي اقرب لها مني ... انا وقفتها عند حدها لاني ما ارضى اني ادخل في حوار فيه غيبه في اي انسان مهما كان ، لو ابي اقول شي في حق اي حد اقوله


في وجهه مب من وراه وهالشي تربيت عليه من صغري ... فما عطيتها


فرصه .. ولهالسبب اقول اني احب اتعامل مع هالاشكال لاني اعرف اوقفهم عند حدهم ..

بس ليش زميلتج تشرشح اي حد؟ معقوله تشرشح الناس بدون سبب ؟؟





اولا أهي الحمد لله موب زميلتي مديرة في إدارة ثانية لكن فيها تعاملات فيما بينا ومسألة التشرشح يختي حتى لو فيه موقف موب بهالطريقة اتصدقين ان رجال بلحاهم يتحاشونها ولما نقول فلان يقولون مالنا شغل بس صراحة تعجبك في حزات تبرد خاطرنا في ناس وفي مواقف ولما نشوف الواحد منهم كانه داخل حرب اذا تحدد موعد اجتماعاتهم وعموما سارت إدارتها أدعوه فيما بينا ياعلج في إدارة فلانه :victory: الكل قولي استغفر الله شفتوا لوين وصلنا

[سان سيمون]

مرات اقول اني اعامل الناس مثل مايعاملوني بس اكتشفت اني بفقد شخصيتي واسلوبي

لهشي بعاملهم بالي انا تربيت عليه سوان اغلطو علي ولا لا

واقل شي مثل ما يقول المثل ناس اتحشمهم وناس اتحشم روحك عنهم

بالفعل فيه ناس تحشمها وفيه ناس اتحشم نفسك منها

شكرًا على مرورك

[سان سيمون]

اولا هذي جيييييييب ..ثانيا اللى لسانة كذا تاكدو ان شخصية معقدة جدا ..وتبي تلفت انتباة الناس وتسويلها شخصية بهالطريقة المغرفة ..ان مالزمت حدودها..كتاب صغير فيها للادارة المسؤلة عنها

حبيبتي هذه فاصلة نهائيا مع انه للامانه شايفة شغلها على اكمل وجه وعلشان ما اظلمها امسكتنا فترة وكانت إنسانه اكتف ومتفاعله بالأخص في امور عملنا لانهادائما ارجنت بس عليها السان والفاظ الواحد يحس نفسه متعري وما تتناسب لا في اجواء عمل ولا حتى بين الواحد ونفسه جد تركيبة غريبة
حبيبتي الادارة تخافها ولانه صراحة العيب من الإدارات الاخرى الي موب راضين يكتبون شكوى رسمية عليها مجرد شكوى شفهية فقط

[الصغيره]

السؤال موجهة للجنسين تشتغل /ين مع وحدة قليلة ا.. ولسانها طويل وممكن تشرشح في الي ما يعجبها او بينها وبينه موقف طبعا هذه ممكن تكون مديرتك او زميلتك او شخص ممكن تضطر تتعامل معها ,,,, كيف تتقي شرها ؟

على فكرة ما عندها خطوط حمراء ابد :eek5:

ذي مهيب مره ابد ابد ولا هي راقيه ولاهي سنعه ولاهي متربيه هذا عمل مش بيتها ولو هي لقت من يوقفها عند حدها كان استعدلت ورجعت الى قواعد النساء خير ياطير جايه تنفس مشاكل البيت بالعمل تحب العافيه او تتادب ولا حد يسكت على هالنوعيه سواء رجل او مراه والكل ياخذ حقه اغلى ما على الانسان كرامته

[بوسلمان 2010]

ان لم تستحي فاصنع ماشت ولحية احشمها ولحية احشم نفسك عنها كل شي وله حدود متى ما احترمت نفسك


انت قصب راح تقلى الكل يحشمك ويحترمك اما سليطة اللسان فاالله يهديها ويصلحها

[ملاك]

مااقدر اقولك بحشم نفسي عنها وبكون رسميه

لان المشكله ما نحلت

يكفي انها معاي طول فترة الدوام

يعني شر لا بد منه

بس للامانه انا ما اتحمل هالنوعيه ولا حتى وجودها معاي

شي طبيعي بتصادم معاها ولا بد اني بتصادم معاها عشان اوقفها عند حدها

[ضوى]

في ناس تحشمها وفي ناس تحشم نفسك عنها ، ماتحمل هالنوعيات من البشر والحمد لله مامريت على هالاشكال واتمنى اني ماامربها في باقي حياتي اعوذ بالله سوء اخلاق وسوء ادب

[الدرررة]

سبحان الله اختي كأنج اتكلمين عني وعن وحدة معاي في المكتب استحملتها 3 سنوات وادافع عنها والتمس لها الاعذار وفي نفس الوقت ماادخل معاها في مشكلة لا السانها يلوط اذانها والكل يعرف هالشي ويوم طلعتني عن طوري واستفزتني بصراخها وقلت أدبها وسبحان الله ضربني وبكا سبقني واشتكى ماخلت مكان ماأشتكت فيه وطلعت عني سوالف في الشغل وفي الاخير راحت اشتكت في الشرطة والمدير ماسوى اي شي ولا اتخذ موقف مع ان في اشهود اشرايج اختي ؟

[catqat]

سبحان الله اختي كأنج اتكلمين عني وعن وحدة معاي في المكتب استحملتها 3 سنوات وادافع عنها والتمس لها الاعذار وفي نفس الوقت ماادخل معاها في مشكلة لا السانها يلوط اذانها والكل يعرف هالشي ويوم طلعتني عن طوري واستفزتني بصراخها وقلت أدبها وسبحان الله ضربني وبكا سبقني واشتكى ماخلت مكان ماأشتكت فيه وطلعت عني سوالف في الشغل وفي الاخير راحت اشتكت في الشرطة والمدير ماسوى اي شي ولا اتخذ موقف مع ان في اشهود اشرايج اختي ؟

اطالب انهم يطبقون نظام تقييم السلوك مع تقييم الاداء،،، يعني بدل مايعطون جيد جدا ،، ينزل لجيد بسبب سلوكه،،

هالتقاييم يتبعونها الشركات الاجنبية ،،، :victory:

[R 7 A L]

الحمدلله المكان الى أنا فيه
مافية ولا أنثى :)

يعني أنا برا الموضوع
بس حبيت أسلم عليكم :tease:

[كازانوفا]

قسما بالله اشتغلت بمكان وكان معاي 2 مش 1
والله وكنت بامس الحاجه للوظيفه وتركت الوظيفه بسبة هالنوع النجس من النسااااء
والحمدلله ربي عوضنى باللى احسن منهم بالمكان وبالناس النظيفه اللى تراعي الله بكل كلمة يتلفظوهاا

[qatar.syria]

يقول أهل الأمثال : يا فرعون من جعلك فرعونا فيجيب لم أجد أحدا يردني .....

هذا بالضبط ما ينطبق تجاه هذه النماذج ... لو وجدت من يقف لها بالمرصاد ... ولا اقول من اللازم ان يكون سليط اللسان او طويل اليد .... ولكن من الممكن ان يرد عليها المرء باساليب اخرى .

[بيانو]

بعض الناس فاهمين الإدارة غلط للأسف


وفي مثل هذه الحاله أو غيرها ماعليك سوا أن تكمل عملك على أكمل وجه بقدر المستطاع والله يعينك

مع العلم بأن هناك مدراء قمه فى الاخلاق والتواضع وهذه النوعيه الثانيه تخليك حاسس أن المكان مكانك وتخاف عليه ... وهذا هو الصح والمفروض يكون لدى الجميع

[بازار]

اقتبس كلام الشيخ / حمد بن جاسم بن جبر

" تربيتي ما تسمح لي ارد "

[بوخالد2]

اقرب دباسه على المكتب اطرشها له

واروح البيت ارقد

[وتبقى الدنيا حلوه]

اذا ماعندها خطوط حمرااا بتكون اسعد ايام حياتي لانه بيجيها كتاب انهاء خدمات اذا فكرت تتعرض لي

[وتبقى الدنيا حلوه]

سبحان الله اختي كأنج اتكلمين عني وعن وحدة معاي في المكتب استحملتها 3 سنوات وادافع عنها والتمس لها الاعذار وفي نفس الوقت ماادخل معاها في مشكلة لا السانها يلوط اذانها والكل يعرف هالشي ويوم طلعتني عن طوري واستفزتني بصراخها وقلت أدبها وسبحان الله ضربني وبكا سبقني واشتكى ماخلت مكان ماأشتكت فيه وطلعت عني سوالف في الشغل وفي الاخير راحت اشتكت في الشرطة والمدير ماسوى اي شي ولا اتخذ موقف مع ان في اشهود اشرايج اختي ؟

بل حسبي الله عليها

شو سويتي وياها

لو انا منج اخليها تتحسف عاليوم اللي اشتغلت فيه لان كل شي ضدها

[OM_OMAR_QATAR]

اوف الله يعين اسألوني بس !!

[بوعلي2]

لسان الرجل اطول
والتجربه خير برهان

[نشميه]

أختي قابلت أكثر من وحده في مجال عمري على شاكلتها وبنفس طريقتها وللأسف لما تسكتين بضيع حقك ولما تجاريها ممكن تقعي بالغلط وينقلب الموضوع ضدك، تحاشيها وابعدي عنها وانسي أمرها تماما اعتبريها غير موجوده ولكن خلي رئيسك وادارتك على علم بسلوكياتها لأنها بعد فتره من تجاهلك لها سوف تكيد لك وستحاول أن تتحرش فيكي فأنت خلي المسؤول على علم بذلك بعض المسؤولين لديهم حكمه ويعرفون يتصرفون وممكن يتخذ فيها اجراء دون أن يذكر اسمك أو شكواكي. والبعض للأسف يخاف ويقولك ماقدر أسوي لها شي !

[روح الاطلس]

هذي اصلا ماصارت مديرة الا من لسانها الطويل :)

بعض الحريم اذا مسكت سلطة ادارة او رئاسة قسم بدت تفرد عضلاتها وتستعرض مصدقه روحها بيغ بوس :) ولاحظي انتقادها بيكون دائماً تقليل من عمل الادارات الاخرى عشان تحاول تبرز نفسها اكثر .. لكن صدقيني محد يحترمها ولو جاها واحد سليط لسان بتتأدب وتسكت هالنوعية ترا تستقوي على الضعاف الصامتين اللي يتحاشونها لكن لو جاها واحد يرد عليها الكلمة بعشر بتصير نمله هالكبيرونه :)

[كلنا قطر 1981]

المعامله بالمثل

و الي ما عنده خطوط حمراء انا ما عندي وياه اي خطوط حتى و ان كان مديري

الرزق بيد رب العالمين و لا انا خايف عليه

الحمدلله محد بيموت من الجوع على ارض بو مشعل

[سان سيمون]

ذي مهيب مره ابد ابد ولا هي راقيه ولاهي سنعه ولاهي متربيه هذا عمل مش بيتها ولو هي لقت من يوقفها عند حدها كان استعدلت ورجعت الى قواعد النساء خير ياطير جايه تنفس مشاكل البيت بالعمل تحب العافيه او تتادب ولا حد يسكت على هالنوعيه سواء رجل او مراه والكل ياخذ حقه اغلى ما على الانسان كرامته

الكل :secret:

[سان سيمون]

ان لم تستحي فاصنع ماشت ولحية احشمها ولحية احشم نفسك عنها كل شي وله حدود متى ما احترمت نفسك


انت قصب راح تقلى الكل يحشمك ويحترمك اما سليطة اللسان فاالله يهديها ويصلحها
:nice:

[سان سيمون]

سبحان الله اختي كأنج اتكلمين عني وعن وحدة معاي في المكتب استحملتها 3 سنوات وادافع عنها والتمس لها الاعذار وفي نفس الوقت ماادخل معاها في مشكلة لا السانها يلوط اذانها والكل يعرف هالشي ويوم طلعتني عن طوري واستفزتني بصراخها وقلت أدبها وسبحان الله ضربني وبكا سبقني واشتكى ماخلت مكان ماأشتكت فيه وطلعت عني سوالف في الشغل وفي الاخير راحت اشتكت في الشرطة والمدير ماسوى اي شي ولا اتخذ موقف مع ان في اشهود اشرايج اختي ؟

سبحان الله في ناس مالهم حدود احس انه من الطبيعي الاختلاف في وجهات النظر وممكن انا ا احب طبع فلانه وهي بعد ممكن تشوفني معقده لكن توصل الامور للشرطة هذه والله المصيبة بس شوفي ممكن تكون زميلة بس لما تكون مديرة ومن اصحاب الشهادات العليا مصيبة

[سان سيمون]

الحمدلله المكان الى أنا فيه
مافية ولا أنثى :)

يعني أنا برا الموضوع
بس حبيت أسلم عليكم :tease:

شكرًا على المرور والله يسلمك و ماتصادف هالنوع من الحريم في حياتك ابد

[سان سيمون]

اقرب دباسه على المكتب اطرشها له

واروح البيت ارقد

والله يرجع عليك المكتب بالي فيه ليش انت موب عارف مع من تتعامل :
anger1: شكرًا على المرور

[سان سيمون]

قسما بالله اشتغلت بمكان وكان معاي 2 مش 1
والله وكنت بامس الحاجه للوظيفه وتركت الوظيفه بسبة هالنوع النجس من النسااااء
والحمدلله ربي عوضنى باللى احسن منهم بالمكان وبالناس النظيفه اللى تراعي الله بكل كلمة يتلفظوهاا

رحمة رب العالمين واسعه وما يتسكر باب الا يفتح لعبده باب ثاني الله يهنئج في وظيفتج *

[سان سيمون]

يقول أهل الأمثال : يا فرعون من جعلك فرعونا فيجيب لم أجد أحدا يردني .....

هذا بالضبط ما ينطبق تجاه هذه النماذج ... لو وجدت من يقف لها بالمرصاد ... ولا اقول من اللازم ان يكون سليط اللسان او طويل اليد .... ولكن من الممكن ان يرد عليها المرء باساليب اخرى .

تسلم وبالفعل فيه طرق اخرى لكن للأسف لما الواحد يتشكى بطريقة رسميه اسهل حل ينقل والهانم مكانها طيب وبعدين لمتى والناس ينقلون وهي لزقة عنزروت ما تتزحزح ابد

[سان سيمون]

بعض الناس فاهمين الإدارة غلط للأسف


وفي مثل هذه الحاله أو غيرها ماعليك سوا أن تكمل عملك على أكمل وجه بقدر المستطاع والله يعينك

مع العلم بأن هناك مدراء قمه فى الاخلاق والتواضع وهذه النوعيه الثانيه تخليك حاسس أن المكان مكانك وتخاف عليه ... وهذا هو الصح والمفروض يكون لدى الجميع

تسلم اخوي بالفعل فيه الي فاهم الادارة انها تشريف وليست تكليف ومثل ما هذولي موجودين في القياديين الي يخلقون جو من الانتماء وروح التعاون وهذا يخلي الواحد ممكن يستمر في العمل حتى لو حصل عروض افضل سواء من ناحية العمل او الوظيفة اخرى

[سان سيمون]

اذا ماعندها خطوط حمرااا بتكون اسعد ايام حياتي لانه بيجيها كتاب انهاء خدمات اذا فكرت تتعرض لي

من الي بيعطيها كتاب انهاء الخدمة ما اعتقد يكون الا برغبتها

تسلمين وتبقى الدنيا حلوه على المرور

[بوعلي2]

سان سيمون مثل ماهي راعية لسان ولسانها شطول ترى احنا بعد لنا السان ويد والله ماسكت
وماعتقد في ريال يتجرا يسوي جذي حق ريال والله ثاني يوم يصلون عليه
الريايل نشبه وان طفح الكيل كل شي يسونه


اما انتوا البنات الله اعلم ماعرف شنو ردت فعلكم

[سان سيمون]

هذي اصلا ماصارت مديرة الا من لسانها الطويل :)

بعض الحريم اذا مسكت سلطة ادارة او رئاسة قسم بدت تفرد عضلاتها وتستعرض مصدقه روحها بيغ بوس :) ولاحظي انتقادها بيكون دائماً تقليل من عمل الادارات الاخرى عشان تحاول تبرز نفسها اكثر .. لكن صدقيني محد يحترمها ولو جاها واحد سليط لسان بتتأدب وتسكت هالنوعية ترا تستقوي على الضعاف الصامتين اللي يتحاشونها لكن لو جاها واحد يرد عليها الكلمة بعشر بتصير نمله هالكبيرونه :)



أتعرفين روح الاطلس فعلا فسرتي سلوكها الي باللون الامر حبيبتي الكل لما نقول لهم موضوع في العمل وممكن يمر عليها لا لا تقولون ويضربهم عقر بقر قسم بالله ردات فعل تضحك بس الشرهه موب عليها على المدير العام ومدراء الإدارات الاخرى المفروض يكون لهم الإجراء القانوني بس الكل عندها :(

[سان سيمون]

سان سيمون مثل ماهي راعية لسان ولسانها شطول ترى احنا بعد لنا السان ويد والله ماسكت
وماعتقد في ريال يتجرا يسوي جذي حق ريال والله ثاني يوم يصلون عليه
الريايل نشبه وان طفح الكيل كل شي يسونه


اما انتوا البنات الله اعلم ماعرف شنو ردت فعلكم

بالذمة بو علي 2 مديرتك شوف قلت مسؤولتك او انت مدير إدارة وطويلة اللسان مديرة إدارة اخرى وقائمة قاعده تكسر فيك سواء كان قدام المدراء او حتى الموظفين ( بيني وبينك هذا الي حاصل عندنا مديرنا رجال على قد ما هو فاقع مرارتنا الا انه حاليا كأسر خاطرنا ) من كثر ما هي مرعبته شنو بتسوي

اما احنا بالبنات برد عليك بردات الفعل في تعليق ثاني حياك

[سان سيمون]

المعامله بالمثل

و الي ما عنده خطوط حمراء انا ما عندي وياه اي خطوط حتى و ان كان مديري

الرزق بيد رب العالمين و لا انا خايف عليه

الحمدلله محد بيموت من الجوع على ارض بو مشعل

تسلم على المرور وبالفعل الكرامة فوق كل شيء بس الي يقهر موب مرة ما قامت ولا قعدت تحلل وتحرم في خلق الله

[سان سيمون]

اوف الله يعين اسألوني بس !!

ههههههههه شكلج مجربة وشاربه من نفس الكأس تسلمين على المرور

[سان سيمون]

أختي قابلت أكثر من وحده في مجال عمري على شاكلتها وبنفس طريقتها وللأسف لما تسكتين بضيع حقك ولما تجاريها ممكن تقعي بالغلط وينقلب الموضوع ضدك، تحاشيها وابعدي عنها وانسي أمرها تماما اعتبريها غير موجوده ولكن خلي رئيسك وادارتك على علم بسلوكياتها لأنها بعد فتره من تجاهلك لها سوف تكيد لك وستحاول أن تتحرش فيكي فأنت خلي المسؤول على علم بذلك بعض المسؤولين لديهم حكمه ويعرفون يتصرفون وممكن يتخذ فيها اجراء دون أن يذكر اسمك أو شكواكي. والبعض للأسف يخاف ويقولك ماقدر أسوي لها شي !

حبيبتي انا الحمد لله ما فيه احتكاك بيني وبينها بشكل مباشر الا اذا تكلفت بعمل مهمة ما لكن انا ما تفرق معي دامها ما داست على طرفي مع انها نقيضي في كل شيء من والى يعني بالعربي قريني وقرينها ما يجتمعون ابد
بس انا سار لي موقف مع مديرة إدارة ثانية موب بعيد عنها في كل شيء بس فيها نقطة تخاف يعني افتني عليها حاججيها بتنطم وتسكت والموقف اني قمت بمهمتي لكن الهانم من كثر ما هي حاقده على إدارتنا سوت حركة على مين يابابا رجعت من للمهمه ايميل تو لمديري ولها وسيسي للمدير العام وقلت لمدير قدام جميع الموظفين فلانه اسمي واسمها ما يتجمعون في مهمه لاني برفضها فلا تحرج نفسك وتحرجني وبالفعل خلاص هذيك اتشوفني وتعمى حتى السلام ما تسلم والله الغني عن سلامها اهم شيء ما تجي وحده وتركب فوق راسي عقدهم في بيوتهم موب عندنا

بس المصيبة هذه المدير أقولها بالفم المليان ما تخاف ابد يعني ما ندري اي تصنيف اصنفها

[فلتة زمانها]

كانت عندنا وحده من هالنوعيه الله يسامحها مره طاحت فيني طيح في ارمضان بسبة غلطة بسيطه ما تنذكر استخفت وقامت تصارخ علي بنت اللذينه ماعطتني مجال اتكلم والا ارقع صيحتني بس انتقمت منها وبردت خاطري دخلت المكتب وشققت اوراق مهمه وقطيتهم بعيد واشوفها تتحرقص وينها الأوراق كانت اهنيه وينهم وينهم وانا جنه السالفه مب لي الله يسامحني

[سان سيمون]

كانت عندنا وحده من هالنوعيه الله يسامحها مره طاحت فيني طيح في ارمضان بسبة غلطة بسيطه ما تنذكر استخفت وقامت تصارخ علي بنت اللذينه ماعطتني مجال اتكلم والا ارقع صيحتني بس انتقمت منها وبردت خاطري دخلت المكتب وشققت اوراق مهمه وقطيتهم بعيد واشوفها تتحرقص وينها الأوراق كانت اهنيه وينهم وينهم وانا جنه السالفه مب لي الله يسامحني

خخخخخخخخخ فلته زمانها والله انج قويه انا لو مشققة الاوراق من وراها ان تضربني ام الركب من النفضه

[qatara]

حلاتها يحطون شنطتها على راسها ويقبضونها الباب
ويقولون لها روحي تربي اول شي
وربي عيالج امحق تربيه لمثل هولاء
والزمي بيتج استر لج
الله يعين زوجها وعيالها اذا هل الاشكال امهات

[ahmedhafez]

عليك بالدعاء أن تقع تحت يدها

قيل لأعرابي: صف لنا شر النساء
المحياض.. الممراض..
لسانها.. كأنه حربة..
تبكي من غير سبب.. وتضحك من غير عجب..
كلامها وعيد.. صوتها شديد..
وإن ضحك بكت.. وإن بكى ضحكت..

الى اخر الوصف و ربك يستر

[فلتة زمانها]

تبكي من غير سبب.. وتضحك من غير عجب..
كلامها وعيد.. صوتها شديد..
وإن ضحك بكت.. وإن بكى ضحكت..

شنو تبكي من غير سبب وتضحك عسى ماشر مينونه

[سان سيمون]

حلاتها يحطون شنطتها على راسها ويقبضونها الباب
ويقولون لها روحي تربي اول شي
وربي عيالج امحق تربيه لمثل هولاء
والزمي بيتج استر لج
الله يعين زوجها وعاليها اذا هل الاشكال امهات

الاقرب كلنا أوت وهي دور في الأقسام والطوابق ما معها أحد أتخيل هذا نهاية المسلسل اليومي الي نشوفه بس تعرف فعلا فكاهي لما تشوف الكل يخاف منها ويتهرب من مقابلتها بس في سؤال عندي أهي حاسه ولا موب حاسه موقف الي حوالينها

[سان سيمون]

عليك بالدعاء أن تقع تحت يدها

قيل لأعرابي: صف لنا شر النساء
المحياض.. الممراض..
لسانها.. كأنه حربة..
تبكي من غير سبب.. وتضحك من غير عجب..
كلامها وعيد.. صوتها شديد..
وإن ضحك بكت.. وإن بكى ضحكت..

الى اخر الوصف و ربك يستر



بليز ممكن نتعبك شوي وتشرح لنا الأبيات ( فضلا وليس امر ) تسلم عجبني ان ضحكت بكت وان بكت ضحكت لاني بعض الاحيان لما ابكي اضحك على نفسي يعني انا من اشر الحريم :weeping:

[qatara]

الاقرب كلنا أوت وهي دور في الأقسام والطوابق ما معها أحد أتخيل هذا نهاية المسلسل اليومي الي نشوفه بس تعرف فعلا فكاهي لما تشوف الكل يخاف منها ويتهرب من مقابلتها بس في سؤال عندي أهي حاسه ولا موب حاسه موقف الي حوالينها

يا اختي يحسون ويعرفون
لاكن الحيا نقطه

ثقي لو حطو شنطتها على ضهرها وقالو لها اوت
ومنعت من العمل في اي اداره ثانيه حتى لو اتت بواسطات
بعد ذالك
شوفي اشكالها يحترمون نفسهم ولا لا
لاكن
من امن العقوبه اساء الادب

[ahmedhafez]

تبكي من غير سبب.. وتضحك من غير عجب..
كلامها وعيد.. صوتها شديد..
وإن ضحك بكت.. وإن بكى ضحكت..

شنو تبكي من غير سبب وتضحك عسى ماشر مينونه

الله أعلم لكن إمراءة بهذة الصفات أكيد مينونة مثلما قلتي:rolleyes:

[ahmedhafez]

بليز ممكن نتعبك شوي وتشرح لنا الأبيات ( فضلا وليس امر ) تسلم عجبني ان ضحكت بكت وان بكت ضحكت لاني بعض الاحيان لما ابكي اضحك على نفسي يعني انا من اشر الحريم :weeping:

البيت الاخير اختاه لا يقصد به أنها تضحك وتبكي بنفس الوقت لكن يقصد به الشريك المخالف
بمعنى أن الشخص الذي تتعامل معه أن هو ضحك بكت هي وان بكي ضخكت هي
والله يبعدنا أنه لشر النساء
أما إن أرتي كامل الوصف فهذا هو :-
والعياذ بالله

قيل لأعرابي: صف لنا شر النساء

فقال: شرهن النحيفة الجسم.. القليلة اللحم..
المحياض.. الممراض..
لسانها.. كأنه حربة..
تبكي من غير سبب.. وتضحك من غير عجب..
عرقوها حديد.. منتفخة الوريد..
كلامها وعيد.. صوتها شديد..
تدفن الحسنات.. وتفشي السيئات..
تعين الزمان على زوجها.. ولا تعين زوجها على الزمان..
إن دخل خرجت.. وإن خرج دخلت..
وإن ضحك بكت.. وإن بكى ضحكت..
تبكي وهي ظالمة.. وتشهد وهي غائبة..
قد دلى لسانها بالزور.. وسال دمعها بالفجور..
ابتلاها الله بالويل والثبور.. وعظائم الأمور..
هذه هي شر النساء..

[سان سيمون]

البيت الاخير اختاه لا يقصد به أنها تضحك وتبكي بنفس الوقت لكن يقصد به الشريك المخالف
بمعنى أن الشخص الذي تتعامل معه أن هو ضحك بكت هي وان بكي ضخكت هي
والله يبعدنا أنه لشر النساء
أما إن أرتي كامل الوصف فهذا هو :-
والعياذ بالله

قيل لأعرابي: صف لنا شر النساء

فقال: شرهن النحيفة الجسم.. القليلة اللحم..
المحياض.. الممراض..
لسانها.. كأنه حربة..
تبكي من غير سبب.. وتضحك من غير عجب..
عرقوها حديد.. منتفخة الوريد..
كلامها وعيد.. صوتها شديد..
تدفن الحسنات.. وتفشي السيئات..
تعين الزمان على زوجها.. ولا تعين زوجها على الزمان..
إن دخل خرجت.. وإن خرج دخلت..
وإن ضحك بكت.. وإن بكى ضحكت..
تبكي وهي ظالمة.. وتشهد وهي غائبة..



قد دلى لسانها بالزور.. وسال دمعها بالفجور..
ابتلاها الله بالويل والثبور.. وعظائم الأمور..
هذه هي شر النساء..




تسلم على الشرح الوافي وانا كنت فاهمه غلط بس فعلا الأعرابي جابها بطريقة بليغة

الحمد لله طلعت براءه توقعت تضحك وتبكي في نفس الوقت بس والله لئيمه تضحك وزوجها يبكي لو انا مكانها احس بصير فيضان

[ريم 28]

اختي حتى احنا عندنا وحده صوتها عالي وتتهاوش وتتجادل مع الرجال واحنا النات ما سلمنا ولا نعرف الاسباب

كل اللي اعمله اني اتجنبه ومهما نقلت لي من مواضيع لا اعطي لها بال واقول الله يهدي الجميع فتسكت عني لانها لم تجد ما ترديه وهو الاهتمام بها او الكلام عنها او عن ما تفعله

ممكن يريدون لفت انتباه او لديهم مشاكل نفسيه

الله تعالى اعلم واجل عن هذه الفئه واسال الله ان يهدي الجميع ويريح الجميع في بيته ومجال عمله

[ريماس الغلا]

مع انتشار البويات كل شي صار عادي

[سان سيمون]

اختي حتى احنا عندنا وحده صوتها عالي وتتهاوش وتتجادل مع الرجال واحنا النات ما سلمنا ولا نعرف الاسباب

كل اللي اعمله اني اتجنبه ومهما نقلت لي من مواضيع لا اعطي لها بال واقول الله يهدي الجميع فتسكت عني لانها لم تجد ما ترديه وهو الاهتمام بها او الكلام عنها او عن ما تفعله

ممكن يريدون لفت انتباه او لديهم مشاكل نفسيه

الله تعالى اعلم واجل عن هذه الفئه واسال الله ان يهدي الجميع ويريح الجميع في بيته ومجال عمله



شكرًا على المرور وانا مع تحليلك لا بد من ان هذه النوعية تعاني من مشكلات نفسية

[سان سيمون]

مع انتشار البويات كل شي صار عادي

للأسف ريماس الغلا مش بوية لو شفتيها وهي تتكلم ومروقة تخسي هيفاء وهبي عندها من كثر الدلع و الرقة بس ممكن في ثانية تقلب فيفي عبدو وهي بدور معلمه قهوة

[آنــه]

صباح الخيرات على الجميع

شهالموضوع اللي يقلب المواجع

معاناتنا كموظفين دارجة بكل الأحوال و نشاهد العديد من هالشاكلات يوميا
عندنا رئيس قسم ينادي موظفيه ب يا كلب ويا حمار الله يعزكم .. الله يصلحه
مب مديري لكن اسمعه يصارخ عليهم بهالكلمات و اتنرفز واتمنى اسجله وهو يشتم
وعندنا رئيس قسم يستظرف كل يوم يطلع اسم على موظف وينادي بالاسم بدل اسمهؤ
وهذا مديري ههههه و اشتكيت عليه عند مدير الادارة ما سوى شي
اول ما سنحت لي الفرصة أقابل المسؤول الاعلى اشتكيت عليهم بحضورهم
والحمد لله ان المدير اللي اكبر منهم وقفهم عند حدهم

وعندنا ثنتين اللهم لك الحمد والشكر ربي يصلحهم كله يصرخون ويقللون من مفهومية الناس واهم في صوب والفهم في صوب الميزة الوحيدة فيهم يقربون لهم وزراء ولا احد يقدر يقول لهم شي بس أشوف هاليومين في إجراءات تتخذ ضدهم

انا عني احب المواجهه احب أتعامل مع النفسيات فيها ترى متعه ودروس
أنكم تحمدون ربكم ع نعمة العقل

[بوخالد2]

والله يرجع عليك المكتب بالي فيه ليش انت موب عارف مع من تتعامل :
Anger1: شكرًا على المرور
ههههههههههههههه خل يجرب حظه

بقولج في ناس نفس النوعيه اللى اتقولين عنها ولكن للاسف يتمادون بالكلام و السبب ان الشخص اللى قدامهم ضعيف و مايقدر يرد عليهم ولكن صدقيني المعامله بالمثل يمكن تكسرين عينها بالمقابل لاتتركين الشخص هذا يتمادا الحقران يقطع المصران

وثاني شي لو هي كذي نفس ماتقولين اخلاقها على تربيتها على البيت اللى رابيه فيه

والله يعينج عليها

[سان سيمون]

صباح الخيرات على الجميع

شهالموضوع اللي يقلب المواجع

معاناتنا كموظفين دارجة بكل الأحوال و نشاهد العديد من هالشاكلات يوميا
عندنا رئيس قسم ينادي موظفيه ب يا كلب ويا حمار الله يعزكم .. الله يصلحه
مب مديري لكن اسمعه يصارخ عليهم بهالكلمات و اتنرفز واتمنى اسجله وهو يشتم
وعندنا رئيس قسم يستظرف كل يوم يطلع اسم على موظف وينادي بالاسم بدل اسمهؤ
وهذا مديري ههههه و اشتكيت عليه عند مدير الادارة ما سوى شي
اول ما سنحت لي الفرصة أقابل المسؤول الاعلى اشتكيت عليهم بحضورهم
والحمد لله ان المدير اللي اكبر منهم وقفهم عند حدهم


وعندنا ثنتين اللهم لك الحمد والشكر ربي يصلحهم كله يصرخون ويقللون من مفهومية الناس واهم في صوب والفهم في صوب الميزة الوحيدة فيهم يقربون لهم وزراء ولا احد يقدر يقول لهم شي بس أشوف هاليومين في إجراءات تتخذ ضدهم

انا عني احب المواجهه احب أتعامل مع النفسيات فيها ترى متعه ودروس




أنكم تحمدون ربكم ع نعمة العقل

تسلمين على المرور صراحة صدق الي قال لا شفت مصيبة غيرك هانت عليك مصيبتك وهذا ينطبق علي وعليج احنا كلهم 2 طبعا حريم للأسف لكن انت رجال ونساء احمدك يارب واشكر فضلك







ههههههههههههههه خل يجرب حظه
بقولج في ناس نفس النوعيه اللى اتقولين عنها ولكن للاسف يتمادون بالكلام و السبب ان الشخص اللى قدامهم ضعيف و مايقدر يرد عليهم ولكن صدقيني المعامله بالمثل يمكن تكسرين عينها بالمقابل لاتتركين الشخص هذا يتمادا الحقران يقطع المصران

وثاني شي لو هي كذي نفس ماتقولين اخلاقها على تربيتها على البيت اللى رابيه فيه

والله يعينج عليها

تسلم بوخالد على مرورك بس ابشرك انا ما لي احتكاك مباشر فيهم المساكين موظفينهم وانا ما ابري نفسي لساني ممكن يطول بالرد طبعا مستحيل اني انزل من قدري ولا قدر الي قدامي لكن اعرف اسكتها و أوقفها عند حدها وبالطرق الرسمية بس المصيبة العبرة والدمعة الي لا بد منها اذا اشتكيت خاطري اتغلب على هالطبع الخايس بالذات لما اكون مقهورة